Juan 21:9 - Biblia Pume

⁹ Ja̧dëa ji̧ tja yuroräpȩ pjurëna̧ra̧rä, go̧dürëreji̧ri̧dirȩ charari. Ado darëreji̧ri̧diro̧jo̧ȩ cjo̧dë oa. Ado cjo̧dërä daea̧diro̧jo̧ȩ cho̧, chja̧pe peaja̧di.

Juan 21:9 Iomraidhean Croise

Mateo 4:11

Ado pio ju̧i̧ ta̧rëa̧ oaiä, Ichiae judi a̧dë cjaraparëremȩdejȩ. Ado judi baäa̧rä, Ütë tjamo̧ ja̧ mu̧i̧tjoi̧ pio judiro̧ a̧doera̧pea̧diro̧jo̧ȩ Jechu ju̧i̧.

Marcos 8:3

Cüdë ji̧ri̧ baä tänȩrä judi, jurarea̧ yürüdë ëte baä tänȩrä judi, cjäri̧ madirȩ, järea̧ no̧ro ju̧ri̧ dabadëtä bagapai̧ dadirȩ ta̧mȩcho̧ ja̧boa̧ pio ju̧i̧iä. Jabechji̧ o judiro̧ jachi tjamo̧räpȩ cjo̧ro̧dirȩ —yo̧a̧dejȩrȩ.

Juan 18:18

Ado chjöchja tjamo̧rëremȩde. Ado pio ju̧i̧iä mu̧i̧tjoi̧ judiro̧, ado ütë ja̧ bë oa jidaji̧ri̧ pio judiro̧borë cjo̧dë oa cäa̧diro̧jo̧ȩ. Ado cjo̧dë yuroro cjiarëreji̧ri̧dirȩ tara cjiapea̧ oa, cäacääpe bagapea̧ oa. Ado Pedro pio judiborë jä ëte, ëba cjiarëremȩdejȩrȩ chjöchja tjamo̧ oaiä.

Juan 21:10

Ja̧dëa ji̧ Jechu judi yo̧a̧dejȩrȩ: —Danȩrȩ, mȩnȩro̧ pea mu̧i̧a̧ pio ju̧i̧ goa jana̧chji̧coe jabëtari̧mi̧ oa —yo̧a̧dejȩrȩ.

Juan 21:13

Ado ja̧dëa ji̧ Jechu judi cjo̧dëräpȩ jämȩrȩ mitëa̧dejȩ chja̧pe oa. Ado yürüa̧dejȩrȩ. Peaja̧di dari̧ japamȩrȩ yürüa̧dejȩrȩ cho̧.

Juan 21:8

Jabo jadü judiro̧ orë chararä cjiadiäa̧ji̧ri̧rȩ jaerira̧ baäa̧dirȩ yuroräpȩmo̧, cho̧ ji̧ra̧ri̧ chiamȩ bäre chacha oa chara chirirä mu̧i̧ji̧ri̧rȩ. Jabechji̧ tja yuro queri̧ pjurërëreji̧ri̧dirȩ jachidëräpȩ, jabomo̧100 metro jachi chjaräpȩ.

Juan 6:11

Ja̧dëa ji̧ Jechu judi boi̧chji̧ pio ju̧i̧ ja̧remȩ chja̧pe oa mitëmȩrȩ chjacjiamȩri̧ ni̧bäa̧dejȩ Ütë ju̧i̧iäpȩmo̧. “Aja̧ Ama̧i̧, chjadëri̧ yürüa̧renȩibe pio yoa chja̧pe oa. Ja̧ditäde” yo̧mȩrȩ yo̧a̧dejȩ. Ado ja̧di dari̧ ni̧bä ëte, chjarapë yürürëremȩdejȩrȩ daburo chaji̧ri̧ pio ji̧ri̧iäpȩmo̧. Ado peaja̧di dari̧ japarëremȩde boi̧chji̧ ja̧remȩ cho̧ oa. Ado pumȩ judiro̧ ütëbodärärë juraji̧ri̧pea̧dirȩ, cja̧rȩmȩrȩ cjiadiädëri̧. Jabechji̧ chjadëri̧ jura̧dirȩ. Mairi̧ jura̧dirȩ.

Juan 6:9

—Danȩ, pio yodë üi̧ boi̧chji̧ üdë cja̧rȩichimo̧ cha̧pe goade, chebada quȩmȩ cho pjo̧no̧ra̧ japea̧ oa cjiamȩ chja̧pe oa. Ado pio ju̧i̧ uëri yo̧a̧ri̧ cho̧ goade. Jabo cjäri̧ made, pumȩ ji̧ra̧ tjamo̧ tara, nö̧tadë made —yo̧a̧dejȩ.