Juan 6:44 - Biblia Pume

⁴⁴ Danȩrȩ, pio coa chjadüa̧mȩ Ama̧i̧ pio judi pumȩ ji̧ri̧ jo̧rȩta tänȩa̧rämo̧ quëna̧rea̧ dapadiro̧coe. Tjamo̧ davä. Pio judi jo̧rȩta tänȩa̧rämo̧ quëna̧rea̧ dapadiro̧coe. Ado coa quëna̧ji̧ri̧ pio ji̧ri̧ cjiadiäa̧ japamitërä, jabechji̧ bëdü tänȩparequedejȩrȩ bucho ana̧ cjo̧ro̧rea̧ dapea̧ oa —yo̧a̧dejȩrȩ—.

Juan 6:44 Iomraidhean Croise

Mateo 12:34

Jabo cjäri̧ manȩrȩ, to chjadëdëmi̧ da maeanȩrȩ. Ma̧i̧ da ë chiamȩ pomi̧ danȩrȩ. Jabechji̧ ma̧ȩ coëma oa ni̧bärea̧mi̧dënȩrȩ. Chjai̧dë maea oa ni̧bänȩrȩ. Jabechji̧ dibëa̧ chji̧ chjadëdëri pio judiri ji̧dë ma cjitëde mȩnȩro̧ jo̧rȩtarea̧ üdë. Ado mȩnȩro̧ jo̧rȩta̧ pio ju̧i̧ ni̧bänȩrȩ dibëa̧ yara̧ pio ju̧ri̧ra̧ ⁠—⁠yo̧a̧dejȩrȩ⁠—⁠.

Mateo 16:17

Ado Jechu judi pio ju̧i̧ ta̧rëa̧ oaiä yo̧a̧dejȩ Pedro ju̧i̧: ⁠—⁠Ütë tjamo̧ judi pio coa chjiari chjadëri̧ daba tänȩa̧ oaiä, jabechji̧ na̧ȩ chiapea̧renȩ ⁠—⁠yo̧a̧dejȩ⁠—⁠. Ado pio mȩa ja̧di dari̧ daba tänȩa̧ oaiä, jabechji̧ Ütërë chjadëri̧ a̧doa̧ oa cjiarenȩ. Jabechji̧ eami̧ pumȩ pio judi tänȩa̧ oaiä na̧e chiape bagadëa̧renȩ, jabo jabechji̧ ca̧ Ama̧i̧ pio judi dabarea̧ yürü oaiämo̧i̧ na̧e chiapea̧renȩ. Tjamo̧ davä. A̧dëräpȩ cjiamȩ Ama̧i̧ pio judi daba tänȩa̧ oaiä, na̧e chiapea̧renȩ pio coa chjiari. Ado judi ja̧di dari̧ japea̧ oaiä, jabechji̧ chjadëri̧ a̧doa̧ oa cjiarenȩ.

Juan 12:32

Jabo cüdë toro uëräpȩmo̧ cji̧däa̧ oa cjiarä, jabechji̧ oëra̧ti̧ oa cjo̧ro̧ji̧ri̧ pumȩ ütëbodärä oa a̧doparequedejȩrȩ, judiro̧ pio coaiäpȩmo̧ quëna̧pea̧ oa —yo̧mȩrȩ yo̧rëremȩdejȩrȩ Jechu judi.

Juan 5:44

Ado pio ju̧i̧ uëri dibëa̧ dëbëti̧ra̧ chia ma̧ chiadëri̧ cjiaji̧ri̧rȩ ba chiaparȩmi̧ dari̧ chjacjiamȩri̧ ni̧bärenȩrȩ. Aja̧, dibëa̧ pumȩ judiro̧ pio dibë ba chiaparȩmi̧ dari̧ ni̧bärä judi goae tjamo̧didibe, jabo 'Ütë tjamo̧ judi pio coaiäpȩmo̧ ba chia datä eacuni̧da' quëna̧ jo̧rȩtadë marenȩro̧jo̧ȩ. Jabechji̧ Ütë tjamo̧ pio judimo̧rȩ Ütëräbo, 'pio coaiäpȩmo̧ ba chia datä eacuni̧da' quëna̧ jo̧rȩtadë marenȩro̧jo̧ȩ. Ado pio ju̧i̧iä quëna̧rea̧ dadërenȩro̧jo̧ȩ.

Juan 6:43

Jabo Jechu judi tuti yo̧a̧dejȩrȩ: —Cjapiri̧ cjiachji̧vä. Jabechji̧ dibëa̧ dëbëti̧ra̧ chia ma̧ȩ goaedëra̧ yo̧dëchji̧vä —yo̧a̧dejȩrȩ—.

Juan 6:45

Peaja̧di ta̧rëri̧ go̧ȩpea̧ oa cjiade Ütërë ea jana̧ chjadüa̧ oa ni̧bäji̧ri̧ judiro̧ yo̧rërea̧ ma̧ȩ üdë. “Aja̧, pumȩ judiro̧ ütëborë Ama̧i̧ tjamo̧ pio ju̧i̧iä dabaparea̧ dapadirȩ” yo̧diibe ma̧ȩ üdë. Ado pio ju̧i̧iä yo̧requededibe. Eami̧ pumȩ üdë Ama̧i̧ tjamo̧ pio ju̧i̧iä dabaparä judi, jabechji̧ pio coa cho̧rë ma̧na̧mi̧ dari̧ quëna̧rea̧ dapadique.

Juan 6:65

Ado pio ju̧i̧iä yo̧rëremȩde Jechu judi: —Danȩrȩ, mȩnȩro̧ orë tjamo̧ri̧ quëna̧dërenȩro̧coe. Ado pio ju̧i̧iä yo̧a̧requededibe pio yabo. “Aja̧, Ama̧i̧ tjamo̧ judi pumȩ oa jo̧rȩta tänȩa̧rämo̧ cho̧rë ma̧na̧mi̧ dari̧ quëna̧rea̧ dapadique” yo̧a̧requededibe. Ado tjamo̧ri̧ yo̧a̧requededibe. Aja̧, pio judi dibë a̧doa̧rämo̧ quëna̧rea̧ daparenȩro̧coe —yo̧mȩrȩ a̧de yo̧a̧dejȩrȩ.

Juan 8:43

¿Tjana̧ ju̧i̧iä bapë ta̧rëdërenȩro̧coe? Tjana̧ ju̧i̧iädë, jabechji̧ pio coa ta̧rë ja̧bodëri̧ cjia oaiä bapë ta̧rërea̧mi̧dënȩrȩ.

Pjiripo Ma̧ȩ 1:29

Tjamo̧ davä. Mȩnȩro̧ chjätärea̧ dapea̧ oa quëna̧rea̧ yürürëremȩdidibe Ütë tjamo̧ judi. Cjäri̧ri̧ cjia damȩrȩ quëna̧rea̧ yürürëremȩdidibe Quiricho pio ju̧i̧iä. Ado pio ju̧i̧ uëri conȩdarea̧bo yürürëremȩdidibe.

Corochȩche Ma̧ȩ 2:12

Ado danȩrȩ, mȩnȩro̧ go̧ȩ cjaeä chuda̧ oa cjiarërea̧ ji̧, Quiricho pio ju̧i̧ nö̧ta na̧ra̧ oa cjia cjiarëreji̧ri̧nȩrȩ. Ado Quiricho pio ju̧i̧ nö̧ta bëdüa̧ oa cjiarëreji̧ri̧nȩrȩ peaja̧di. 'Jabechji̧ Ütë tjamo̧ ja̧ jauëchja pio ju̧i̧iä bëdüa̧ oa cjiaa̧ro̧da yaba̧’ quëna̧ jo̧rȩtaji̧ri̧rȩ quëna̧ji̧ri̧pea̧nȩro̧jo̧ȩ Ütë pio ju̧i̧, Quiricho pio ju̧i̧ bëdü tänȩrëremȩ pio ju̧i̧. Ado pio ju̧i̧iä bëdürea̧ yürüa̧didibe.