Juan 3:6 - Biblia Pume

⁶ Danȩ Nicodemo, nö̧rji̧ri̧ pio ji̧ri̧iä nö̧ria̧ oa cjiamȩ judi, jabechji̧ pumȩde. Pumȩ icjarari ja̧ maeade. Jabechji̧ pumȩ icjara chiade. Jabo Tjo tjamo̧ pio ju̧i̧iä ado nö̧ria̧ oa cjiamȩ pio judi tjaoëde. Jabechji̧ Tjo tjamo̧ pio judiri ja̧mȩde. Tjo tjamo̧ pio ju̧i̧ chiade.

Juan 3:6 Iomraidhean Croise

Taruparea̧ Ma̧ȩ 5:3

Ado Ada̧ judi ui ji̧ra̧ri̧ goamȩrȩ, 130 ui goamȩrȩ nö̧rirëremȩdejȩ joja oa. Pio jënȩmi̧ da oa nö̧rirëremȩdejȩ Che quȩmȩ oa.

Taruparea̧ Ma̧ȩ 6:12

Ado pio ji̧ri̧ daea̧ oaiä, ‘Jabo cjäri̧ madiro̧da, pumȩ chjö̧na̧i̧däräti̧rȩ chjadëdë maearë cjo̧ro̧diro̧da, chjadëdëpe baga̧ maeadiro̧da’ quëna̧ jo̧rȩtamȩrȩ darëremȩdejȩrȩ.

Taruparea̧ Ma̧ȩ 6:5

Ado Jeova judi chiri oa cjo̧ro̧ji̧ri̧ pumȩ pio ji̧ri̧ daba dae chjaomȩrȩ darëremȩdejȩrȩ a̧dë chjäte chjai̧dëri̧ jape cjiaji̧ri̧ oa. Ji̧dë ma chjai̧dë maea oa jo̧rȩtaji̧ri̧ oa, a̧dë chjäte chjadëdëti̧ oa jo̧rȩtaji̧ri̧ oa cjacjarë dae chjaorëremȩdejȩrȩ jibëa̧ chji̧ oa, chjai̧dë oa japa ano̧dëri̧ cjiaji̧ri̧ oa.

Go̧a̧rea̧ 51:10

Chjai̧dë oa jo̧rȩtarea̧ decjiari̧ jo̧rȩtapea̧ oa jëdano̧coe ca̧ chji̧ oa ca̧ Ütë. Jabechji̧ jo̧rȩtarea̧ peaja̧ra̧ pio ju̧ri̧ra̧ jo̧rȩtarea̧mi̧ dari̧ jëdano̧coe cüdë ji̧dë ma na̧ ma̧ȩrämo̧ cjo̧ro̧pea̧ oa.

Juan 1:13

Jabo pumȩ judiro̧ jibëa̧ bori̧ ji̧ri̧ nö̧rirëmi̧ cjiari̧ nö̧ria̧ oa cjiadëa̧dirȩ. Ëbaji̧ri̧ judiro̧ ëba mo̧a̧ ëte, iei̧rȩ ararä ëbami̧ dari̧ cjo̧ro̧dëa̧dirȩ, jabo jabechji̧ tjaoëpai̧ dari̧ nö̧ria̧ oa cjiadiäa̧dirȩ. Jabechji̧ Ütë tjamo̧ pio judi ütarë jo̧rȩta̧mi̧ nö̧ria̧ oa cjiadiärëreji̧ri̧dirȩ pio ju̧i̧ ja̧ u̧ri̧pe järea̧mi̧ dari̧.

Juan 3:7

Dacho bëremi̧ cjiari̧ jo̧rȩtadëvä. ¿Tjana̧ oa yo̧cjivadi? quëna̧ jo̧rȩtadëcoe —yo̧a̧dejȩ—. Jabechji̧ ütëborë ado nö̧ria̧ oa cjiapea̧ chiadirȩ.

Domano Ma̧ȩ 7:18

Ado ca̧ icjararä chjai̧dë pio ju̧i̧ chjiari chjadëri̧ dabarequede. Danȩrȩ, a̧dë chjäte chjai̧dëde. Chjadëri̧ japarea̧ chiadë maeade. Ado pio ju̧i̧iä yo̧requededibe. Cüdë ca̧ chja̧oerä cjo̧ro̧ro, jabechji̧ chjadëri̧ japatämi̧ cjiamȩborë chjai̧dë pio ju̧i̧mo̧i̧ japamȩrȩ cjo̧ro̧requede.

Domano Ma̧ȩ 7:25

Chjiaiädë, danȩrȩ, Jechu Quiricho pio ju̧i̧iä go̧dürea̧ dapai̧ darequede. Ano̧mȩ pio ju̧i̧iä go̧dürea̧ dapai̧ darequede. Aja̧ ca̧ oti̧, pio ju̧i̧iä go̧dürea̧ daea̧requede. Tjamo̧ davä. Pio ju̧i̧iä go̧dürea̧ daea̧requede ca̧ icjararä chjai̧dë pio ju̧i̧ ja̧ chja̧oerä cjo̧ro̧chea oa. Ado pio ju̧i̧iä 'Aja̧, Ütë tjamo̧ judi a̧dë chjäte chjadëri̧ japea̧dicoada' quëna̧ jo̧rȩtareconȩ. Ado pio ju̧i̧iä ja̧di dari̧ cjo̧ro̧requede yaba̧. Chjarapë jo̧rȩtarea̧ chiamȩrȩ doparequede. Ca̧ chji̧ peaja̧ra̧ jo̧rȩtarä judi, jabechji̧ Ütë tjamo̧ pio ju̧i̧ ja̧ ma̧ȩ oa ta̧rëdiämȩrȩ cjo̧ro̧requede. Jabo ca̧ icjararä chjai̧dë pio ju̧i̧ ja̧ chja̧oerä cjo̧ro̧rä judi, cjäri̧ marequede, chjai̧dë pio ju̧i̧ japamȩrȩ cjo̧ro̧requede.

Domano Ma̧ȩ 7:5

Jabo a̧ro̧rȩ jabë quëna̧dëa̧rä, jabechji̧ ibëa̧ icjararä chjai̧dërë yo̧a̧ chja̧oerämo̧ cjo̧ro̧rëreji̧ri̧rea̧rȩ. Chjai̧dëri̧ japatämi̧ cjiamȩ jo̧rȩtarea̧ maeara̧ jo̧rȩtarëreji̧ri̧rea̧rȩ ji̧dë ma chjai̧dëri jo̧rȩtaji̧ri̧rȩ. Ado Moicherë go̧ȩparërea̧ ma̧ȩ pio ju̧i̧ ta̧rëa̧ oaiä, 'Aja̧, tüdüa̧mi̧ darä cjo̧ro̧tämi̧ cjiaquëda' quëna̧pe bagadëa̧rea̧rȩ, jabo jabechji̧ ji̧dë u̧i̧ chjai̧dë oa japatämi̧ cjiaji̧ri̧pea̧rea̧rȩ. Ado a̧ro̧rȩ chjai̧dëri̧ japea̧ üdë, jabechji̧ ja̧bopea̧ made.

Domano Ma̧ȩ 8:13

Jabechji̧ mȩnȩro̧ dibëa̧ icjararä chjai̧dërë yo̧a̧ chja̧oerä cjo̧ro̧rä judi, tjamo̧ri̧ ja̧bopanȩrȩ. Jabo mȩnȩro̧ Tjo tjamo̧ pio ju̧i̧ ja̧ chja̧oerä cjo̧ro̧rä judi, judi yürüa̧ jauëchja oaiä chjai̧dë pio ju̧i̧ ja̧bo tänȩmi̧ dari̧ japarä judi, jabechji̧ tjamo̧ri̧ cjo̧ro̧panȩrȩ.

Cori̧tio Ma̧ȩ 1 6:17

Jabo eami̧ pumȩ üdë Ano̧mȩ pio judiri ja̧pe baga̧rä judi, peaja̧di cja̧rȩmȩpe baga̧de Quiricho pio ju̧i̧ nö̧ta. Tjamo̧ davä. Eami̧ pumȩ üdë Ano̧mȩ pio judiri ja̧pe bagarä judi, Quiricho pio ju̧i̧ nö̧ta cja̧rȩmȩpe bagari̧ cara̧ oa cjiami̧ dari̧ cjiade Tjo tjamo̧ pio ju̧i̧iä. Ado pio ju̧i̧iä jabechji̧, Quiricho ja̧ icjarami̧ dara̧ pio ju̧ri̧ra̧ jibëa̧ jadüdë oa baë ëba mo̧a̧dëpea̧de.

Cori̧tio Ma̧ȩ 2 5:17

Jabechji̧ eami̧ pumȩ judi Quiricho pio judiri ja̧pe baga̧rä judi, jabechji̧ pea chjari̧ pareapea̧ oa cjiade, pumȩ peaja̧ mape bagarea̧mi̧ dari̧. Jabechji̧ no̧mȩ ja̧ jo̧rȩtarërea̧ üdë, no̧mȩ ja̧ cjo̧ro̧rërea̧ üdë goarijäa̧ oa cjiade. Ado cjo̧ro̧rea̧ peaja̧ra̧ pio ju̧ri̧ra̧ tarupade Quiricho pio ju̧i̧iä. Tjamo̧ davä. Tjaoëpai̧ dari̧ cjo̧ro̧rea̧mi̧ dari̧, tjaoëpai̧ dari̧ jo̧rȩtarea̧mi̧ dari̧ tarupade Quiricho pio ju̧i̧iä ado cja̧rȩmo̧ cjo̧ro̧rea̧ peaja̧ra̧ pio ju̧ri̧ra̧. Ado pio ju̧i̧iä yaba̧, a̧ro̧rȩ eami̧ pumȩ oa darä, quëna̧mȩ pio ju̧i̧ darä, jabechji̧ tjaoëpai̧ dari̧ jo̧rȩtaji̧ri̧rȩ darea̧ro̧jo̧ȩ, pumȩ peaja̧ maea oa.

Garata Ma̧ȩ 5:24

Danȩrȩ, Jechu Quiricho pio judiri ja̧ji̧ri̧ pio judiro̧ jibëa̧ icjararä chjai̧dë pio judiri cjitëmȩ pio ju̧i̧ toro ja̧bo tänȩmi̧ dari̧ japarëreji̧ri̧diro̧jo̧ȩ. Tjamo̧ davä. Dami̧ti̧ chjai̧dë oa eamȩ pio ju̧i̧, dami̧ti̧ china̧chja oa dae ja̧bo damȩ pio ju̧i̧ ja̧bo tänȩmi̧ dari̧ japea̧diro̧jo̧ȩ.

Epjecho Ma̧ȩ 2:3

Peaja̧di marëreji̧ri̧rea̧rȩ ütëborë quëna̧ji̧ri̧ pio judiro̧. Jabechji̧ ibëa̧ icjararä chjai̧dë üdë chi̧dëea̧ chja̧oerämo̧ cjo̧ro̧rëreji̧ri̧rea̧rȩ. Ado ibëa̧ chji̧ra̧ jo̧rȩta̧mi̧ japeno̧rëreji̧ri̧rea̧rȩ chjai̧dë pio ju̧i̧. Pio ju̧i̧iä Ütë tjamo̧ ja̧ ërecjia̧ pio ju̧i̧ tarapai̧ dari̧ cjo̧ro̧rëreji̧ri̧rea̧rȩ, o judiro̧mi̧.

Corochȩche Ma̧ȩ 2:11

Ado mȩnȩro̧ Quiricho pio ju̧i̧ pearä quëna̧rërea̧ ji̧, pio judiri ja̧ji̧ri̧pea̧nȩrȩ. Ado pio judiri ja̧ji̧ri̧pea̧ji̧ri̧ oa budomi̧ dari̧ japarëremȩdidibe. Jabo pumȩrȩ japarëmi̧ cjiari̧ japadërëremȩdidibe, jabo jauëchja cjiari̧ japarëremȩde, mȩnȩro̧ dibëa̧ chja̧oerä cjo̧ro̧chea oa. Jabechji̧ dibëa̧ icjararä chjai̧dërë yo̧a̧ chja̧oerä ji̧dë ma cjo̧ro̧rërea̧ ji̧, budomi̧ dari̧ japarëremȩdidibe, mȩnȩro̧ pio jiro chja̧oeri pio judiri go̧düpea̧ oa, mȩnȩro̧ tjaoëpai̧ dari̧ cjo̧ro̧pea̧ oa.

Juan Ma̧ȩ 1 3:9

Ütë tjamo̧ pio ju̧i̧iä ado nö̧ria̧ oa cjiamȩ judi chjai̧dë oa japadëmȩde. Jabechji̧ Ütë tjamo̧ pio judiri ma̧na̧mȩ cjo̧ro̧rea̧ peaja̧ pio ju̧i̧ chiamepea̧ oaiä, Ütë pio judiri ma̧na̧mȩ jo̧rȩtarea̧ pio ju̧i̧ chiamȩpea̧ oaiä, jabechji̧ chjai̧dë oa japarea̧mi̧dëde. Jabechji̧ judi Ütë tjamo̧ pio ju̧i̧iä jauëchja cjiari̧ ado nö̧ria̧ oa cjia tara, pio ju̧i̧ ja̧ joja tjamo̧pe baga̧ tara, jabechji̧ chjai̧dë oa japarea̧mi̧dëde.