Juan 7:24 - Biblia Pume

²⁴ Jabechji̧ jabomo̧ uëmo̧ uëmo̧ jo̧rȩtaji̧ri̧rȩ ütaradëtäreji̧ri̧nȩrȩ, jabo jabechji̧ urëdi tjamo̧ oa jo̧rȩtaji̧ri̧rȩ ütaratärerji̧ri̧renȩro̧jo̧ȩ, coëma cjiari̧ ütaraji̧ri̧rȩ. Ado ja̧di dari̧ japea̧ oaiä, 'jabechji̧ coëma cjiari̧ japea̧dida’ quëna̧rea̧ dapanȩrȩ davä pio coa chjiari —yo̧mȩrȩ yo̧rëremȩdejȩrȩ Jechu judi.

Juan 7:24 Iomraidhean Croise

Juan 7:25

Ado Jerucharȩräpȩ cjo̧ro̧ji̧ri̧ judiro̧ orë Jechu pio ju̧i̧ daea̧ ji̧, Ütë tjamo̧ ja̧ bëräpȩ pumȩ no̧i̧dë oa a̧ra̧ano̧mȩ oa daea̧ ji̧, ja̧di ta̧rëri̧ ni̧bä chjaoji̧ri̧pea̧dirȩ jibëa̧ dëbëti̧ra̧ chia: —Danȩrȩ, ¿pio yüdë üi̧ pio judidëde o judiro̧ ja̧bo tänȩpea̧ ji̧ na̧ta̧ judi? Dëdë, pio judide.

Juan 8:15

Danȩrȩ, mȩnȩro̧ pumȩ ji̧ri̧ ütara ëte bape chjaoro, jabechji̧ dai chirirä ja̧ jo̧rȩtarea̧ maeara̧ ütara ëte bape chjaorenȩro̧jȩrȩ, pumȩrȩ jo̧rȩtarea̧ maeara̧. Jabo cüdë pumȩ ji̧ri̧ ütara ëte bape chjaodë marequedejȩrȩ.

Cori̧tio Ma̧ȩ 2 10:7

Danȩrȩ ca̧ oti̧, dai oa maea oa ütarë darea̧mi̧dëde. Pumȩ i maea oa ütarë darea̧mi̧dëde, jabo coëma cjiari̧ jo̧rȩtapea̧de urëdi tjamo̧ oa. Danȩrȩ, oëra̧ a̧ra̧ano̧ji̧ri̧ pio judiro̧ jibëa̧ chji̧rä jo̧rȩtarä judi, ‘Aja̧, Quiricho pio judi tjamo̧ri̧ mitëa̧ oa ja̧bepaji̧ri̧a̧ro̧da, pio ibë tjamo̧ri̧ mitëa̧diibëda’ quëna̧ jo̧rȩtarä judi, jabechji̧ peaja̧dimi̧ dari̧ jo̧rȩtatäreji̧ri̧dirȩ pio ibë chjiari. Jabo cjäri̧ madiro̧ibe, ja̧di dari̧ jo̧rȩtadë madiro̧ibe. Jabechji̧ pio a̧ro̧rȩborë mitëa̧ oa cjiaräbo, pio a̧ro̧rȩborë Quiricho pio ju̧i̧ ja̧ oa ja̧beparäbo, cjäri̧ madiro̧ibe, chjadëri̧ jo̧rȩtadëdirȩ pio ibë chjiari.

Santiago Ma̧ȩ 2:1

Danȩrȩ ca̧ oti̧, Ano̧mȩ Jechu Quiricho pio ju̧i̧ quëna̧ji̧ri̧pea̧renȩro̧jo̧ȩ a̧dë chjäte tatari̧ cjiamȩ Ano̧mȩ pio ju̧i̧. Ado pio ju̧i̧iä dibëa̧ pumȩ ji̧ri̧ badë dadë matäreji̧ri̧renȩro̧jȩrȩ, jabo jabechji̧ cja̧rȩmȩ ba chia maeara̧ datäreji̧ri̧renȩro̧jȩrȩ ütëbodärä oa.

Santiago Ma̧ȩ 2:4

Jabo cjäri̧ manȩrȩ ca̧ oti̧, o ji̧ri̧iäpȩmo̧ badë dadëpea̧de. Cja̧rȩmȩ ba chia maeara̧ dapea̧de pumȩ chjö̧na̧i̧rȩ. ‘O judiro̧ ji̧dë u̧i̧ ba chiadiro̧da’ quëna̧mȩ judi, oëra̧ ütarë jo̧rȩtade, chjai̧dëri̧ jo̧rȩtamȩrȩ. Ja̧di dari̧ quëna̧rea̧mi̧dëde.

Santiago Ma̧ȩ 2:9

Jabo mȩnȩro̧ o ji̧ri̧iäpȩmo̧ badë darä judi, pumȩ ji̧ri̧ ütëbodärä oa cja̧rȩmȩ ba chia maeara̧ dadërä judi, jabechji̧ chjai̧dëri̧ japanȩrȩ tüdüa̧mi̧ darä cjo̧ro̧pea̧ ma̧ȩ oa jiadaji̧ri̧rȩ, nȩmo̧diäji̧ri̧mi̧ dari̧ japaji̧ri̧rȩ.