Juan 4:13 - Biblia Pume

¹³ Ado Jechu judi dëbë yo̧a̧dejȩ iei̧ ji̧: —Damȩ, pio yoa ui oa jaraji̧ri̧ judiro̧ ado chjereno̧ ui ja̧bopadiro̧.

Juan 4:13 Iomraidhean Croise

Lucas 16:24

Ado ji̧ra̧ri̧ goaremȩ pio judi ëna̧diäa̧dejȩ: "Ama̧i̧ Abaraa̧, jabechji̧ cjäri̧ri̧ cjia dacoe. Jabechji̧ chjadüjo̧ȩ Dacharo pio ju̧i̧, judi pio coa chjadëri̧ a̧dotä. Jabechji̧ jibëa̧ ichi chjia oa uirä chudeno̧ ëte, ca̧ tjopono̧ro cjatä tänȩtädique uira̧ pio ju̧ri̧ra̧. Jabechji̧ chjupi̧ jätämi̧ cjiarequede. Jabechji̧ ma̧i̧ dari̧ cjo̧dë gärimȩ oaiä gitoi̧ dari̧ cjiarequedequȩ. Chja jabechji̧ chjadüjo̧ȩ" ëna̧diäa̧dejȩ.

Juan 4:12

¿Ado ibëa̧ taru Jacoborea̧ pio ju̧i̧ u̧i̧ ba chiarenȩ? Danȩ, pio yoa tade puë oa yürürëremȩdiibe. Pio yoa tade puë uirä jararëremȩde, jibëa̧ u̧ri̧borë, jënȩ goa̧borë. ¿Ado Jacoborea̧ judi ibë yürürërea̧ ju̧i̧ u̧i̧ chjadë oa yürüparenȩque ui oa? —yo̧yi̧rȩ iëno̧ë ta̧rëa̧nȩjȩ.

Juan 4:14

Jabo cüdë yürüpea̧ ui oa jaraji̧ri̧ pio judiro̧ ado chjereno̧ ui ja̧bodëpadiro̧. Jabechji̧ bucho ana̧ ui ja̧bodëpadiro̧. Jabechji̧ cüdë yürüpea̧ ui oa jaraji̧ri̧ pio ji̧ri̧ ja̧ tjori pio judiri ji̧dë ma cjitëmi̧ dari̧ cjitëpadi, dabu ëteri pio judiri ji̧dë ma cjitëmi̧ dari̧. Jabechji̧ cjo̧ro̧rea̧ yürümȩ ui pio judi cjitëpadi, bucho ana̧ cjo̧ro̧rea̧ yürümȩrȩ —yo̧a̧dejȩ Jechu judi.

Juan 6:27

Jabo danȩrȩ, bücjüri̧ cjiadë machji̧vä badëmȩ jurarea̧ pio ju̧i̧ boapea̧ ji̧. Jurucjü chiapai̧damȩ jurarea̧ pio ju̧i̧, chjuadëpe bagapai̧damȩ jurarea̧ pio ju̧i̧ boapea̧ ji̧ bücjüri̧ cjiadë ma̧chji̧vä. Jabo jabechji̧, ji̧dë ma bücjüri̧ cjiatäreji̧ri̧nȩrȩ jurarea̧ chjadëi̧ pio ju̧i̧ boami̧ dari̧ jo̧rȩtapea̧ ji̧, bucho ana̧ cjo̧ro̧rea̧ yürümȩ jurarea̧mi̧ damȩ pio ju̧i̧. Danȩrȩ, Pumȩrȩ Ara̧ Tjamo̧ pio judirequede. Ado pio jiro jurarea̧mi̧ da oa yürüparequededibe. Jabechji̧ pio dibëiäpȩmo̧ yürüpea̧ oa chjadürëremȩdique Ama̧i̧ Ütë judi —yo̧mȩrȩ yo̧a̧dejȩrȩ Jechu judi.

Juan 6:49

Danȩrȩ, dibëa̧ ütëti̧rea̧ judiro̧ ma̧na̧ quȩmȩ jurarea̧ oa chiri tjoräpȩ juraji̧ri̧borë ja̧boa̧ maeadirȩ.