Juan 7:3 - Biblia Pume

³ Ado pio ju̧i̧iä Jechu ja̧ oti̧ judiro̧, pio ju̧i̧di ja̧ji̧ri̧ pio judiro̧ yo̧a̧diro̧jo̧ȩ Judiorë a̧doparea̧räpȩ jätä. Jabomo̧ yo̧ji̧ri̧rȩ yo̧a̧diro̧jo̧ȩ, jibëa̧ omȩ pio ju̧i̧ ba chia dadëji̧ri̧rȩ. —Jaevä Jechu, pio yudiri go̧dütäremȩrenȩ Judea chiriräpȩ jäpea̧ oa —yo̧a̧diro̧jo̧ȩ—. Danȩ, na̧ jadü judiro̧ pio mȩa chjadëri̧ dapea̧ oa, jauëchja cjiari̧ na̧rȩmȩ oa irä dapea̧ oa, jabechji̧ ja̧dira̧ jätäremȩrenȩ —yo̧a̧diro̧jo̧ȩ—.

Juan 7:3 Iomraidhean Croise

Taruparea̧ Ma̧ȩ 37:20

Goë jaeibe. Ja̧bo tänȩtäro̧jo̧ȩ. Jibëa̧ icjararemȩ oa aeno̧parea̧ro̧jo̧ȩ tade puë garäpȩ. Ado ibëa̧ ama̧i̧ ju̧i̧: "Aja̧, chirirä cjo̧ro̧mȩ chjuamȩrȩ jura̧ jirodejȩ" yo̧parea̧ro̧jo̧ȩ. Ado a̧ro̧rȩ ja̧di dari̧ japarä judi, badëri̧ cjiadiämi̧ dari̧ cjiadiäpade davä jënȩ canȩjäa̧ pio judi. Jaeibe. Japatärȩ —yo̧ji̧ri̧rȩ ni̧bä chjaorëreji̧ri̧dirȩ Joche ja oti̧ pio judiro̧ jibëa̧ dëbëti̧ra̧ chia.

Mateo 12:46

Ado Jechu judi pjaricheo pio ji̧ri̧iäpȩmo̧ jabë ni̧bä chjaoa̧rä, chjaodëri̧ go̧düna̧ra̧rëreyi̧nȩ pio jȩa arayi̧ pio jini̧, jȩadi ja̧ji̧ri̧ pio judiro̧borë. Jabechji̧ pio ju̧i̧ nö̧ta ni̧bä chjaotämi̧ cjiaji̧ri̧rȩ go̧düna̧ra̧rëreji̧ri̧dirȩ.

Marcos 3:21

Ado Jechu ju̧i̧di ja̧ji̧ri̧ pio judiro̧, ado jȩa arayi̧ pio jini̧borë goëdepea̧diro̧jo̧ȩ Jechu ju̧i̧. Jabechji̧ judiro̧ ma̧ȩ ta̧rëa̧ oaiä, "Aja̧, pumȩ buba oaiä jurarea̧ dadëde" yo̧a̧ oa ta̧rëa̧ oaiä, "Cjarari̧ cjiape bagami̧ dari̧ cjiade" yo̧a̧ oa ta̧rëa̧ oaiä, jabechji̧ bücjüri̧ cjiaji̧ri̧rȩ goëdepea̧diro̧jo̧ȩ pio ju̧i̧ chjadëri̧ ëba baäpea̧ oa.

Marcos 3:31

Ja̧dëa ji̧ Jechu ju̧i̧ arayi̧ pio jini̧ go̧düdärärëreyi̧nȩ Jechu ja̧ ayima̧i̧ pio ji̧ri̧ nö̧ta. Ado judiro̧ jo̧ dairäpȩ cjiaji̧ri̧rȩ ma̧ȩ yürürëreji̧ri̧diro̧jo̧ȩ go̧dütä.

Lucas 8:19

Ado Jechu judi ja̧di ta̧rëri̧ ni̧bä chjaoa̧ duri oa, jibëa̧ pumȩ pio judiro̧, pio jȩadi ja̧ji̧ri̧ pio judiro̧ goëdaera̧pea̧diro̧jo̧ȩ, arayi̧ pio jini̧borë. Jabo cjäri̧ madiro̧jo̧ȩ, pumȩ buba oaiä, Jechu pio ju̧i̧iäpȩ go̧düdärärea̧ dadëa̧dirȩ.

Lucas 8:20

Ado pio ju̧i̧iä o judiro̧ yo̧a̧diro̧jo̧ȩ: —Danȩ, na̧ pumȩ judiro̧, mȩadi ja̧ji̧ri̧ pio judiro̧ jana̧dirȩ. Dairäpȩ cjiadirȩ, ado datämi̧ cjiadiro̧mȩ —yo̧a̧diro̧jo̧ȩ.

Juan 2:2

Ado Jechu judi peaja̧di cjiarëremȩde, jibëa̧ jadüborë. Jabechji̧ pio jibë jätä yabëa̧ oaiä peaja̧di järëreji̧ri̧dirȩ.

Juan 6:60

Jabo Jechu judi ja̧di ta̧rëri̧ yo̧mȩrȩ a̧ra̧ano̧rërea̧ ji̧ goae tjamo̧dërëremȩdejȩrȩ pio jȩa cho̧rë jädiäji̧ri̧ pio ji̧ri̧iä. Ado pio ju̧i̧iä ja̧di ta̧rëri̧ yo̧rëreji̧ri̧dirȩ: —Jabo cjäri̧ made, pio jiro a̧ra̧ano̧rea̧ üdë jamȩpai̧ ta̧rëde —yo̧a̧dirȩ—. Ta̧rërea̧mi̧dëde.

Juan 6:66

Ado Jechu judi pio jȩa chjiari yo̧a̧ oaiä, jibëa̧ go̧a̧ oa juratä yo̧a̧ oaiä, jibëa̧ goe oa jaratä a̧ra̧ano̧a̧ oaiä, jabechji̧ no̧i̧dërë a̧dë baärëreji̧ri̧diro̧jo̧ȩ. Aja̧, pio ju̧i̧ cho̧rë jädiärërea̧ ji̧ a̧dë baärëreji̧ri̧diro̧jo̧ȩ. Pio ju̧i̧ nö̧ta ëba tai̧rërea̧ ji̧, putu jura̧ a̧dë chami̧ dari̧ a̧dë baäa̧diro̧jo̧ȩ.

Juan 7:10

Jabo Jechu ja̧ pumȩ judiro̧ judiorë a̧dopamȩräpȩ jäa̧ duri oa, peaja̧di järëremȩde, ji̧ri̧ ja̧ ma̧ȩrä jädëmȩrȩ. Jabo ütëborë pio jȩaiäpȩmo̧ darea̧mi̧ dari̧ jätärea̧ ji̧, goadi jämȩrȩ jäa̧de.

Juan 7:4

Danȩ, eami̧ pumȩ üdë o judiro̧ pio jȩa chjiari chjadëri̧ dabatä earä judi, pio jȩaiäpȩmo̧ ba chia jo̧rȩtatä earä judi, jabechji̧ goadirea̧mi̧dëde, jabo chjadë maearä cjo̧ro̧mi̧ dari̧ japapea̧ chiade. Ado mȩnȩ jauëchja cjiari̧ japarea̧ chia tara, jabechji̧ dai chirirä cjo̧ro̧ji̧ri̧ ütëbodärärë dabarea̧mi̧ dari̧ japatäremȩrenȩ pio ji̧ri̧ ja̧ dachoro. Jaevä. Judearäpȩ jävä —yo̧a̧diro̧joȩ, Jechu pio ju̧i̧ ba chia dadëji̧ri̧rȩ.

Juan 7:5

Ja̧di ta̧rëri̧ yo̧ji̧ri̧rȩ jabomo̧ goaeri̧ yo̧rëreji̧ri̧diro̧jo̧ȩ Jechu ju̧i̧iäpȩmo̧ judiro̧ quëna̧dëa̧ oaiä. Jabechji̧ pio ju̧i̧di ja̧ji̧ri̧ judiro̧borë quëna̧dëa̧diro̧jo̧ȩ. ‘Aja̧, Ütë tjamo̧ pio judi chjadüa̧ oa birë ma̧na̧diibëda’ quëna̧ dadëa̧diro̧jo̧ȩ. Ado pio ju̧i̧iä chjaocjiami̧ dari̧ yo̧rëreji̧ri̧diro̧jo̧ȩ.

Japarea̧ 2:14

Ja̧dëa̧ ji̧ Pedro judi, Jechu ja̧ jadü pio ji̧ri̧ nö̧tamȩrȩ cjitërëremȩde pumȩ buba oa ni̧bä chjaopea̧ oa. Ado to̧bari̧ ni̧bämȩrȩ ja̧di ta̧rëri̧ ni̧bä chjaorëremȩdejȩrȩ: —Danȩrȩ ca̧ oti̧, ni̧bä chjaotämi̧ cjiarequededibe judio maea oa —yo̧a̧dejȩrȩ—. Oëra̧ti̧ a̧rȩmȩ chiriri pio judiri jana̧ji̧ri̧ oa, ado Jerucharȩräpȩ cjo̧ro̧ji̧ri̧bo oa ni̧bä chjaotämi̧ cjiarequededibe, mȩnȩro̧ pea daea̧ pio ju̧i̧ chjiari dabadëchea oa.