Juan 3:7 - Biblia Pume

⁷ Dacho bëremi̧ cjiari̧ jo̧rȩtadëvä. ¿Tjana̧ oa yo̧cjivadi? quëna̧ jo̧rȩtadëcoe —yo̧a̧dejȩ—. Jabechji̧ ütëborë ado nö̧ria̧ oa cjiapea̧ chiadirȩ.

Juan 3:7 Iomraidhean Croise

Juan 3:12

Danȩ Nicodemo, mȩnȩ quëna̧dërä judi, cüdë mȩa dai chirirä cjo̧ro̧rea̧ pio ju̧i̧ chjiari ma̧ȩra̧ a̧ra̧ano̧tarä quëna̧dërä judi, ¿yö̧ta dari̧ quëna̧rea̧ daparenȩ cüdë a̧dëri pio judiri ma̧na̧mȩ ma̧ȩra̧ a̧ra̧ano̧rä judi?

Juan 3:3

Ado Jechu judi yo̧a̧dejȩ: —Tjamo̧dë yo̧dërequedemȩ, jabo tjamo̧i̧ cjiari̧ yo̧requedemȩ. Eami̧ pumȩ üdë peaja̧ mape bagari̧ ado nö̧ria̧ oa cjiadërä judi, Ütërë yo̧a̧ chja̧oerä cjo̧ro̧rea̧ dadëpade —yo̧a̧dejȩ.

Juan 3:6

Danȩ Nicodemo, nö̧rji̧ri̧ pio ji̧ri̧iä nö̧ria̧ oa cjiamȩ judi, jabechji̧ pumȩde. Pumȩ icjarari ja̧ maeade. Jabechji̧ pumȩ icjara chiade. Jabo Tjo tjamo̧ pio ju̧i̧iä ado nö̧ria̧ oa cjiamȩ pio judi tjaoëde. Jabechji̧ Tjo tjamo̧ pio judiri ja̧mȩde. Tjo tjamo̧ pio ju̧i̧ chiade.

Juan 3:8

Danȩ, pjaepa üdë oëra̧ti̧ oa pjaepade. Tararea̧ro̧jo̧ȩ jabo ‘pio judiri pjaepe ma̧na̧ jirodiibëda, pio yö̧ta̧ra̧ pjaepe baädiibëda’ quëna̧rea̧mi̧dëde. Jabechji̧ oëra̧ti̧ oa pjaepade. Peaja̧dimi̧ dari̧ cjiade Tjo tjamo̧ pio ju̧i̧iä ado nö̧ria̧ oa cjiamȩ judi. ‘Jabechji̧ ja̧di dari̧ ado nö̧ria̧ oa cjia jirodida’ quëna̧ dabarea̧mi̧dëde, jabo jabechji̧ ado nö̧ria̧ oa cjiade —yo̧a̧dejȩ.

Juan 5:28

‘¿Tjana̧ yo̧cjivadi?’ quëna̧dëchji̧coe. Jabechji̧ ja̧boa̧ji̧ri̧ pio judiro̧ ütëbodärärë ütara̧ doro ta̧rëpadiro̧coe, cüdë ëna̧diärä.

Corochȩche Ma̧ȩ 1:12

‘ibëa̧ Ama̧i̧ judi chjadëri̧ japea̧diibëda’ quëna̧ jo̧rȩtaji̧ri̧rȩ. Jabechji̧ pio judi dibë chjiari ana̧ri̧ tuti japea̧ oaiä, nö̧tanȩrȩ yaba̧ jënȩ goë boea̧ pio ju̧i̧ mitëpea̧ oa. Jabechji̧ jibëa̧ pumȩ pio ji̧ri̧iäpȩmo̧ chjarapë yürüpea̧ oa, goë boea̧ oa goadejȩ, tatami̧ darä cjo̧ro̧ji̧ri̧ pio ji̧ri̧ ja̧ oa.

Ebereo Ma̧ȩ 12:14

Ado danȩrȩ ca̧ pumȩ, eami̧ pumȩ üdë tatachjami̧ dari̧ cjo̧ro̧dërä judi, jabechji̧ Ano̧mȩ pio ju̧i̧ darea̧mi̧dëde. Ado pio ju̧i̧iä yo̧requededibe. Järi tjamo̧chji̧vä pumȩ ütëbodärä oa chjadëri̧ ëba cjo̧ro̧pea̧ oa, chjaodëri̧ jëdano̧ ëte ori̧ bagari̧ ëba chapea̧ oa. Jabechji̧ pio dibëiäpȩmo̧ ma̧ chiadëri̧ cjiaji̧ri̧rȩ dapea̧ oa chjaodëri̧ jëdano̧chi̧vä. Ado mȩnȩro̧ ji̧dë u̧i̧ ütëchjai̧pe bagapea̧ oa, jabechji̧ järi tjamo̧chji̧vä china̧chjari̧ tutia̧ oa cjiami̧ dari̧ cjo̧ro̧pea̧ oa, chjai̧dë pio ju̧i̧ chjuari̧ jiadapea̧ oa.

Pedro Ma̧ȩ 1 1:22

Mȩnȩro̧ tjamo̧i̧ cjiari̧ baämȩ ma̧ȩ pio ju̧i̧ ta̧rëdiäa̧ oaiä joa̧ oa cjiami̧ dari̧ cjiade dibëa̧ chji̧ üdë, chjai̧dë pio ju̧i̧ aene jo̧rȩtarea̧mi̧ dari̧. Ado mȩnȩro̧ ja̧di dari̧ cjo̧ro̧a̧ oaiä, jabechji̧ quëna̧ji̧ri̧ pio ji̧ri̧ earea̧ chianȩrȩ. Ado pio ju̧i̧iä yo̧requededibe. Järi tjamo̧chji̧vä dibëa̧ dëbëti̧ra̧ chia ji̧dë ma ea tjamo̧pea̧ ji̧ chjaocjiarea̧ decjiari̧.

Jechurë Na̧rȩrërea̧ Ma̧ȩ 21:27

Jabo cjari̧darea̧ üdë, chjai̧dërea̧ üdë yu̧a̧rea̧ dadëpade. Chjai̧dëra̧ pio ju̧ri̧ra̧ idi̧ dari̧ mirea̧ oa cjiami̧ dari̧ cjo̧ro̧mȩ judi, cjäri̧ made, yu̧a̧rea̧ dadëpade. Ado ji̧dë ma ma̧ȩ chjádë yürümȩ judi peaja̧di yu̧a̧rea̧ dadëpade. Jabo go̧ȩpea̧ oa cjiaji̧ri̧ pio judiro̧, Oveja pëi̧ chjamȩmi̧ da pio ju̧i̧ ja̧ joërä go̧ȩpea̧ oa cjiaji̧ri̧ pio judiro̧, bucho ana̧ cjo̧ro̧rea̧ chiaji̧ri̧ pio ji̧ri̧ ja̧ quȩ oa joërä go̧ȩpea̧ oa cjiaji̧ri̧ judiro̧, dëdë, yu̧a̧rea̧ dapadirȩ.