Juan 5:18 - Biblia Pume

¹⁸ Jabo Jechu judi ja̧di ta̧rëri̧ yo̧a̧ oaiä ji̧dë u̧i̧ järiji̧ri̧pe bagarëreji̧ri̧dirȩ judio tjamo̧ yo̧ji̧ri̧ judiro̧ pio ju̧i̧ ja̧bo tänȩpea̧ ji̧. Jabechji̧ judi tüdüa̧mi̧ darä cjo̧ro̧pea̧ ma̧ȩ pio ju̧i̧ jiada̧ oaiä, järätä chjaparea̧ do pio ju̧i̧ chjiari yo̧mȩ ma̧ȩ pio ju̧i̧ jiada̧ oaiä, jabechji̧ ërecjia tjamo̧pea̧diro̧jo̧ȩ. Ado judi yo̧a̧ pio ju̧i̧iäbo, “Aja̧, Ütë tjamo̧ judi ca̧ Ama̧i̧de” yo̧a̧ pio ju̧i̧iäbo, järi tjamo̧pe bagarëreji̧ri̧dirȩ pio ju̧i̧ ja̧bo tänȩpea̧ ji̧. ‘Cjäri̧ madiibëda, Ütë tjamo̧ pio judimi̧ dari̧ ni̧bädiibëda, Ütë tjamo̧ pio ju̧i̧ nö̧taquëda quëna̧mȩmi̧ dari̧ ni̧bä chjaodiibëda’ quëna̧ jo̧rȩtaji̧ri̧rȩ goëdëri̧ cjia tjamo̧pea̧diro̧jo̧ȩ.

Juan 5:18 Iomraidhean Croise

Mateo 12:5

Ado danȩrȩ, ¿go̧ȩ ni̧bädëa̧nȩrȩ Moicherë go̧ȩparërea̧ ma̧ȩ oa, järätä chjaparea̧ doro ja̧bepadëpea̧ pio ju̧i̧ chjiari ma̧ȩ oa? Danȩrȩ, järätä chjaparea̧ doro ja̧bepadëpea̧de yo̧de. Jabo ja̧di dari̧ go̧ȩpea̧ oa cjiaräbo, jabechji̧ o ji̧ri̧ chjiari goë tuti ja̧bepaji̧ri̧ pio judiro̧ ji̧dë ma ja̧bepadirȩ Ütë tjamo̧ ja̧ bëräpȩ. Jabechji̧ järätä chjaparea̧ doräbo ja̧bepadirȩ, järätä chjapadëji̧ri̧rȩ. Jabo jabechji̧de jabo. Pio jiro järätä chjaparea̧ doro ja̧bepea̧räbo, chjai̧dëri̧ japadërëreji̧ri̧dirȩ.

Juan 1:19

Jerucharȩräpȩ tjamo̧ yo̧ji̧ri̧ judio pio judiro̧ chjadüa̧ oa järëreji̧ri̧dirȩ pumȩ judiro̧ Juan pio ju̧i̧iä irä ta̧rëpea̧ oa, uirä chudarëremȩ pio ju̧i̧iä chjadëri̧ ta̧rëpea̧ oa. O ji̧ri̧ chjiari goë tuti ja̧bepaji̧ri̧ judiro̧, ado Devi pio judiri ja̧ji̧ri̧ pio judiro̧ järëreji̧ri̧dirȩ peaja̧di chjadëri̧ ta̧rëpea̧ oa. Ado Juan pio ju̧i̧iäpȩ go̧düdäräa̧rä, ja̧di ta̧rëri̧ yo̧ji̧ri̧rȩ iëno̧ë ta̧rërëreji̧ri̧diro̧jo̧ȩ: —¿Chjia tjamo̧nȩ? —iëno̧ë ta̧rëa̧diro̧jo̧ȩ—. Chjadëri̧ yo̧ibe.

Juan 10:30

Ado cüdë, ca̧ Ama̧i̧borë, jabechji̧ cja̧rȩmȩrea̧rȩ —dëbë yo̧mȩrȩ yo̧rëremȩdejȩrȩ Jechu judi.

Juan 10:33

Jabo ma̧ cjüëtüri̧ jo̧rȩtaji̧ri̧rȩ dëbë yo̧a̧diro̧jo̧ȩ: —Cjäri̧ marea̧rȩ, mȩnȩ chjadëri̧ japea̧ pio ju̧i̧iä ae ja̧bo tänȩdëri̧ cjiarea̧ro̧mȩ, jabo mȩnȩ Ütë tjamo̧ pio ju̧i̧iäpȩmo̧ chjai̧dëri̧ ni̧bäa̧ pio ju̧i̧iä. Aja̧, pio ju̧i̧iä ja̧bo tänȩtämi̧ cjiarea̧ro̧mȩ. Danȩ, jabomo̧ pumȩrenȩ, jabo Ütë tjamo̧mi̧ dari̧ ni̧bärenȩ. ‘Ütë tjamo̧ pio judiquëda’ quëna̧mȩmi̧ dari̧ ni̧bärenȩibe. Pio ju̧i̧iä ae ja̧bo tänȩtämi̧ cjiarea̧ro̧mȩ —yo̧ji̧ri̧rȩ aenȩ yo̧a̧diro̧jo̧ȩ.

Juan 14:23

Ado Jechu judi dëbë yo̧a̧dejȩ: —Danȩ, pio coa eaji̧ri̧ judiro̧ cüdë a̧ra̧ano̧a̧ pio ju̧i̧ ta̧rëdiäpadiro̧jo̧ȩ —yo̧a̧dejȩrȩ—. Ado ca̧ Ama̧i̧ pio judiborë eapadejȩrȩ. Ado pio ji̧ri̧iäpȩ go̧düdäräparequede ca̧ Ama̧i̧ pio ju̧i̧ nö̧ta, pio ji̧ri̧ ja̧ icjararä bëpapea̧ oa bucho ana̧.

Juan 14:9

Jabo Jechu judi dëbë yo̧a̧dejȩ: —Chia chia, cüdë mȩa nö̧ta no̧mȩ tjamo̧ri ja̧ ëba cjo̧ro̧räbo, jabë tjamo̧ri̧ dabadërenȩque —yo̧a̧dejȩ—. Danȩ Pjeripe, pio coa daea̧mȩ judi, Ama̧i̧ tjamo̧ pio ju̧i̧bo daea̧dejȩ. Pio ju̧i̧iä, “Chjadëri̧ na̧rȩibe Ama̧i̧ pio ju̧i̧” yo̧rea̧mi̧dëde.

Juan 19:7

Jabo pumȩ bubarë cjiadiädëji̧ri̧rȩ dëbë ëna̧diäa̧diro̧jo̧ȩ: —“Ja̧bopea̧ chiade” yo̧diibe ibëa̧ ma̧ȩ üdë, tüdüa̧mi̧ darä cjo̧ro̧pea̧ ma̧ȩ üdë. Jechu judi ma̧i̧ da yo̧a̧ oaiä, “Ütë tjamo̧ ja̧ Jojarequede” yo̧a̧ oaiä, jabechji̧ ja̧bopea̧ chiade —yo̧a̧diro̧jo̧ȩ.

Juan 5:15

Ja̧dëa ji̧ chjapea̧ oa cjiamȩ judi Jechu pio ju̧i̧ nö̧ta ni̧bä chjao ëte, ‘Aja̧ Jechu pio judidida’ quëna̧mȩpea̧mȩrȩ järëremȩde jȩa iëno̧ë ta̧rëa̧ji̧ri̧ pio ji̧ri̧iäpȩmo̧ yo̧pea̧ oa, judio tjamo̧ yo̧ji̧ri̧ pio ji̧ri̧iäpȩmo̧ yo̧pea̧ oa.

Juan 5:16

Ado pio ju̧i̧iä taruparëreji̧ri̧dirȩ Jechu pio ju̧i̧ conȩdapea̧ ji̧. Jabechji̧ judi järätä chjaparea̧ doro pumȩ ju̧i̧ chjaparȩa̧ oaiä, ea tjamo̧dëpe bagarëreji̧ri̧diro̧jo̧ȩ.

Juan 5:17

Jabo Jechu judi, ‘ja̧di dari̧ jo̧rȩtadiro̧da’ quëna̧ dabamȩrȩ yo̧a̧dejȩrȩ: —Danȩrȩ, ca̧ Ama̧i̧ judi ji̧dë ma ja̧bepade. Ado pio cüdëborë ji̧dë ma ja̧bepe cjiarequede, tjaoërämo̧dë —yo̧a̧dejȩrȩ.

Juan 5:23

Jabechji̧ pumȩ judiro̧ ütëborë Ja tjamo̧ pio ju̧i̧iäpȩmo̧ ba chia jo̧rȩtapea̧ oa, Ütë tjamo̧ pio ju̧i̧ ba chia dami̧ dari̧ dapea̧ oa, pio jiro ja̧beparea̧ oa yürüa̧dique. Ado eami̧ pumȩ judi Ja tjamo̧ pio ju̧i̧ ba chia jo̧rȩtadërä judi, peaja̧di ba chia jo̧rȩtadëdejȩ Ama̧i̧ tjamo̧ ju̧i̧ia̧pȩmo̧. Jabechji̧ pio judide coa chjadüa̧mȩ judi —yo̧mȩrȩ ni̧bä chjaorëremȩdejȩrȩ judio tjamo̧ yo̧ji̧ri̧ pio ji̧ri̧iäpȩmo̧ Jechu judi.

Juan 7:1

Ado japamitë chjätä ëte, Garirea quȩmȩ chirirämo̧ tai̧rëremȩde Jechu judi. Jabechji̧ oëra̧ti̧ oa chjätäti̧ cjiarërea̧ ji̧, Garirea quȩmȩ chirirämo̧ ano̧ mire tai̧rëremȩde. Jabechji̧ Judearäpȩ tjamo̧ cjo̧ro̧ji̧ri̧ judio judiro̧ Jechu pio ju̧i̧ ja̧bo tänȩpea̧ ji̧ järi tjamo̧ oaiä, ja̧dira̧ jädëri̧ cjiarëremȩde.

Juan 7:19

Danȩrȩ, Moiche judi pio dibëiäpȩmo̧ tüdüa̧mi̧ darä cjo̧ro̧pea̧ ma̧ȩ oa yürürëremȩdidibe. Jabo cjäri̧ manȩrȩ, pio jiro ma̧ȩ oa nö̧tadäräri̧ ta̧rëdiädë marenȩro̧jo̧ȩ. Ado pio ju̧i̧ nö̧tadäräri̧ ta̧rëdiädëa̧rä judi, ¿tjana̧ ju̧i̧iä aechide yo̧renȩro̧coe cüdë ta̧rëdiädëa̧bea pio ju̧i̧ chjiari. Mȩnȩro̧ pio jiro ma̧ȩ oa chjadëri̧ ta̧rëdiädërä judi, ¿tjana̧ ju̧i̧iä järitanȩrȩ yaba̧ pio coa ja̧bo tänȩpea̧ ji̧? —iëno̧ë ta̧rëa̧dejȩrȩ.

Juan 8:54

Jabo Jechu judi cjiadiädëmȩrȩ dëbë yo̧a̧dejȩrȩ: —Danȩrȩ, cüdë pio coa chjiari ba chia jo̧rȩtarä judi, badëde. Ado cüdë pio coa chjiari goaeri̧ yo̧rä judi, peaja̧di badëde. Jabo danȩrȩ, ca̧ Ama̧i̧ pio judide coaiäpȩmo̧ ba chia jo̧rȩtamȩ judi. Jabechji̧ ji̧dë ma chjacjiamȩri̧ ni̧bäde pio coa chjiari. Ado mȩnȩro̧ pio yabo yo̧a̧ ji̧, jabechji̧ "Ütë tjamo̧ judi ibëa̧ ütëde" yo̧a̧nȩrȩ. Jabo danȩrȩ, mȩnȩro̧ yo̧a̧ Ütë pio judi ji̧dë ma chjacjiamȩri̧ ni̧bäde pio coa chjiari, pio coa ba chia jo̧rȩtamȩrȩ.

Juan 8:58

Ado Jechu judi dëbë yo̧a̧dejȩrȩ: —Tjamo̧i̧ cjiari̧ yo̧requededibe. Abaraa̧ judi jabë ara̧ oa cjiadëa̧rä, cjiarëremȩrequede jabërä. Jabechji̧ Cüdërequede quȩmȩ pio judirequede —yo̧mȩrȩ yo̧a̧dejȩrȩ Jechu judi.

Pjiripo Ma̧ȩ 2:6

Ado Quiricho judi, ¿yö̧ta dari̧ jo̧rȩtarëremȩde? Yö̧ta dari̧dë, jabechji̧ jibëa̧ maea oa jo̧rȩtadëa̧de jabo o ji̧ri̧ ja̧bo jo̧rȩtarëremȩde. Danȩrȩ, Quiricho judi, jabechji̧ Ütë tjamo̧ pio judimo̧rȩ cjiarëremȩde pearä judiräri ja̧. Jabo judi Ütë tjamo̧mȩborë, 'Aja̧, ji̧dë ma ba chia tjamo̧ro cjiapea̧ chiaquëda, Ütërë cjiami̧ dari̧ ji̧dë ma cjiapea̧ chiaquëda' quëna̧dëa̧de.

Jechurë Na̧rȩrërea̧ Ma̧ȩ 22:1

Ja̧dëa ji̧ a̧dërämȩ ja̧ mu̧i̧tjoi̧ üdë ji̧dë u̧i̧ na̧rȩtämi̧ cjiamȩrȩ na̧rȩa̧dique bea oa, bucho ana̧ cjo̧ro̧rea̧ yürümȩ ui oa. Ütë ja̧ charea̧ri pio judiri ca̧mȩ oa, tatachjari̧ ca̧mȩ oa na̧rȩa̧dique, Oveja pëi̧ chjamȩmi̧ da pio ju̧i̧ ja̧ charea̧ri pio judiri ca̧mȩ oa.

Jechurë Na̧rȩrërea̧ Ma̧ȩ 22:3

Ado eami̧ti̧ china̧chja üdë, Ütë tjamo̧ pio ju̧i̧iä jabechji̧dëmȩ üdë, Ütë tjamo̧ ju̧i̧iä goaedëmȩ üdë, jabechji̧ bë ma̧ri̧räpȩ yu̧a̧rea̧ dadëpade. Jabo chjadë maearë yu̧a̧rea̧ dapade. Ado pio ju̧i̧iä Ütë ja̧ charea̧ üdë pio ju̧ri̧pȩde, bë ma̧ri̧räpȩ ju̧ri̧. Ado Oveja pëi̧ chjamȩmi̧ da pio ju̧i̧ ja̧ charea̧borë pio ju̧ri̧pȩ cjiade. Ado charea̧rä chaji̧ri̧ pio ji̧ri̧ ja̧ mu̧i̧tjoi̧ pio judiro̧ chjacjiamȩri̧ jo̧rȩtapadiro̧jȩrȩ.