Cja̧rȩmȩrȩ, Joche quȩmȩ üdë, Aramatea quȩmȩ bë ma̧ri̧räpȩ cjo̧ro̧rëremȩde. Jechu pio ju̧i̧ cho̧rë jämȩrȩ cjo̧ro̧rëremȩde, jabo goadi quëna̧mi̧ dari̧ quëna̧rëremȩde judio tjamo̧ yo̧ji̧ri̧ pio ji̧ri̧ uapa tara. Ado judi goëdepea̧dejȩ Pirato ju̧i̧. Jabechji̧ Jechu ja̧ icjara oa tori pio judiri bira tänȩpamȩrȩ cjo̧dëa̧dejȩ. Ado judi cjo̧dëa̧mi̧ japarea̧ yürüa̧dejȩ Pirato judi. Ado pio ju̧i̧iä bira tänȩrëremȩdejȩ. Ado goa baäa̧dejȩ.
Juan 7:13 - Biblia Pume13 Jabo judiro̧ ütëborë ta̧rëri̧ ni̧bätärea̧ ji̧, goadi ni̧bä marëreji̧ri̧dirȩ ütëborë ta̧rërea̧mi̧dëri̧. Jabechji̧ tjamo̧ yo̧ji̧ri̧ judio pio ji̧ri̧ uapea̧ oaiä, goadi ni̧bärëreji̧ri̧dirȩ. Faic an caibideil |
Juan 7:13
13 Iomraidhean Croise
Ado jabë Domingo doro gȩnȩpea̧ duri oa, Jechu ja̧ jadü pio judiro̧ chjuari̧ tutia̧rä goadi a̧dopea̧ oa cjiarëreji̧ri̧dirȩ. Jabechji̧ judio tjamo̧ yo̧ji̧ri̧ pio ji̧ri̧ uapa tjamo̧ oaiä, ja̧di dari̧ goadi a̧doparëreji̧ri̧dirȩ, ado cja̧rȩmo̧rȩ yu̧a̧rea̧mi̧dëräpȩ. Jabo ja̧dëa ji̧ Jechu judi chjaodëri̧ idëpea̧de jibëa̧ chjarerä. Ado yo̧a̧dejȩrȩ: —Chji̧ goaera̧ jo̧rȩtachji̧vä, ma̧ chjupi̧ cjiari̧ jo̧rȩtarea̧mi̧ dari̧.
Ado cja̧rȩmo̧ doremȩrä gȩnȩpea̧rä, goëdepea̧dejȩ Jechu ju̧i̧. Ado yo̧a̧dejȩ: —Danȩ A̧ra̧ano̧mȩ, na̧ jauëchjarea̧ pio ju̧i̧ daea̧rea̧rȩ. Pio ju̧i̧iä dabarea̧rȩ pio mȩa chjiari. ‘Aja̧, Ütë tjamo̧ pio judi chjadüa̧ oa ma̧na̧diibëda, ibë a̧ra̧ano̧pea̧ oa chjadüa̧ oa ma̧na̧diji̧da’ quëna̧ dabarea̧ro̧mȩ. Ütë tjamo̧ judi pio mȩadidërä judi, jauëchja cjiari̧ japarea̧ dadëa̧täremȩrenȩ —yo̧a̧dejȩ.
Ado japamitë chjätä ëte, Garirea quȩmȩ chirirämo̧ tai̧rëremȩde Jechu judi. Jabechji̧ oëra̧ti̧ oa chjätäti̧ cjiarërea̧ ji̧, Garirea quȩmȩ chirirämo̧ ano̧ mire tai̧rëremȩde. Jabechji̧ Judearäpȩ tjamo̧ cjo̧ro̧ji̧ri̧ judio judiro̧ Jechu pio ju̧i̧ ja̧bo tänȩpea̧ ji̧ järi tjamo̧ oaiä, ja̧dira̧ jädëri̧ cjiarëremȩde.
Ado tjamo̧ yo̧ji̧ri̧ judio judiro̧ dacho bëremi̧ cjiami̧ dari̧ jo̧rȩtaji̧ri̧rȩ ta̧rërëreji̧ri̧diro̧jo̧ȩ. Ado yo̧a̧dirȩ, ana̧ri̧ jo̧rȩtaji̧ri̧rȩ: —Chia chia, dabaparea̧ jo̧räpȩ dabapadëa̧räbo, jabechji̧ a̧dë chäte ji̧ra̧ tjamo̧ oa dabapea̧de. ¿Yö̧ta dari̧ dabapea̧de yüdëje? Jabechji̧ dabaparea̧ jo̧räpȩ dabaparemȩmi̧ dari̧ a̧ra̧ano̧mȩde —yo̧a̧dirȩ.
Aja̧, ja̧di ta̧rëri̧ yo̧ji̧ri̧rȩ dëbë yo̧rëreji̧ri̧diro̧jȩrȩ pjaricheo pio ji̧ri̧iäpȩmo̧. Jabechji̧ tjamo̧ yo̧ji̧ri̧ judio pio ji̧ri̧ uapea̧ oaiä ja̧di ta̧rëri̧ dëbë yo̧rëreji̧ri̧diro̧jȩrȩ, chjö̧na̧i̧ oa yo̧tärea̧ ji̧. Jabechji̧ peadë ta̧rërëreji̧ri̧dirȩ davä judiro̧ ma̧ȩ yürüa̧ pio ju̧i̧ chjiari, Jechu ju̧i̧iäpȩmo̧ quëna̧ji̧ri̧ yo̧a̧ pio ji̧ri̧ chjiari. "'Aja̧, Jechu judi Ütërë mitëa̧ Chjätä Tänȩmȩ pio judidida’ quëna̧ji̧ri̧ pio judiro̧, jabechji̧ dairäpȩ tutia̧ oa cjiami̧ dari̧ cjiapadirȩ, judiorë a̧doparea̧ bëräpȩ a̧doparea̧mi̧dëri̧” yo̧a̧ pio ju̧i̧ peadë ta̧rëa̧dirȩ.
Ado ju̧i̧ ta̧rëa̧ oaiä, goëdëri̧ cjiape bagaji̧ri̧rȩ yo̧a̧diro̧jo̧ȩ: —Mȩnȩ jabë ara̧ oa cjiadëa̧rä chjai̧dë tjamo̧rëremȩrenȩ —yo̧a̧diro̧jo̧ȩ—. Ado chjai̧dë ja̧ chja̧oerämo̧ cjiamȩrȩ ütëparëremȩrenȩ. Ado ja̧di dari̧ cjo̧ro̧mȩborë ¿a̧ra̧ano̧tarenȩibe? Cjäri̧ marenȩ, ibë a̧ra̧ano̧rea̧mi̧dërenȩ —ya̧ji̧ri̧rȩ dëbë yo̧a̧diro̧jo̧ȩ. Ado chjaodëri̧ go̧dü tänȩrëreji̧ri̧diro̧jo̧ȩ dairäpȩmo̧, judiorë a̧doparea̧ bëräpȩ a̧doparea̧mi̧dëri̧.
Danȩrȩ, pio dibë chjiari dabarequede. ‘Ichiaerë ana̧ tjamo̧ri̧ ja̧bepea̧räpȩ cjo̧ro̧diro̧da, Ichiaerë tjamo̧ cjo̧ro̧a̧mi̧ daräpȩ cjo̧ro̧diro̧da’ quëna̧ dabarequededibe. Jabo ja̧di daräpȩ cjo̧ro̧räbo, jabechji̧ coëma cjiari̧ cjo̧ro̧nȩrȩ. Jabechji̧ pio coaiäpȩmo̧ quëna̧dëpe bagadëa̧nȩrȩ. Ado dibëa̧ chjarerä cjo̧ro̧remȩ pio ju̧i̧ ja̧bo tänȩrërea̧ ji̧, pio coa chjiari ji̧dë ma ni̧bäremȩ pio ju̧i̧ ja̧bo tänȩrërea̧ ji̧, Atipa quȩmȩ pio ju̧i̧ ja̧bo tänȩa̧ ji̧, jabechji̧ mȩnȩro̧ quëna̧dëpe bagatärea̧ ji̧, cjäri̧ manȩrȩ, quëna̧dëpe bagadëa̧nȩrȩ, jabo jabechji̧ pio coaiäpȩmo̧ chjuari̧ quëna̧ji̧ri̧rȩ cjo̧ro̧rëreji̧ri̧renȩrȩ chjao tjamo̧räbo, Ichiaerë bëpea̧mi̧ daräpȩ cjo̧ro̧räbo.
Sanasan