Juan 7:43 - Biblia Pume

⁴³ Ado pio ju̧i̧iä tjarari̧ ma̧ȩ jo̧rȩtaji̧ri̧mi̧ dari̧ jo̧rȩtaji̧ri̧pea̧dirȩ pumȩ judiro̧ Jechu pio ju̧i̧ chjiari.

Juan 7:43 Iomraidhean Croise

Mateo 10:35

Jabechji̧ pumȩ judiro̧ orë pio coa quȩna̧ oaiä, jibëa̧ pumȩ pio ji̧ri̧ a̧dë tjaoëpe baga̧ oaiä, jabechji̧ yo̧a̧ri̧ bubape bagami̧ dari̧ cjiadiäpea̧ oa birë ma̧na̧requede. Ado pio ju̧i̧iä dëdë, joja pio judi jȩa nö̧ri̧mȩ pio judimi̧ dari̧ jo̧rȩtadëpade. Ado jojabi pio jini̧ jȩa arayi̧ pio jini̧mi̧ dari̧ jo̧rȩtadëpanȩ. Ado joja oa ëbayi̧ pio jini̧ jibëa̧ cjö̧na̧ pio jini̧mi̧ dari̧ jo̧rȩtadëpanȩ peaja̧di. Jabechji̧ dëbëpe chjaomi̧ dari̧ cjo̧ro̧padirȩ. Ja̧di ma ja̧di ma cjo̧ro̧padirȩ pio coaiä.

Lucas 12:51

Danȩrȩ ca̧ jadü, oëra̧ jo̧rȩtadëchi̧vä pio coa chjiari —yo̧a̧dejȩrȩ—. Jabechji̧ pumȩ judiro̧ ütëbodärärë ji̧dë ma goaeri̧ ëba cjo̧ro̧rea̧ dapea̧ oa birë ma̧na̧dërëremȩrequede. Tjamo̧ davä. Pumȩ judiro̧ cja̧rȩmȩ bubami̧ dari̧ ji̧dë ma cjo̧ro̧pea̧ oa, jibëa̧ dëbëti̧ra̧ chia dëbëpe chjaorea̧ decjiari̧ ëba cjo̧ro̧pea̧ oa, birë ma̧na̧dërëremȩquede jabo jabechji̧, pumȩ judiro̧ yo̧a̧ri̧ bubami̧ dari̧ cjo̧ro̧pea̧ oa birë ma̧na̧requede, judiro̧ jibëa̧ dëbëti̧ra̧ chia dëbëpe chjaomi̧ dari̧ ëba cjo̧ro̧pea̧ oa.

Juan 10:19

Jabo Jechu judi ja̧di ta̧rëri̧ yo̧a̧ oaiä yo̧a̧ri̧ bubami̧ dari̧ jo̧rȩtarëreji̧ri̧dirȩ judio judiro̧.

Juan 7:12

Ado noi̧dërë goadi ni̧bä chjaorëreji̧ri̧dirȩ Jechu pio ju̧i̧ chjiari. “Aja̧, pumȩ chjadëde” yo̧a̧dirȩ o judiro̧. Ado o judiro̧: “Cjäri̧ made, pumȩ ji̧ri̧ u̧i̧pe u̧i̧pe ni̧bämȩde. Pumȩ chjadëdëde” yo̧dirȩ.

Juan 9:16

Ado pjaricheo judiro̧ orë yo̧a̧dirȩ: —Jabo cjäri̧ made —yo̧a̧dirȩ—. Ja̧di dari̧ japea̧mȩ üi̧ üdë Ütë tjamo̧ pio judiri ma̧na̧dëa̧de. Jabechji̧ pio judiri ma̧na̧rä judi, järätä chjaparea̧ doro ja̧di dari̧ chjaparȩdëa̧täremȩdejȩ, jabo chjadëri̧ cjo̧ro̧a̧täremȩde tüdüa̧mi̧ darä —yo̧a̧dirȩ. Jabo o judiro̧ yo̧a̧dirȩ: —Jabo danȩrȩ, chjaparȩa̧mȩ judi pumȩ chjai̧dërä judi, Ütë tjamo̧ ja̧ jauëchjara̧ ja̧di dari̧ na̧rȩrea̧ dadëa̧täremȩde —yo̧a̧dirȩ. Ado pio ju̧i̧iä yo̧a̧ri̧ bubami̧ dari̧ cjiadiäa̧dirȩ Jechu pio ju̧i̧ chjiari, cja̧rȩmȩ coëma cjiari̧ jo̧rȩtadëji̧ri̧rȩ.

Japarea̧ 14:4

Jabo Iconio quȩmȩ bë ma̧ri̧räpȩ cjo̧ro̧ji̧ri̧ judiro̧ yo̧a̧ri̧ jo̧rȩtarea̧ chiaji̧ri̧rȩ cjo̧ro̧rëreji̧ri̧dirȩ. Chji̧ chjara chia jo̧rȩtarëreji̧ri̧dirȩ. O judiro̧ ta̧rë ja̧borëreji̧ri̧diro̧jo̧ȩ Pablo ju̧i̧, Bernabe pio ju̧i̧bo. Jabo o judiro̧, cjäri̧ madirȩ, quëna̧dëji̧ri̧ judio pio ji̧ri̧mo̧i̧ ta̧rë ja̧borëreji̧ri̧diro̧jȩrȩ.