Juan 4:39 - Biblia Pume

³⁹ Chamaria quȩmȩ chirirä cjiamȩ bë ma̧ri̧räpȩ cjo̧ro̧ji̧ri̧ pio judiro̧ no̧i̧dërë quëna̧ji̧ri̧pea̧diro̧jo̧ȩ Jechu ju̧i̧. Tjamo̧ davä. Jechu pio ju̧i̧ nö̧ta ni̧bä chjaoreyi̧ iei̧ pio ji̧ ja̧ pumȩ pio judiro̧ no̧i̧dërë quëna̧ji̧ri̧pea̧diro̧jo̧ȩ. Jabechji̧ judiro̧ pio jiro iei̧ pio ji̧iä ta̧rëa̧ oaiä, “Aja̧, Jechu judi cüdë japea̧ chjö̧na̧i̧ oa dabamȩrȩ coëma cjiari̧ yo̧a̧dique” yo̧a̧ oa ta̧rëa̧ oaiä, jabechji̧ quëna̧ji̧ri̧pea̧diro̧jo̧ȩ.

Juan 4:39 Iomraidhean Croise

Mateo 10:5

Ado Jechu judi pio jiro pumȩ 12 oa, chjadürëremȩdejȩrȩ. Ja̧di ta̧rëri̧ yo̧mȩrȩ chjadürëremȩdejȩrȩ: ⁠—⁠Danȩrȩ, judiodë pio ji̧ri̧iäpȩ jädë machji̧vä ⁠—⁠yo̧a̧dejȩrȩ⁠—⁠. Ado Chamaria quȩmȩräpȩ cjo̧ro̧ji̧ri̧ pio ji̧ri̧iäpȩ peaja̧di jädëchji̧vä. Jabechji̧ Chamariaräpȩ cjiamȩ bë ma̧ri̧räpȩ jädë machji̧vä.

Juan 1:37

Ado jibëa̧ jadü judiro̧ pio ju̧i̧ ta̧rëa̧ oaiä, ano̧ mire cho̧rë järëreji̧ri̧diro̧jo̧ȩ.

Juan 11:45

Ado Maria pio ji̧ goëdaera̧pea̧ji̧ri̧ pio judiro̧ no̧i̧dërë irä darëreji̧ri̧diro̧jo̧ȩ Jechu ju̧i̧, jauëchja cjiari̧ japea̧mȩ oa. Ado pio ju̧i̧iä quëna̧ji̧ri̧pea̧diro̧jo̧ȩ orë.

Juan 4:29

—Danȩrȩ, jana̧chji̧vä üi̧ oa dapea̧ oa. Pio coa chjiari chjö̧na̧i̧ oa dabamȩrȩ tjamo̧i̧ cjiari̧ yo̧remȩdique cüdë japea̧ pio ju̧i̧ chjiari. Jabechji̧ Ütërë mitëa̧ Chjätä Tänȩmȩ üi̧pamȩ jirode —yo̧a̧nȩjȩrȩ.

Juan 4:30

Pio ji̧iä ta̧rëji̧ri̧rȩ bë ma̧ri̧ boi̧chji̧ri pio judiri jäeno̧a̧dirȩ Jechu pio ju̧i̧ irä dapea̧ oa.

Juan 4:38

Danȩrȩ ca̧ jadü, jurarea̧mi̧ da pio ji̧ri̧ mitëpea̧ oa chjadüa̧requededibe. O judiro̧ ponȩmi̧ dari̧ ja̧bepea̧ duriräpȩ ju̧ri̧ ja̧bepapea̧ oa chjadüa̧requededibe pio jiro pumȩ pio ji̧ri̧ mitëpea̧ oa. Jabechji̧ pio judiro̧ järätäa̧rä ja̧ oa mitërea̧ dapanȩrȩ —yo̧mȩrȩ ni̧bä chjaorëremȩdejȩrȩ Jechu judi jurarea̧mi̧ daji̧ri̧ pio ji̧ri̧ chjiari.

Juan 4:40

Ado pio ju̧i̧iä Chamaria quȩmȩ chiririji̧ri̧ judiro̧ Jechu pio ju̧i̧iäpȩ go̧düdäräa̧rä, pio jibë nö̧ta cjiadiätä yo̧a̧diro̧jo̧ȩ. Pio ju̧i̧iä pio ji̧ri̧ nö̧ta cjiadiärëremȩde yo̧a̧ri do nö̧ta.

Juan 4:42

Ado jënȩro̧ quëna̧ duri oa yo̧a̧diro̧jȩ iei̧ ji̧iäpȩmo̧: —Damȩ, quëna̧ji̧ri̧pea̧a̧ro̧ yaba̧. Pio mȩaiä ta̧rë ëte jabo tocoi̧mi̧ quëna̧ji̧ri̧pea̧a̧ro̧. Jabo yaba̧, Jechu pio ju̧i̧ irä ta̧rëa̧ oaiä tjamo̧ri̧ quëna̧ji̧ri̧pea̧a̧ro̧. Jabechji̧ yaba̧ tjamo̧ri̧ dabaa̧ro̧ju̧i̧. ‘Aja̧, dai chirirä cjo̧ro̧ji̧ri̧ pio ji̧ri̧ ja̧ Chjätä Tänȩmȩ pio judi tjamo̧dida’ quëna̧ dabaa̧ro̧ju̧i̧, tjamo̧ri̧ quëna̧ji̧ri̧rȩ. Aja̧, ja̧di ta̧rëri̧ yo̧ji̧ri̧rȩ yo̧rëreji̧ri̧diro̧jȩ iei̧ ji̧iäpȩmo̧ Jechu ju̧i̧ pea quëna̧ji̧ri̧ judiro̧ Chamariaräpȩ ju̧ri̧.

Juan 4:5

Ado Jechu judi Chamaria quȩmȩ chiriräpȩ go̧düdäräa̧mȩrȩ järëremȩde Chica quȩmȩ bë ma̧ri̧räpȩ, Jacobo judirea̧rȩ joja oa yürürërea̧ chiri queri̧räpȩ, Jocherea̧ oa yürürërea̧ queri̧räpȩ.