Ado eami̧ pumȩrȩ pio dibëiä iëno̧ë ta̧rërä judi, "¿Jabo tjana̧pea̧ oa jare ëte mu̧i̧ baärenȩro̧jo̧ȩ buro oa?" iëno̧ë ta̧rërä judi, jabechji̧ ja̧di ta̧rëri̧ dëbë yo̧chji̧jo̧ȩ: "Danȩ, Ano̧mȩ pio judi chjadüa̧ oa jana̧rea̧ro̧jo̧ȩ buro oa. Eadejȩ" yo̧ji̧ri̧rȩ dëbë yo̧eji̧ri̧renȩro̧jo̧ȩ. Ado pio ju̧i̧ ta̧rë oaiä, jabechji̧ mu̧i̧ ma̧na̧rea̧ yürüpadidibe —yo̧mȩrȩ yo̧a̧dejȩrȩ Jechu judi.
Juan 21:7 - Biblia Pume7 Ja̧dëa ji̧ Jechurë ea̧ jadü pio judi yo̧a̧dejȩ Pedro ju̧i̧iäpȩmo̧: —Danȩ, tja yuroropȩ cjiamȩ üdë Ano̧mȩ pio judide —yo̧a̧dejȩ. Ado Pedro judi ‘Ano̧mȩ pio judidida’ quëna̧ ta̧rëa̧ oaiä, chjaodëri̧ ineno̧a̧de jibëa̧ chjibo oa. Jabechji̧ ëteri go̧iorea̧ maeara̧ go̧iomȩrȩ ja̧beparërea̧ ji̧, chjaodëri̧ ineno̧a̧de. Ado ja̧di dari̧ japea̧ ëte, uiräpȩmo̧ choa̧de Jechu pio ju̧i̧iäpȩmo̧ tuapea̧ oa. Faic an caibideil |
Juan 21:7
20 Iomraidhean Croise
Ado ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩdejȩrȩ Jechu judi: —Danȩrȩ, cüdë ado chjereno̧ ma̧na̧pea̧ ji̧ jidataji̧ri̧rȩ cjo̧ro̧täreji̧ri̧nȩro̧coe —yo̧a̧dejȩrȩ—. Tjamo̧ davä. Mu̧i̧tjo̧i̧ judiro̧ jibëa̧ ano̧mȩ pio ju̧i̧ jidataji̧ri̧rȩ cjo̧ro̧mi̧ dari̧ cjo̧ro̧täreji̧ri̧renȩro̧coe peaja̧di —yo̧a̧dejȩrȩ—. Danȩrȩ, bë ana̧mȩ pio judi jibëa̧ bë oa go̧dürä, pumȩ ji̧ri̧ nö̧ta a̧dopapea̧ oa järä, üi̧ judi iei̧ pio ji̧ ëbarä airi̧ cjia airi̧ cjia ëba a̧dopapea̧ oa järä, jabechji̧ 'pio jiro doro ma̧na̧daemȩdiibëda' quëna̧ dabadë madirȩ mu̧i̧tjoi̧ judiro̧. Ado pio ju̧i̧iä ji̧dë ma järiji̧ri̧rȩ jidatadiro̧jo̧ȩ. Jabechji̧ chjö̧na̧i̧ oa chjadëri̧ jëdano̧a̧ goadirȩ judi ma̧na̧rä pio ju̧i̧ ja̧ oa ja̧bepë yürüpea̧ oa. Tjamo̧ davä. Gȩnȩräbo jidatadiro̧jo̧ȩ. Jibëa̧ tataparea̧ pio ju̧i̧ chjadëri̧ cjitëparȩa̧ oa goaji̧ri̧rȩ jidatadiro̧jo̧ȩ pio ju̧i̧ chjadëri̧ jeapea̧ oa. Ado danȩrȩ, peaja̧dimi̧ dari̧ cjo̧ro̧ji̧ri̧rȩ jidatatäreji̧ri̧renȩro̧coe —yo̧a̧dejȩrȩ—. Jabechji̧ mu̧i̧tjoi̧ pio judiro̧ jibëa̧ ano̧mȩ pio ju̧i̧ jidataji̧ri̧mi̧ dari̧ jidatatäreji̧ri̧renȩro̧coe. Üi̧ üdë jibëa̧ iei̧ pio ji̧ ëba̧ duri oa airi̧ cjia airi̧ cjia ëba a̧dopapea̧ oa jäa̧mȩ pio ju̧i̧ jidataji̧ri̧mi̧ dari̧ cjo̧ro̧täreji̧ri̧renȩro̧coe, joë ya pio ju̧i̧ chjaodëri̧ areië yürümi̧ dari̧ japapea̧ oa. Tjamo̧ davä. Bë ano̧mȩ pio judi ma̧na̧rä, joë ya oa tao tao eari̧ gu̧na̧rä, jabechji̧ chjaodëri̧ areië yürümi̧ dari̧ japapea̧ oa jidatatäreji̧ri̧renȩro̧coe peaja̧di.
Ado pio ju̧i̧iä yo̧requedemȩ Chimo̧: Danȩ, pio yi̧në iei̧ inë, jabechji̧ jënȩ jana̧ pio judiri yurori ji̧dë ma na̧rȩnȩ davä jënȩ pio coaiäpȩmo̧ tjamo̧ri̧ eapea̧ pio ju̧i̧ chjiari. Jabechji̧ jënȩ co ji̧ra̧ tjamo̧ri̧ chjai̧dëri̧ japea̧ üdë duridëparȩa̧ oa cjia tara, jabechji̧ ana̧ri̧ na̧rȩni̧que davä jënȩ pio coaiäpȩmo̧ ana̧ri̧ eapea̧ pio ju̧i̧ chjiari. Jabo ado cja̧rȩmo̧ üdë, 'Aja̧, jabomo̧ yo̧a̧ri̧mo̧i̧ co chjai̧dëri̧ japea̧quëda, co ji̧ra̧ri̧ chjai̧dëri̧ japadëa̧quëda' quëna̧mȩ pio judi, 'jabechji̧ jabëtari̧mi̧ maea oa duridëparȩa̧dicoada' quëna̧ jo̧rȩta̧de. Ado pio ju̧i̧iä jabëtari̧mi̧ maeari̧ na̧rȩde jënȩ pio coa eapea̧ pio ju̧i̧ chjiari.
Ado pio ju̧i̧ dayi̧rȩ chjaodëri̧ bagureno̧a̧nȩ Chimo̧ Pedro pio ju̧i̧iäpȩ, Jechurë ea̧ jadü pio ju̧i̧iäpȩ. Ado pio ji̧ri̧iäpȩ go̧düdäräa̧rä, yo̧a̧nȩjȩrȩ: —Danȩrȩ, baë mitëa̧diro̧jo̧ȩ ibëa̧ Ano̧mȩ ja̧ icjara oa. Ta̧dë cjarari pio judiri go̧dü tänȩa̧diro̧jo̧ȩ ado ‘pio ju̧ri̧pȩ ano̧ mire arë a̧ra̧ oa cjia jirodida yaba̧’ quëna̧ dabadërequede —yo̧a̧nȩjȩrȩ.
Ja̧dëa ji̧ Pedro judi Jechu pio ju̧i̧ nö̧ta ni̧bä chjao ëte, mȩmȩrȩpe cjiadiäa̧mȩrȩ daea̧dejȩ ado cja̧rȩmo̧ jadü oa, Jechurë ea̧ jadü pio ju̧i̧. Aja̧, Jechu ju̧i̧ iëno̧ë ta̧rëremȩ pio ju̧i̧ daea̧dejȩ, u̧i̧pë gatë tänȩmȩ pio ju̧i̧ chjiari iëno̧ë ta̧rëremȩ ju̧i̧. Tjamo̧ davä. Jadü judiro̧ ütëborë jabërä a̧dopea̧rä, Jechu judi jabë ja̧bodëa̧rä ji̧mo̧ a̧dopea̧rä, jadü üdë cja̧rȩmȩrȩ iëno̧ë ta̧rëremȩde Jechu pio ju̧i̧iä u̧i̧pë gatë tänȩpamȩ pio ju̧i̧ chjiari. Jabechji̧ Jechu ja̧ yuroro chamȩrȩ, Jechu ja̧ ca̧toro ja̧ȩ china̧mȩrȩ iëno̧ë ta̧rëremȩdejȩ. Ado pio jiro jadü pio ju̧i̧ damȩrȩ daea̧dejȩ Pedro judi mȩmȩrȩpe cjiadiäa̧mȩrȩ.
Aja̧, Juan quȩmȩ pio judirequede cüdë. Jechu ja̧ jadü pio judirequede. Ado Jechu pio ju̧i̧ chjiari chjö̧na̧i̧ oa irä darëremȩrequede. Ado pio ju̧i̧ chjiari go̧ȩpea̧requede pio yoa ma̧ȩ chjö̧na̧i̧ oa. Judi japea̧ pio ju̧i̧ irä damȩrȩ, judi ni̧bäa̧ pio ju̧i̧ irä ta̧rëmȩrȩ go̧ȩpea̧requede, pio ju̧i̧ chjiari dabamȩrȩ. Ado cüdë go̧ȩpea̧ üdë, ‘jabechji̧ coëma cjia maeadida’ quëna̧ daba marea̧ro̧jo̧ȩ. Ado pio ju̧i̧ ja̧ jadümȩrȩ pio yoa ma̧ȩ chjö̧na̧i̧ oa ni̧bämȩrȩ cjo̧ro̧requede cüdë. Peaja̧di chjö̧na̧i̧ oa go̧ȩpea̧requede. 'Jabechji̧ Jechurë yo̧rërea̧ üdë, coëma cjiari̧ cjia maeadida’ quëna̧ dabarea̧rȩ.
Danȩrȩ ca̧ oti̧, Ütë tjamo̧ judi Icharai pio judiri ja̧ji̧ri̧ pio ji̧ri̧iäpȩmo̧ yürüa̧ ma̧ȩ pio ju̧i̧ chjiari daba jironȩrȩ. Aja̧, Jechu pio ju̧i̧ chjiari ma̧ȩ chjadëi̧ pio judide. Ado Jechu pio ju̧i̧iämo̧i̧ ori̧ bagari̧ ëba cjiarea̧ darea̧rȩ Ütë tjamo̧ pio ju̧i̧ nö̧ta. Jabechji̧ a̧ro̧rȩ jachi cjiami̧ dari̧ cjiarërea̧ ji̧, Jechu pio ju̧i̧iä ori̧ bagari̧ ëba cjiarea̧ darea̧rȩ pio ju̧i̧ nö̧ta. Tjamo̧ davä. Pumȩ ütëbodärä ja̧ Ano̧mȩ pio ju̧i̧iämo̧i̧ ori̧ bagari̧ ëba cjiarea̧ darea̧rȩ, judiodë pio judiro̧borë. Aja̧, pio ju̧i̧ chjiari daba jironȩrȩ peaja̧di.
—Pio ju̧i̧iä ni̧bä chjaorequededibe ca̧ oti̧, Icharai pio judiri ja̧ji̧ri̧ pio dibëiäpȩmo̧ —yo̧a̧dejȩrȩ—. Danȩrȩ, mȩnȩro̧ ütëbodärärë coëma cjiari̧ dabapapea̧ chianȩrȩ Jechu pio ju̧i̧ chjiari. Jabechji̧ Ütë tjamo̧ judi mitëa̧ pio judide. Jabo mȩnȩro̧ ma̧i̧ dari̧ japea̧renȩrȩ jabo. Ütë tjamo̧ judi mitëa̧ pio ju̧i̧ toro cji̧de ja̧bo tänȩrëreji̧ri̧renȩro̧jo̧ȩ. Jabo danȩrȩ, mȩnȩro̧ ja̧bo tänȩa̧ pio ju̧i̧ Ano̧mȩ tjamo̧ tänȩrëremȩdejȩ Ütë tjamo̧ judi. Ado Chjätä Tänȩmȩ tänȩrëremȩdejȩ peaja̧di —yo̧mȩrȩ ni̧bä chjaorëremȩdejȩrȩ Pedro judi.
Jabechji̧ Quiricho pio judi ea̧ chja̧oerä cjo̧ro̧rea̧rȩ. Ado pio judiri ma̧na̧mȩ earea̧ pio judi boadärämi̧ dari̧ japadiibe. Ado pio ju̧i̧iä jabechji̧, pio judiri ma̧na̧mȩ earea̧ra̧ pio ju̧ri̧ra̧ tüdüa̧ oa cjiami̧ dari̧ ja̧beparea̧rȩ. Jabechji̧ pio judi ibë ea tjamo̧mȩrȩ ano̧ mire ja̧borëremȩdiibe. Tjamo̧ davä. Chia ja̧borëremȩdiibe. Ado cja̧rȩmȩrȩ chia ja̧borërea̧ oaiä, ütëborë ja̧boa̧ maearea̧rȩ.
Sanasan