Juan 3:26 - Biblia Pume

²⁶ Ado pio ju̧i̧ nö̧ta ni̧bäa̧ duri oa goëdepea̧diro̧jo̧ȩ Juan ju̧i̧. Ado Jechu pio ju̧i̧ jo̧rȩtaji̧ri̧rȩ yo̧a̧diro̧jo̧ȩ: —Danȩ a̧ra̧ano̧mȩ, mȩnȩ ibë yo̧a̧ pio ju̧i̧ ¿jo̧rȩtadënȩ üi̧ oa? Bea Joroda̧ oëräpȩ pio mȩa nö̧ta ëba cjiaremȩ pio ju̧i̧ ¿jo̧rȩtadënȩ? Danȩ, judiborë pumȩ ji̧ri̧ go̧e cjaeä chudadejȩrȩ yaba̧. Ado pumȩ judiro̧ ütëborë pio mȩaiäpȩ jana̧rërea̧ ji̧, pio ju̧i̧iäpȩ ano̧ mire jä chjaodirȩ yaba̧ —yo̧a̧diro̧jo̧ȩ.

Juan 3:26 Iomraidhean Croise

Mateo 23:7

Ado judiro̧ gatë tänȩrea̧ bëräpȩ järä, pio jibëiäpȩmo̧ chjadëri jeatä ea tjamo̧diro̧jȩrȩ pumȩ ji̧ri̧. Jabechji̧ ‘pumȩ ba chia tjamo̧ jirodiro̧da’ quëna̧ji̧ri̧rȩ jeatä eadiro̧jȩrȩ pio jibëiäpȩmo̧. Ado pumȩ judiro̧ pio jibë chjiari ni̧bärä, jabechji̧ "tjamo̧ a̧ra̧ano̧mȩ" yo̧ matä eadiro̧jȩrȩ. Jabechji̧ pio jibë chjiari ja̧di ta̧rëri̧ ni̧bäpea̧ üdë goae tjamo̧dejȩrȩ.

Mateo 23:8

Jabo danȩrȩ, yo̧requededibe ca̧ pumȩ ⁠—⁠yo̧a̧dejȩrȩ⁠—⁠. Dibëa̧ pumȩ pio judiro̧ pio dibë yo̧a̧ ji̧, “Aja̧, tjamo̧ a̧ra̧ano̧mȩrenȩ” yo̧mȩ ma̧ȩ pio ju̧i̧ yo̧dë matäreji̧ri̧diro̧dibe. Jabechji̧ cja̧rȩmȩ pumȩ manȩrȩ. Ji̧mo̧ ja̧ maeanȩrȩ. Ado dibë tjamo̧ a̧ra̧ano̧mȩ pio judi cja̧rȩmȩ maeade. Ado pio judirequede cüdë. Tjamo̧ davä. Pio dibë tjamo̧ a̧ra̧ano̧mȩ pio judirequede.

Juan 1:15

Ado Juan judi pumȩ ji̧ri̧ ni̧bä chjaoa̧ ji̧, uirä go̧e cjaeä chudamȩ pio judi ni̧bä chjaoa̧ ji̧, jabechji̧ irä darëremȩdejȩ Jechu pio ju̧i̧. Ado ja̧dëa ji̧ to̧bari̧ yo̧mȩrȩ ja̧di ta̧rëri̧ ëna̧diärëremȩdejȩrȩ pumȩ ji̧ri̧: "Danȩrȩ, cüdë dibë jabërä yo̧rërea̧ pumȩ pio judide. Jabechji̧ cüdë dibë jabërä yo̧a̧ ji̧, 'Aja̧, ca̧ duri oa ma̧na̧pamȩ judi pio coa u̧i̧ ba chiade. Coa jabë ara̧dëa̧rä cjiarëremȩ pio judide' yo̧a̧ ji̧, jabechji̧ pio pio yoa chjiari ni̧bä chjaorëremȩrequededibe" yo̧mȩrȩ yo̧rëremȩdejȩrȩ Juan judi Ma̧ȩ quȩmȩ pio ju̧i̧ chjiari.

Juan 1:7

Tatami̧ damȩ pio ju̧i̧ chjiari ni̧bä chjaopea̧ oa chjadüa̧ oa cjo̧ro̧rëremȩde pumȩ judiro̧ chjadëri̧ ta̧rëpea̧ oa, chjadëri̧ quëna̧pea̧ oa.

Juan 1:9

Ado tatami̧ damȩ judi, jabechji̧ tjamo̧i̧ cjiari̧ tatamȩ pio judide. Pio yoa chirirä ma̧na̧rëremȩde pumȩ ütëbodärä oa tatarä jo̧rȩta tänȩmi̧ dari̧ japapea̧ oa.

Juan 11:48

Ado a̧ro̧rȩ eami̧ oa tuti japadërä judi, ütëbodärärë quëna̧padiro̧jo̧ȩ. Ado ütëborë quëna̧rä judi, domano̧ pio judiro̧ acji jana̧pai̧ da jirodiro̧ibe. Ütë tjamo̧ ja̧ bë pio ju̧i̧ baë iëchäpea̧ oa, pio ibë tjamo̧ yo̧ji̧ri̧dëpe baga tänȩpea̧ oa, judio ütëbodärä oa chjuchjuti̧mi̧ baä tänȩpea̧ oa, chjaodëri̧ acji jana̧pai̧ da jirodiro̧ibe —yo̧a̧dirȩ.

Juan 12:19

Jabo pjaricheo judiro̧ ja̧di ta̧rëri̧ ni̧bä chjaoa̧dirȩ jibëa̧ dëbëti̧ra̧ chia: —Jabo cjäri̧ marea̧rȩ, eami̧ oa japarea̧ dadërea̧rȩ. Dae jädë marea̧rȩ. Boadärädiibe Jechu judi. Ütëbodäräti̧rȩ cho̧rë jäa̧ madiro̧jo̧ȩ —yo̧a̧dirȩ pjarichjeo pio judiro̧, ana̧ri̧ jo̧rȩtaji̧ri̧rȩ.

Juan 3:2

Ado cja̧rȩmo̧ doremȩrä gȩnȩpea̧rä, goëdepea̧dejȩ Jechu ju̧i̧. Ado yo̧a̧dejȩ: —Danȩ A̧ra̧ano̧mȩ, na̧ jauëchjarea̧ pio ju̧i̧ daea̧rea̧rȩ. Pio ju̧i̧iä dabarea̧rȩ pio mȩa chjiari. ‘Aja̧, Ütë tjamo̧ pio judi chjadüa̧ oa ma̧na̧diibëda, ibë a̧ra̧ano̧pea̧ oa chjadüa̧ oa ma̧na̧diji̧da’ quëna̧ dabarea̧ro̧mȩ. Ütë tjamo̧ judi pio mȩadidërä judi, jauëchja cjiari̧ japarea̧ dadëa̧täremȩrenȩ —yo̧a̧dejȩ.

Juan 4:1

Pjaricheo judiro̧ babui̧ra̧ goë ta̧rë chjaorëreji̧ri̧dirȩ Jechu pio ju̧i̧ chjiari. Tjamo̧ davä. Pumȩ judiro̧ Jechu pio ju̧i̧ ta̧rë ja̧boa̧ pio ju̧i̧ chjiari, pio ju̧i̧ cho̧rë jä chjaoa̧ pio ju̧i̧ chjiari ta̧rëji̧ri̧pea̧dirȩ. Ado peaja̧di goë ta̧rë chjaorëreji̧ri̧dirȩ Jechu judi chuda̧ pio ju̧i̧ chjiari. Juan judi pumȩ ji̧ri̧ go̧ȩ cjaeä chuda̧ ju̧i̧ u̧i̧ chuda̧ pio ju̧i̧ chjiaribo goë ta̧rëa̧diro̧jo̧ȩ Jechu pio ju̧i̧ chjiari.

Juan 4:2

Jabo Jechu judi tjamo̧ri̧ go̧ȩ cjaeä chudadëa̧dejȩrȩ, jabo jibëa̧ jadü pio judiro̧mo̧rȩ chudarëreji̧ri̧diro̧jȩrȩ.

Juan 4:31

Ado iei̧ jini̧ jibëa̧ pumȩiäpȩ jäa̧ cjararä, Jechu ja̧ jadü judiro̧ yo̧a̧diro̧jo̧ȩ Jechu ju̧i̧: —Jaevä a̧ra̧ano̧mȩ, juratäremȩrenȩ —yo̧a̧diro̧jo̧ȩ.

Juan 5:33

Ado Juan judi, go̧e cjaeä chudamȩ pio judiborë coëma cjiari̧ yo̧rëremȩde pio coa chjiari. Mȩnȩro̧ dibëa̧ pumȩ ji̧ri̧ Juan pio ju̧i̧iäpȩmo̧ chjadüa̧ ji̧, coëma cjiari̧ yo̧a̧de pio coa chjiari.