Juan 4:19 - Biblia Pume

¹⁹ Ado iei̧ jini̧ Jechurë pio jȩa chjiari dabarea̧mi̧dë pio ju̧i̧ ni̧bä chjaoa̧ oaiä, jabechji̧ ana̧ri̧ jo̧rȩtayi̧rȩ yo̧a̧nȩjȩ: —‘Chia chia, pio judidida’ quëna̧ dabadëa̧requedemȩ, jabo yaba̧ dabarequede pio mȩa chjiari —yo̧a̧nȩjȩ—. ‘Jabechji̧ Ütërë ea jana̧ chjadüa̧ oa ni̧bämȩdida’ quëna̧ dabarequedemȩ yaba̧.

Juan 4:19 Iomraidhean Croise

Mateo 21:11

Ado Jechu pio ju̧i̧ nö̧ta tai̧ji̧ri̧ pumȩ pio judiro̧ no̧i̧dërë dëbë yo̧rëreji̧ri̧diro̧jȩrȩ: ⁠—⁠Danȩrȩ, Ütërë ea jana̧ chjadüa̧ oa ni̧bämȩ pio judide ⁠—⁠dëbë yo̧a̧diro̧jȩrȩ⁠—⁠. Jechu pio judide. Nachare quȩmȩ bë ma̧ri̧rimȩde, Garirea̧ quȩmȩ chiririmȩ pio judide ⁠—⁠dëbë yo̧a̧diro̧jȩrȩ.

Lucas 24:19

Ado Jechu judi dabadëcji̧ quëna̧ japamȩrȩ dëbë iëno̧ë ta̧rëa̧dejȩ: —Jabo chjadëri̧ yo̧chji̧coe. ¿Tjana̧ oa chjätäa̧de? Yo̧chji̧coe —yo̧a̧dejȩrȩ. Ado ja̧dëa ji̧ judiro̧ yo̧a̧ri̧borë dëbë yo̧rëreji̧ri̧diro̧jo̧ȩ: —Tjana̧dë, danȩ, Jechurea̧ pio judi, Nachare bë ma̧ri̧rimȩ pio judi chjätäa̧ pio ju̧i̧ chjiari ni̧bä chjaorea̧rȩ —yo̧a̧diro̧jo̧ȩ—. Danȩ, Ütërë ea jana̧ chjadüa̧ oa ni̧bämȩrȩ cjo̧ro̧rëremȩde. Ado pumȩ ütëbo ja̧ dachoro jauëchja cjiari̧ na̧rȩ chjaomȩrȩ cjo̧ro̧rëremȩde, ana̧ri̧ na̧rȩmȩrȩ. Ado pio ju̧i̧iä pumȩ judiro̧ ütëborë, 'Aja̧, ju chia tjamo̧mȩrȩ ja̧bepamȩdida, Ütë tjamo̧ ja̧ ma̧ȩ oa goae tarari̧ a̧ra̧ano̧mȩdida, pumȩ ji̧ri̧ ana̧ri̧ jo̧rȩta tänȩrea̧mi̧ dari̧ a̧ra̧ano̧mȩdida' quëna̧ jo̧rȩtaji̧ri̧rȩ darëreji̧ri̧diro̧jo̧ȩ. Ado peaja̧dimi̧ dari̧ jo̧rȩtamȩrȩ dadejȩ Ütë tjamo̧ pio judi —yo̧a̧diro̧jo̧ȩ—.

Lucas 7:16

Ado pumȩ judiro̧ pio ju̧i̧ daea̧ oaiä, uapea̧ üdë ana̧ri̧ boadärärëremȩdejȩrȩ jibëa̧ chji̧ oa. Ado Ütë tjamo̧ pio ju̧i̧iäpȩmo̧ chjacjiamȩri̧ ni̧bäji̧ri̧pea̧diro̧jo̧ȩ. —Aja̧, a̧dë chjäte ju chiamȩ üdë, Ütërë ea jana̧ chjadüa̧ oa ni̧bämȩ pio judi ibëa̧ chjarerä cjiamȩpea̧de —yo̧ji̧ri̧rȩ chjacjiamȩri̧ ni̧bärëreji̧ri̧diro̧jo̧ȩ—. Aja̧, Ütë tjamo̧ pio judi a̧doera̧pea̧diibe pio yaba̧ domȩ oa —yo̧a̧dirȩ.

Lucas 7:39

Jabo pjaricheo judi pio ji̧ daea̧ oaiä, Jechu ju̧i̧ jibëa̧ bëräpȩ jurera̧tä yabëa̧mȩ pio judi chjö̧na̧i̧ oa daea̧ oaiä, ana̧ri̧ jo̧rȩtamȩpea̧de. 'Jabo cjäri̧ madida, pio jiro üi̧ üdë Ütërë ea jana̧ chjadüa̧ oa ni̧bämȩrȩ tjamo̧ri̧ cjo̧ro̧a̧rä judi, 'jabechji̧ pio jiro iei̧ pio ji̧ chjiari chjadëri̧ dabatäremȩdida, pio jȩa ga̧re tarayi̧ pio ji̧ chjiari na̧e chiatäremȩdida, jabechji̧ chjai̧dëri̧ japayi̧ iei̧ pio jini̧ni̧da quëna̧täremȩdida' quëna̧ jo̧rȩtamȩrȩ darëremȩdejȩ Jechu ju̧i̧.

Juan 4:18

Jabechji̧ oari ji̧ra̧ tjamo̧ oa ano̧ mire ëba chjaorëreyi̧mȩ cja̧rȩichimo̧ oa. Ado yaba̧ mȩnȩ ëba mo̧a̧ üdë na̧ üi̧ tjamo̧dëdi. Tjamo̧i̧ cjiari̧ yo̧a̧ma̧coa mȩnȩ coa yo̧a̧ ji̧ —yo̧a̧dejȩ Jechu judi. Aja̧, ja̧di ta̧rëri̧ yo̧mȩrȩ ni̧bä chjaorëremȩdejȩ Jechu judi, iei̧ jini̧ chjai̧dëri̧ japea̧ üdë chjadë maearä cjiami̧ dari̧ cjiapea̧ oa.

Juan 4:29

—Danȩrȩ, jana̧chji̧vä üi̧ oa dapea̧ oa. Pio coa chjiari chjö̧na̧i̧ oa dabamȩrȩ tjamo̧i̧ cjiari̧ yo̧remȩdique cüdë japea̧ pio ju̧i̧ chjiari. Jabechji̧ Ütërë mitëa̧ Chjätä Tänȩmȩ üi̧pamȩ jirode —yo̧a̧nȩjȩrȩ.

Juan 6:14

Ado pumȩ judiro̧ Jechurë jauëchja cjiari̧ japea̧mȩ oa daea̧ oaiä ja̧di ta̧rëri̧ yo̧rëreji̧ri̧dirȩ: —A̧ro̧rȩ no̧mȩ tjamo̧ri ja̧ jidatarërea̧ pio judide yüdëje. Jabechji̧ Ütërë ea jana̧ chjadüa̧ oa ni̧bämȩ pio ju̧i̧ no̧mȩ tjamo̧ri ja̧ jidatärëreji̧ri̧rea̧ro̧jo̧ȩ jabo pio judide yüdëje —yo̧a̧dirȩ.

Juan 7:40

Ado pumȩ judiro̧ Jechurë ja̧di tärëri̧ yo̧mȩ oa ta̧rëa̧ oaiä, jabechji̧ pumȩ buba chjarerä cjiaji̧ri̧ judiro̧ orë järi tjamo̧pea̧ji̧ri̧rȩ yo̧rëreji̧ri̧dirȩ, ja̧di ta̧rëri̧ yo̧ji̧ri̧rȩ: —Danȩrȩ, a̧ro̧rȩ no̧mȩ tjamo̧ri ja̧ jidatarërea̧ ni̧bämȩ pio judide. Jabechji̧ Ütërë ea jana̧ chjadüa̧ oa ni̧bämȩ pio judide pio yüdëje —yo̧a̧dirȩ.

Juan 9:17

Ado ja̧dëa ji̧ pjaricheo judiro̧ ado iëno̧ë ta̧rëa̧diro̧jo̧ȩ da cotoremȩ ju̧i̧. —Danȩ, yo̧ibe ado. Pio jiro üi̧ üdë mȩa chjaparȩa̧ pio ju̧i̧ chjiari pea yo̧a̧räbo, jabechji̧ ado chjereno̧ yo̧ibe. Da cotoremȩ oa chjaparȩa̧ pio ju̧i̧ chjari ado yo̧ibe chjadëri̧. ¿Yö̧ta dari̧ jo̧rȩtanȩ mȩa chjaparȩa̧mȩ pio ju̧i̧ chjiari? —yo̧a̧diro̧jo̧ȩ. Ado da cotoremȩ üdë: —Yö̧ta dari̧ jo̧rȩtadë, ‘jabechji̧ Ütërë ea jana̧ chjadüa̧ oa ni̧bämȩ pio judidida’ quëna̧ jo̧rȩtareconȩ —dëbë yo̧a̧dejȩrȩ.

Deuteronomio Ma̧ȩ 18:15

Ado Moiche judi ja̧di ta̧rëri̧ yo̧mȩrȩ yo̧rëremȩdejȩrȩ icharaita pio ji̧ri̧iäpȩmo̧: “Jabo cja̧rȩmȩ oa chjadüpadidibe Jeova judi, na̧ Ütë pio judi. Pio cüdëmi̧ da oa, dibëa̧ chjarerämȩ oa chjadüpadidibe. Aja̧, cja̧rȩmȩ oa, Ütërë ea jana̧ chjadüa̧ oa ni̧bämȩ pio ju̧i̧ chjadüpadidibe. Ado pio ju̧i̧ chjadëri̧ ta̧rë ja̧bopea̧ chiarenȩro̧jo̧ȩ.” Aja̧, ja̧di ta̧rëri̧ yo̧mȩrȩ yo̧rëremȩdejȩrȩ icharaita ji̧ri̧ Moiche judi, Jeova judi chjadüpea̧ pio ju̧i̧ chjiari.