Juan 7:25 - Biblia Pume

²⁵ Ado Jerucharȩräpȩ cjo̧ro̧ji̧ri̧ judiro̧ orë Jechu pio ju̧i̧ daea̧ ji̧, Ütë tjamo̧ ja̧ bëräpȩ pumȩ no̧i̧dë oa a̧ra̧ano̧mȩ oa daea̧ ji̧, ja̧di ta̧rëri̧ ni̧bä chjaoji̧ri̧pea̧dirȩ jibëa̧ dëbëti̧ra̧ chia: —Danȩrȩ, ¿pio yüdë üi̧ pio judidëde o judiro̧ ja̧bo tänȩpea̧ ji̧ na̧ta̧ judi? Dëdë, pio judide.

Juan 7:25 Iomraidhean Croise

Juan 7:24

Jabechji̧ jabomo̧ uëmo̧ uëmo̧ jo̧rȩtaji̧ri̧rȩ ütaradëtäreji̧ri̧nȩrȩ, jabo jabechji̧ urëdi tjamo̧ oa jo̧rȩtaji̧ri̧rȩ ütaratärerji̧ri̧renȩro̧jo̧ȩ, coëma cjiari̧ ütaraji̧ri̧rȩ. Ado ja̧di dari̧ japea̧ oaiä, 'jabechji̧ coëma cjiari̧ japea̧dida’ quëna̧rea̧ dapanȩrȩ davä pio coa chjiari —yo̧mȩrȩ yo̧rëremȩdejȩrȩ Jechu judi.

Juan 7:26

Jabo pio ju̧i̧ irä daea̧räbo, jabechji̧ eami̧ oa japadëdiro̧jo̧ȩ. Jabechji̧ ütëborë ta̧rërea̧mi̧ dari̧ ni̧bä chjaode chjadë maearä, uapadëmȩrȩ. Ado ni̧bä chjaomȩ oa goae tarari̧ dëbëpe chjaotärea̧ ji̧, eami̧ oa japadë madiro̧jo̧ȩ. Aechide yo̧dë madiro̧jo̧ȩ. Jabo dabadë jabo ‘Ütërë mitëa̧ Chjätä Tänȩmȩ pio judi jirodida’ quëna̧ jo̧rȩtape baga jirodiro̧jo̧ȩ.