Juan 5:13 - Biblia Pume

¹³ Jabo chjapea̧ oa cjiamȩ üdë, ‘Aja̧, pio coa chjaparȩa̧mȩ pio judidida’ quëna̧ dabadërëremȩde. Ado pumȩ buba oaiä chjaodëri̧ a̧dë cjarapami̧ dari̧ cjiadiäa̧de Jechu judi pumȩ ju̧i̧ chjaparȩ ëte.

Juan 5:13 Iomraidhean Croise

Lucas 24:31

Ado judiro̧ dabadërërea̧ ji̧, 'Aja̧, Jechu pio judidida' quëna̧ dabadërërea̧ ji̧, chjaodëri̧ na̧e chiaji̧ri̧pea̧dirȩ. Da cotomi̧ dari̧ cjiarërea̧ ji̧, areiami̧ dari̧ cjiamȩpea̧de jibëa̧ dacho üdë, Jechu pio ju̧i̧ chjadëri̧ dabarea̧mi̧ dari̧. Ado ja̧dëa ji̧ chjaodëri̧ a̧dë cjaraparëremȩdejȩrȩ, judiro̧ pio ju̧i̧ darea̧mi̧dëpe bagari̧.

Lucas 4:30

Jabo cjäri̧ madiro̧jo̧ȩ, Jechu pio ju̧i̧ ja̧bo tänȩtärea̧ ji̧, eami̧ oa japarea̧ dadëa̧diro̧jo̧ȩ. Jabechji̧ Jechu judi pio ji̧ri̧ ja̧ chjarerä chjätämȩrȩ chjaodëri̧ a̧dë baärëremȩdejȩrȩ.

Juan 14:9

Jabo Jechu judi dëbë yo̧a̧dejȩ: —Chia chia, cüdë mȩa nö̧ta no̧mȩ tjamo̧ri ja̧ ëba cjo̧ro̧räbo, jabë tjamo̧ri̧ dabadërenȩque —yo̧a̧dejȩ—. Danȩ Pjeripe, pio coa daea̧mȩ judi, Ama̧i̧ tjamo̧ pio ju̧i̧bo daea̧dejȩ. Pio ju̧i̧iä, “Chjadëri̧ na̧rȩibe Ama̧i̧ pio ju̧i̧” yo̧rea̧mi̧dëde.

Juan 5:12

Ja̧dëa ji̧ iëno̧ë ta̧rëa̧diro̧jo̧ȩ: —¿Jabo chjiade mȩa ja̧di dari̧ japatä yo̧a̧mȩ judi? —iëno̧ë ta̧rëa̧diro̧jo̧ȩ.

Juan 5:14

Jabo ji̧dë duri oa Jechu judi dadäräa̧dejȩ chjapea̧ oa cjiamȩ ju̧i̧ Ütë tjamo̧ ja̧ bëräpȩmȩ oa. Ado iëno̧ë ta̧rëa̧dejȩ: —Danȩ, chjapea̧ oa cjiarenȩ yaba̧. Ado yaba̧ jabechji̧, chjai̧dë pio ju̧i̧ japë ano̧vä. Mȩnȩ gitori̧ tararërea̧ ju̧i̧ u̧i̧ chjai̧dë oa tarachea oa, ji̧dë u̧i̧ chjai̧dë oa chjätächea oa, jabechji̧ ado judiri chjai̧dë pio ju̧i̧ japadëvä yaba̧ —yo̧a̧dejȩ.

Juan 8:59

Pio ju̧i̧ ta̧rëa̧ oaiä, chjaodëri̧ a̧doparëreji̧ri̧diro̧jo̧ȩ ta̧dë oa Jechu pio ju̧i̧iäpȩmo̧ ae chjaopea̧ oa. Jabo Jechu judi chjaodëri̧ goadi go̧düeno̧rëremȩde Ütë tjamo̧ ja̧ bëri pio judiri.