Juan 5:3 - Biblia Pume

³ Ado gito ja̧boji̧ri̧ pio judiro̧ no̧i̧dërë pio jiro jo̧räpȩ ju̧ri̧ a̧rȩrëreji̧ri̧dirȩ. Da cotoji̧ri̧ judiro̧, tai̧rea̧ chiadëji̧ri̧ judiro̧, ado ju aäpapea̧ji̧ri̧ judiro̧ a̧rȩrëreji̧ri̧dirȩ.

Juan 5:3 Iomraidhean Croise

Mateo 15:30

Ado pumȩ bubarë jädäräa̧diro̧jo̧ȩ ya̧mi̧ uëräpȩ chamȩ oa. Jabechji̧ gito ja̧boji̧ri̧ no̧i̧dë tjamo̧ oa ëba järëreji̧ri̧diro̧jȩrȩ Jechu pio judi chjaparȩpea̧ oa. Tai̧rea̧ chiadëji̧ri̧ pio ji̧ri̧, ju chjerea̧ oa cjiaji̧ri̧ pio ji̧ri̧, dacho cotoji̧ri̧ pio ji̧ri̧, ni̧bärea̧ chiadëji̧ri̧ pio ji̧ri̧, ado dami̧ti̧ gito oa ja̧boji̧ri̧ pio ji̧ri̧ ëba jädärärëreji̧ri̧diro̧jȩrȩ Jechu pio ju̧i̧iäpȩ. Ado ütëbodärä oa chjaparȩa̧dejȩrȩ.

Mateo 4:24

Ado judi ja̧di dari̧ japea̧ oaiä, jabechji̧ pio ju̧i̧ chjiari ma̧ȩ üdë oëra̧ti̧ oa chjuchjupechärëremȩde Chiria quȩmȩ chiri nö̧ta oa. Ado pio ju̧i̧iä ëba go̧düdärä chjaorëreji̧ri̧diro̧jo̧ȩ pumȩ judiro̧ gito ja̧boji̧ri̧ pio ji̧ri̧. Ado jabechji̧ chjö̧na̧i̧därä oa chjaparȩrëremȩdejȩrȩ Jechu judi. Dami̧ti̧ gito oa ja̧boji̧ri̧ pio ji̧ri̧ chjaparȩrëremȩdejȩrȩ. Jabechji̧ gaipa ja̧boji̧ri̧ pio ji̧ri̧, ju chjererea̧ dadëji̧ri̧ pio ji̧ri̧ chjaparȩ marëremȩdejȩrȩ, tai̧rea̧ chiadëji̧ri̧ pio ji̧ri̧bo. Ado cjarari̧ cjiape jäji̧ri̧ pio ji̧ri̧, i ma̧na̧gurami̧ dari̧ cjiaji̧ri̧ pio ji̧ri̧ chjaparȩrëremȩdejȩrȩ peaja̧di. Ado yaröca chiaji̧ri̧ pio ji̧ri̧bo chjaparȩrëremȩdejȩrȩ, yaröca chiadëji̧ri̧pe bagarea̧mi̧ dari̧.

Lucas 7:22

Ado ja̧dëa ji̧ ja̧di dari̧ japa ëte, ja̧di ta̧rëri̧ dëbë yo̧a̧dejȩrȩ pio jȩa goëdaera̧pea̧ji̧ri̧ pio ji̧ri̧: —Danȩrȩ, ado chjereno̧ carupë baäeno̧chji̧vä Juan pio ju̧i̧iäpȩmo̧ chjadëri̧ ta̧rë tänȩpea̧ oa —yo̧a̧dejȩrȩ—. Mȩnȩro̧ pio coaiä ta̧rëa̧ pio ju̧i̧ chjiari ta̧rë tänȩpea̧ oa, mȩnȩro̧ irä daea̧ pio ju̧i̧ chjiari chjadëri̧ ni̧bä chjaopea̧ oa, cuchupë baächji̧vä. Jabechji̧ dacho cotorëreji̧ri̧ pio judiro̧ chjadëri̧ daji̧ri̧pea̧dirȩ. Ado ma̧i̧ da co chiarëreji̧ri̧ pio judiro̧ chjaparȩa̧ oa cjiaji̧ri̧pea̧dirȩ. Ado tai̧rea̧ chiadërëreji̧ri̧ pio judiro̧ chjadëri̧ tai̧rea̧ daji̧ri̧pea̧dirȩ. Ado ta̧ra̧ cotorëreji̧ri̧ pio judiro̧ chjadëri̧ ta̧rërea̧ chiaji̧ri̧pea̧dirȩ. Ado ja̧boa̧reji̧ri̧ pio judiro̧ bëdü ëte, cjo̧ro̧ji̧ri̧pea̧dirȩ ado chjereno̧. Ado chjö̧na̧i̧ti̧ oa cjäri̧ ja̧boji̧ri̧ pio judiro̧ ma̧ȩ chjadëi̧ pio ju̧i̧ ta̧rëdërërea̧ ji̧, jabechji̧ cüdë a̧ra̧ano̧a̧ pio ju̧i̧ ano̧ mire ta̧rëji̧ri̧pea̧dirȩ yaba̧. Aja̧, pio ju̧i̧ chjiari ta̧rë tänȩchji̧jo̧ȩ Juan pio ju̧i̧ —yo̧a̧dejȩrȩ—. Jabechji̧ cüdë chjö̧na̧i̧ oa japea̧ pio ju̧i̧ chjadëri̧ ni̧bä chjaochji̧jo̧ȩ, mȩnȩro̧ daea̧ pio ju̧i̧. Jabechji̧ judi dabadëchea oa, chjadëri̧ tärȩ tänȩchji̧jo̧ȩ.

Juan 5:2

Ado Jerucharȩräpȩ ju̧ri̧ arȩrëremȩde tja boi̧chji̧ üdë, pumȩrȩ jëdano̧rërea̧ tja üdë. Aja̧, oveja quȩmȩ jo̧ë ya queri̧räpȩ a̧rȩrëremȩde. Ado pio jiro tja oa ebereo ma̧ȩra̧ yo̧a̧ ji̧, Bechata yo̧rea̧de. Ado tja yuroro cji̧däa̧ oa cjiarëremȩde cja̧rȩichimo̧ jo̧, cja̧ȩta̧ra̧rimo̧ a̧rüa̧ oa cjiamȩrȩ.

Juan 5:4

Ado tjaoërämo̧ doti̧mi̧dë, Ütë tjamo̧ ja̧ mu̧i̧tjoi̧ pio judi birarëremȩde ui oa aechja̧de aechja̧de cjia tänȩpea̧ oa. Ado ja̧dëa ji̧ tjaräpȩmo̧ yabo yu̧a̧mȩ pio judimo̧rȩ chjaodëri̧ chjaparȩrea̧ daea̧de jauëchja cjiari̧. Ado pio ju̧i̧iä gito ja̧boji̧ri̧ pio judiro̧ ji̧dë ma jidataji̧ri̧rȩ cjo̧ro̧rëreji̧ri̧dirȩ pio ju̧ri̧pȩ.

Domano Ma̧ȩ 8:25

Tjamo̧ davä. Jabë tara, jabë mitëa̧ oa goadë tara, jabë ibëa̧ dachora̧ irä dadë tara, jabechji̧ ma̧ chjua jo̧rȩtaji̧ri̧rȩ jidatarea̧rȩ jëreeadëji̧ri̧rȩ.

Santiago Ma̧ȩ 5:7

Ja̧di tara ca̧ oti̧, jabechji̧ ma̧ chjua jo̧rȩtaji̧ri̧rȩ cjo̧ro̧chji̧vä. Chëre ji̧ra̧ri̧ goaji̧ri̧ pio judiro̧ dibë conȩdaräbo, mȩnȩro̧ eami̧ti̧ chjai̧dë oa chjätäräbo, jabechji̧ jëreeadëji̧ri̧rȩ ma̧ chjua cjo̧ro̧chji̧vä ibëa̧ Ano̧mȩ judi jana̧rä yuro. Danȩrȩ, tjado ana̧mȩ judi cho oa ponȩ ëte, jabechji̧ jëreeadëmȩrȩ jidatadejȩ pearä cjüpamȩ ui pio ju̧i̧, ji̧dë duri oa cjüpamȩ uibo. Jabechji̧ jëreeadëmȩrȩ ma̧ chjua jidatadejȩ daburi pio judiri cjitëpamȩ jurarea̧ goae oa.