Juan 3:34 - Biblia Pume

³⁴ Jabechji̧ Ütë tjamo̧ pio judi chjadüa̧ oa ma̧na̧rëremȩdiibe. Ado Ütë ja̧ ma̧ȩ oa ni̧bä chjaodiibe. Jabechji̧ Ütë tjamo̧ judi pio jȩaiäpȩmo̧ jabëdiärea̧ decjiari̧ Tjo tjamo̧ yürüa̧ oaiä, jabechji̧ Ütë ja̧ ma̧ȩ oa ni̧bä chjaodiibe.

Juan 3:34 Iomraidhean Croise

Mateo 12:18

"Danȩrȩ, cüdë mitërërea̧ mu̧i̧tjoi̧ pio ju̧i̧ dachji̧jo̧ȩ. Jabechji̧ ea tjamo̧reconȩ. Ado ji̧dë ma ma̧ chiadëri̧ cjiamȩrȩ dareconȩ. Ji̧dë ma goaedique. Ado pio ju̧i̧ yürüpareconȩ ca̧ Tjo oa. Ado judiodë pio ji̧ri̧iäpȩmo̧ ni̧bä chjaopadejȩrȩ, jënȩro̧ jabechji̧parȩa̧ oa cjiapea̧ oa.

Lucas 4:18

"Ano̧mȩ pio ju̧i̧ ja̧ Tjo üdë cjiana̧ra̧dique. Jabechji̧ mitëa̧dique Ütë tjamo̧ ja̧ ma̧ȩ chjadëi̧ pio ju̧i̧ a̧ra̧ano̧pea̧ oa. Aja̧, chjö̧na̧i̧ti̧ oa cjäri̧ ja̧boji̧ri̧ pio ji̧ri̧iäpȩmo̧, cja̧rȩmȩ co ma̧ȩ oa ta̧rëdëji̧ri̧ pio ji̧ri̧iäpȩmo̧ a̧ra̧ano̧pea̧ oa mitëa̧dique. Ado chjadüa̧dique peaja̧di cüdë chjadëri̧ yo̧pea̧ oa chaäa̧ oa cjiami̧ dari̧ cjo̧ro̧ji̧ri̧ pio ji̧ri̧ chjiari. Jabechji̧ pio jiro pumȩ judiro̧ chaäa̧ oa cjiami̧ dari̧ cjiarërea̧ ji̧, jabechji̧ go̧dürea̧ yürüpadejȩrȩ Ütë tjamo̧ pio judi. Ado pio ju̧i̧ a̧ra̧ano̧era̧pea̧requede. Aja̧, da cotomi̧ dari̧ cjiaji̧ri̧ pio judiro̧ ado chjereno̧ chjadëri̧ damirerea̧ dapea̧ oa, conȩda̧ oa cjiareji̧ri̧ pio judiro̧ chjadëri̧ jare chjadüa̧ oa cjiami̧ dari̧ cjiapea̧ oa, jabechji̧ chjadüa̧dique a̧ra̧ano̧pea̧ oa.

Juan 1:16

Ado Ma̧ȩ quȩmȩ pio judi, ütararea̧mi̧dëri̧ yürürea̧ goamȩ pio judi a̧dë chjäte cjäri̧ri̧ cjiamȩrȩ ji̧dë ma yürü chjaorëremȩdiibe ji̧ra̧ tjamo̧ oa, ibë yürüdëpe bagarea̧ decjiari̧. Jabechji̧ jënȩ ji̧dë ma yürüpea̧ üdë goarijärea̧mi̧dëde.

Juan 15:26

Ado Jechu judi ji̧dë u̧i̧ ni̧bä chjaomȩrȩ a̧de yo̧rëremȩdejȩrȩ: —Danȩrȩ, chjadüparequededibe A̧domȩ pio ju̧i̧ —yo̧a̧dejȩrȩ—. Aja̧, tjamo̧i̧ cjiari̧ baämȩ ma̧ȩ pio ju̧i̧ dabarea̧ yürümȩ pio ju̧i̧, Ütë tjamo̧ pio ju̧i̧ chjiari dabarea̧ yürümȩ pio ju̧i̧ chjadüpareconȩ. Jabechji̧ Ama̧i̧ tjamo̧ pio ju̧i̧iä ma̧na̧pade, ado pio coa chjiari ni̧bäpadidibe —yo̧a̧dejȩrȩ—.

Juan 16:7

Jabo tjamo̧i̧ cjiari̧ yo̧requededibe. Jabechji̧ ji̧dë u̧i̧ chjadëde davä cüdë dibë a̧dë baäpea̧ üdë —yo̧a̧dejȩrȩ—. Tjamo̧ davä. Cüdë baädërä judi, ma̧na̧na̧ra̧dëpadidibe A̧domȩ judi. Jabo cüdë baäa̧rämo̧i̧ chjadürea̧ dapareconȩ Tjo tjamo̧ pio ju̧i̧.

Juan 3:17

Jabechji̧ Ütë tjamo̧ judi pumȩ ütëbodärä oa bape chjaopea̧ oa chjadüdëa̧dejȩ Joja oa, jabo ji̧dëri̧ judiro̧ chjätärea̧ dapea̧ oa chjadürëremȩdejȩ.

Juan 5:26

Danȩrȩ, Ama̧i̧ tjamo̧ pio judide bucho ana̧ cjo̧ro̧rea̧ yürümȩ judi. Jabechji̧ bucho ana̧ cjo̧ro̧rea̧ chiade jibëa̧ tjoro. Pio ju̧i̧iä tarupade. Ado danȩrȩ, pio cüdëborë bucho ana̧ cjo̧ro̧rea̧ yürümȩrequede. Jabechji̧ Ama̧i̧ judi jibëa̧ Ja pio ju̧i̧ yürüa̧ oaiä, peaja̧di dari̧ yürürea̧ chiarequede.

Juan 7:16

Ja̧dëa ji̧ Jechu judi ‘ja̧di ta̧rëri̧ yo̧diro̧da’ quëna̧ dabamȩrȩ yo̧a̧dejȩrȩ: —Danȩrȩ, ca̧ea̧ ma̧na̧ri̧ jo̧rȩtamȩrȩ a̧ra̧ano̧dërequede, jabo jabechji̧ Ütë tjamo̧ pio judiri ja̧ maeara̧ a̧ra̧ano̧requede, pio coa chjadüa̧mȩ pio judiri ja̧ maeara̧.

Juan 8:40

Jabo cjäri̧ manȩrȩ, judi japarërea̧mi̧ japadë manȩrȩ, jabo coa ja̧bo tänȩpea̧ pio ju̧i̧ järitanȩrȩ. Ütë tjamo̧ judi coa yo̧a̧ pio ju̧i̧ ni̧bä chjaomȩ oa ja̧bo tänȩtämi̧ cjiarenȩro̧coe. Ja̧di dari̧ japadëa̧täremȩdique Abaraa̧ judi.

Juan 8:47

Danȩrȩ, Ütë tjamo̧ ja̧ u̧ri̧ pio judiro̧ ta̧rë ja̧bodiro̧jo̧ȩ Ütë tjamo̧ ja̧ ma̧ȩ oa, jiadarea̧ decjiari̧. Jabo mȩnȩro̧ ta̧rë ja̧bodë manȩrȩ. Jabechji̧ Ütë tjamo̧ ja̧ u̧ri̧dë tara ta̧rë ja̧bodë manȩrȩ —yo̧mȩrȩ yo̧rëremȩdejȩrȩ Jechu judi.

Japarea̧ 1:2

Aja̧, pio judi japarërea̧ pio ju̧i̧ chjiari, Ütë tjamo̧ judi pio jȩa a̧dëräpȩ baä tänȩa̧rä yuro japarërea̧ pio ju̧i̧ chjiari go̧ȩpe chjadürëremȩrequedemȩ. Ado Jechu judi baäbea yaboi̧, jabechji̧ ni̧bä chjaorëremȩdejȩrȩ jënȩ chjadüa̧ pio ji̧ri̧, jënȩ mitëa̧ pio ji̧ri̧. Tjo tjamo̧ ja̧ chja̧oerä cjiamȩrȩ ni̧bä chjaoa̧dejȩrȩ, jënȩ daba̧mi̧.

Japarea̧ 10:38

Ado Ütë tjamo̧ judi Jechu ju̧i̧ mitëa̧ pio ju̧i̧ chjiari, Nacharerimȩ pio ju̧i̧ mitëa̧ pio ju̧i̧ chjiaribo peaja̧di daba jironȩrȩ. Ado Ütë tjamo̧ judi mitëa̧ pio ju̧i̧ yürüa̧dejȩ Tjo tjamo̧ pio ju̧i̧, jauëchjarea̧bo. Ado pio ju̧i̧iä judi oëra̧ti̧ oa tai̧a̧ ji̧, jabechji̧ chjadëri̧ japariämȩrȩ tai̧rëremȩde, yaröca chiaji̧ri̧ pio ji̧ri̧ chjadëri̧ chjaparȩmȩrȩ, yaröca pio ji̧ri̧iä conȩda̧ oa cjiaji̧ri̧ pio ji̧ri̧ chjadëri̧ a̧domȩrȩ. Jabechji̧ Ütë tjamo̧ pio judi ji̧dë ma ëba cjiarëremȩdejȩ. Ado pio ju̧i̧bo daba jironȩrȩ —yo̧a̧dejȩrȩ Pedro judi.

Domano Ma̧ȩ 8:2

Jabechji̧ Tjo tjamo̧ ja̧ jauëchja pio oaiä go̧dürea̧ daea̧rea̧rȩ goae tarari̧ ano̧ mire cjo̧ro̧pea̧ oa, Quiricho pio ju̧i̧ nö̧ta cja̧rȩmȩpe bagaji̧ri̧rȩ cjo̧ro̧pea̧ oa. Jabechji̧ a̧ro̧rȩ chjai̧dë ja̧ chja̧oerä cjo̧ro̧rërea̧ ji̧, ja̧bopea̧ chja̧oerä cjo̧ro̧rërea̧ ji̧, go̧düa̧ oa cjiarea̧rȩ yaba̧, Jechu pio judiri ja̧ji̧ri̧rȩ.

Epjecho Ma̧ȩ 3:8

Jabechji̧ cüdë pumȩ ba chiadëräbo, cüdë Ütë ja̧ pumȩ pio ji̧ri̧ tjamo̧ri̧ nö̧tadëräbo, jabechji̧ pio coa cjäri̧ri̧ cjiamȩrȩ a̧ra̧ano̧rea̧ yürürëremȩdique Quiricho pio ju̧i̧ chjiari ma̧ȩ oa. Tjamo̧ davä. Ütë tjamo̧ ja̧ pumȩ judiro̧ ütëborë pio coaiä ji̧dë u̧i̧ ba chiaräbo, jabechji̧ pio coa yürürëremȩdique pio jiro ja̧beparea̧ oa. Aja̧, judiodë pio ji̧ri̧iäpȩmo̧ a̧ra̧ano̧pea̧ oa, judiro̧ Quiricho pio ju̧i̧ quëna̧ oaiä a̧dë chjäte ba chiamȩti̧ oa mitërea̧ dapea̧ oa, tjamo̧ri̧ dabarea̧mi̧dë oa mitërea̧ dapea̧ oa, yürürëremȩdique pio jiro ja̧beparea̧ oa.

Corochȩche Ma̧ȩ 1:19

Jabechji̧ goae tjamo̧rëremȩdejȩ Ütë tjamo̧ pio ju̧i̧iä Joja üdë pio jënȩmi̧ dari̧ cjiapea̧ oa peadëri ja̧, jabëdiärea̧ decjiari̧. Jabechji̧ nö̧tami̧ cjiadirȩ. Ji̧mo̧ ma cjiadirȩ. Joja üdë Ütë tjamo̧ pio judi tjamo̧mi̧ dari̧ cjiade. Ütë tjamo̧ pio judimȩrȩ cjiade. Jabechji̧ goae tjamo̧dejȩ Ütë tjamo̧ ju̧i̧iä, judi Jojarä bëpapea̧ ji̧.

Corochȩche Ma̧ȩ 2:9

Ado Quiricho judi Ütë tjamo̧ pio judide. Jabechji̧ pio ju̧i̧ ja̧ tjoro cjiade Ütë tjamo̧ judi. Ado pio ju̧i̧iä Ütë tjamo̧ ja̧ jo̧rȩtarea̧ chiade. Ado Ütë pio ju̧i̧ ja̧ üdë Quiricho pio ju̧i̧ ja̧de peaja̧di.

Jechurë Na̧rȩrërea̧ Ma̧ȩ 21:6

Ado ji̧dë u̧i̧ yo̧mȩrȩ a̧de yo̧a̧de: —Jabechji̧de yaba̧ —yo̧a̧de—. Cüdë tänȩa̧ oa, japadäräa̧ oa cjia maeade. Pio coaiä tarupea̧ maeade. Jabechji̧ pearämȩ pio judirequede, yuropadëmȩrȩ cjiamȩ üdë. Ado pio cüdë yo̧requede: Eami̧rȩ ui ja̧borä judi, jabechji̧ ba eadëmȩrȩ jararea̧ yürüpareconȩ bucho ana̧ cjo̧ro̧rea̧ yürümȩ ui pio ju̧i̧.

Jechurë Na̧rȩrërea̧ Ma̧ȩ 22:1

Ja̧dëa ji̧ a̧dërämȩ ja̧ mu̧i̧tjoi̧ üdë ji̧dë u̧i̧ na̧rȩtämi̧ cjiamȩrȩ na̧rȩa̧dique bea oa, bucho ana̧ cjo̧ro̧rea̧ yürümȩ ui oa. Ütë ja̧ charea̧ri pio judiri ca̧mȩ oa, tatachjari̧ ca̧mȩ oa na̧rȩa̧dique, Oveja pëi̧ chjamȩmi̧ da pio ju̧i̧ ja̧ charea̧ri pio judiri ca̧mȩ oa.