Juan 6:1 - Biblia Pume

¹ Ja̧dëa ji̧ judio tjamo̧ yo̧ji̧ri̧ pio ji̧ri̧iäpȩmo̧ ni̧bä chjao ëte, Jechu judi Garirea tja oëräpȩ chjätärëremȩde. Ado Garirea tja oa, peaja̧di Tiberia tja yo̧rëreji̧ri̧diro̧jo̧ȩ. Aja̧, yo̧a̧ri̧ quȩ chiarëremȩde.

Juan 6:1 Iomraidhean Croise

Mateo 15:29

Ado Jechu judi pio judiri jämȩrȩ Garirea tja yuroro chjätärëremȩde. Ado judiri ya̧mi̧ uëräpȩ buamȩrȩ buarëremȩde. Ado bua ëte, charëremȩde.

Mateo 4:18

Ado Jechu judi Garirea̧ tja yuroro tai̧mȩrȩ darëremȩdejȩrȩ yo̧a̧ri̧ oari ji̧ri̧, ji̧mo̧ ja̧ pio ji̧ri̧. Chimo̧ quȩmȩ pio ju̧i̧, ado A̧däre quȩmȩ pio ju̧i̧ darëremȩdejȩrȩ, cho̧ mu̧i̧rea̧ bärera̧ tjaräpȩmo̧ mu̧i̧ chideji̧ri̧ oa. Jabechji̧ cho̧ mu̧i̧ji̧ri̧rȩ cjo̧ro̧rëreji̧ri̧dirȩ. Ado Chimo̧ pio ju̧i̧, peaja̧di Pedro yo̧rëreji̧ri̧diro̧jo̧ȩ.

Lucas 5:1

Ado cja̧rȩmo̧ doremȩrä, Jechu judi Genachare quȩmȩ tja yuroro cjiamȩrȩ a̧ra̧ano̧rërea̧ ji̧, pumȩ bubarë gi̧de ariä baärëreji̧ri̧dirȩ Jechu ja̧ yuro oa, Ütë tjamo̧ ja̧ ma̧ȩ oa tjamo̧ri̧ ta̧rëtämi̧ cjiaji̧ri̧rȩ.

Juan 21:1

Ado ji̧dë duri oa Tiberia quȩmȩ tja yuroro cjiaji̧ri̧ oa, Jechu judi ado chjereno̧ da tänȩrëremȩdejȩrȩ jibëa̧ jadü ji̧ri̧ pio jȩaiäpȩmo̧. Jabechji̧ pio jȩaiäpȩmo̧ darea̧mi̧ dari̧ go̧düdärärëremȩde pio ji̧ri̧iäpȩ. 'Ado Jechu judi ¿yö̧ta dari̧ japea̧diji̧ri̧da’ quëna̧chea oa, jabechji̧ chjadëri̧ ütarë yo̧parequededibe. Ta̧rëchji̧vä.

Juan 6:23

Ado Tiberia quȩmȩ bë ma̧ri̧ri pio judiriji̧ri̧ judiro̧ go̧düdärärëreji̧ri̧dirȩ jibëa̧ charara̧ pumȩ judiro̧ cjiadiäa̧räpȩ ju̧ri̧. Aja̧, Jechurë pumȩ ji̧ri̧ chja̧pe oa ëba jura̧räpȩ ju̧ri̧, Jechurë Ütë tjamo̧ pio ju̧i̧iäpȩmo̧ chjacjiamȩri̧ ni̧bäa̧räpȩ ju̧ri̧ go̧düdäräa̧dirȩ.

Juan 7:1

Ado japamitë chjätä ëte, Garirea quȩmȩ chirirämo̧ tai̧rëremȩde Jechu judi. Jabechji̧ oëra̧ti̧ oa chjätäti̧ cjiarërea̧ ji̧, Garirea quȩmȩ chirirämo̧ ano̧ mire tai̧rëremȩde. Jabechji̧ Judearäpȩ tjamo̧ cjo̧ro̧ji̧ri̧ judio judiro̧ Jechu pio ju̧i̧ ja̧bo tänȩpea̧ ji̧ järi tjamo̧ oaiä, ja̧dira̧ jädëri̧ cjiarëremȩde.

Juan 9:10

—Jabo chjadëri̧ yo̧ibe. ¿Yö̧ta dari̧ chjapea̧ oa cjiarenȩ yaba̧ da cotomȩrȩ cjo̧ro̧rërea̧ ji̧? —iëno̧ë ta̧rëa̧diro̧jo̧ȩ.