Juan 5:32 - Biblia Pume

³² Jabo danȩrȩ, ado cja̧rȩmo̧de pio coa chjiari ni̧bämȩ judi. Ca̧ Ama̧i̧ pio judide. Ado judi pio coa chjiari yo̧a̧ üdë, ‘Aja̧, coëma cjia maeadida’ quëna̧ dabarequede —yo̧a̧dejȩrȩ—. Jabechji̧ judi coa chjiari yo̧a̧ üdë, tjamo̧i̧ cjiari̧ baäde.

Juan 5:32 Iomraidhean Croise

Mateo 17:5

Jabo Pedro judi jabë ni̧bäa̧rä, a̧dë chjäte tatari̧ cjiamȩ go̧a̧ra̧ ë üdë birana̧ra̧rëremȩdejȩrȩ ji̧ri̧ ja̧ uëräpȩ. Ado go̧a̧ra̧ ë tjori pio judiri ni̧bämȩ oa ta̧rëa̧diro̧jo̧ȩ. Ja̧di ta̧rëri̧ ni̧bämȩ oa ta̧rëa̧diro̧jo̧ȩ: "Pio yodëje ca̧ Jadiquȩ. Goae tjamo̧diquȩ. Ado pio ju̧i̧iä jabechji̧, ta̧rë ja̧bochji̧jo̧ȩ."

Mateo 3:17

Ado chjaodëri̧ ta̧rëa̧ maeadiro̧jo̧ȩ a̧dëri pio judiri ni̧bämȩ oa. Ja̧di ta̧rëri̧ yo̧a̧mȩ oa ta̧rëa̧diro̧jo̧ȩ: "Ea tjamo̧requedemȩ ca̧ Ja. Ma̧ chiadëri̧ cjia tjamo̧mȩrȩ darequedemȩ." Aja̧, ja̧di ta̧rëri̧ yo̧mȩrȩ yo̧rëremȩde Ama̧i̧ tjamo̧ judi jibëa̧ Ja pio ju̧i̧ chjiari judi uiri pio judiri go̧dürërea̧ ji̧.

Marcos 1:11

Ado a̧dëri pio judiri ni̧bämȩ oa chjaodëri̧ ta̧rëa̧ maeadiro̧jo̧ȩ. Ja̧di ta̧rëri̧ yo̧a̧mȩ oa ta̧rëa̧diro̧jo̧ȩ: "Ea tjamo̧requedemȩ ca̧ Ja. Ma̧ chiadëri̧ cjia tjamo̧mȩrȩ darequedemȩ." Aja̧, ja̧di ta̧rëri̧ yo̧mȩrȩ yo̧rëremȩde Ama̧i̧ tjamo̧ judi Joja oa.

Lucas 3:22

Ado Tjo tjamo̧ pio judi a̧dëri pio judiri birana̧ra̧rëremȩdejȩ. Tjamo̧ davä. Birana̧ra̧rëremȩdejȩ jotoco puami̧ dari̧. Ado chjaodëri̧ ta̧rërëreji̧ri̧diro̧jo̧ȩ a̧dëri pio judiri ni̧bämȩ oa. Aja̧, ja̧di ta̧rëri̧ yo̧a̧mȩ oa ta̧rëa̧diro̧jo̧ȩ: —Ea tjamo̧requedemȩ ca̧ Ja. Ma̧ chiadëri̧ cjia tjamo̧mȩrȩ darequedemȩ —yo̧mȩrȩ yo̧rëremȩde Ama̧i̧ tjamo̧ judi jibëa̧ Ja pio ju̧i̧ chjiari, judi uiri pio judiri pea go̧dürërea̧ ji̧.

Juan 1:33

Jabo pio ju̧i̧ daea̧mȩborë, ‘jabechji̧ Ütë tjamo̧ ja̧ Jojadida’ quëna̧ dabadëa̧täremȩreconȩ. Jabo Ütë tjamo̧ judi coa jabërä ni̧bäa̧ oaiä, uira̧ go̧e cjaeä chudapea̧ oa chjadürëremȩ pio judi coa jabërä ni̧bäa̧ oaiä, jabechji̧ dabamȩpea̧requede. Ado coa yo̧a̧ ji̧, ja̧di ta̧rëri̧ yo̧rëremȩdique: "Danȩ Juan, Jechuro cjiadiäpea̧ oa biradärämȩ oa daparenȩ Tjo tjamo̧ pio ju̧i̧" yo̧a̧dique. "Pio judi tjamo̧de. Tjo tjamo̧ra̧ pio ju̧ri̧ra̧ go̧ȩ cjaeä chudapamȩ pio judi tjamo̧de" yo̧a̧dique.

Juan 12:50

Ado judi ni̧bäa̧ üdë, bucho ana̧ cjo̧ro̧rea̧ yürümȩde. Ado pio ju̧i̧iä yo̧requededibe ado. Cüdë ni̧bäa̧ üdë, ca̧ Ama̧i̧ judi yo̧a̧ duri maeade —yo̧mȩrȩ ni̧bä chjaorëremȩdejȩrȩ pumȩ ji̧ri̧ Jechu judi.

Juan 5:34

Jabo eami̧ pumȩ judi pio coa chjiari coëma̧ cjiari̧ yo̧a̧räbo, pio ju̧i̧iä ja̧ȩ cjiami̧ dari̧ cjiadërequede. Jabo dëdë, Juan judi yo̧a̧ pio ju̧i̧ chjiari yo̧requededibe mȩnȩro̧ chjätärea̧ dapea̧ oa.