Juan 3:19 - Biblia Pume

¹⁹ '¿Tjana̧ ju̧i̧iä bape chjaopadiji̧ri̧da?’ quëna̧rea̧mi̧dëde. Jabechji̧ tatarä jo̧rȩtami̧ dari̧ jo̧rȩta tänȩmȩ Pumȩ pio judi birarëremȩde dai chiriräpȩmo̧. Jabo dai chirirä cjo̧ro̧ji̧ri̧ pio ji̧ri̧iäpȩ bira̧räbo eadëa̧diro̧jo̧ȩ. Jabechji̧ tatarä jo̧rȩtami̧ dari̧ jo̧rȩtadëri̧ cjiarëreji̧ri̧dirȩ. Bagö̧nȩrä jo̧rȩtarea̧ pio ju̧i̧mo̧i̧ earëreji̧ri̧dirȩ judiro̧ chjai̧dë pio ju̧i̧ goaraji̧ri̧rȩ cjo̧ro̧ tara. Pio ju̧i̧iä bape chjaopadejȩrȩ.

Juan 3:19 Iomraidhean Croise

Lucas 12:47

Ado eami̧ mu̧i̧tjoi̧ üdë jibëa̧ ano̧mȩ pio ju̧i̧ chjiari dabarä judi, 'Aja̧, ja̧di dari̧ ja̧bepatä eadicoada' quëna̧ dabarä judi, jabo ta̧rëdiäpea̧ ji̧ tarupadërä judi, jibëa̧ ano̧mȩ judi yo̧a̧mi̧ japadërä judi, jabechji̧ a̧dë chjäte goae tarari̧ bide cjaeäa̧ oa cjiapade —yo̧a̧dejȩrȩ—.

Lucas 16:14

Ado pjaricheo judiro̧ pio jiro ma̧ȩ oa ta̧rëa̧ oaiä, ya̧rëreji̧ri̧diro̧jo̧ȩ Jechu ju̧i̧. Tjamo̧ davä. Pjaricheo judiro̧, jibëa̧ chëre oa ea tjamo̧ji̧ri̧ pio judiro̧ Jechurë jibëa̧ jadü pio ji̧ri̧iäpȩmo̧ ni̧bä chjaoa̧ pio ju̧i̧ ta̧rëa̧ oaiä, jabechji̧ ya̧ea̧diro̧jo̧ȩ, Jechu pio ju̧i̧ badë daji̧ri̧rȩ.

Juan 1:4

Jabechji̧ cjo̧ro̧rea̧ yürümȩ pio judide. Pio ju̧i̧iämo̧i̧ taruparëremȩde cjo̧ro̧rea̧ üdë. Ado cjo̧ro̧rea̧ yürümȩ pio judi tatami̧ darä jo̧rȩtarea̧ yürümȩde pumȩ ütëbo ja̧ oa.

Juan 1:5

Jabechji̧ bagönȩ tjomi̧ daräpȩ ju̧ri̧ goae tarari̧ tatami̧ dari̧ cjiade. Ado bagönȩmi̧ da üdë tatami̧ damȩ pio ju̧i̧ boarea̧mi̧dëdejȩ. Jabechji̧ chö̧räparea̧mi̧dëri̧ cjiade.

Juan 12:31

Danȩrȩ, dai chiriräpȩti̧ oa cjo̧ro̧ji̧ri̧ pio ji̧ri̧ bape chjaopea̧ do üdë ma̧na̧diibe. Ado yaröca ütë pio judi boadäräa̧ oa cjiapea̧ do üdë peaja̧di ma̧na̧diibe. Tjamo̧ davä. Yaröca ütë pio judi, Ichiae pio judi, dai chirirä cjiamȩ ütë pio judi boadäräa̧ oa cjiapea̧ do üdë ma̧na̧diibe.

Juan 12:43

Jabechji̧ pumȩ ja̧ ya oaiä goaeri̧ ta̧rëa̧ üdë ji̧dë ui goaerëremȩde pio ji̧ri̧iä. Jabechji̧ Ütë tjamo̧ judi pio ji̧ri̧ chjiari chjacjiamȩri̧ ni̧bäa̧ üdë goae tjamo̧tärea̧ ji̧, goae tjamo̧dërëremȩdejȩrȩ. Tjamo̧ davä. Ütë tjamo̧ judi pio jibëiäpȩmo̧ chjacjiamȩri̧ yo̧a̧ üdë goae tjamo̧dërëremȩdejȩrȩ.

Juan 12:46

Danȩrȩ, tatamȩmi̧ darë pio yoa chiriräpȩ birë ma̧na̧requede chiriräpȩti̧ oa cjo̧ro̧ji̧ri̧ judiro̧ pio coaiäpȩmo̧ quëna̧pea̧ oa, judiro̧ bagönȩmi̧ darä cjiadiächea oa.

Juan 5:44

Ado pio ju̧i̧ uëri dibëa̧ dëbëti̧ra̧ chia ma̧ chiadëri̧ cjiaji̧ri̧rȩ ba chiaparȩmi̧ dari̧ chjacjiamȩri̧ ni̧bärenȩrȩ. Aja̧, dibëa̧ pumȩ judiro̧ pio dibë ba chiaparȩmi̧ dari̧ ni̧bärä judi goae tjamo̧didibe, jabo 'Ütë tjamo̧ judi pio coaiäpȩmo̧ ba chia datä eacuni̧da' quëna̧ jo̧rȩtadë marenȩro̧jo̧ȩ. Jabechji̧ Ütë tjamo̧ pio judimo̧rȩ Ütëräbo, 'pio coaiäpȩmo̧ ba chia datä eacuni̧da' quëna̧ jo̧rȩtadë marenȩro̧jo̧ȩ. Ado pio ju̧i̧iä quëna̧rea̧ dadërenȩro̧jo̧ȩ.

Juan 7:17

Ado eami̧ pumȩ judi, Ütërë eami̧ tjamo̧ri̧ japatämi̧ cjiarä judi, jabechji̧ chjadëri̧ dabarea̧ dapade davä cüdë a̧ra̧ano̧a̧ pio ju̧i̧ chjiari —yo̧a̧dejȩrȩ—. 'Jabechji̧ jibëa̧ ma̧na̧ri̧ jo̧rȩtamȩrȩ a̧ra̧ano̧dëdida, jabo Ütë tjamo̧ pio judiri ma̧na̧mȩ maea oa a̧ra̧ano̧dida’ quëna̧ jo̧rȩtapade pio coa chjiari.

Juan 7:7

Jabechji̧ dai chirirä cjo̧ro̧ji̧ri̧ judiro̧ goëdëri̧ cjia dadë madiro̧dibe, jabo ja̧didëdiro̧coe coa. Goëdëri̧ cjia dadiro̧coe. Cüdë, judiro̧ chjai̧dëri̧ japea̧ pio ju̧i̧ chjiari ji̧dë ma yo̧a̧ oaiä, jabechji̧ goëdëri̧ cjia dadiro̧coe.

Juan 8:12

Ado Jechu judi yo̧mȩrȩ ni̧bärëremȩdejȩrȩ pjaricheo pio ji̧ri̧iäpȩmo̧. —Danȩrȩ, chiri nö̧tai̧ oa cjo̧ro̧ji̧ri̧ pio ji̧ri̧ tatami̧ darä jo̧rȩta tänȩmȩrequede —yo̧a̧dejȩrȩ—. Jabechji̧ pio coa nö̧ta ëba tai̧mȩ judi bagönȩmi̧ darä cjo̧ro̧dëpade, jabo tatami̧ darä jo̧rȩtamȩrȩ cjo̧ro̧pade, goae tarari̧ cjo̧ro̧rea̧ chiape järi̧ —yo̧a̧dejȩrȩ.

Juan 9:5

Ado pio ju̧i̧iä cüdë pio yoa chirirä cjo̧ro̧a̧ nö̧ta, jabechji̧ chiri nö̧tai̧ oa cjo̧ro̧ji̧ri̧ pio ji̧ri̧ tatami̧ darä jo̧rȩtarea̧ yürürequedejȩrȩ —dëbë yo̧a̧dejȩrȩ.

Domano Ma̧ȩ 1:32

Ado pio jiro pumȩ judiro̧, dëdë, dabarëreji̧ri̧dirȩ Ütë tjamo̧ ja̧ ma̧ȩ pio ju̧i̧. Ado Ütë tjamo̧ ja̧ ma̧ȩ oa jiada̧ üdë, 'Aja̧, ja̧bopea̧ maeadida' quëna̧ dabarëreji̧ri̧dirȩ peaja̧di. Jabo dabaji̧ri̧borë jiade chjaoji̧ri̧pe bagarëreji̧ri̧dirȩ. Jaboti̧rea̧ jape cjiaji̧ri̧pe järëreji̧ri̧dirȩ, chjai̧dë oa japë ano̧rea̧ decjiari̧. Ado judiro̧ chjai̧dëri̧ japaji̧ri̧ pio ji̧ri̧ darä, "Aja̧, ji̧dë ma japachji̧vä chjai̧dë pio ju̧i̧" yo̧ chjaoji̧ri̧pea̧diro̧jȩrȩ ji̧dëri̧. Tjamo̧ davä. Ma̧i̧ dari̧ japaji̧ri̧pe bagarëreji̧ri̧dirȩ, Ütë tjamo̧ ja̧ ma̧ȩ oa chjuari̧ jiadaji̧ri̧rȩ.

Domano Ma̧ȩ 2:8

Jabo o ji̧ri̧ uapai̧ da tjamo̧ri̧ bape chjaopadejȩrȩ. Tjamo̧ davä. Jibëa̧ chji̧rämo̧ jo̧rȩtataji̧ri̧rȩ cjo̧ro̧ji̧ri̧ pio ji̧ri̧, 'ba chia tjamo̧a̧ro̧da' quëna̧ jo̧rȩtaji̧ri̧rȩ cjo̧ro̧ji̧ri̧ pio ji̧ri̧, coëma cjiari̧ baämȩ ma̧ȩrä cjo̧ro̧dëri̧ cjiaji̧ri̧ pio ji̧ri̧ jabo ji̧dë ma chjai̧dëri̧ japatämi̧ cjiaji̧ri̧ pio ji̧ri̧, jabechji̧ Ütë ja̧ ërecjia̧ üdë pio ji̧ri̧iäpȩmo̧ acji cjatäpadejȩrȩ chacha tjamo̧mi̧ dari̧.

Techaronichȩche Ma̧ȩ 2 2:12

Jabechji̧ judiro̧ aeno̧pea̧ maearë cjiapea̧ oa, judiro̧ coëma cjiari̧ aechide yo̧a̧ oa cjiapea̧ oa ja̧di dari̧ japapadejȩrȩ Ütë tjamo̧ judi. Jabechji̧ judiro̧ coëma cjiari̧ baämȩ ma̧ȩ pio ju̧i̧ quëna̧dëa̧ tara, judiro̧ chjai̧dë goaraji̧ri̧rȩ cjo̧ro̧a̧ tara, jabechji̧ ja̧di dari̧ japapadejȩrȩ Ütë tjamo̧ judi.

Pedro Ma̧ȩ 1 2:8

Ado danȩrȩ, pio yoa ma̧ȩbo a̧de go̧ȩparëreji̧ri̧dirȩ pio jiro pumȩ pio ji̧ri̧ chjiari, bë oa ja̧bepami̧ dari̧ cjiaji̧ri̧ pio ji̧ri̧ chjiari. Ta̧rëchji̧vä: “Jabechji̧ ta̧dëmi̧ damȩ pio ju̧i̧iä ta ano̧e cjatäji̧ri̧mi̧ dari̧ cjiadiäpadirȩ pumȩ judiro̧. Ado pio ju̧i̧iä toboe china̧däräji̧ri̧mi̧ dari̧ cjiadiäpadirȩ.” Aja̧, ja̧di ta̧rëri̧ go̧ȩpea̧ oa cjiade ta̧dëmi̧ damȩ pio ju̧i̧ eadëji̧ri̧ pio ji̧ri̧ chjiari. Ado tjamo̧i̧ cjiari̧ baäde ma̧ȩ üdë. Jabechji̧ Ütë tjamo̧ ja̧ ma̧ȩ pio ju̧i̧ ta̧rëdiädëa̧ oaiä ta ano̧e cjatäji̧ri̧mi̧ dari̧ cjiadiäpadirȩ. Jabechji̧ judiro̧ quëna̧dëa̧ oaiä ütarë bape chjaoa̧ oa cjiapadirȩ, Ütë tjamo̧ pio judi jabërä ütarë jo̧rȩtarërea̧mi̧.

Pedro Ma̧ȩ 2 3:3

Aja̧ ca̧ oti̧, pio yoa ma̧ȩ oa tjamo̧ri̧ dabapea̧ chianȩrȩ. Jabechji̧ cjiadiäa̧ japamitërä pumȩ no̧i̧dërë dami̧ti̧ chjai̧dë oa jape chjaoji̧ri̧rȩ cjo̧ro̧padirȩ, jibëa̧ icjarari cjitëmȩ chjai̧dërë chi̧dëea̧ chja̧oerä cjo̧ro̧ji̧ri̧rȩ. Ado airi̧ cjia airi̧ cjia goae tarari̧ ya̧padiro̧dibe. Aja̧, mȩnȩro̧ Jechu pio ju̧i̧ chjiari quëna̧ oaiä, judi ado chjereno̧ ma̧na̧pea̧ pio ju̧i̧ chjiari quëna̧ oaiä, jabechji̧ ya̧padiro̧dibe.