Jächji̧vä Orebe quȩmȩ ya̧mi̧räpȩ. Pio ju̧ri̧ dëbëdiäparequededibe. Ado ju̧ri̧pȩ go̧düdäräa̧rä, jabechji̧ cüdë cjiamȩ tadë pio ju̧i̧ gu̧na̧tä earequedemȩ na̧ tai̧rea̧ tora̧. Ado mȩnȩ pio jiro ta̧dë oa gu̧na̧ oaiä, jabechji̧ ui ji̧ra̧ri̧ go̧düpade icharaita judiro̧ chjadëri̧ jarapea̧ oa —yo̧mȩrȩ yo̧rëremȩdejȩ Moiche ju̧i̧ Ütë tjamo̧ judi. Ado Jeova judi yo̧a̧mi̧ japarëremȩde Moiche judi. Ado gu̧na̧dejȩ ta̧dë oa. Ado chjaodëri̧ ca̧mȩpea̧de ui üdë ta̧dëri judiri. Goae tarari̧ ca̧rëremȩde. Aja̧, ja̧di dari̧ japamȩrȩ japarëremȩde Moiche judi icharaita tjamo̧ cjo̧ro̧ji̧ri̧ pio judiro̧ jachidai̧ dae cjiari̧.
Juan 4:10 - Biblia Pume10 Jabo Jechu judi dëbë yo̧a̧dejȩ: —Damȩ, mȩnȩ Ütë tjamo̧ judi mȩa cjäri̧ri̧ cjiamȩrȩ yürütämi̧ cjia̧ pio ju̧i̧ chjiari dabarä judi, jabechji̧ pio mȩaiä ui cjo̧dëmȩ pio ju̧i̧iä cjo̧dëtäreyi̧macoa. Ado mȩnȩ coa cjo̧dëa̧rä judi, yürütäremȩcama̧ bucho ana̧ cjo̧ro̧rea̧ yürümȩ ui pio ju̧i̧ —yo̧a̧dejȩ iei̧ ji̧ Jechu judi. Faic an caibideil |
Juan 4:10
49 Iomraidhean Croise
Jabechji̧ Ütë tjamo̧ pio judi yürüa̧ oa cja̧rȩmȩrȩ ara̧ oa cjiapade pio ibë chjiari. Aja̧, joja pio ju̧i̧ yürüa̧ oa cjiapade pio ibë a̧dopea̧ oa. Ado Ütë tjamo̧ pio judi tänȩa̧ oa, tjamo̧ yo̧mȩrȩ cjo̧ro̧pade. Ado tjamo̧ yo̧mȩrȩ cjo̧ro̧pea̧mȩ oa, jabechji̧ chacjiamȩri̧ yo̧padiro̧jo̧ȩ pumȩ judiro̧ quȩ ji̧ra̧ra̧ quȩpami̧ dari̧. “Aja̧, a̧dë chjäte chjadëri̧ chi̧dëeamȩrenȩ, a̧dë chjäte ju chiamȩ Ütërenȩ” yo̧padiro̧jo̧ȩ. Ado “bucho ana̧mȩ Ama̧i̧renȩ” yo̧padiro̧jo̧ȩ peaja̧di. Ado ju̧i̧ uëri “goae tarari̧ cjo̧ro̧rea̧ yürümȩ pio judirenȩ” yo̧padiro̧jo̧ȩ peaja̧di. “Jabechji̧ aro̧rȩ chjadëri̧ cjo̧ro̧pea̧ oa, ibë eadëji̧ri̧ pio judiro̧ acji jana̧rea̧ dachea oa, a̧ro̧rȩ uapadëji̧ri̧rȩ cjo̧ro̧pea̧ oa jabo chjadëri̧ jida̧ oa cjo̧ro̧pea̧ oa, jabechji̧ chjadëri̧ cjo̧ro̧rea̧ yürümȩrenȩibe a̧ro̧rȩ chji̧ goae tjamo̧ra̧ jo̧rȩtaji̧ri̧rȩ cjo̧ro̧rea̧mi̧ dari̧" yo̧padiro̧jo̧ȩ.
jabechji̧ ca̧ pumȩ judiro̧ yo̧a̧ri̧ chjai̧dë oa japea̧ oaiä ja̧di dari̧ jo̧rȩtatäremȩde. Danȩrȩ, pio coa jiada̧diro̧coe ca̧ pumȩ judiro̧. Pio coa putu jura̧ a̧dë chami̧ dari̧ japaji̧ri̧pea̧diro̧coe. A̧dë chjäte goaeri̧ cjiamȩ uimi̧ damȩ pio ju̧i̧, goae tarari̧ ca̧mȩ uimi̧ damȩ pio ju̧i̧ jiada̧diro̧coe. Ado ju̧i̧ uëri jibëa̧ tade puëmi̧ da oa, teracaba oa jäea̧mi̧ dari̧ japaji̧ri̧pea̧diro̧jo̧ȩ. Jabechji̧ jibë a̧dodëmȩ uimi̧ da oa, jibë ju chiaparȩrea̧ chiadëmȩ uimi̧ da oa ano̧ mire jarami̧ dari̧ japaji̧ri̧pea̧diro̧coe, pio coaiämo̧i̧ jarami̧ dari̧ cjo̧ro̧tärea̧ ji̧. Ado pio ju̧i̧iä yo̧requede.” Aja̧, ja̧di ta̧rëri̧ yo̧mȩrȩrëremȩde Jeova judi Icharai pio judiri ja̧ji̧ri̧ pio ji̧ri̧ chjiari.
Ado danȩrȩ ca̧ pumȩ, peaja̧di dabade ibëa̧ Ama̧i̧ judi —yo̧a̧dejȩrȩ—. Pio dibëiäpȩmo̧ chjadëri̧ yürüpea̧ ji̧ tjamo̧ri̧ dabade peaja̧di. Ado pio mȩnȩro̧ chjai̧dëri̧ japaji̧ri̧borë dibëa̧ u̧ri̧ pio ji̧ri̧iäpȩmo̧ chjadëri̧ yürüpea̧ ji̧ dabarä judi, ¿ji̧dë u̧i̧ dabadëde ibëa̧ Ama̧i̧ judi pio ibëiäpȩmo̧ yürüpea̧ ji̧? Dëdëde davä. Pio ibëiä ji̧dë u̧i̧ dabade jibëa̧ u̧ri̧ pio ji̧ri̧iäpȩmo̧ yürüpea̧ ji̧. Tjamo̧ davä. A̧dëräpȩ cjiamȩ Ama̧i̧ pio judi ji̧dë u̧i̧ dabade davä, pio jȩaiä cjo̧dëji̧ri̧ pio ji̧ri̧iäpȩmo̧ chjadëri̧ yürüpea̧ ji̧, ja̧ u̧ri̧ pio ji̧ri̧iäpȩmo̧ chjadëri̧ yürüpea̧ ji̧. Ja̧di tara pio ju̧i̧iä cjo̧dëji̧ri̧ pio ji̧ri̧iäpȩmo̧ yürüpadejȩrȩ Tjo tjamo̧ pio ju̧i̧ —yo̧mȩrȩ ni̧bä chjaorëremȩdejȩrȩ Jechu judi pumȩ ji̧ri̧, Ütë tjamo̧ pio ju̧i̧iä goë cjo̧dëpea̧ pio ju̧i̧ chjiari.
Jabechji̧ pio mȩa dabadiro̧mȩ Ama̧i̧. Ado pio mȩa daba̧ üdë bucho ana̧ cjo̧ro̧rea̧de. Aja̧ Ama̧i̧, pio judimo̧rȩnȩ, ado judiri decjiade. Tjamo̧ri̧ cjiamȩ Ütë pio judimo̧renȩ. Ado pio mȩnȩrenȩ coa chjadürëremȩ judi pio yoa chiriräpȩmo̧ ma̧na̧pea̧ ji̧. Aja̧ Ama̧i̧, Jechu Quiricho pio judirequede. Ado pio coa chjadürëremȩrenȩque. Ado ca̧ jadü judiro̧ peaja̧di dabadiro̧coe. Jabechji̧ pio coa daba̧ üdë, peaja̧di bucho ana̧ cjo̧ro̧rea̧de —yo̧mȩrȩ ni̧bärëremȩdejȩ Jechu judi jibëa̧ Ama̧i̧ ju̧i̧iäpȩmo̧.
Jabechji̧ Ütë tjamo̧ judi pumȩ ütëbodärä oa ea tjamo̧ tara, tuti yürürëremȩdejȩ jibëa̧ Ja oa pumȩ pio ji̧ri̧ chjiari ano̧ mire ja̧bopea̧ oa. Yo̧a̧ri̧ oa ëbadëmȩborë chjadürëremȩdejȩ, pio ju̧i̧mo̧i̧ ëbamȩrȩ. Ado eami̧ pumȩ judi, pio ju̧i̧iäpȩmo̧ quëna̧mȩ judi, jabechji̧ bucho ana̧ cjo̧ro̧rea̧ dapade aeno̧rea̧ decjiari̧.
Jabo cüdë yürüpea̧ ui oa jaraji̧ri̧ pio judiro̧ ado chjereno̧ ui ja̧bodëpadiro̧. Jabechji̧ bucho ana̧ ui ja̧bodëpadiro̧. Jabechji̧ cüdë yürüpea̧ ui oa jaraji̧ri̧ pio ji̧ri̧ ja̧ tjori pio judiri ji̧dë ma cjitëmi̧ dari̧ cjitëpadi, dabu ëteri pio judiri ji̧dë ma cjitëmi̧ dari̧. Jabechji̧ cjo̧ro̧rea̧ yürümȩ ui pio judi cjitëpadi, bucho ana̧ cjo̧ro̧rea̧ yürümȩrȩ —yo̧a̧dejȩ Jechu judi.
Jabo Jechu judi dëbë yo̧a̧dejȩrȩ: —Danȩrȩ, bucho ana̧ cjo̧ro̧rea̧ yürümȩ chja̧pe pio judirequede —yo̧a̧dejȩrȩ—. Ado pio coaiäpȩmo̧ ma̧na̧mi̧ dari̧ quëna̧ji̧ri̧ pio judiro̧ ado chjereno̧ ta̧mȩcho̧ ja̧boji̧ri̧mi̧ dari̧ cjiadiädëpadirȩ. Pio coaiäpȩmo̧ quëna̧ji̧ri̧ pio judiro̧ ado chjereno̧ ui ja̧boji̧ri̧mi̧ dari̧ cjiadiädëpadirȩ peaja̧di.
Ado pio jiro chja̧pe pio judirequede cüdë. Tjamo̧ davä. A̧dëri ja̧ chja̧pe pio judirequede. Bucho ana̧ cjo̧ro̧rea̧ yürümȩ chja̧pe pio judirequede. Ado eami̧rȩ pio yoa chja̧pe oa jurarä judi, jabechji̧ bucho ana̧ cjo̧ro̧pade —yo̧a̧dejȩrȩ—. Ado danȩrȩ, pio jiro chja̧pe üdë ca̧ go̧a̧ pio judide. Ado ca̧ go̧a̧ pio ju̧i̧ yürürequededibe mȩnȩro̧ jurapea̧ oa. Jabechji̧ yürürequede ca̧ icjara oa pumȩ judiro̧ ütëbodärärë bucho ana̧ cjo̧ro̧rea̧ dapea̧ oa —yo̧mȩrȩ ni̧bä chjaorëremȩdejȩrȩ Jechu judi ma̧ȩ go̧a̧ti̧ oa.
Ado Ano̧mȩ judi yo̧a̧dejȩ: —Jëdano̧vä. Jäeno̧vä. 'Coëma cjiari̧' quȩmȩ järea̧ no̧räpȩ jäeno̧vä —yo̧a̧dejȩ—. Pio ju̧ri̧pȩ cjo̧ro̧de Juda judi. Ado mȩnȩ pio ju̧i̧ ja̧ bëräpȩ go̧düdäräa̧rä, jabechji̧ Tachoräpȩ cjo̧ro̧rëremȩ pio ju̧i̧ chjiari iëno̧ë ta̧rëemȩrenȩjo̧ȩ, Chauro quȩmȩ pio ju̧i̧ chjiari. Jabechji̧ pio yaba̧mi̧rä ni̧bädique, pio coaiäpȩmo̧ jo̧rȩtamȩrȩ.
Ado pio ibë chjiari Joja pio ju̧i̧ tuti yürürëremȩdejȩ ji̧dëri̧. Judi jo̧rȩtarërea̧ ji̧, 'Cjäri̧ macuni̧da, chjadüdëpacuni̧da, pumȩ ja̧ oa ano̧ mire ja̧bopea̧ oa chjadüdëpacuni̧da' quëna̧ jo̧rȩtadëa̧de jabo jabechji̧, tuti yürü chjadürëremȩdejȩ nȩmȩparea̧ decjiari̧. A̧dë chjäte ba chiamȩ pio ju̧i̧ yürürëremȩdejȩ. Ado a̧dë chjäte ba chiamȩ pio ju̧i̧ tuti yürüa̧rä judi, o oa peaja̧di cjäri̧ri̧ cjiamȩrȩ ¿a̧de yürüdëpadiibe? Dëdë, o oa peaja̧di a̧de yürüpadiibe jabëdiärea̧ decjiari̧.
Jabechji̧ Ütë tjamo̧ pio judi tjamo̧de pio ibë chjiari tuti japarëremȩ üdë. Jabechji̧ pio judi tänȩa̧ oaiä, Jechu Quiricho pio ju̧i̧ nö̧ta cja̧rȩmȩpe bagarërereji̧ri̧rea̧rȩ. Ado yaba̧ Jechu Quiricho pio ju̧i̧iä a̧dë chjäte dabarea̧ chiaji̧ri̧pea̧rea̧rȩ Ütë tjamo̧ pio ju̧i̧ chjiari. Ado pio ju̧i̧iä jabechji̧parȩa̧ oa cjiaji̧ri̧pea̧rea̧rȩ ca̧ oti̧. Ado pio ju̧i̧iä jabechji̧, china̧chjari̧ tutia̧ oa cjiaji̧ri̧pea̧rea̧rȩ Ütë tjamo̧ pio ju̧i̧ ja̧ mape bagapea̧ oa. Jabechji̧ a̧ro̧rȩ chjai̧dë ja̧ chja̧oerä tutia̧ oa cjiami̧ dari̧ cjiarërea̧ ji̧, jabechji̧ jare chjadüa̧ oa cjiami̧ dari̧ go̧dü tänȩa̧ oa cjiaji̧ri̧pea̧rea̧rȩ pio ju̧i̧iä, Ütë tjamo̧ pio ju̧i̧iä.
Ado ta̧dëri pio judiri go̧düa̧mȩ ui oa peaja̧di jararëreji̧ri̧dirȩ ütëborë, Ütë tjamo̧ judi ji̧ri̧iäpȩmo̧ yürüa̧ pio ju̧i̧. Ado pio jiro ta̧dë üdë, jabechji̧ Quiricho pio ju̧i̧ chjiari na̧rȩde. Jabechji̧ pio judirëremȩde uimi̧ da oa yürürëremȩ judi, pio ji̧ri̧ ja̧ tjo ja̧ oa yürürëremȩ judi. Jabechji̧ pio ji̧ri̧ ji̧dë ma ëba järërea̧ oaiä, pio ji̧ri̧iäpȩmo̧ jibëa̧ tjo ja̧ oa dami̧ti̧ oa ji̧dë ma yürürërea̧ oaiä, jabechji̧ ta̧dëmi̧ damȩ pio judi yürürëremȩdejȩrȩ jibëa̧ tjo ja̧ uimi̧ da oa.
Danȩrȩ ca̧ oti̧, a̧dë chjäte chjacjiamȩri̧ jo̧rȩtaji̧ri̧rȩ ni̧bätärȩ Ütë tjamo̧ pio ju̧i̧. 'Jabechji̧ a̧dë chjäte ba chiamȩ pio ju̧i̧ tuti yürürëremȩdiibëda, jabechji̧ Joja pio ju̧i̧iä yürüa̧ oaiä a̧dë chjäte chjadë tjamo̧ oa yürüa̧diibëda, ütararea̧mi̧dëri̧ ba chiati̧ pio ju̧i̧ yürürëremȩdiibëda, ado pio ju̧i̧iä chjacjiamȩri̧ ni̧bätäreji̧ri̧rea̧ro̧ju̧i̧da’ quëna̧ jo̧rȩtaji̧ri̧rȩ chjacjiamȩri̧ jo̧rȩtaji̧ri̧rȩ ni̧bätäro̧jo̧ȩ.
Tjamo̧ davä, Ütërë cjäri̧ri̧ cjia da̧ pio ju̧i̧iämo̧i̧ chjätärea̧ daea̧nȩrȩ, mȩnȩro̧ japea̧ pio ju̧i̧iädë. Jabechji̧ pio judirimȩ marë chjätärea̧ yürürëremȩdidibe quëna̧ji̧ri̧ oa, mȩnȩro̧ chjadëri̧ japadëa̧ ba oa. Ado pio ju̧i̧iä, 'Aja̧, pio cüdë chjadëri̧ japea̧ oaiä chjätärea̧ daea̧quëda' quëna̧rea̧mi̧dëde.
Ado danȩrȩ, pumȩ judiro̧ Ütë tjamo̧ ja̧ ma̧ȩ oa bucho ana̧ putu jura̧ a̧dë chami̧ dari̧ jo̧rȩtarä judi, jabechji̧ pio judiro̧ chjadëri̧ ano̧ mire jo̧rȩtapea̧ oa a̧dorea̧mi̧dëdirȩ. Tjamo̧ davä. Judiro̧ tatami̧ darä jo̧rȩta ëte jiadarä judi, judiro̧ Ütë tjamo̧ judi a̧dëri pio judiri yürüa̧ chjätärea̧ pio ju̧i̧ chjiari chjadëri̧ dabapa ëte jiadarä judi, cjäri̧ madirȩ, a̧dë chjäte ma̧i̧ dari̧ japadirȩ.
Ado peaja̧di dabarea̧rȩ Ütë tjamo̧ ja̧ Joja judi birë ma̧na̧pea̧ pio ju̧i̧ chjiari. Aja̧, ma̧na̧rëremȩde, ado yürürëremȩdiibe dabarea̧ oa, a̧ro̧rȩ 'Ütë tjamo̧ pio judidida' quëna̧ dabarea̧ dapea̧ oa. Ado yaba̧, a̧ro̧rȩ Ütë tjamo̧ pio ju̧i̧ tjamo̧ri̧ dabaji̧ri̧pea̧ tara, jabechji̧ pio ju̧i̧ nö̧ta ori̧ bagari̧ ëba cjiarea̧ daea̧rea̧rȩ a̧ro̧rȩ Jechu Quiricho pio judiri ja̧ mapea̧ tara, a̧ro̧rȩ Ütë tjamo̧ ja̧ Joja pio judiri ja̧ mapea̧ tara. Jabechji̧ Jechu Quiricho judi Ütë tjamo̧ pio judide. Ado pio judi tjamo̧de pio ibëiäpȩmo̧ bucho ana̧ cjo̧ro̧rea̧ yürümȩ judi.
Ado ji̧dë u̧i̧ yo̧mȩrȩ a̧de yo̧a̧de: —Jabechji̧de yaba̧ —yo̧a̧de—. Cüdë tänȩa̧ oa, japadäräa̧ oa cjia maeade. Pio coaiä tarupea̧ maeade. Jabechji̧ pearämȩ pio judirequede, yuropadëmȩrȩ cjiamȩ üdë. Ado pio cüdë yo̧requede: Eami̧rȩ ui ja̧borä judi, jabechji̧ ba eadëmȩrȩ jararea̧ yürüpareconȩ bucho ana̧ cjo̧ro̧rea̧ yürümȩ ui pio ju̧i̧.
Ado ja̧dëa ji̧ ta̧rëa̧reconȩ Tjo tjamo̧ pio ju̧i̧. Aja̧, Oveja pëi̧ chjamȩmi̧ da pio ju̧i̧ ja̧ iei̧payi̧ pio ji̧ nö̧ta ni̧bämȩ oa ta̧rëa̧reconȩ. Ado Jechu pio ju̧i̧iäpȩmo̧ ni̧bäji̧ri̧ oa ta̧rëa̧requedejȩrȩ judi jo̧ȩra̧pe ma̧na̧tä. Aja̧, ja̧di ta̧rëri̧ ni̧bäji̧ri̧ oa ta̧rëa̧requedejȩrȩ: —Ma̧na̧vä —yo̧a̧diro̧jo̧ȩ. Ado Tjo tjamo̧ judi Oveja pëi̧ chjamȩmi̧ da pio ju̧i̧ ja̧ iei̧payi̧ pio ji̧ nö̧ta ji̧dë u̧i̧ yo̧ji̧ri̧rȩ ja̧di ta̧rëri̧ yo̧a̧dirȩ: —Aja̧, ado eami̧ pumȩrȩ pio yoa ma̧ȩ oa ta̧rëmȩ pio judi peaja̧di dari̧ yo̧tädejȩ Jechu pio ju̧i̧iäpȩmo̧. Aja̧, “Ma̧na̧vä” yo̧tädejȩ. Ado eami̧ pumȩ üdë ui ja̧borä judi, jabechji̧ jarera̧täde bucho ana̧ cjo̧ro̧rea̧ yürümȩ ui pio ju̧i̧ jarapea̧ oa. Aja̧, badëri̧ jarera̧täde —yo̧a̧dirȩ.
Jabechji̧ Oveja pëi̧ chjamȩmi̧ da pio judi chjadëri̧ jidadejȩrȩ. Tjamo̧ davä. Ütërë chamȩ yuroräpȩ cjiamȩ pio judi chjadëri̧ jidadejȩrȩ. Jabechji̧ chjadëri̧ jidamȩrȩ ëba jäpadejȩrȩ bucho ana̧ cjo̧ro̧rea̧ yürümȩ uiräpȩ, ui goaeri̧ cjitëmȩräpȩ. Ado judiro̧ ejaro cjiaji̧ri̧rȩ cjo̧ro̧rërea̧ ji̧, gito ana̧ri̧ jo̧rȩtarërea̧ ji̧, jabechji̧ tjaoëpai̧ dari̧ cjo̧ro̧rea̧ dapadirȩ Ütë tjamo̧ pio judi tuti japea̧ oaiä.
Sanasan