Juan 7:15 - Biblia Pume

¹⁵ Ado tjamo̧ yo̧ji̧ri̧ judio judiro̧ dacho bëremi̧ cjiami̧ dari̧ jo̧rȩtaji̧ri̧rȩ ta̧rërëreji̧ri̧diro̧jo̧ȩ. Ado yo̧a̧dirȩ, ana̧ri̧ jo̧rȩtaji̧ri̧rȩ: —Chia chia, dabaparea̧ jo̧räpȩ dabapadëa̧räbo, jabechji̧ a̧dë chäte ji̧ra̧ tjamo̧ oa dabapea̧de. ¿Yö̧ta dari̧ dabapea̧de yüdëje? Jabechji̧ dabaparea̧ jo̧räpȩ dabaparemȩmi̧ dari̧ a̧ra̧ano̧mȩde —yo̧a̧dirȩ.

Juan 7:15 Iomraidhean Croise

Mateo 13:54

Ado jibëa̧ chiriräpȩ go̧düdäräa̧mȩrȩ, jënȩ ütëparȩa̧ oa cjiamȩ bë ma̧ri̧räpȩ go̧düdäräa̧mȩrȩ yu̧a̧rëremȩde judiorë a̧doparea̧ bëräpȩ. Ado a̧ra̧ano̧a̧dejȩrȩ. Ado pumȩ judiro̧ pio ju̧i̧ ta̧rëa̧ oaiä, ya yabë cjiami̧ dari̧ jo̧rȩtaji̧ri̧pea̧dirȩ, ana̧ri̧ jo̧rȩtaji̧ri̧rȩ. Ado jibëa̧ dëbëti̧ra̧ chia iëno̧ iëno̧ cjiaji̧ri̧pea̧dirȩ: ⁠—⁠¿Jabo chjia ju̧i̧iä dabapa ëte urëdi tjamo̧ oa jo̧rȩtamȩpea̧de pio yodëje? ¿Chjia ju̧i̧iä dabapa ëte, a̧dë chjäte jauëchja cjiari̧ na̧rȩrea̧ goamȩpea̧de?

Mateo 22:22

Ado Jechu judi yo̧a̧ oa ta̧rëa̧ oaiä, dacho bëremi̧ cjiami̧ dari̧ jo̧rȩtaji̧ri̧pea̧dirȩ, ana̧ tjamo̧ri̧ jo̧rȩtaji̧ri̧rȩ. ‘Chia chia, Jechu judi dabamȩ tjamo̧dida’ quëna̧ jo̧rȩtaji̧ri̧rȩ ana̧ri̧ jo̧rȩtarëreji̧ri̧dirȩ. Ado chjaodëri̧ a̧dë baäeno̧rëreji̧ri̧diro̧jo̧ȩ.

Mateo 22:33

Ado pumȩ bubarë pio ju̧i̧ ta̧rëa̧ oaiä, dacho bëremi̧ cjiami̧ dari̧ jo̧rȩtaji̧ri̧pea̧dirȩ, Jechurë a̧ra̧ano̧a̧ pio ju̧i̧ chjiari.

Lucas 2:47

Ado ütëbodärärë ana̧ri̧ jo̧rȩtaji̧ri̧rȩ ta̧rërëreji̧ri̧diro̧jo̧ȩ Jechu pio ju̧i̧. 'Jabechji̧ pio jiro boi̧chji̧ üdë a̧dë chjäte ji̧ra̧ri̧ dabamȩdida, ado Ütë tjamo̧ ja̧ ma̧ȩ oa a̧ra̧ano̧ji̧ri̧ judiro̧ pio ju̧i̧ eami̧ oa iëno̧ë ta̧rërä, jabechji̧ jibëa̧ dabarea̧ ji̧ra̧ tjamo̧ra̧ chjaodëri̧ dëbë yo̧diji̧ri̧da' quëna̧ jo̧rȩtaji̧ri̧rȩ daea̧diro̧jo̧ȩ ana̧ tjamo̧ri̧ jo̧rȩtaji̧ri̧rȩ, dacho bëremi̧ cjiami̧ dari̧ jo̧rȩtaji̧ri̧rȩ.

Lucas 4:22

Ado pumȩ judiro̧ Jechu pio ju̧i̧ chjiari pearä ni̧bä chjaoa̧ ji̧, jabechji̧ chjacjiamȩri̧ ni̧bä marëreji̧ri̧dirȩ pio ju̧i̧ chjiari. Aja̧, jibëa̧ ma̧ȩ oa goae tjamo̧ oa ta̧rëa̧ oaiä, pio jibë a̧domȩ ma̧ȩ oa ta̧rë ja̧boa̧ oaiä, jabechji̧ chjacjiamȩri̧ ni̧bärëreji̧ri̧dirȩ, dacho bëremi̧ cjiami̧ dari̧ jo̧rȩtaji̧ri̧rȩ. Jabo ja̧dëa ji̧ o judiro̧, cjäri̧ madiro̧jo̧ȩ, ano̧ mire jo̧rȩtaji̧ri̧pea̧ji̧ri̧rȩ ja̧di ta̧rëri̧ iëno̧ë ta̧rërëreji̧ri̧dirȩ Jechu pio ju̧i̧ chjiari: —Jabo pio jiromȩ üdë, ¿jabechji̧ Joche quȩmȩ pio ju̧i̧ ja̧ jojadëde? Dëdë, pio judide. Ado dabarea̧ro̧jo̧ȩ. Jabo cjäri̧ made jabo, ¿yö̧ta dari̧ dabamȩpea̧de? —yo̧a̧dirȩ. Aja, ja̧di ta̧rëri̧ yo̧ji̧ri̧rȩ ni̧bäji̧ri̧pea̧dirȩ pumȩ judiro̧ Jechurë ütëparërea̧räpȩ cjo̧ro̧ji̧ri̧ pio judiro̧, judi boi̧chji̧rä cjo̧ro̧rërea̧räpȩ cjo̧ro̧ji̧ri̧ pio judiro̧.

Juan 1:19

Jerucharȩräpȩ tjamo̧ yo̧ji̧ri̧ judio pio judiro̧ chjadüa̧ oa järëreji̧ri̧dirȩ pumȩ judiro̧ Juan pio ju̧i̧iä irä ta̧rëpea̧ oa, uirä chudarëremȩ pio ju̧i̧iä chjadëri̧ ta̧rëpea̧ oa. O ji̧ri̧ chjiari goë tuti ja̧bepaji̧ri̧ judiro̧, ado Devi pio judiri ja̧ji̧ri̧ pio judiro̧ järëreji̧ri̧dirȩ peaja̧di chjadëri̧ ta̧rëpea̧ oa. Ado Juan pio ju̧i̧iäpȩ go̧düdäräa̧rä, ja̧di ta̧rëri̧ yo̧ji̧ri̧rȩ iëno̧ë ta̧rërëreji̧ri̧diro̧jo̧ȩ: —¿Chjia tjamo̧nȩ? —iëno̧ë ta̧rëa̧diro̧jo̧ȩ—. Chjadëri̧ yo̧ibe.

Juan 7:11

Ado a̧doparea̧räpȩ ju̧ri̧ judio tjamo̧ yo̧ji̧ri̧ pio judiro̧ na̧tarëreji̧ri̧diro̧jo̧ȩ. Ado a̧dopaji̧ri̧ pio ji̧ri̧iä ja̧di ta̧rëri̧ iëno̧ iëno̧ ta̧rëtarëreji̧ri̧diro̧jȩrȩ: —Pio jiro üi̧ üdë, ¿tjana̧räpȩde? —iënoë ta̧rëtea̧diro̧jȩrȩ.

Juan 7:13

Jabo judiro̧ ütëborë ta̧rëri̧ ni̧bätärea̧ ji̧, goadi ni̧bä marëreji̧ri̧dirȩ ütëborë ta̧rërea̧mi̧dëri̧. Jabechji̧ tjamo̧ yo̧ji̧ri̧ judio pio ji̧ri̧ uapea̧ oaiä, goadi ni̧bärëreji̧ri̧dirȩ.

Juan 7:46

Jabo guadia judiro̧ dëbë yo̧a̧diro̧jȩrȩ: —Cjäri̧ marea̧ro̧jo̧ȩ, pio jiro üi̧ üdë tjaoëpai̧ dari̧ ni̧bämȩde. O judiro̧ ni̧bämi̧ ni̧bädëde, jabo a̧dë chjäte goae tjamo̧ri̧ ni̧bämȩde. Pio ju̧i̧iä mitërea̧ dadëa̧rea̧ro̧jo̧ȩ —yo̧a̧diro̧jȩrȩ.

Japarea̧ 26:24

Ado Pablo judi pio jȩa chjiari ja̧di ta̧rëri̧ ni̧bämȩ oa to̧bari̧ tuti yo̧rëremȩdejȩ Pjeto judi: —Jabo cjäri̧ marenȩ Pablo, cjarari̧ cjiami̧ dari̧ cjiarenȩ —yo̧a̧dejȩ—. Coëma cjiari̧ jo̧rȩtarea̧mi̧dëpea̧renȩ. Jabechji̧ mȩnȩ a̧dë chjäte ji̧ra̧ri̧ dabapea̧ pio oaiä, jabechji̧, chjadëri̧ jo̧rȩtarea̧ chiadëpe baga̧renȩ —yo̧a̧dejȩ.

Japarea̧ 4:13

Ado judiorë tjamo̧ yo̧ji̧ri̧ pio judiro̧ ana̧ tjamo̧ri̧ jo̧rȩtaji̧ri̧rȩ darëreji̧ri̧diro̧jȩrȩ Pedro ju̧i̧, Juan ju̧i̧. 'Chia chia, uapadëji̧ri̧rȩ dëbë yo̧diro̧ibëda, Ütë tjamo̧ ja̧ ma̧ȩ oa dabaparea̧ jo̧räpȩ jädiädëa̧räbo goae tarari̧ ni̧bärea̧ chiadiro̧da, jabomo̧ pumȩ ba chiadëji̧ri̧borë dëbë yo̧rea̧ chiadiro̧da, ¿tjana̧ ju̧i̧iä uapadëji̧ri̧rȩ dëbë yo̧diro̧ibëda' quëna̧ jo̧rȩtaji̧ri̧rȩ gürü toboe cjia dae chjaorëreji̧ri̧diro̧jȩrȩ, ana̧ri̧ jo̧rȩtaji̧ri̧rȩ. Ado 'Jechu ja̧ jadüdiro̧da, Jechu pio ju̧i̧ nö̧ta tai̧ chjaorëreji̧ri̧ pio judiro̧diro̧da' quëna̧ jo̧rȩtaji̧ri̧pea̧dirȩ.