Juan 7:32 - Biblia Pume

³² Ado pjaricheo judiro̧ pumȩ buba oa ta̧rëa̧ oaiä, Jechu pio ju̧i̧ chjiari goadi ni̧bäji̧ri̧ oa ta̧rëa̧ oaiä, jabechji̧ chjadürëreji̧ri̧diro̧jȩrȩ guadia ji̧ri̧ Jechu pio ju̧i̧ mitëpea̧ oa. Aja̧, pjaricheo judiro̧, ado tjamo̧ goë tuti ja̧bepaji̧ri̧ pio judiro̧ chjadüa̧diro̧jȩrȩ Ütë ja̧ bë oa jidaji̧ri̧ guadia pio ji̧ri̧ Jechu pio ju̧i̧ mitëpea̧ oa.

Juan 7:32 Iomraidhean Croise

Mateo 12:14

Jabo Jechu judi ja̧di dari̧ japea̧ oaiä, pjaricheo pio judiro̧ järi tjamo̧pe bagarëreji̧ri̧dirȩ pio ju̧i̧ ja̧bo tänȩpea̧ ji̧.

Mateo 23:13

Ado Jechu judi ji̧dë u̧i̧ ni̧bämȩrȩ uapai̧ dari̧ aechide yo̧mȩrȩ yo̧rëremȩdejȩrȩ pjaricheo pio ji̧ri̧iäpȩmo̧, Moicherë go̧ȩparërea̧ ma̧ȩ oa a̧ra̧ano̧ji̧ri̧ pio ji̧ri̧iäpȩmo̧bo. Ja̧di ta̧rëri̧ yo̧mȩrȩ yo̧a̧dejȩrȩ: ⁠—⁠Danȩrȩ, Ütë tjamo̧ pio judi tänȩa̧ oa, a̧dë chjäte uapai̧ darea̧ üdë acji cjatäpadidibe pjaricheo pio ji̧ri̧iäpȩmo̧, Moicherë go̧ȩparërea̧ ma̧ȩ oa a̧ra̧ano̧ji̧ri̧ pio ji̧ri̧iäpȩmo̧bo ⁠—⁠yo̧a̧dejȩrȩ⁠—⁠. Jabechji̧ Ütë tjamo̧ pio ju̧i̧ quëna̧cji̧ quëna̧ japaji̧ri̧ oa acji cjatäpadidibe. Jabechji̧ mȩnȩro̧ Ütërë yo̧a̧ chja̧oerä yu̧a̧tärea̧ ji̧, yu̧a̧rea̧ dadëpanȩrȩ. Ado pumȩ judiro̧ no̧i̧dërë Ütërë yo̧a̧ chja̧oeräpȩ yu̧a̧tärea̧ ji̧, peaja̧di yu̧a̧rea̧ dadë madirȩ mȩnȩro̧ oëra̧ a̧ra̧ano̧ chjaoa̧ pio oaiä, mȩnȩro̧ yu̧a̧rea̧ joë ya oa tuti carami̧ dari̧ japea̧ oaiä. ⁠—⁠yo̧a̧dejȩrȩ.

Mateo 26:58

Jabo Pedro judi, duriräpȩ cjiamȩrȩ jaerira̧ jachi chja cjiari̧ cho̧rë järëremȩdejȩrȩ tjamo̧ goë tuti ja̧bepamȩ pio ju̧i̧ ja̧ bëräpȩ yuro. Ado bë yuro oa tutia̧ oa cjiarëremȩde tutirea̧ uë tjamo̧ra̧. Ado Pedro judi tutirea̧ yari pio judiri yu̧ë chjätämȩrȩ järëremȩde joë ya jidaji̧ri̧ mu̧i̧tjoi̧ pio ji̧ri̧ nö̧ta ëba chapea̧ oa. Jabechji̧ ‘¿tjana̧ japapadiro̧ju̧i̧da, Jechu pio ju̧i̧ ¿tjana̧ oa japapadiro̧ju̧i̧da?’ quëna̧ jo̧rȩtamȩrȩ jida charëremȩde.

Juan 11:46

Jabo o judiro̧ pjaricheo pio ji̧ri̧iäpȩ baäeno̧a̧dirȩ. Ado Jechu judi japea̧ pio ju̧i̧ ni̧bä chjaoa̧diro̧jȩrȩ.

Juan 12:19

Jabo pjaricheo judiro̧ ja̧di ta̧rëri̧ ni̧bä chjaoa̧dirȩ jibëa̧ dëbëti̧ra̧ chia: —Jabo cjäri̧ marea̧rȩ, eami̧ oa japarea̧ dadërea̧rȩ. Dae jädë marea̧rȩ. Boadärädiibe Jechu judi. Ütëbodäräti̧rȩ cho̧rë jäa̧ madiro̧jo̧ȩ —yo̧a̧dirȩ pjarichjeo pio judiro̧, ana̧ri̧ jo̧rȩtaji̧ri̧rȩ.

Juan 18:3

Ado pio ju̧i̧iä, ‘Aja̧, tjadoräpȩ ju̧ri̧ a̧dopë cjia jirodiro̧da’ quëna̧ dabamȩrȩ järëremȩde domano guadia buba pio ji̧ri̧ nö̧ta, Ütë tjamo̧ ja̧ bë oa jidaji̧ri̧ guadia pio ji̧ri̧ nö̧ta. Jabechji̧ tjamo̧ goë tuti ja̧bepaji̧ri̧ pio judiro̧ chjadüa̧ oa, pjaricheo pio judiro̧borë chjadüa̧ oa järëreji̧ri̧dirȩ. Ado dëbëribo jo̧dë chiamȩ tjapënȩ jujuai̧ oa araji̧ri̧rȩ, gu̧na̧rea̧ to araji̧ri̧rȩ go̧düdäräa̧dirȩ tataparea̧ goaji̧ri̧rȩ, cjo̧dë chiamȩ to araji̧ri̧rȩ.

Juan 7:30

Ado Jechu judi ja̧di ta̧rëri̧ yo̧a̧ oaiä, mitëtä järitea̧diro̧jo̧ȩ chaäpea̧ oa. Jabo cjäri̧ madiro̧jo̧ȩ, mitërea̧ dadëa̧diro̧jo̧ȩ. Mitëtä järitea̧räbo, eami̧ oa japarea̧ dadëa̧dirȩ. Jabechji̧ jabë mitëpea̧ dodë tara, chaärea̧ dadëa̧dirȩ. Ütara̧ doromo̧ mitërea̧ dapadiro̧jo̧ȩ.

Japarea̧ 5:26

Ado Ütë tjamo̧ ja̧ bë oa jidaji̧ri̧ guadia pio judiro̧ pio ju̧i̧ ta̧rëa̧ oaiä, jibëa̧ ütë pio ju̧i̧ nö̧ta chjaodëri̧ jäeno̧a̧diro̧jȩrȩ ado chjereno̧ ëba jana̧pea̧ oa. Jabo chjuari̧ mitë ëte ëba jana̧tärea̧ ji̧, bücüi̧ra̧ japarëreji̧ri̧diro̧jȩrȩ pumȩ judiro̧ pio jibëiäpȩmo̧ ta̧dëra̧ pio ju̧ri̧ra̧ ae ja̧bo tänȩchea oa. 'Aja̧, pumȩ bubadiro̧da, ta̧dëra̧ ae ja̧bo tänȩpai̧ dadiro̧ibëda' quëna̧ jo̧rȩta̧ oaiä, jabechji̧ gitori̧ japadëa̧diro̧jȩrȩ uapa tara.