Juan 5:23 - Biblia Pume

²³ Jabechji̧ pumȩ judiro̧ ütëborë Ja tjamo̧ pio ju̧i̧iäpȩmo̧ ba chia jo̧rȩtapea̧ oa, Ütë tjamo̧ pio ju̧i̧ ba chia dami̧ dari̧ dapea̧ oa, pio jiro ja̧beparea̧ oa yürüa̧dique. Ado eami̧ pumȩ judi Ja tjamo̧ pio ju̧i̧ ba chia jo̧rȩtadërä judi, peaja̧di ba chia jo̧rȩtadëdejȩ Ama̧i̧ tjamo̧ ju̧i̧ia̧pȩmo̧. Jabechji̧ pio judide coa chjadüa̧mȩ judi —yo̧mȩrȩ ni̧bä chjaorëremȩdejȩrȩ judio tjamo̧ yo̧ji̧ri̧ pio ji̧ri̧iäpȩmo̧ Jechu judi.

Juan 5:23 Iomraidhean Croise

Mateo 10:37

⁠—⁠Jabo danȩrȩ ca̧ jadü, eami̧ pumȩ üdë pio coa ji̧dë u̧i̧ eapea̧ chiadique. Pio coa o ji̧ri̧ u̧i̧ eapea̧ chiadique. Jabechji̧ o ji̧ri̧ u̧i̧ ea tjamo̧dërä judi, ca̧ jadüpe bagarea̧mi̧dëde ⁠—⁠yo̧a̧dejȩrȩ⁠—⁠. Tjamo̧ davä. O ji̧ri̧ ji̧dë u̧i̧ earä judi, coa u̧i̧ earä judi, pio jȩa nö̧rimȩ pio ju̧i̧ ji̧dë u̧i̧ earä judi, pio jȩa arayi̧ pio ji̧ ji̧dë u̧i̧ earä judi, coa u̧i̧ earä judi, jabechji̧ nö̧tadëde ca̧ jadüpe bagapea̧ ji̧. Ado joja pio ju̧i̧ ji̧dë u̧i̧ earä judi, jojabi pio ji̧ ji̧dë u̧i̧ earä judi, pio coa u̧i̧ earä judi, jabechji̧ nö̧tadëde ca̧ jadüpe bagapea̧ ji̧.

Mateo 11:27

Ja̧dëa ji̧ Jechu judi ado ni̧bärëremȩdejȩrȩ pumȩ ji̧ri̧, ja̧di ta̧rëri̧ yo̧mȩrȩ: ⁠—⁠Danȩrȩ ca̧ pumȩ, ca̧ Ama̧i̧ pio judi tjamo̧ yo̧rea̧ yürürëremȩdique ⁠—⁠yo̧a̧dejȩrȩ⁠—⁠. Ado pio ju̧i̧iä chjö̧na̧i̧därärë ca̧ chja̧oerämo̧ cjiade. Ado ca̧ Ama̧i̧ pio judi chjadëri̧ dabadique. O judiro̧ tjamo̧ri̧ dabadëdiro̧coe jabo ca̧ Ama̧i̧ pio judi, dëdë, tjamo̧ri̧ dabadique. Ado cüdë peaja̧di dabareconȩ ca̧ Ama̧i̧ pio ju̧i̧. O judiro̧ tjamo̧ri̧ dabadë madiro̧jo̧ȩ jabo cüdë, dëdë, tjamo̧ri̧ dabareconȩ. Ado cüdë mitëa̧ pio ji̧ri̧bo daba tänȩparequedejȩrȩ ca̧ Ama̧i̧ pio ju̧i̧ ⁠—⁠yo̧a̧dejȩrȩ.

Mateo 12:21

Ado pio ju̧i̧iämo̧i̧ jidatarea̧ dapadirȩ chiriräpȩti̧ oa cjo̧ro̧ji̧ri̧ pumȩ pio judiro̧.” Aja̧, ja̧di ta̧rëri̧ go̧ȩparëremȩde Ichaia judi. Ütë tjamo̧ judi Joja pio ju̧i̧ chjiari ni̧bärërea̧ ma̧ȩ pio ju̧i̧ go̧ȩparëremȩde.

Mateo 15:8

“Pio jiro pumȩ judiro̧ jibëa̧ ya maeara̧ chacjiamȩri̧ ni̧bädiro̧coe, jibëa̧ chji̧dë maeara̧.

Mateo 28:19

Ja̧di tara chjadürequededibe ca̧ pumȩ ⁠—⁠yo̧a̧dejȩrȩ⁠—⁠. Jabechji̧ chiriräpȩti̧ oa cjo̧ro̧ji̧ri̧ pumȩ pio ji̧ri̧ a̧ra̧ano̧pea̧ oa, tjaoëpai̧ dari̧ ni̧bäji̧ri̧ pio ji̧ri̧iäpȩmo̧ a̧ra̧ano̧pea̧ oa chjadürequededibe chiri nö̧ta oa. Aja̧, pio ji̧ri̧ dabapa tänȩpea̧ oa, ca̧ jädupe bagarea̧mi̧ dari̧ na̧e chiaparȩpea̧ oa, chjadürequededibe, pio ji̧ri̧ chudapea̧ oa. Aja̧, Ama̧i̧ tjamo̧ ja̧ quȩrä, Ja tjamo̧ ja̧ quȩrä, ado Tjo tjamo̧ ja̧ quȩrä go̧e cjaeä chudapea̧ oa chjadürequededibe.

Lucas 10:16

Ja̧dëa ji̧ pio yoa ma̧ȩbo a̧de yo̧rëremȩdejȩrȩ jibëa̧ jadü ji̧ri̧ Jechu judi: —Danȩrȩ, eami̧ pumȩ üdë pio dibë ta̧rë ja̧borä judi, mȩnȩro̧ a̧ra̧ano̧a̧ pio ju̧i̧ ta̧rë ja̧borä judi, jabechji̧ pio coabo ta̧rë ja̧bodique —yo̧a̧dejȩrȩ—. Ado eami̧ pumȩ üdë pio dibë jiadarä judi, pio coabo jiadadique. Ado eami̧ pumȩ üdë pio coa jiadarä judi, jabechji̧ Ütë tjamo̧ pio ju̧i̧bo jiadadejȩ, coa chjadürëremȩ pio ju̧i̧ —yo̧mȩrȩ ni̧bä chjaorëremȩdejȩrȩ.

Juan 14:1

Ado Jechu judi, jibëa̧ jadü pio ji̧ri̧ ji̧dë u̧i̧ ni̧bä chjaomȩrȩ ja̧di ta̧rëri̧ a̧de yo̧rëremȩdejȩrȩ jabë mechjaräpȩ chaji̧ri̧ oa: —Danȩrȩ, dibëa̧ chji̧ra̧ bücjüri̧ cjiadëchji̧vä —yo̧a̧dejȩrȩ—. Jabechji̧ Ütë tjamo̧ pio ju̧i̧ quëna̧chji̧jo̧ȩ. Pio coabo quëna̧chji̧coe.

Juan 16:14

Aja̧, Tjo tjamo̧ pio judi a̧ra̧ano̧padidibe. Cüdë a̧ra̧ano̧a̧ pio ju̧i̧ a̧ra̧ano̧padidibe, ca̧ chjacjiamȩrea̧ üdë chjadëri̧ na̧rȩa̧ oa cjiapea̧ oa —yo̧a̧dejȩrȩ—.

Juan 17:10

Ca̧ea̧ pio judiro̧ peaja̧di na̧ea̧dirȩ. Peaja̧di na̧ mu̧i̧tjoi̧dirȩ. Jabechji̧ ji̧mo̧ goa marea̧rȩ. Ado pio ju̧i̧iä na̧ea̧ pio judiro̧ peaja̧di ca̧ea̧dirȩ. Ado ca̧ jadü pio ji̧ri̧iä ca̧ chjacjiamȩrea̧ üdë chjadëri̧ na̧rȩa̧ oa cjiapade —yo̧mȩrȩ ni̧bäa̧dejȩ Jechu judi jibëa̧ Ama̧i̧ ju̧i̧.

Domano Ma̧ȩ 1:7

Ado pio dibëiäpȩmo̧ go̧ȩpe chjadürequededibe Ütërë ea̧ chja̧oerä cjiaji̧ri̧ oa, Domaräpȩji̧ri̧ oa. Aja̧, Ütërë mitëa̧ oa cjiaji̧ri̧ oa go̧ȩpe chjadürequededibe, Quiricho pio ju̧i̧iä tutia̧ oa cjiaji̧ri̧ pumȩ pio ji̧ri̧. Danȩrȩ ca̧ pumȩ, ibëa̧ Ama̧i̧ Ütë pio ju̧i̧iä goë cjo̧dërequede, Ano̧mȩ Jechu Quiricho pio ju̧i̧iäbo. Aja, pio dibë chjiari goë cjo̧dëreconȩ ma̧ chjupi̧ cjiari̧ jo̧rȩtarea̧ yürütä, jënȩ cjäri̧ri̧ cjia da̧ chja̧oerä goae tarari̧ cjo̧ro̧rea̧ yürütä. Ja̧di ta̧rëri yo̧mȩrȩ goë cjo̧dëreconȩ.

Domano Ma̧ȩ 15:12

Aja̧, ado peaja̧dimi̧ ta̧rëri̧ go̧ȩparëremȩde Ichaia judi. Ta̧rëchji̧vä: "Aja̧, Jeche pio judiri ja̧mȩ judi, Davi pio ju̧i̧ ja̧ jäja pio judiri ja̧mȩ pio judi ma̧na̧padiibe chiri ütëmȩrȩ cjo̧ro̧pea̧ oa. Ado chiri tjamo̧ yo̧mȩrȩ cjo̧ro̧mȩpea̧rä, jabechji̧ pio ju̧i̧ ja̧ chja̧oerämo̧ cjo̧ro̧padirȩ judiodë judiro̧ ütëborë, pio ju̧i̧iämo̧i̧ jidataji̧ri̧rȩ." Aja̧, ja̧di ta̧rëri̧ go̧ȩpea̧ oa cjiade jabërä cjiarërea̧ ma̧ȩ üdë judiodë pio ji̧ri̧ chjiari. Ado pio ju̧i̧iä yo̧requededibe. Quiricho judi birarërea̧ ji̧, jabechji̧ judiodë pio ji̧ri̧ ja̧bo birarëremȩde.

Domano Ma̧ȩ 6:22

Jabo danȩrȩ ca̧ oti̧, jare chjadüa̧ oa cjiami̧ dari̧ cjianȩrȩ yaba̧. Chjai̧dërë yo̧a̧ chja̧oeri pio judiri go̧düa̧ oa cjianȩrȩ jare chjadüa̧ cjiami̧ dari̧. Tjamo̧ davä. Chjai̧dërë yo̧a̧ chja̧oerä cjo̧ro̧rërea̧ ji̧, Ütë tjamo̧ pio ju̧i̧ ja̧ mu̧i̧tjoi̧pea̧nȩrȩ. Ado pio ju̧i̧iä Ütë tjamo̧ pio ju̧i̧ ja̧ mape bagari̧ cjianȩrȩ, china̧chjari̧ tutia̧ oa cjiaji̧ri̧rȩ. Ado ju̧i̧ uëri bucho ana̧ cjo̧ro̧rea̧ dapanȩrȩ peaja̧di. Ado pio ju̧i̧iä yo̧requededibe ca̧ oti̧.

Domano Ma̧ȩ 8:9

Jabo cjäri̧ manȩrȩ ca̧ oti̧, dibëa̧ chja̧oerä cjo̧ro̧dënȩrȩ. Dibëa̧ icjararä chjai̧dë pio judiri cjitëmȩ jo̧rȩtarea̧ maeara̧ jo̧rȩtariä cjo̧ro̧dënȩrȩ. Danȩrȩ, Tjo tjamo̧ pio ju̧i̧ chiaji̧ri̧pea̧nȩrȩ. Ado pio ju̧i̧ ja̧ chja̧oerä cjo̧ro̧ji̧ri̧pea̧nȩrȩ. Danȩrȩ, Quiricho ja̧ Tjo pio ju̧i̧ chiadëji̧ri̧ judiro̧ Quiricho pio judiri ja̧dëdirȩ. Quiricho pio ju̧i̧ ja̧dëdirȩ.

Cori̧tio Ma̧ȩ 1 1:3

Ado yaba̧ pio yoa ma̧ȩ oa tarupabea yaboi̧, jabechji̧ Ütë tjamo̧ pio ju̧i̧iä goë cjo̧dë yürümȩmi̧ dari̧ ni̧bätämi̧ cjiarequededibe ca̧ oti̧. Aja̧, ibëa̧ Ama̧i̧ Ütë pio judi, Ano̧mȩ Jechu Quiricho pio judiborë cjäri̧ri̧ cjiaji̧ri̧rȩ a̧dotädiro̧dibe, mȩnȩro̧ ma̧ chjupi̧ cjiari̧ jo̧rȩtarea̧mi̧ dari̧.

Cori̧tio Ma̧ȩ 1 10:31

Jabo danȩrȩ ca̧ oti̧, ibëa̧ chji̧rämo̧ jo̧rȩtaji̧ri̧mi̧ dari̧ cjo̧ro̧dëtäreji̧ri̧rea̧rȩ, jabo Ütë tjamo̧ pio ju̧i̧iäpȩmo̧ ma jo̧rȩtaji̧ri̧rȩ cjo̧ro̧täreji̧ri̧rea̧ro̧jo̧ȩ. Tjamo̧ davä. Ado pio ju̧i̧iä yo̧requededibe ca̧ oti̧. Jabechji̧ a̧ro̧rȩ eami̧ oa japarä, jabechji̧ Ütë tjamo̧ pio ju̧i̧iäpȩmo̧ chjacjiamȩri̧ japa matäreji̧ri̧rea̧ro̧jo̧ȩ o judiro̧ ‘a̧dë chjäte ba chia tjamo̧dida’ quëna̧ jo̧rȩtarea̧mi̧ dari̧. Tjamo̧ davä. A̧ro̧rȩ eami̧ oa japarä, a̧ro̧rȩ eami̧ jurarea̧ oa jurarä, a̧ro̧rȩ eami̧ jararea̧ oa jararä, a̧ro̧rȩ eami̧ jo̧rȩtarea̧ oa jo̧rȩtarä, jabechji̧ Ütë tjamo̧ pio ju̧i̧iäpȩmo̧ chjacjiamȩri̧ japa matäreji̧ri̧rea̧ro̧jo̧ȩ, Ütë tjamo̧ pio ju̧i̧ tjamo̧ri̧ ba chiaparȩrea̧mi̧ dari̧.

Cori̧tio Ma̧ȩ 1 16:22

Ado eami̧ pumȩ üdë, ibëa̧ Ano̧mȩ Jechu Quiricho pio ju̧i̧ tjamo̧ri̧ eadëmȩ pio judi, jabechji̧ Ütë tjamo̧ ja̧ ërecjia̧ üdë pio ju̧i̧iäpȩmo̧ acji cjatäpadejȩ judi chjai̧dëri̧ japea̧ oaiä. Ado jo̧ȩra̧pe ma̧na̧tädiibe ibëa̧ Ano̧mȩ judi.

Cori̧tio Ma̧ȩ 1 6:19

¿Jabo jabë dabadënȩrȩ ca̧ oti̧? ¿Jabë tjamo̧ri̧ dabadënȩrȩ dibëa̧ icjara pio ju̧i̧ chjiari? Danȩrȩ, Ütë tjamo̧ judi yürürëremȩdidibe jibëa̧ Tjo oa. Ado pio ju̧i̧iä dibëa̧ icjara üdë Tjo tjamo̧ pio ju̧i̧ ja̧ bë tjamo̧de. Tjamo̧ davä. Ütë tjamo̧ judi yürürërea̧ pio judi bëpera̧pea̧de dibëa̧ icjararä. Ado pio ju̧i̧iä jabechji̧, ‘ca̧ icjara üdë ca̧ea̧dida’ quëna̧rea̧mi̧dëde. Jabechji̧ Ütë tjamo̧ pio ju̧i̧ ja̧de. Ütë tjamo̧ pio ju̧i̧ ja̧nȩrȩ.

Cori̧tio Ma̧ȩ 2 1:9

Tjamo̧ davä ca̧ oti̧. ‘Jabechji̧ tjamo̧ri̧ ja̧bopaa̧ro̧da’ quëna̧ jo̧rȩtarëreji̧ri̧rea̧rȩ. Ado a̧dë chjäte boami̧ dari̧ japamȩ chji̧ra̧ pio ju̧ri̧ra̧ jo̧rȩtaji̧ri̧rȩ chjadëri̧ dabapea̧rea̧rȩ Ütë tjamo̧ pio ju̧i̧iämo̧i̧ ja̧ȩ cjiami̧ dari̧ cjo̧ro̧pea̧ ji̧. Tjamo̧ davä. A̧ro̧rȩ pio ibëiä ja̧ȩ cjiami̧ dari̧ cjo̧ro̧rërea̧ ji̧, ano̧ mire ja̧ȩ cjiami̧ dari̧ cjo̧ro̧ji̧ri̧pea̧rea̧rȩ, Ütë tjamo̧ pio ju̧i̧iämo̧i̧ ja̧ȩ cjiami̧ dari̧ cjo̧ro̧tämi̧ cjiaji̧ri̧rȩ. Tjamo̧ davä. A̧ro̧rȩ ma̧i̧ da chjai̧dë oa chjätäji̧ri̧rȩ cjo̧ro̧räbo, jabechji̧ ja̧boa̧ji̧ri̧ pio ji̧ri̧ bëdü tänȩmȩ pio ju̧i̧iämo̧i̧ ja̧ȩ cjiami̧ dari̧ cjo̧ro̧pea̧ ji̧ dabapea̧rea̧rȩ ca̧ oti̧, Ütë tjamo̧ pio ju̧i̧iämo̧i̧. Jabechji̧ ja̧boa̧ji̧ri̧ pio ji̧ri̧ bëdü tänȩpai̧ darä judi, peaja̧di chjadëri̧ a̧dopai̧ dadiibëda’ quëna̧ jo̧rȩtaji̧ri̧rȩ pio ju̧i̧iämo̧i̧ ja̧ȩ cjiami̧ dari̧ cjo̧ro̧rea̧rȩ yaba̧.

Cori̧tio Ma̧ȩ 2 13:14

Ado yaba̧ cüdë cjiadiäbea yaboi̧, jabechji̧ Ütë tjamo̧ pio ju̧i̧iä goë cjo̧dë yürümȩmi̧ dari̧ ni̧bätämi̧ cjiarequededibe. Jabechji̧ Ano̧mȩ Jechu Quiricho pio judiri ma̧na̧mȩ cjäri̧ri̧ cjia darea̧ üdë ji̧dë ma chjadëri̧ a̧dotädidibe. Ado Ütë tjamo̧ judi dibë ji̧dë ma na̧rȩtädidibe jibëa̧ earea̧ pio ju̧i̧. Ado Tjo tjamo̧ pio judi dibë ütëbodärä oa ji̧dë ma ori̧ bagari̧ ëba cjo̧ro̧rea̧ yürütädidibe, mȩnȩro̧ chji̧ goae maeara̧ jo̧rȩtarea̧mi̧ dari̧. Aja̧, pio ju̧i̧mo̧i̧ ma̧ȩ oa go̧ȩpe chjadürequededibe ca̧ oti̧. Cjo̧ro̧chji̧ibe. Dibëa̧ omȩ, Pablo

Cori̧tio Ma̧ȩ 2 5:14

Jabechji̧ Quiricho pio judi ea̧ chja̧oerä cjo̧ro̧rea̧rȩ. Ado pio judiri ma̧na̧mȩ earea̧ pio judi boadärämi̧ dari̧ japadiibe. Ado pio ju̧i̧iä jabechji̧, pio judiri ma̧na̧mȩ earea̧ra̧ pio ju̧ri̧ra̧ tüdüa̧ oa cjiami̧ dari̧ ja̧beparea̧rȩ. Jabechji̧ pio judi ibë ea tjamo̧mȩrȩ ano̧ mire ja̧borëremȩdiibe. Tjamo̧ davä. Chia ja̧borëremȩdiibe. Ado cja̧rȩmȩrȩ chia ja̧borërea̧ oaiä, ütëborë ja̧boa̧ maearea̧rȩ.

Cori̧tio Ma̧ȩ 2 5:19

Jabechji̧ Ütë tjamo̧ pio judi chjadürëremȩdejȩ Quiricho pio ju̧i̧, jachi cjiami̧ dari̧ cjiaji̧ri̧ pio judiro̧ ütëbodärärë Jechu pio ju̧i̧ quëna̧ oaiä, pio jȩa nö̧ta ori̧ bagari̧ ëba cjiarea̧ dapea̧ oa. Tjamo̧ davä. Tuti chjadürëremȩdejȩ pio ibë chjiari ano̧ mire ja̧bopea̧ oa, a̧ro̧rȩ chjai̧dëri̧ japea̧ üdë duridëparȩa̧ oa cjiapea̧ oa, judi pio ibëiä ado chjereno̧ ba eachea oa. Aja̧ ca̧ oti̧, ja̧di ta̧rëri̧ a̧ra̧ano̧tä eadiibe Ütë tjamo̧ judi dabadëji̧ri̧ pio ji̧ri̧iäpȩmo̧. Jabechji̧ pio ju̧i̧ ja̧ pumȩpea̧rea̧rȩ yaba̧, ado pio ibë china̧chjari̧ tutirëremȩdiibe, a̧ro̧rȩ jachidai̧parȩrea̧ ma̧ȩ pio ju̧i̧ a̧ra̧ano̧pea̧ oa.

Epjecho Ma̧ȩ 6:24

Ado Ütërë cjäri̧ri̧ cjia da̧ pio judi chjadëri̧ cjiana̧ra̧tädidibe Ano̧mȩ Jechu Quiricho pio ju̧i̧ ea tjamo̧ji̧ri̧ pio ji̧ri̧iäpȩmo̧, pio ju̧i̧ eadëpe jädëji̧ri̧ pio ji̧ri̧iäpȩmo̧. Aja̧, pio ju̧i̧ cjo̧dëreconȩ Ütë tjamo̧ ju̧i̧iä pio dibë chjiari. Aja̧, pio yoamo̧i̧ ma̧ȩ oa go̧ȩpe chjadürequededibe ca̧ oti̧. Cjo̧ro̧chjiibe. Dibëa̧ omȩ, Pablo

Timoteo Ma̧ȩ 2 1:12

Ado pio ju̧i̧iä chjai̧dë oa chjätärequede. Pio ju̧i̧iä chaäa̧ oa cjiarequede. Jabo chaäa̧ oa cjiamȩborë idëri̧ cjiadërequede. Peaja̧di järidëpe bagadëa̧requede. Jabechji̧ dabareconȩ Jechu Quiricho ju̧i̧. Chjuari̧ quëna̧reconȩ. Aja̧, jauëchjamȩ pio ju̧i̧ chjuari̧ quëna̧reconȩ. Jabechji̧ yürürëremȩdique ma̧ȩ chjadëi̧ pio ju̧i̧ a̧ra̧ano̧pea̧ oa, o ji̧ri̧iäpȩmo̧ chjadëri̧ a̧ra̧ano̧pea̧ oa. Ado judi coa yürüa̧ ma̧ȩ pio ju̧i̧ chjadëri̧ jidapadejȩ. Jabechji̧ badëpe bagarea̧ decjiari̧, goarijärea̧ decjiari̧ chjadëri̧ jidapadejȩ judi ado chjereno̧ ma̧na̧rä yuro.

Ebereo Ma̧ȩ 1:6

Ado Ütë tjamo̧ judi Joja yabomȩ pio ju̧i̧ daburäpȩmo̧ ado chjadüro, jabechji̧ pio ju̧i̧iäpȩmo̧ chjacjiamȩri̧ jo̧rȩtatä eamȩrȩ jabërä yo̧rëremȩdejȩrȩ jibëa̧ mu̧i̧tjoi̧ ji̧ri̧, ja̧di ta̧rëri̧ yo̧mȩrȩ: “Aja̧, mȩnȩro̧, a̧dëräpȩ cjiaji̧ri̧ mu̧i̧tjoi̧ pio judiro̧ ütëbodärärë chjacjiamȩri̧ jo̧rȩtatänȩrȩ ca̧ Ja pio ju̧i̧.” Aja̧, Joja oa ado chjadüro, ja̧di dari̧ japatä eamȩrȩ jabërä yo̧rëremȩdejȩrȩ jibëa̧ mu̧i̧tjoi̧ ji̧ri̧ Ütë tjamo̧ judi.

Pedro Ma̧ȩ 2 1:1

Danȩrȩ ca̧ oti̧, jo̧rȩtarequededibe. ¿Jabënȩrȩ? ¿Jabëti̧ cjianȩrȩ? ‘Jabë cjo̧ro̧ baä jirodiro̧da’ quëna̧ jo̧rȩtamȩrȩ go̧ȩpe chjadürequededibe. Danȩrȩ, Chimo̧ Pedro quȩmȩ pio judirequede cüdë. Ado Jechu Quiricho pio judi chjadüa̧ oa cjiamȩrȩ go̧ȩpe chjadürequededibe, pio ju̧i̧ ja̧ mu̧i̧tjoi̧mȩrȩ. Aja̧, pio dibë jo̧rȩtamȩrȩ go̧ȩpe chjadürequededibe quëna̧ji̧ri̧ pio ji̧ri̧iäpȩmo̧, Jechu Quiricho pio ju̧i̧ quëna̧ji̧ri̧pea̧ pio ji̧ri̧iäpȩmo̧. Ado Jechu judi, jabechji̧ Ütë tjamo̧ pio judide. Ibë Chjätä Tänȩmȩ pio judide. Aja̧, pio ju̧i̧ quëna̧ji̧ri̧pea̧renȩro̧jo̧ȩ pio a̧ro̧rȩ quëna̧mi̧ dari̧. Jabechji̧ quëna̧rea̧ yürürëremȩdiibe ibë ütëbodärä oa, quëna̧rea̧ ba chia oa, teracabadë maea oa. Jabechji̧ a̧ro̧rȩ jabechji̧parȩa̧ oa cjiapea̧ oa quëna̧rea̧ yürürëremȩdiibe. Ado pio ju̧i̧ jo̧rȩtamȩrȩ go̧ȩpe chjadürequededibe ca̧ oti̧.

Pedro Ma̧ȩ 2 3:18

Aja̧ ca̧ oti̧, judiro̧ oëra̧ a̧ra̧ano̧a̧ oaiä u̧i̧pea̧ oa cjiadëchji̧vä, jabo ji̧dëri̧ Ütërë cjäri̧ri̧ cjiamȩrȩ a̧doa̧ oaiä cjo̧ro̧chji̧vä tëchjape bagami̧ dari̧, üi̧padärärea̧mi̧ dari̧. Jabechji̧ ibëa̧ Ano̧mȩ Jechu Quiricho pio ju̧i̧ chjiari dabapea̧ oaiä joechjape bagami̧ dari̧ cjiachji̧vä ibë Chjätä Tänȩmȩ pio ju̧i̧ chjiari ji̧dë u̧i̧ urëdi oa jo̧rȩtape bagarea̧mi̧ dari̧. Jabechji̧ pio ju̧i̧iäpȩmo̧ chjacjiamȩ tjamo̧ri̧ jo̧rȩtapea̧de yaba̧. Pio ju̧i̧iäpȩmo̧ chjacjiamȩri̧ jo̧rȩtapea̧de bucho ana̧. Tjamo̧ davä. Ja̧di dari̧ japapea̧de. Pio ju̧i̧mo̧ ma̧ȩ oa go̧ȩpe chjadürequededibe ca̧ oti̧. Cjo̧ro̧ibe. Dibëa̧ omȩ, Pedro

Juan Ma̧ȩ 1 2:23

Jabechji̧ eami̧ pumȩ üdë, ‘Aja̧, Jechu judi Ütërë mitëa̧ chjätä tänȩmȩ pio judidida’ quëna̧dërä judi, ‘jabechji̧dida’ quëna̧ dadëpadejȩ Ama̧i̧ tjamo̧ judi. Jabo eami̧ pumȩ üdë, ‘Aja̧, Jechu judi Ütë tjamo̧ ja̧ Joja pio judidida, Ütë tjamo̧ pio judi chjadüa̧ oa pio ibë chjiari birë ma̧na̧diibëda’ quëna̧mȩrȩ ni̧bä chjaorä judi, jabechji̧ ori̧ bagari̧ ëba cjiarea̧ dapade Ama̧i̧ tjamo̧ pio ju̧i̧ nö̧ta.

Juan Ma̧ȩ 2 1:9

Jabo eami̧ pumȩ üdë quëna̧rä judi, ‘Cjäri̧ madida, Quiricho judi a̧ra̧ano̧rërea̧ üdë nö̧tadëdida, jabechji̧ judi a̧ra̧ano̧a̧ pio ju̧i̧ uëri baämȩ ma̧ȩ pio ju̧i̧ quëna̧pea̧ chiaquëda’ quëna̧rä judi, cjäri̧ madi, Ütë tjamo̧ pio ju̧i̧ nö̧ta jädü cjiarea̧ chiadëdi. Jabo eami̧ pumȩ üdë, Quiricho judi a̧ra̧ano̧a̧ ma̧ȩrä cjo̧ro̧mȩ pio judi, jabechji̧ Ama̧i̧ tjamo̧ pio ju̧i̧ nö̧ta jadü cjiarea̧ chiadi, Joja pio ju̧i̧ nö̧tabo.