Juan 4:12 - Biblia Pume

¹² ¿Ado ibëa̧ taru Jacoborea̧ pio ju̧i̧ u̧i̧ ba chiarenȩ? Danȩ, pio yoa tade puë oa yürürëremȩdiibe. Pio yoa tade puë uirä jararëremȩde, jibëa̧ u̧ri̧borë, jënȩ goa̧borë. ¿Ado Jacoborea̧ judi ibë yürürërea̧ ju̧i̧ u̧i̧ chjadë oa yürüparenȩque ui oa? —yo̧yi̧rȩ iëno̧ë ta̧rëa̧nȩjȩ.

Juan 4:12 Iomraidhean Croise

Mateo 12:42

Ado pio ju̧i̧iä jabechji̧, ado cja̧rȩmo̧rȩ peaja̧di aechide yo̧pani̧dibe pio jiro doro. Tjamo̧ davä. Ütë tjamo̧ pio judi pumȩ ütëbodärä oa ütarapea̧ domȩ ju̧i̧iä, jabechji̧ Cheba quȩmȩräpȩ cjo̧ro̧rëreji̧ri̧ pio ji̧ri̧ ja̧ ütërëreyi̧ pio jini̧borë cjitëpanȩ. Pio jini̧borë cjitëpanȩ pio yaba̧ domȩ oa cjo̧ro̧ji̧ri̧ pio dibëiäpȩmo̧ aechide yo̧pea̧ oa. Jabechji̧ ni̧bäpanȩ mȩnȩro̧ chjuari̧ jiada̧ pio ju̧i̧ chjiari. Danȩrȩ, pio jiro iei̧ jini̧ jachi tjamo̧räpȩ cjo̧ro̧rëreyi̧borë, jabechji̧ goë dae järëreyi̧venȩjȩ Icharaita ja̧ ütë pio ju̧i̧, Charomo̧ quȩmȩ pio ju̧i̧. Pio ju̧i̧iä chjadëri̧ ta̧rëpea̧ oa, pio ju̧i̧iä urëdi oa jo̧rȩtarea̧ oa ta̧rëpea̧ oa, go̧düdärärëreyi̧venȩ jachi tjamo̧ri pio judiri. Jabo cjäri̧ manȩro̧coe ⁠—⁠yo̧a̧dejȩrȩ⁠—⁠. Charomo̧ pio ju̧i̧ u̧i̧ ba chiamȩ pio ju̧i̧ irä ta̧rëji̧ri̧borë, Charomo̧ judi dabarërea̧ pio ju̧i̧iä ji̧dë u̧i̧ dabamȩ pio ju̧i̧ irä ta̧rëji̧ri̧borë jiada marenȩro̧coe. Pio ju̧i̧iä cjitëpanȩ pio jiro ütërëreyi̧ pio jini̧ pio dibë aechide yo̧pea̧ oa ütarapea̧ domȩ ju̧i̧iä ⁠—⁠yo̧mȩrȩ ni̧bä chjaorëremȩdejȩrȩ pjaricheo pio ji̧ri̧iäpȩmo̧ Jechu judi.

Juan 4:13

Ado Jechu judi dëbë yo̧a̧dejȩ iei̧ ji̧: —Damȩ, pio yoa ui oa jaraji̧ri̧ judiro̧ ado chjereno̧ ui ja̧bopadiro̧.

Juan 4:20

Ado pio ju̧i̧iä yo̧requedemȩ. Danȩ, ca̧ ütëti̧rea̧ judiro̧ pio yoa ya̧mi̧rä chjacjiamȩri̧ jo̧rȩtarëreji̧ri̧diro̧jo̧ȩ Ütë tjamo̧ ju̧i̧. Jabo mȩnȩro̧ judio judiro̧: “Cjäri̧ manȩrȩ, Jerucharȩ bëma̧ri̧rämo̧ chjacjiamȩri̧ jo̧rȩtapea̧de Ütë tjamo̧ judi” yo̧nȩro̧ibe. “Ado cja̧rȩmo̧räpȩ chjacjiamȩri̧ jo̧rȩtarea̧mi̧dëde” yo̧nȩro̧ibe —yo̧a̧nȩjȩ.

Juan 4:5

Ado Jechu judi Chamaria quȩmȩ chiriräpȩ go̧düdäräa̧mȩrȩ järëremȩde Chica quȩmȩ bë ma̧ri̧räpȩ, Jacobo judirea̧rȩ joja oa yürürërea̧ chiri queri̧räpȩ, Jocherea̧ oa yürürërea̧ queri̧räpȩ.

Juan 4:6

Ado Jacobo pio judirea̧rȩ jäerërea̧ tade puë üdë pio ju̧ri̧pȩrëremȩde peaja̧di. Ado Jechu judi jachiri jana̧ oaiä, jabechji̧ järätämȩrȩ chadärärëremȩde Jacobo judirea̧rȩ jäerërea̧ tade puë yuroro. Dorë tjomo̧ro chadärärëremȩde ju̧ri̧pȩ.

Juan 8:53

Danȩ, ibëa̧ taru judi, Abaraa̧ pio judi, ja̧boa̧de. Ado Ütërë ea jana̧ chjadüa̧ oa ni̧bäji̧ri̧ pio judiro̧borë ja̧boa̧ maeadirȩ. Jabo ¿yö̧ta jo̧rȩtarenȩ mȩnȩ? ‘Abaraa̧ ju̧i̧ u̧i̧ ba chiaquëda’ ¿quëna̧nȩ? ‘Ütërë ea jana̧ chjadüa̧ oa ni̧bäji̧ri̧ pio ji̧ri̧ u̧i̧ ba chiaquëda’ ¿quëna̧nȩ? Cjäri̧ marenȩ, oëra̧ jo̧rȩtarenȩ davä pio mȩa chjiari —yo̧a̧diro̧jo̧ȩ.

Ebereo Ma̧ȩ 3:3

Ado danȩrȩ ca̧ pumȩ, dabarea̧rȩ bë cji̧dämȩ pio ju̧i̧ chjiari. Jabechji̧ eami̧ pumȩ üdë bë boi̧dë tjamo̧ oa cji̧därä judi, bë chjacjiamȩ tjamo̧ oa cji̧därä judi, jabechji̧ bë pio ju̧i̧ chacjiamȩri̧ ni̧bädëpadiro̧jo̧ȩ pumȩ judiro̧. Tjamo̧ davä. Pio ju̧i̧ chjacjiamȩri̧ ni̧bädëpadiro̧jo̧ȩ jabo bë cji̧däa̧mȩ pio ju̧i̧iäpȩmo̧ ma chjacjiamȩri̧ ni̧bäpadiro̧jo̧ȩ. Jabechji̧ bë cji̧dämȩ pio judi bë pio ju̧i̧iä ji̧dë u̧i̧ ba chiade. Pio ju̧i̧ tjamo̧ri̧ dabarea̧rȩ. Ado danȩrȩ, Jechu judi Ütë tjamo̧ ja̧ bë oa cji̧dämi̧ dari̧ japea̧ tara, Ütë tjamo̧ ja̧ bëmi̧ da üdë Jechu pio ju̧i̧iä tarupea̧ tara, jabechji̧ Moiche pio ju̧i̧iä ji̧dë u̧i̧ ba chiade.