Juan 5:9 - Biblia Pume

⁹ Ado chjaodëri̧ chjapea̧ oa cjiarëremȩde pumȩ üdë. Ado cjitëno̧a̧ ëte, jibëa̧ tjae a̧rȩrea̧ oa mitë ëte, jabechji̧ taruparëremȩde tai̧pea̧ ji̧. Jabo cjiadiärea̧ dorëremȩde. Järätä chjaparea̧ dorëremȩde.

Juan 5:9 Iomraidhean Croise

Marcos 1:31

Ado Jechu judi goëdepea̧dejȩ. Ado ji̧ ja̧ ichi oa mitë ëte mu̧i̧ gatëmȩrȩ a̧doa̧dejȩ cjitëpea̧ ji̧. Ado chjaodëri̧ chjapea̧nȩ taipa ja̧bodëyi̧pe bagarea̧mi̧ dari̧. Ado chjaodëri̧ taruparëreyi̧nȩ ja̧bepapea̧ ji̧. Ado jurarea̧ oa jëdano̧ ëte goë yürürëreyi̧nȩjȩrȩ.

Marcos 1:42

Ado chjaodëri̧ chjapea̧ oa cjiarëremȩde pumȩ üdë. Ma̧i̧ da coremȩ üdë, jabechji̧ jiro decjiapea̧de. Co chjapea̧de.

Marcos 10:52

Ado Jechu judi yo̧a̧dejȩ: —Jabechji̧ baävä. Mȩnȩ quëna̧ tara, jabechji̧ chjaparea̧ oa cjiarenȩ —yo̧a̧dejȩ. Ado chjaodëri̧ damȩpea̧de Batimeo judi. Aja̧, judi dadërërea̧ ji̧, chjaodëri̧ damȩpea̧de. Ado cho̧rë järëremȩdejȩ Jechu ju̧i̧ no̧ro jämȩ oa.

Marcos 5:29

Ado goe baäri̧ cjo̧ro̧rërea̧ ji̧, chjaodëri̧ chjapea̧nȩ. Ado jini̧, 'Aja̧, pio jiro gito oa japamitë ana̧ri̧ tararërea̧ ji̧, bucho ana̧ chjapea̧ oa cjiaquëda yaba̧, ca̧ icjara üdë chjadëpea̧dida' quëna̧ jo̧rȩtayi̧pea̧nȩ.

Juan 5:14

Jabo ji̧dë duri oa Jechu judi dadäräa̧dejȩ chjapea̧ oa cjiamȩ ju̧i̧ Ütë tjamo̧ ja̧ bëräpȩmȩ oa. Ado iëno̧ë ta̧rëa̧dejȩ: —Danȩ, chjapea̧ oa cjiarenȩ yaba̧. Ado yaba̧ jabechji̧, chjai̧dë pio ju̧i̧ japë ano̧vä. Mȩnȩ gitori̧ tararërea̧ ju̧i̧ u̧i̧ chjai̧dë oa tarachea oa, ji̧dë u̧i̧ chjai̧dë oa chjätächea oa, jabechji̧ ado judiri chjai̧dë pio ju̧i̧ japadëvä yaba̧ —yo̧a̧dejȩ.

Juan 7:23

Aja̧, mȩnȩro̧ Moicherë go̧ȩparërea̧ ma̧ȩ pio ju̧i̧ jiadachea oa, jabechji̧ järätä chjaparea̧ dorobo budorënȩrȩ dibëa̧ ja pio ji̧ri̧. Pio ju̧i̧iä yo̧requededibe. Pio mȩnȩro̧borë ja̧bepanȩrȩ järätä chjaparea̧ doro. Ado pio ju̧i̧iä iëno̧ë ta̧rërequededibe. ¿Tjana̧ ju̧i̧iä ërecjiapea̧renȩro̧coe? Cüdë gito ja̧bomȩ pio ju̧i̧ järätä chjaparea̧ doro chjaparȩa̧ pio ju̧i̧iä, ¿tjana̧ ju̧i̧iä ërecjiapea̧renȩro̧coe?

Juan 9:14

Jabechji̧ Jechu judi da cotoremȩ pio ju̧i̧ chjaparea̧ do üdë, cjarara̧ jo̧a̧ do üdë, järätä chjaparea̧ dorëremȩde.