Juan 4:38 - Biblia Pume

³⁸ Danȩrȩ ca̧ jadü, jurarea̧mi̧ da pio ji̧ri̧ mitëpea̧ oa chjadüa̧requededibe. O judiro̧ ponȩmi̧ dari̧ ja̧bepea̧ duriräpȩ ju̧ri̧ ja̧bepapea̧ oa chjadüa̧requededibe pio jiro pumȩ pio ji̧ri̧ mitëpea̧ oa. Jabechji̧ pio judiro̧ järätäa̧rä ja̧ oa mitërea̧ dapanȩrȩ —yo̧mȩrȩ ni̧bä chjaorëremȩdejȩrȩ Jechu judi jurarea̧mi̧ daji̧ri̧ pio ji̧ri̧ chjiari.

Juan 4:38 Iomraidhean Croise

Mateo 4:23

Ado Jechu judi Garirearäpȩ ju̧ri̧ oëra̧ti̧ oa tai̧mȩrȩ chjätäti̧ cjiarëremȩde, Judiorë a̧doparea̧ bëräpȩ a̧ra̧ano̧ chjaomȩrȩ. Jabechji̧ Ütërë yo̧a̧ chja̧oerä cjo̧ro̧pea̧ pio ju̧i̧ chjiari a̧ra̧ano̧mȩrȩ tai̧rëremȩde ma̧ȩ chjadëi̧ pio ju̧i̧ chjiari. Ado dami̧ti̧ gito oa ja̧bomȩ pio ju̧i̧ chjaparȩrëremȩdejȩ, eami̧ti̧ gito oa taramȩ oa.

Juan 1:7

Tatami̧ damȩ pio ju̧i̧ chjiari ni̧bä chjaopea̧ oa chjadüa̧ oa cjo̧ro̧rëremȩde pumȩ judiro̧ chjadëri̧ ta̧rëpea̧ oa, chjadëri̧ quëna̧pea̧ oa.

Juan 17:18

Jabechji̧ chjadüa̧requedejȩrȩ Ama̧i̧ —yo̧a̧dejȩ—. Dai chirirä ja̧ jo̧rȩtarea̧ra̧ jo̧rȩtaji̧ri̧ pio ji̧ri̧ ja̧ chjareräpȩ cjo̧ro̧pea̧ oa chjadüa̧requedejȩrȩ. Mȩnȩ coa pio yoa chiriräpȩmo̧ chjadürërea̧mi̧ peaja̧di chjadüa̧requedejȩrȩ.

Juan 4:37

Peaja̧di dari̧ yo̧dirȩ pumȩ judiro̧: “Aja̧, cja̧rȩmȩ üdë ponȩmi̧ dari̧ ja̧bepade. Ado judi ja̧bepea̧ duri pio ju̧i̧ mitëmȩmi̧ dari̧ ja̧bepade ado cja̧rȩmo̧rȩ.”

Juan 4:39

Chamaria quȩmȩ chirirä cjiamȩ bë ma̧ri̧räpȩ cjo̧ro̧ji̧ri̧ pio judiro̧ no̧i̧dërë quëna̧ji̧ri̧pea̧diro̧jo̧ȩ Jechu ju̧i̧. Tjamo̧ davä. Jechu pio ju̧i̧ nö̧ta ni̧bä chjaoreyi̧ iei̧ pio ji̧ ja̧ pumȩ pio judiro̧ no̧i̧dërë quëna̧ji̧ri̧pea̧diro̧jo̧ȩ. Jabechji̧ judiro̧ pio jiro iei̧ pio ji̧iä ta̧rëa̧ oaiä, “Aja̧, Jechu judi cüdë japea̧ chjö̧na̧i̧ oa dabamȩrȩ coëma cjiari̧ yo̧a̧dique” yo̧a̧ oa ta̧rëa̧ oaiä, jabechji̧ quëna̧ji̧ri̧pea̧diro̧jo̧ȩ.

Japarea̧ 2:41

Ado Pedro judi pio jiro doro a̧ra̧ano̧a̧ oaiä, no̧i̧dërë quëna̧ji̧ri̧pea̧dirȩ goëje ji̧ra̧ tjamo̧pe järea̧mi̧ dari̧. Jabechji̧ 3 mil pumȩ quëna̧ji̧ri̧pea̧dirȩ quëna̧dërërea̧ ji̧. Ado judiro̧ ütëborë chjaodëri̧ go̧e cjaeä chuda̧ oa cjiadiärëreji̧ri̧dirȩ.

Japarea̧ 4:32

Quëna̧ji̧ri̧ judiro̧ ütëbodärärë cja̧rȩmȩ chji̧ chiami̧ dari̧ jo̧rȩtarëreji̧ri̧dirȩ chjarapë jo̧rȩtarea̧ decjiari̧. 'Ca̧ea̧ üdë, jabechji̧ ca̧ea̧ madica̧da' quëna̧dërëreji̧ri̧dirȩ. 'Ca̧ jurarea̧ üdë, ca̧ chjibo üdë, ca̧ea̧ maeadica̧da' quëna̧ jo̧rȩtadërëreji̧ri̧dirȩ, jabo ji̧dë ma chjarapë yürürëreji̧ri̧diro̧jȩrȩ jibëa̧ dëbëti̧ra̧ chia, ji̧mo̧ ëba goaji̧ri̧rȩ.

Japarea̧ 4:4

Jabo judiro̧ Jechu pio ju̧i̧ chjiari a̧ra̧ano̧a̧ oaiä, jabechji̧ no̧i̧dërë quëna̧ji̧ri̧pea̧diro̧jo̧ȩ Ütë tjamo̧ ja̧ ma̧ȩ oa. Aja̧, 5 mil oari judiro̧ quëna̧ji̧ri̧pea̧diro̧jo̧ȩ. Ado ji̧ri̧ uëri ivi pio jini̧ro̧borë quëna̧ji̧ri̧pea̧ni̧ro̧jo̧ȩ.

Japarea̧ 5:14

Jabo o judiro̧ noi̧dërë quëna̧ji̧ri̧pea̧diro̧jo̧ȩ Ano̧mȩ ju̧i̧, goëje ji̧ra̧ tjamo̧pe järea̧mi̧ dari̧. Aja̧, oari judiro̧, iviborë quëna̧ji̧ri̧pea̧dirȩ.

Japarea̧ 6:7

Ado Ütë tjamo̧ ja̧ ma̧ȩ üdë, jabechji̧ jachiti̧ oa chjuchjupechärëremȩde oëra̧ti̧ oa. Ado Jerucharȩräpȩ quëna̧ji̧ri̧ judiro̧ no̧i̧dë tjamo̧pe bagarëreji̧ri̧dirȩ. Ado o ji̧ri̧ chjiari goë tuti ja̧bepaji̧ri̧ pio judiro̧borë quëna̧ji̧ri̧pea̧dirȩ no̧i̧dërë.

Cori̧tio Ma̧ȩ 2 10:15

Jabo danȩrȩ ca̧ oti̧, o judiro̧ ja̧bepea̧ pio ju̧i̧ chjiari goaeri̧ ni̧bädë marea̧rȩ. Tjamo̧ davä. Judiro̧ eami̧ oa ja̧beparea̧ oa ja̧beparä, judiro̧ eami̧räpȩ yabochja tarupë a̧ra̧ano̧rä, cjäri̧ marea̧ro̧jȩrȩ, ‘pio ibëa̧ ja̧beparea̧mi̧ dadida’ quëna̧rea̧mi̧ dari̧ goaeri̧ ni̧bädë marea̧rȩ oëra̧ a̧ra̧ano̧ji̧ri̧ pio judiro̧ japami̧ dari̧, jabo a̧ro̧rȩ ja̧bepea̧ duri pio ju̧i̧iämo̧i̧ goaeri̧ ni̧bärea̧rȩ. Ado pio ju̧i̧iä a̧ro̧rȩ dibëa̧ charerä ja̧beparërea̧ pio ju̧i̧ chjiaribo goaeri̧ ni̧bärea̧ darea̧rȩ. Jabechji̧ pio mȩnȩro̧nȩrȩ ibëa̧ tjadomi̧ da pio ju̧i̧, a̧ro̧rȩ cjarapea̧ durimi̧ da pio ju̧i̧. Ado mȩnȩro̧ ji̧dë u̧i̧ ji̧ra̧pe bagari̧ quëna̧pe baga oaiä, jabechji̧ ji̧dë u̧i̧ ana̧ri̧ ja̧beparea̧ daparea̧rȩ davä dibëa̧ chjarerä, tjado oa ji̧dë u̧i̧ ana̧chjai̧ oa cjarapadärämi̧ dari̧.