Juan 6:71 - Biblia Pume

⁷¹ Jabechji̧ Juda quȩmȩ pio ju̧i̧ chjiari jabërä ni̧bärëremȩde Jechu judi, Chimo̧ Icariote quȩmȩ pio ju̧i̧ ja̧ joja pio ju̧i̧ chjiari. Jabo dëdë, pio judiborë mitëa̧ oa cjiarëremȩde 11 pio ji̧ri̧ nö̧ta. Jabo pio ji̧ri̧ nö̧ta mitëa̧ oa cjiamȩborë Jechu pio ju̧i̧ u̧i̧pë gatë tänȩtämi̧ cjiarëremȩde.

Juan 6:71 Iomraidhean Croise

Mateo 10:2

Ado Jechurë chjadüa̧ judiro̧, 12rë, ¿chjiadirȩ judiro̧? ¿Chjiadëdirȩ, pio yodëro̧dirȩ. Danȩrȩ, Chimo̧ pio ju̧i̧ ja̧ quȩ oa yabochja ütarë yo̧requededibe. Aja̧, Chimo̧ quȩmȩde jabo Pedro ma yo̧diro̧jo̧ȩ. Ado cja̧rȩmo̧ üdë, A̧däre pio judide. Pedro pio ju̧i̧di ja̧mȩde. Ado Chebedeo quȩmȩ joja üdë, Santiago pio judide. Ado ju̧i̧di ja̧mȩ judi, Juan quȩmȩde. Pio judiro̧borë chjadüa̧ oa cjiadirȩ.

Mateo 10:4

Ado Chimo̧ pio judiborë chjadüa̧ oa cjiade. Ado judi, jabechji̧ domano̧ pio ji̧ri̧ ea tjamo̧dërëremȩdejȩrȩ. Tjamo̧ davä. Icharaita ja̧ chiri pio ju̧i̧ baë mitera̧pea̧ji̧ri̧ pio ji̧ri̧ ea tjamo̧dërëremȩdejȩrȩ domano̧ pio ji̧ri̧. Ado Chimo̧ pio ju̧i̧ uëri Judas Iscariote pio judiborë chjadüa̧ oa cjiarëremȩde, jabo cjäri̧ made, pio jȩa chjadüa̧mȩ pio ju̧i̧ yürürëremȩdejȩ Jechu ju̧i̧ chjai̧dëri̧ japatämi̧ cjiaji̧ri̧ pio ji̧ri̧iäpȩmo̧. Aja̧, pio judiro̧dirȩ Jechu judi chjadüa̧ judiro̧.

Marcos 14:10

Jechu judi jibëa̧ jadü oa mitërërea̧ ji̧, 12 oa mitërërea̧ ji̧, jabechji̧ Juda Iscariote pio ju̧i̧bo mitërëremȩdejȩ. Ado pio judi goëdepea̧dejȩrȩ tjamo̧ goë tuti ja̧bepaji̧ri̧ pio ji̧ri̧ Jechu pio ju̧i̧ chjiari ni̧bä chjaopea̧ oa. Aja̧, Jechu pio ju̧i̧ goadi gatë tänȩpea̧ pio ju̧i̧ chjiari ni̧bä chjaopea̧ oa, pio ju̧i̧ ja̧bo tänȩtämi̧ cjiaji̧ri̧ pio ji̧ri̧iäpȩmo̧ goadi gatë tänȩpea̧ pio ju̧i̧ chjiari ni̧bä chjaopea̧ oa goëdepea̧dejȩrȩ.

Juan 12:4

Ado Jechu ja̧ jadü judi cja̧rȩmȩrȩ, Juda Icariote pio judi, Jechu pio ju̧i̧ u̧i̧pë gatë tänȩpamȩ pio judi yo̧a̧de:

Juan 13:2

Ado gȩnȩpea̧rä Jechu judi ëba jurarëremȩdejȩrȩ jibëa̧ jadü pio ji̧ri̧ nö̧ta. Ado Ichiae judi peadë jo̧rȩta tänȩrëremȩdejȩ Juda ju̧i̧, Jechu pio ju̧i̧ u̧i̧pë gatë tänȩpea̧ pio ju̧i̧ chjiari. Tjamo̧ davä, Chimo̧ Icariote quȩmȩ pio ju̧i̧ ja̧ joja pio ju̧i̧ peadë jo̧rȩta tänȩa̧dejȩ.

Juan 13:26

Ado Jechu judi dëbë yo̧a̧dejȩ: —Danȩ, chja̧pe pio ju̧i̧ chuda ëte, yürüpareconȩ. Pio judide. Ado chja̧pe oa mitë ëte, chuda ëte, yürüa̧dejȩ Juda ju̧i̧, Chimo̧ Icariote joja pio ju̧i̧iäpȩmo̧.

Juan 2:2

Ado Jechu judi peaja̧di cjiarëremȩde, jibëa̧ jadüborë. Jabechji̧ pio jibë jätä yabëa̧ oaiä peaja̧di järëreji̧ri̧dirȩ.

Juan 20:24

Pearä judi Jechu ja̧ jadü judiro̧, 12rëreji̧ri̧dirȩ. Ado ju̧i̧ ja̧ jadü üdë cja̧rȩmȩrȩ Toma quȩmȩrëremȩde. Peaja̧di "Chjara" yo̧rëreji̧ri̧diro̧jo̧ȩ ju̧i̧. Ado Jechu judi jibëa̧ jadü ja̧ chjarerä chjaodëri̧ idëpea̧rä, pio judiborë a̧dopadërëremȩde.

Juan 6:64

Jabo mȩnȩro̧ orë quëna̧dërenȩro̧coe —yo̧mȩrȩ yo̧rëremȩdejȩrȩ Jechu judi. Jabechji̧ peadëri ja̧ chjadëri̧ dabarëremȩde Jechu judi pio jȩa cho̧rë jädiäji̧ri̧ pio ji̧ri̧ chjiari. ‘Aja̧, o judiro̧ tjamo̧ri̧ quëna̧dëpadiro̧coada, pio coa cho̧rë jäji̧ri̧borë quëna̧dëpadiro̧coada, ado pio üdëje chjai̧dëri̧ japajadicoada, jabechji̧ pio coa ja̧bo tänȩtämi̧ cjiaji̧ri̧ pio ji̧ri̧iäpȩmo̧ u̧i̧pë gatë tänȩpadicoada’ quëna̧ dabarëremȩde Jechu judi jabërä.

Juan 6:70

Ado ja̧dëa ji̧ Jechu judi yo̧a̧dejȩrȩ: —Danȩrȩ, 12 oa mitëa̧requededibe. Jabo mȩnȩro̧ cja̧rȩmȩrȩ Ichiaerë ira̧diä cjaeäa̧ oa cjiade —yo̧a̧dejȩrȩ.

Japarea̧ 2:23

Jabo danȩrȩ, pio jiro Jechu pio judi yürüa̧ oa cjiarëremȩde ja̧bo tänȩa̧ oa cjiapea̧ oa. Ütë tjamo̧ pio judi pearä judirä ütarë jo̧rȩtarërea̧mi̧ yürüa̧ oa cjiarëremȩde toro cji̧de ja̧bo tänȩa̧ oa cjiapea̧ oa chjai̧dëri̧ japaji̧ri̧ pio ji̧ri̧iä. Ado pio mȩnȩro̧nȩrȩ ji̧dëri̧ judiodë pio ji̧ri̧iä toro cji̧de ja̧bo tänȩrëreji̧ri̧ judiro̧.

Juda 1:4

Jabo cjäri̧ madiro̧jo̧ȩ, o judiro̧ ado cja̧rȩmo̧ ma̧ȩpe bagarea̧mi̧ dari̧ a̧ra̧ano̧tämi̧ cjiadiro̧jo̧ȩ. Danȩrȩ, Ütë tjamo̧ ja̧ pumȩdë pio judiro̧ goadi chjare yu̧ë a̧dopaji̧ri̧pea̧dirȩ pio dibë nö̧ta. Ado judiro̧ coëma̧ cjiari̧ cjo̧ro̧cji̧ quëna̧ jape chjaodirȩ pio dibë u̧i̧papea̧ oa, mȩnȩro̧ u̧ipea̧ oa jo̧rȩtapea̧ oa, mȩnȩro̧ pio jibë chjiari na̧e chiachea oa. Jabechji̧ mȩnȩro̧ pio jibëiäpȩmo̧ darä, ‘Jabechji̧ pumȩ chjadëdiro̧da, ma̧ȩ coëma oa a̧ra̧ano̧diro̧da’ quëna̧ jo̧rȩtatä eatadiro̧dibe. Jabo cjäri̧ madirȩ ca̧ oti̧, chji̧ chjadëdë maeara̧ jo̧rȩtaji̧ri̧rȩ a̧ra̧ano̧dirȩ judiro̧. Jabechji̧ judiro̧ ni̧bä chjaoro ma̧i̧ dari̧ yo̧dirȩ: “Aja̧, Ütërë cjäri̧ri̧ cjia da̧ chja̧oerä cjo̧ro̧mȩ pio judi china̧chja pio ji̧ri̧ baë ëba mo̧a̧ chjaorä judi, dami̧ti̧ idi̧ da oa japarä judi, jabechji̧ chjadëde” yo̧dirȩ. Jabo cjäri̧ madiro̧jo̧ȩ ca̧ oti̧, Jechu Quiricho pio ju̧i̧ chjuari jiadadiro̧jo̧ȩ, ado pio ju̧i̧ ja̧ chja̧oerä cjo̧ro̧dëri̧ cjiadirȩ. Jabechji̧ ‘Ano̧mȩ tjamo̧ pio judidida’ quëna̧tärea̧ ji̧, ‘tjamo̧ yo̧mȩ pio judi tjamo̧dida’ quëna̧tärea̧ ji̧, quëna̧dë madirȩ. Ado pio ju̧i̧iä pio jiro pumȩ pio ji̧ri̧ chjiari jabërä go̧ȩpea̧ oa cjiarëremȩde ma̧ȩ üdë no̧mȩ tjamo̧ri ja̧. Tjamo̧ davä. Judiro̧ cjiadiäa̧ japamitërä ana̧ri̧ bape chjaopea̧ pio ju̧i̧ chjiari jabërä go̧ȩpea̧ oa cjiarëremȩde.