Juan 4:40 - Biblia Pume

⁴⁰ Ado pio ju̧i̧iä Chamaria quȩmȩ chiririji̧ri̧ judiro̧ Jechu pio ju̧i̧iäpȩ go̧düdäräa̧rä, pio jibë nö̧ta cjiadiätä yo̧a̧diro̧jo̧ȩ. Pio ju̧i̧iä pio ji̧ri̧ nö̧ta cjiadiärëremȩde yo̧a̧ri do nö̧ta.

Juan 4:40 Iomraidhean Croise

Taruparea̧ Ma̧ȩ 32:26

Ado ja̧dëa ji̧ yo̧a̧dejȩ Jacobo ju̧i̧: —Mitë ano̧coe. Cjitëdiibe do üdë. Jabo Jacobo judi dëbë yo̧mȩrȩ yo̧a̧dejȩ: —Cjäri̧ marequedemȩ. Mitë ano̧dëparequedemȩ. Jabechji̧ mȩnȩ coa chjadëri̧ cjo̧ro̧pea̧ ma̧ȩ oa yürürämo̧ mitë ano̧parequedemȩ —yo̧a̧dejȩ.

Lucas 10:39

Ado Marta jini̧ yo̧a̧ oaiä, jabechji̧ jäa̧dirȩ pio ji̧ ja̧ bëräpȩ. Ado yu̧a̧mȩrȩ taruparëremȩde Jechu judi a̧ra̧ano̧pea̧ ji̧. Ado Marta ja̧ duriyi̧ jini̧, Maria quȩyi̧ pio jini̧, jabechji̧ Jechu ja̧ yuroräpȩ ta̧rë chayi̧rȩ ta̧rë ja̧borëreyi̧nȩ judi a̧ra̧ano̧a̧ pio ju̧i̧.

Lucas 24:29

—Danȩ, do üdë chjiaräpȩmo̧diäa̧ oaiä, gȩnȩpapea̧ ji̧ querediäa̧ oaiä, jabechji̧ pio ibë nö̧ta cja̧rȩmȩ gȩnȩ ëba cjo̧ro̧ibe —yo̧a̧diro̧jo̧ȩ. Ado pio ju̧i̧ ta̧rëa̧ oaiä, Jechu judi baäa̧de jibëa̧ bëräpȩ pio ji̧ri̧ nö̧ta.

Lucas 8:38

Ado yaröca chiaremȩ pumȩ pio judi yo̧tarëremȩde Jechu pio ju̧i̧ pio jȩa nö̧ta ëba cjiapea̧ oa jabo Jechu judi baä tänȩa̧dejȩ, ja̧di ta̧rëri̧ yo̧mȩrȩ:

Juan 4:39

Chamaria quȩmȩ chirirä cjiamȩ bë ma̧ri̧räpȩ cjo̧ro̧ji̧ri̧ pio judiro̧ no̧i̧dërë quëna̧ji̧ri̧pea̧diro̧jo̧ȩ Jechu ju̧i̧. Tjamo̧ davä. Jechu pio ju̧i̧ nö̧ta ni̧bä chjaoreyi̧ iei̧ pio ji̧ ja̧ pumȩ pio judiro̧ no̧i̧dërë quëna̧ji̧ri̧pea̧diro̧jo̧ȩ. Jabechji̧ judiro̧ pio jiro iei̧ pio ji̧iä ta̧rëa̧ oaiä, “Aja̧, Jechu judi cüdë japea̧ chjö̧na̧i̧ oa dabamȩrȩ coëma cjiari̧ yo̧a̧dique” yo̧a̧ oa ta̧rëa̧ oaiä, jabechji̧ quëna̧ji̧ri̧pea̧diro̧jo̧ȩ.

Juan 4:41

Ado pio ji̧ri̧ nö̧ta cjiadiäa̧ nö̧ta, Jechu judi a̧ra̧ano̧rëremȩdejȩrȩ. Ado ji̧dë u̧i̧ ji̧ra̧rȩ quëna̧ji̧ri̧pea̧diro̧jo̧ȩ.

Juan 4:43

Ado Jechu judi yo̧a̧ri̧ do chjätä ëte, jënȩ ütëparërea̧ chiriräpȩ jätärea̧ ji̧, jabechji̧ Garirea quȩmȩ chiriräpȩ järëremȩde.

Japarea̧ 16:15

Ado pio jȩa nö̧ta cjo̧ro̧ji̧ri̧ pio judiro̧borë quëna̧ji̧ri̧pea̧dirȩ. Ado judiro̧ quëna̧ji̧ri̧pea̧ oaiä, jabechji̧ go̧e cjaeä chuda̧ oa cjiadiärëreji̧ri̧dirȩ Iridia pio ji̧ nö̧ta. Ado chuda̧ oa cjia ëte, yo̧a̧ni̧ibe: —Danȩrȩ, jabechji̧ ma̧na̧chji̧vä ca̧ bëräpȩ cjo̧ro̧pea̧ oa —yo̧a̧ni̧ibe—. Mȩnȩro̧ pio coa chjiari tjamo̧ri̧ quëna̧rä judi, 'Aja̧, Ano̧mȩ Jechu pio ju̧i̧ tjamo̧ri̧ quëna̧yi̧pea̧ni̧da' quëna̧rä judi, jabechji̧ ca̧ bëräpȩ ma̧na̧chji̧vä —yo̧a̧nȩjȩrȩ. Ado pio jiro iei̧ pio jini̧ ibë ji̧dë ma yabëa̧ oaiä, jabechji̧ baäa̧rea̧rȩ pio ji̧ nö̧ta.

Japarea̧ 8:8

Pio ju̧i̧iä pio jiro bë ma̧ri̧räpȩ cjo̧ro̧ji̧ri̧ pio judiro̧ a̧dë chjäte ma̧ chiadëri̧ cjiaji̧ri̧pea̧dirȩ.

Jechurë Na̧rȩrërea̧ Ma̧ȩ 3:20

Danȩrȩ, dibëa̧ bë dairäpȩ cjiami̧ dari̧ cjiarequede yu̧a̧rea̧ joë ya yuroräpȩ. Ado taö taö eari̧ gu̧na̧ gu̧na̧ cjiami̧ dari̧ japarequede, yu̧a̧tämi̧ cjiamȩrȩ joë ya oa. Ado eami̧ pumȩ üdë coa ta̧rërä judi, ado joë ya oa areiami̧ dari̧ japarä judi, jabechji̧ yu̧a̧mi̧ dari̧ japaparequede pio ju̧i̧ nö̧ta ëba jura chami̧ dari̧ japapea̧ oa.