Juan 21:6 - Biblia Pume

⁶ Ja̧dëa ji̧ Jechu judi yo̧a̧dejȩrȩ: —Danȩrȩ, cho̧ mu̧i̧rea̧ bäre pio ju̧i̧ cja̧ȩta̧ra̧räpȩmo̧ ano̧ mire aeno̧chji̧jo̧ȩ mu̧i̧ chjuata̧ra̧ri. Jabechji̧ ja̧di dari̧ japarä judi, mu̧i̧rea̧ dapanȩrȩ —yo̧mȩrȩ ëna̧diäa̧dejȩrȩ. Ado pio ju̧i̧iä aeno̧a̧dirȩ judi yo̧a̧mi̧. Ado chjaodëri̧ chacha tjamo̧pe bagarëremȩde cho̧ mu̧i̧rea̧ bäre üdë, cho̧ no̧i̧dë tjamo̧ oa chia̧ oaiä. Ado pio ju̧i̧iä chjao tjamo̧pea̧de bäre oa ado chjereno̧ chara tjoräpȩmo̧ mu̧i̧ gatëpea̧ ji̧.

Juan 21:6 Iomraidhean Croise

Mateo 7:27

Ado bë cji̧däa̧ oa cjia̧rä, jabechji̧ a̧dë chjäte ma̧i̧ dari̧ pupuripea̧dejȩ. Ado itu tjamo̧ri̧ cjüea̧dejȩ, dürü chjö̧na̧i̧rȩ cjücjürü tjamo̧pe bagarea̧mi̧ dari̧. Ado ma̧i̧ da pjaepamȩ üdë jo̧ oa bide cjaeämi̧ dari̧ ara ara goëa̧dejȩ. Jabo cjäri̧ madejȩ. Chjuari̧ cjiadiädëa̧de bë üdë. Chjaodëri̧ areia̧ oa cjiadiäa̧de. Jabechji̧ bë decjiape bagari̧ pjatë mape baga̧de ⁠—⁠yo̧mȩrȩ ni̧bä chjaorëremȩdejȩrȩ Jechu judi.

Juan 2:5

Jabo jibëa̧ ai̧ jini̧ cjiadiädëyi̧rȩ yo̧a̧nȩjȩrȩ jurarea̧ra̧ a̧doji̧ri̧ pio ji̧ri̧iäpȩmo̧: —Jechu pio judi yo̧emȩ jirodidibe. Ado judi yo̧a̧mi̧ jabechji̧ japachji̧vä —yo̧a̧nȩjȩrȩ.

Japarea̧ 2:41

Ado Pedro judi pio jiro doro a̧ra̧ano̧a̧ oaiä, no̧i̧dërë quëna̧ji̧ri̧pea̧dirȩ goëje ji̧ra̧ tjamo̧pe järea̧mi̧ dari̧. Jabechji̧ 3 mil pumȩ quëna̧ji̧ri̧pea̧dirȩ quëna̧dërërea̧ ji̧. Ado judiro̧ ütëborë chjaodëri̧ go̧e cjaeä chuda̧ oa cjiadiärëreji̧ri̧dirȩ.

Japarea̧ 4:4

Jabo judiro̧ Jechu pio ju̧i̧ chjiari a̧ra̧ano̧a̧ oaiä, jabechji̧ no̧i̧dërë quëna̧ji̧ri̧pea̧diro̧jo̧ȩ Ütë tjamo̧ ja̧ ma̧ȩ oa. Aja̧, 5 mil oari judiro̧ quëna̧ji̧ri̧pea̧diro̧jo̧ȩ. Ado ji̧ri̧ uëri ivi pio jini̧ro̧borë quëna̧ji̧ri̧pea̧ni̧ro̧jo̧ȩ.