Juan 3:12 - Biblia Pume

¹² Danȩ Nicodemo, mȩnȩ quëna̧dërä judi, cüdë mȩa dai chirirä cjo̧ro̧rea̧ pio ju̧i̧ chjiari ma̧ȩra̧ a̧ra̧ano̧tarä quëna̧dërä judi, ¿yö̧ta dari̧ quëna̧rea̧ daparenȩ cüdë a̧dëri pio judiri ma̧na̧mȩ ma̧ȩra̧ a̧ra̧ano̧rä judi?

Juan 3:12 Iomraidhean Croise

Juan 3:11

Danȩ, chjadëri̧ ta̧rëcoe pio yoa ma̧ȩ oa. Jabechji̧ cüdë, ca̧ jadüborë ni̧bärä, jabechji̧ a̧ro̧rȩ tjamo̧ri̧ daba̧ pio ju̧i̧mo̧i̧ ni̧bärea̧rȩ, a̧ro̧rȩ tjamo̧ri̧ daea̧ pio ju̧i̧mo̧i̧. Jabo cjäri̧ marenȩ, 'tjamo̧ri̧ ni̧bädiro̧coada' quëna̧ jo̧rȩtadërenȩ.

Juan 3:3

Ado Jechu judi yo̧a̧dejȩ: —Tjamo̧dë yo̧dërequedemȩ, jabo tjamo̧i̧ cjiari̧ yo̧requedemȩ. Eami̧ pumȩ üdë peaja̧ mape bagari̧ ado nö̧ria̧ oa cjiadërä judi, Ütërë yo̧a̧ chja̧oerä cjo̧ro̧rea̧ dadëpade —yo̧a̧dejȩ.

Juan 3:5

Jabo Jechu judi yo̧a̧dejȩ: —Tjamo̧i̧ cjiari̧ yo̧requedemȩ. Ui oaiä ado nö̧ria̧ oa cjiadëmȩ judi, Tjo tjamo̧ pio ju̧i̧iä ado nö̧ria̧ oa cjiadëmȩ judi, jabechji̧ Ütërë yo̧a̧ chja̧oerä yu̧a̧rea̧mi̧dëde —yo̧a̧dejȩ—.

Juan 3:8

Danȩ, pjaepa üdë oëra̧ti̧ oa pjaepade. Tararea̧ro̧jo̧ȩ jabo ‘pio judiri pjaepe ma̧na̧ jirodiibëda, pio yö̧ta̧ra̧ pjaepe baädiibëda’ quëna̧rea̧mi̧dëde. Jabechji̧ oëra̧ti̧ oa pjaepade. Peaja̧dimi̧ dari̧ cjiade Tjo tjamo̧ pio ju̧i̧iä ado nö̧ria̧ oa cjiamȩ judi. ‘Jabechji̧ ja̧di dari̧ ado nö̧ria̧ oa cjia jirodida’ quëna̧ dabarea̧mi̧dëde, jabo jabechji̧ ado nö̧ria̧ oa cjiade —yo̧a̧dejȩ.

Timoteo Ma̧ȩ 1 3:16

Ado a̧ro̧rȩ Jechu Quiricho pio ju̧i̧ chjiari quëna̧ üdë, ‘jabechji̧ a̧dë chjäte ba chiadida’ quëna̧ dabarea̧rȩ. Jabechji̧ pio jiro ma̧ȩ üdë goadia̧ oa cjiami̧ dari̧ cjiarërea̧ ji̧, chjadëri̧ daba tänȩrëremȩdiibe Ütë tjamo̧ judi. Aja̧, pio yoa ma̧ȩ oa dabapa tänȩrëremȩdiibe. Ta̧rëchji̧vä: "Quiricho judi a̧dëräpȩrëremȩrȩ birarëremȩde pumȩpapea̧ oa. Ado Tjo tjamo̧ pio judi daba tänȩrërea̧ oaiä, ‘Aja̧, Quiricho judi cja̧rȩmȩ co chjai̧dëri̧ japadëa̧dida, coëma cjiari̧ cjo̧ro̧mȩdida’ quëna̧ dabarea̧mi̧ dapea̧de. Ado pumȩ chjarerä cjo̧ro̧mȩpea̧mȩ oa darëreji̧ri̧diro̧jo̧ȩ a̧dëräpȩ mu̧i̧tjoi̧ judiro̧. Ado pio ju̧i̧ chjiari ma̧ȩ üdë to̧bari̧ a̧ra̧ano̧a̧ oa cjiarëremȩde chiri nö̧tai̧ oa cjo̧ro̧ji̧ri̧ pio ji̧ri̧ ja̧ chjarerä. Ado a̧ra̧ano̧a̧ oa cjiadiäa̧ oaiä, jabechji̧ no̧i̧dë tjamo̧rȩ quëna̧ji̧ri̧pea̧dirȩ. Ado ja̧dëa ji̧ ütara̧ doro, Ütë tjamo̧ judi ado chjereno̧ cjitë tänȩrëremȩdejȩ a̧dëräpȩ baäpea̧ oa."

Ebereo Ma̧ȩ 5:11

Danȩrȩ ca̧ oti̧, jabë pjärämȩde. Ma̧ȩ ji̧ra̧ tjamo̧ oa a̧de yürütämi̧ cjiarequededibe Jechu pio ju̧i̧ chjiari, judi Mequichede quȩmȩ pio judimi̧ dari̧ goë tuti ja̧bepapea̧ pio ju̧i̧ chjiari. Jabo chjao tjamo̧de pio dibë chjadëri̧ dabapa tänȩpea̧ ji̧. Jabechji̧ dibëa̧ chji̧ra̧ acji cjaeä ta̧rëdënȩrȩ. Birë jämi̧ dari̧ jo̧rȩtatärea̧ ji̧, ta̧ra̧ puë cotomi̧ dari̧ cjianȩrȩ.

Juan Ma̧ȩ 1 4:10

Aja̧, pio ibë tjamo̧ri̧ eamȩrȩ ja̧di dari̧ japarëremȩde. Jabechji̧ tjamo̧ri̧ earea̧ üdë pio ibëiä tarupadëa̧de. Jabechji̧ a̧ro̧rȩ pearä judi Ütë tjamo̧ pio ju̧i̧iäpȩmo̧ eadërëreji̧ri̧rea̧ro̧jo̧ȩ, jabo pio judide pio ibëiäpȩmo̧ pearä earëremȩ judi. Jabechji̧ pio ju̧i̧iä taruparëremȩde, pio ibëiädë. Ado pio ibë ea tjamo̧mȩrȩ chjadürëremȩdejȩ Joja pio ju̧i̧. Jabechji̧ a̧ro̧rȩ pio ju̧i̧iäpȩmo̧ eadëa̧räbo, eamȩrȩ darëremȩdiibe. Ado pio ju̧i̧iä pio ibë eamȩrȩ Joja pio ju̧i̧ chjadürëremȩdejȩ pio ibë chjiari goe gu̧rori̧ yürüa̧ oa cjiapea̧ oa, Ütë tjamo̧ ja̧ ërecjia̧ üdë pio ibëiäpȩmo̧ acji cjatächea oa.