Juan 3:4 - Biblia Pume

⁴ Jabo Nicodemo judi dëbë yo̧a̧dejȩ: —Jabo cjäri̧ made, üi̧padäräa̧ oa cjiamȩ pio judi, ¿yö̧ta dari̧ ado nö̧ria̧ oa cjiatäremȩcji̧vadi? Jȩa arayi̧ ja̧ acärä ado chjereno yu̧a̧rea̧mi̧dëde. Ado chjereno̧ nö̧ria̧ oa cjiarea̧mi̧dëde —dëbë yo̧a̧dejȩ Nicodemo judi.

Juan 3:4 Iomraidhean Croise

Juan 3:3

Ado Jechu judi yo̧a̧dejȩ: —Tjamo̧dë yo̧dërequedemȩ, jabo tjamo̧i̧ cjiari̧ yo̧requedemȩ. Eami̧ pumȩ üdë peaja̧ mape bagari̧ ado nö̧ria̧ oa cjiadërä judi, Ütërë yo̧a̧ chja̧oerä cjo̧ro̧rea̧ dadëpade —yo̧a̧dejȩ.

Juan 3:5

Jabo Jechu judi yo̧a̧dejȩ: —Tjamo̧i̧ cjiari̧ yo̧requedemȩ. Ui oaiä ado nö̧ria̧ oa cjiadëmȩ judi, Tjo tjamo̧ pio ju̧i̧iä ado nö̧ria̧ oa cjiadëmȩ judi, jabechji̧ Ütërë yo̧a̧ chja̧oerä yu̧a̧rea̧mi̧dëde —yo̧a̧dejȩ—.

Juan 6:53

Jabo Jechu judi cjiadiädëmȩrȩ ado yo̧rëremȩdejȩrȩ ja̧di ta̧rëri̧ a̧de yo̧mȩrȩ: —Danȩrȩ, mȩnȩro̧ ca̧ go̧a̧ oa juradërä judi, Pumȩrȩ Ara̧ Tjamo̧ pio ju̧i̧ ja̧ go̧a̧ oa juradërä judi, ado pio ju̧i̧ ja̧ goe oa jaradërä judi, jabechji̧ bucho ana̧ cjo̧ro̧rea̧ dadëpanȩrȩ. Tjamo̧dë yo̧dërequede, jabo tjamo̧i̧ cjiari̧ yo̧requededibe —yo̧a̧dejȩrȩ—.

Juan 6:60

Jabo Jechu judi ja̧di ta̧rëri̧ yo̧mȩrȩ a̧ra̧ano̧rërea̧ ji̧ goae tjamo̧dërëremȩdejȩrȩ pio jȩa cho̧rë jädiäji̧ri̧ pio ji̧ri̧iä. Ado pio ju̧i̧iä ja̧di ta̧rëri̧ yo̧rëreji̧ri̧dirȩ: —Jabo cjäri̧ made, pio jiro a̧ra̧ano̧rea̧ üdë jamȩpai̧ ta̧rëde —yo̧a̧dirȩ—. Ta̧rërea̧mi̧dëde.

Cori̧tio Ma̧ȩ 1 1:18

Jabechji̧ Jechurë toro ja̧boa̧ pio ju̧i̧ chjiari ma̧ȩ üdë ‘tëracaba madida, badë madida’ quëna̧ jo̧rȩta maeadiro̧jo̧ȩ aeno̧a̧ oa cjiapaji̧ri̧ pio judiro̧. Jabo chjätärea̧ daea̧ji̧ri̧ pio judiro̧, cjäri̧ marea̧ro̧jo̧ȩ, ja̧di dari̧ jo̧rȩtadë marea̧rȩ, jabo ba chia jo̧rȩtarea̧ro̧jo̧ȩ pio jiro ma̧ȩ oa. ‘Jabechji̧ Quiricho pio ju̧i̧ chjiari ma̧ȩ üdë ana̧ri̧ na̧rȩdiibëda, Ütë tjamo̧ ja̧ jauëchja pio ju̧i̧ chjiari na̧rȩdiibëda, jabechji̧ pio jiro ma̧ȩ oaiä quëna̧dëji̧ri̧ pio judiro̧ chjätärea̧ dapai̧ dadiro̧da’ quëna̧ jo̧rȩtarea̧ro̧jo̧ȩ. Tjamo̧ davä ca̧ oti̧. Danȩrȩ, eami̧ pumȩ üdë pio jiro ma̧ȩ oa quëna̧ oaiä Ütë tjamo̧ ja̧ jauëchja pio ju̧i̧iä chjätärea̧ dade. Jabechji̧ aeno̧rea̧ pio ju̧i̧mo̧i̧ nö̧tarërea̧ ji̧, chjätärea̧ daea̧ji̧ri̧pea̧dirȩ jënȩro̧ quëna̧ pio ju̧i̧iä, Ütë ja̧ jauëchja pio ju̧i̧iä. Ado pio ju̧i̧iä yo̧requededibe ca̧ oti̧. Ma̧ȩ chjadëi̧ üdë ana̧ri̧ na̧rȩdiibe Ütë tjamo̧ ja̧ jauëchja pio ju̧i̧ chjiari.

Cori̧tio Ma̧ȩ 1 2:14

Jabo Tjo tjamo̧ pio ju̧i̧ chiadëmȩ pio judi, cjäri̧ made, Tjo tjamo̧ pio judiri ma̧na̧mȩ a̧ra̧ano̧rea̧ ma̧ȩ pio ju̧i̧ ta̧rë ja̧borea̧mi̧dëdejȩ. Jabechji̧ teracaba maeade pio ju̧i̧iä. Jabomo̧ yo̧riärea̧ ma̧ȩ maeade pio ju̧i̧iä. Ado pio ju̧i̧iä dabaparea̧mi̧dë maeade. Jabechji̧ Tjo tjamo̧ pio ju̧i̧iämo̧i̧ dabaparea̧mi̧ dade pio jiro a̧ra̧ano̧rea̧ ma̧ȩ üdë.