Juan 4:7 - Biblia Pume

^7-8 Ado jurarea̧ decjiapea̧ oaiä, Jechu ja̧ jadü judiro̧ a̧dë jäa̧diro̧jo̧ȩ gatë tänȩrea̧ bëräpȩ jäpea̧ oa. Ado judiro̧ decjia nö̧ta, Chamariaräpȩ cjo̧ro̧yi̧ iei̧ cja̧rȩmȩrȩ go̧düdärärëreyi̧nȩ tade puëräpȩ ui mu̧i̧pea̧ oa. Ado Jechu judi chjai̧dëri̧ jo̧rȩtadëmȩrȩ yo̧a̧dejȩ: —Ui ja̧boquë. Pio cüdëborë jarapea̧ oa mu̧i̧ gatëje —yo̧a̧dejȩ.

Juan 4:7 Iomraidhean Croise

Taruparea̧ Ma̧ȩ 24:17

Ado Abaraa̧ ja̧ mu̧i̧tjoi̧ judi baguramȩrȩ nö̧tadiäa̧dejȩ Rebeca ji̧. Ado yo̧a̧dejȩ: —Cjäri̧ri̧ cjia dacoa. Ui jabëtari̧mi̧ yürücoa dabu yocodëri ja̧ ui oa.

Taruparea̧ Ma̧ȩ 24:43

Pio yi cjiarequede tade puë yuroro. Jidaparequedejȩ iei̧ pëi̧ chja i̧a, ui oa jana̧payi̧ i̧a, mu̧i̧ go̧dü tänȩpayi̧ i̧a jidaparequedejȩ eami̧ iei̧ i̧a. Ado jana̧payi̧ pio ji̧iä cjo̧dëparequedejȩ ui oa, dabu yocodë oaiä jararea̧ yürütä.

Mateo 10:42

Ado eami̧ pumȩ üdë ca̧ jadü pio ji̧ri̧ a̧dorä judi, eami̧ oa yürürä judi, ui chjöchja oa yürürä judi, ba chia tjamo̧dëmȩmi̧ da pio ju̧i̧ yürürä judi, jabechji̧ chjadëri̧ ba ano̧a̧ oa cjiapade peaja̧di. Jabechji̧ ca̧ Ama̧i̧ pio judi chjadëri̧ ba ano̧padejȩrȩ a̧doji̧ri̧ pio ji̧ri̧, ca̧ jadü pio ji̧ri̧ a̧doji̧ri̧ pio ji̧ri̧ ⁠—⁠yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi.

Juan 19:28

Ado Jechu judi toro cjiamȩrȩ jo̧rȩtarëremȩde. ‘Aja̧, japadäräa̧quëda, ca̧ Ama̧i̧ judi jo̧rȩta̧mi̧ japadäräa̧quëda’ quëna̧ jo̧rȩtarëremȩde. Ado ja̧dëa ji̧ Ütë tjamo̧ ja̧ ma̧ȩ üdë tjamo̧i̧ cjiari̧ cjiadiäpea̧ oa, ja̧di ta̧rëri̧ yo̧rëremȩde: —Ui ja̧borequede —yo̧a̧.

Juan 4:10

Jabo Jechu judi dëbë yo̧a̧dejȩ: —Damȩ, mȩnȩ Ütë tjamo̧ judi mȩa cjäri̧ri̧ cjiamȩrȩ yürütämi̧ cjia̧ pio ju̧i̧ chjiari dabarä judi, jabechji̧ pio mȩaiä ui cjo̧dëmȩ pio ju̧i̧iä cjo̧dëtäreyi̧macoa. Ado mȩnȩ coa cjo̧dëa̧rä judi, yürütäremȩcama̧ bucho ana̧ cjo̧ro̧rea̧ yürümȩ ui pio ju̧i̧ —yo̧a̧dejȩ iei̧ ji̧ Jechu judi.

Juan 4:6

Ado Jacobo pio judirea̧rȩ jäerërea̧ tade puë üdë pio ju̧ri̧pȩrëremȩde peaja̧di. Ado Jechu judi jachiri jana̧ oaiä, jabechji̧ järätämȩrȩ chadärärëremȩde Jacobo judirea̧rȩ jäerërea̧ tade puë yuroro. Dorë tjomo̧ro chadärärëremȩde ju̧ri̧pȩ.