Juan 7:26 - Biblia Pume

²⁶ Jabo pio ju̧i̧ irä daea̧räbo, jabechji̧ eami̧ oa japadëdiro̧jo̧ȩ. Jabechji̧ ütëborë ta̧rërea̧mi̧ dari̧ ni̧bä chjaode chjadë maearä, uapadëmȩrȩ. Ado ni̧bä chjaomȩ oa goae tarari̧ dëbëpe chjaotärea̧ ji̧, eami̧ oa japadë madiro̧jo̧ȩ. Aechide yo̧dë madiro̧jo̧ȩ. Jabo dabadë jabo ‘Ütërë mitëa̧ Chjätä Tänȩmȩ pio judi jirodida’ quëna̧ jo̧rȩtape baga jirodiro̧jo̧ȩ.

Juan 7:26 Iomraidhean Croise

Mateo 22:16

Ado a̧dopa ëte, pjaricheo pio judiro̧ chjadürëreji̧ri̧diro̧jȩrȩ jibëa̧ jadü pio ji̧ri̧, pio jibëiä dabapea̧ji̧ri̧ pio ji̧ri̧. Ado Erode quȩmȩ ütë pio ju̧i̧ eaji̧ri̧ pio ji̧ri̧bo chjadürëreji̧ri̧diro̧jȩrȩ, Erode ja̧ jadü pio ji̧ri̧. Aja̧, yo̧a̧ri̧ bubami̧ dari̧ cjo̧ro̧ji̧ri̧ pio ji̧ri̧ chjadürëreji̧ri̧diro̧jȩrȩ Jechu pio ju̧i̧ u̧i̧pe iëno̧ë ta̧rëpea̧ oa. Ado judiro̧ Jechu pio ju̧i̧iäpȩ go̧düdäräa̧rä, ja̧di ta̧rëri̧ yo̧rëreji̧ri̧diro̧jo̧ȩ: ⁠—⁠Danȩ a̧ra̧ano̧mȩ, pio mȩa chjiari dabarea̧ro̧mȩ ⁠—⁠yo̧a̧diro̧jo̧ȩ⁠—⁠. ‘Aja̧, judi a̧ra̧ano̧a̧ üdë tjamo̧i̧ cjiari̧ cjiadida, Ütë tjamo̧ judi ütarë jo̧rȩta̧ pio ju̧i̧ chjiari coëma cjiari̧ a̧ra̧ano̧dida, ado pumȩ ütëbodärä oa cja̧rȩmȩ ba chia maeara̧ dadiji̧ri̧da’ quëna̧ dabarea̧ro̧mȩ pio mȩa chjiari.

Lucas 23:13

Ja̧dëa ji̧ Pirato judi a̧dopa tänȩpea̧ oa ëna̧diärëremȩdejȩrȩ tjamo̧ goë tuti ja̧bepaji̧ri̧ pio ji̧ri̧, ado judio ütëti̧ pio ji̧ri̧bo. Ado pumȩ buba pio ji̧ri̧bo a̧dopa tänȩrëremȩdejȩrȩ.

Lucas 7:30

Jabo cjäri̧ madirȩ, pjaricheo pio judiro̧, ado Moicherë go̧ȩparërea̧ ma̧ȩ oa tjamo̧ri̧ dabaji̧ri̧ pio judiro̧ jiadarëreji̧ri̧dirȩ. Tjamo̧ davä. Ütërë pio jibë chjiari chjadëri̧ japea̧ pio ju̧i̧, judi pio jibë chjiari ütarë jo̧rȩtarërea̧ pio ju̧i̧ jiadarëreji̧ri̧diro̧jo̧ȩ. Ado pio ju̧i̧iä jiada̧diro̧jo̧ȩ Juan pio ju̧i̧, uirä go̧e cjaeä chuda̧ oa cjiadëri̧ cjiaji̧ri̧rȩ —yo̧a̧dejȩrȩ.

Juan 12:42

Ado judirä, tjamo̧ yo̧ji̧ri̧ judio no̧i̧dërë peaja̧di quëna̧ji̧ri̧pea̧diro̧jo̧ȩ Jechu ju̧i̧. Jabo pio ju̧i̧ chjiari chjadë maearä ni̧bätärea̧ ji̧, uaparëreji̧ri̧dirȩ pjaricheo pio ji̧ri̧iä. ‘Jabo cjäri̧ maa̧ro̧da, a̧ro̧rȩ Jechu pio ju̧i̧ chjiari ni̧bärä judi, aeno̧padiro̧ibëda, judiorë a̧doparea̧ bëräpȩ a̧doparea̧ yurüdëpadiro̧ibëda’ quëna̧ jo̧rȩta̧ji̧ri̧rȩ cjapi maeari̧ cjiadiärëreji̧ri̧dirȩ, pio ju̧i̧ chjiari chjadëri̧ ni̧bätärea̧ ji̧,.

Juan 18:20

Ado Jechu judi ja̧di ta̧rëri̧ dëbë yo̧a̧dejȩ: —Danȩ, cüdë a̧ra̧ano̧a̧ ji̧, jabechji̧ ütëborë chjadëri̧ ta̧rërea̧mi̧ dari̧ a̧ra̧ano̧a̧ marequede chjadë maeari̧. Judiorë a̧dopamȩräpȩ, Ütë tjamo̧ ja̧ bëräpȩbo a̧ra̧ano̧a̧requede, pumȩrȩ a̧dopamȩräpȩ ju̧ri̧. Cja̧rȩmȩ co goadi a̧ra̧ano̧dëa̧requede.

Juan 3:1

Cja̧rȩmȩrȩ cjo̧ro̧rëremȩde Nicodemo quȩmȩ judi. Judio tjamo̧ yo̧mȩrȩ cjo̧ro̧rëremȩde, paricheorë.

Juan 4:29

—Danȩrȩ, jana̧chji̧vä üi̧ oa dapea̧ oa. Pio coa chjiari chjö̧na̧i̧ oa dabamȩrȩ tjamo̧i̧ cjiari̧ yo̧remȩdique cüdë japea̧ pio ju̧i̧ chjiari. Jabechji̧ Ütërë mitëa̧ Chjätä Tänȩmȩ üi̧pamȩ jirode —yo̧a̧nȩjȩrȩ.

Juan 7:25

Ado Jerucharȩräpȩ cjo̧ro̧ji̧ri̧ judiro̧ orë Jechu pio ju̧i̧ daea̧ ji̧, Ütë tjamo̧ ja̧ bëräpȩ pumȩ no̧i̧dë oa a̧ra̧ano̧mȩ oa daea̧ ji̧, ja̧di ta̧rëri̧ ni̧bä chjaoji̧ri̧pea̧dirȩ jibëa̧ dëbëti̧ra̧ chia: —Danȩrȩ, ¿pio yüdë üi̧ pio judidëde o judiro̧ ja̧bo tänȩpea̧ ji̧ na̧ta̧ judi? Dëdë, pio judide.

Juan 7:31

Ado pumȩ noi̧dërë quëna̧ji̧ri̧pea̧diro̧jo̧ȩ Jechu ju̧i̧, jabo o judiro̧mo̧rȩ. Ado quëna̧ji̧ri̧pea̧ pio judiro̧ ja̧di ta̧rëri̧ yo̧rëreji̧ri̧diro̧jȩrȩ jibëa̧ pumȩ ji̧ri̧: —Danȩrȩ, ‘Jechu judi Ütërë mitëa̧ Chjätä Tänȩmȩ pio judi tjamo̧dida’ quëna̧ dabarea̧ro̧jo̧ȩ —yo̧a̧diro̧jȩrȩ—. Irä daea̧rea̧ro̧jo̧ȩ jauëchja cjiari̧ japamȩ oa. O judiro̧ japarea̧mi̧dëri̧ japamȩde. Pio ju̧i̧iä tjamo̧ri̧ dabarea̧ro̧jo̧ȩ. ‘Aja̧, Ütë tjamo̧ pio judi chjadüa̧ oa ma̧na̧diibëda, Ütërë mitëa̧ Chjätä Tänȩmȩ pio judi tjamo̧dida’ quëna̧ daba daea̧rea̧ro̧jo̧ȩ —yo̧ji̧ri̧rȩ yo̧a̧diro̧jȩrȩ jibëa̧ pumȩ ji̧ri̧.

Juan 7:48

Danȩrȩ, pio a̧ro̧rȩmi̧ dari̧ na̧e chiatäreji̧ri̧nȩrȩ. Jabechji̧ a̧ro̧rȩ, judio tjamo̧ yo̧ji̧ri̧ pio judiro̧ cja̧rȩmȩrȩ pio ju̧i̧iäpȩmo̧ quëna̧dë marea̧ro̧jo̧ȩ. Ado peaja̧didirȩ pjaricheo judiro̧.

Juan 9:22

Aja̧, ja̧di ta̧rëri̧ yo̧ji̧ri̧rȩ dëbë yo̧rëreji̧ri̧diro̧jȩrȩ pjaricheo pio ji̧ri̧iäpȩmo̧. Jabechji̧ tjamo̧ yo̧ji̧ri̧ judio pio ji̧ri̧ uapea̧ oaiä ja̧di ta̧rëri̧ dëbë yo̧rëreji̧ri̧diro̧jȩrȩ, chjö̧na̧i̧ oa yo̧tärea̧ ji̧. Jabechji̧ peadë ta̧rërëreji̧ri̧dirȩ davä judiro̧ ma̧ȩ yürüa̧ pio ju̧i̧ chjiari, Jechu ju̧i̧iäpȩmo̧ quëna̧ji̧ri̧ yo̧a̧ pio ji̧ri̧ chjiari. "'Aja̧, Jechu judi Ütërë mitëa̧ Chjätä Tänȩmȩ pio judidida’ quëna̧ji̧ri̧ pio judiro̧, jabechji̧ dairäpȩ tutia̧ oa cjiami̧ dari̧ cjiapadirȩ, judiorë a̧doparea̧ bëräpȩ a̧doparea̧mi̧dëri̧” yo̧a̧ pio ju̧i̧ peadë ta̧rëa̧dirȩ.

Japarea̧ 4:13

Ado judiorë tjamo̧ yo̧ji̧ri̧ pio judiro̧ ana̧ tjamo̧ri̧ jo̧rȩtaji̧ri̧rȩ darëreji̧ri̧diro̧jȩrȩ Pedro ju̧i̧, Juan ju̧i̧. 'Chia chia, uapadëji̧ri̧rȩ dëbë yo̧diro̧ibëda, Ütë tjamo̧ ja̧ ma̧ȩ oa dabaparea̧ jo̧räpȩ jädiädëa̧räbo goae tarari̧ ni̧bärea̧ chiadiro̧da, jabomo̧ pumȩ ba chiadëji̧ri̧borë dëbë yo̧rea̧ chiadiro̧da, ¿tjana̧ ju̧i̧iä uapadëji̧ri̧rȩ dëbë yo̧diro̧ibëda' quëna̧ jo̧rȩtaji̧ri̧rȩ gürü toboe cjia dae chjaorëreji̧ri̧diro̧jȩrȩ, ana̧ri̧ jo̧rȩtaji̧ri̧rȩ. Ado 'Jechu ja̧ jadüdiro̧da, Jechu pio ju̧i̧ nö̧ta tai̧ chjaorëreji̧ri̧ pio judiro̧diro̧da' quëna̧ jo̧rȩtaji̧ri̧pea̧dirȩ.

Pjiripo Ma̧ȩ 1:14

Ado danȩrȩ, ibëa̧ oti̧ judiro̧ no̧i̧dërë uaparërea̧ ji̧, Ütë tjamo̧ ja̧ ma̧ȩ oa ni̧bä chjaopea̧ ji̧ uaparërea̧ ji̧, jabechji̧ järirea̧ taraji̧ri̧pea̧dirȩ yaba̧ pio cüdë chaäa̧ oa cjia̧ oaiä. Jabechji̧ pio coa chjiari ta̧rëa̧ oaiä, "Aja̧, Pablo judi chaäa̧räbo, jabechji̧ oëadëri̧ cjiamȩrȩ a̧ra̧ano̧mȩde" yo̧a̧ oa ta̧rëa̧ oaiä, jabechji̧ ji̧dë u̧i̧ chjuari̧ quëna̧ji̧ri̧pea̧diro̧jo̧ȩ ibëa̧ Ano̧mȩ ju̧i̧, oëadëri̧ cjiaji̧ri̧rȩ a̧ra̧ano̧rea̧mi̧ dari̧.