Juan 3:23 - Biblia Pume

²³ Ado Juan pio judiborë pumȩ ji̧ri̧ go̧ȩ cjaeä chudarëremȩdejȩrȩ ado cja̧rȩmo̧räpȩ. Eno̧ quȩmȩräpȩ ju̧ri̧, Chari̧ quȩmȩräpȩ ju̧ri̧ go̧ȩ cjaeä chudarëremȩdejȩrȩ Juan judi. Ui ji̧ra̧ oaiä, pumȩ judiro̧ pio jȩaiäpȩ go̧düdäräa̧ oaiä, jabechji̧ chudarëremȩdejȩrȩ.

Juan 3:23 Iomraidhean Croise

Taruparea̧ Ma̧ȩ 33:18

Jacobo judi Padanarama chiriri pio judiri go̧dürërea̧ ji̧, Canaa̧ quȩmȩ chiriräpȩ baädärärërea̧ ji̧, jabechji̧ chjadëri̧ baädärärëremȩde. Ado Chequema quȩmȩ bë ma̧ri̧ dëbëräpȩ ju̧ri̧ bëparëremȩde.

Lucas 3:7

Jabo pumȩ no̧i̧dërë Juan pio ju̧i̧iäpȩ go̧düdäräa̧rä, pio jibë uirä go̧e cjaeä chudatä eaji̧ri̧rȩ go̧düdäräa̧rä, jabechji̧ to̧bari̧ yo̧rëremȩdejȩrȩ. 'Jabechji̧ o judiro̧ jabomo̧ quëna̧ji̧ri̧mi̧ dari̧ cjo̧ro̧diro̧da, ano̧ mire jo̧rȩtacji̧ quëna̧ japa maeadiro̧da' quëna̧ jo̧rȩtamȩrȩ darëremȩdejȩrȩ. Ado pio ju̧i̧iä ja̧di ta̧rëri̧ yo̧ chjaorëremȩdejȩrȩ to̧bari̧: —Jabo cjäri̧ manȩrȩ, mȩnȩro̧ orë oëra̧ jo̧rȩtanȩrȩ —yo̧a̧dejȩrȩ—. 'Jaeboquëda, cüdë uirä go̧ȩ cjaeä chuda̧ oa cjia̧ oaiä, jabechji̧ Ütë tjamo̧ judi bape chjaodëpadicoada, cüdë chuda̧ oa cjia̧ oaiä pio ju̧i̧ ja̧ ërecjia̧ üdë pio coaiäpȩmo̧ acji cjatädëpadicoada' quëna̧ jo̧rȩtanȩrȩ. Jabo ¿chjia oaiä ta̧rëa̧ oaiä ja̧di dari̧ quëna̧ji̧ri̧pea̧nȩrȩ mȩnȩro̧? Pio coaiä ja̧di ta̧rëri̧ ta̧rëdëa̧nȩrȩ, jabo ja̧di ta̧rëri̧ yo̧requededibe yaba̧. Danȩrȩ, jabomo̧ ë chiamȩ po pio judiri ja̧ji̧ri̧mi̧ dari̧ cjianȩrȩ, ado ma̧i̧ da gärimȩmi̧ da üdë acji ma̧na̧ oaiä, jabechji̧ goae tarari̧ coë jämi̧ dari̧ bageno̧tämi̧ cjianȩrȩ, Ütë ja̧ ërecjia̧ pio ju̧i̧ tarachea oa. Jabo cjäri̧ manȩrȩ, mȩnȩro̧ quëna̧cji̧ quëna̧ japaji̧ri̧rȩ go̧ȩ cjaeä chuda̧ pio ju̧i̧iä Ütë ja̧ ërecjia̧ pio ju̧i̧ a̧dë bagarea̧ dadëpanȩrȩ.

Juan 3:22

Ado Jechu judi Nicodemo pio ju̧i̧ nö̧ta ni̧bä chjaoa̧ duri oa, järëremȩde Judea quȩmȩ chiriräpȩ jibëa̧ jadü pio ji̧ri̧ nö̧ta. Ado ju̧ri̧pȩ japamitë cjiadiämȩrȩ go̧e cjaeä chudarëremȩdejȩrȩ pumȩ ji̧ri̧.

Juan 3:24

Jabechji̧ Juan judi chaärea̧ bëräpȩ jabë chaäa̧ oa cjiadërä, jabechji̧ go̧ȩ cjaeä chudarëremȩdejȩrȩ.

Jechurë Na̧rȩrërea̧ Ma̧ȩ 1:15

Ado jibëa̧ ta üdë tatari̧ baäremȩde. Danȩrȩ, boro̧che quȩmȩ chjipararira̧ ja̧bepea̧ oaiä, ma̧i̧ dari̧ cjüëtü tänȩ oaiä, jabechji̧ tatari̧ cjiade. Peaja̧dimi̧ dari̧ tatari̧ cjiaremȩde jibëa̧ ta üdë. Ado judi ni̧bäa̧ ma̧ȩ üdë bea ui üdë curë uë tjamo̧ri pio judiri ca̧mi̧ ta̧rëri̧ ea cjiaremȩde, mai̧ dari̧ eamȩrȩ.

Jechurë Na̧rȩrërea̧ Ma̧ȩ 14:2

Ja̧dëa ji̧ buba oa ta̧rëa̧requedejȩrȩ gürë ea cjiari̧ ni̧bäji̧ri̧ oa, a̧dëri pio judiri gürë ea cjiari̧ ni̧bäji̧ri̧ oa. Jabechji̧ dürü uirë curë uë tjamo̧ri pio judiri ca̧mi̧ ta̧rëri̧ ni̧bäji̧ri̧ oa, ti̧ma baämi̧ ta̧rëri̧ ni̧bäji̧ri̧ oa ta̧rëa̧requedejȩrȩ. Jabechji̧ pumȩ judiro̧ no̧i̧dërë care care guarea̧ oa care care guaji̧ri̧ oa ta̧rëa̧requedejȩrȩ goae tarari̧ ea cjiaji̧ri̧ oa. Aja̧, ja̧di ta̧rëri̧ ni̧bäji̧ri̧ oa ta̧rëa̧requedejȩrȩ.

Jechurë Na̧rȩrërea̧ Ma̧ȩ 19:6

Ja̧dëa ji̧ ta̧rëa̧requede pumȩ bubati̧mi̧ da oa to̧bami̧ ni̧bäji̧ri̧ oa. Bea ui üdë curë uë tjamo̧ri pio judiri to̧bari̧ ca̧mi̧ ta̧rëri̧ ta̧rëa̧requedejȩrȩ, ma̧i̧ ta̧rëri̧ dörö eami̧ ta̧rëri̧. Ja̧di ta̧rëri̧ yo̧ji̧ri̧ oa ta̧rëa̧requedejȩrȩ: —Chjacjiamȩri̧ ni̧bäpea̧de Ütë tjamo̧ judi —yo̧a̧dirȩ—. Ibëa̧ Ano̧mȩ judi a̧dë chjäte ju chiamȩ Ütëde. Tjamo̧ yo̧mȩ Ütede.