Juan 21:5 - Biblia Pume

⁵ Ado ui yuroro cjiamȩ pio judi to̧bari̧ ëna̧diämȩrȩ iëno̧ë ta̧rëa̧dejȩrȩ: —Danȩrȩ ca̧ oti̧, ¿eami̧ oa mu̧i̧dëa̧nȩrȩ? Ado dëbë yo̧a̧diro̧jo̧ȩ: —Cjäri̧ marea̧rȩ, eami̧ oa mu̧i̧dëa̧.

Juan 21:5 Iomraidhean Croise

Mateo 14:15

Ado gȩnȩpea̧rä, Jechu ja̧ jadü judiro̧ pio ju̧i̧iäpȩ go̧düdäräa̧diro̧jo̧ȩ. Ado yo̧a̧diro̧jo̧ȩ: ⁠—⁠Chia chia, bë ma̧ri̧ decjiaräpȩ cjiarea̧rȩ. Ado do üdë bira̧diibe. Jabërä chjadütäremȩrenȩjȩrȩ pumȩ ji̧ri̧, judiro̧ bë ma̧ri̧räpȩ jäpea̧ oa, jibëa̧ jurarea̧ pio ju̧i̧ gatëpea̧ oa ⁠—⁠yo̧tea̧diro̧jo̧ȩ.

Marcos 8:7

Ado Jechu ja̧ jadü judiro̧ peaja̧di goarëreji̧ri̧dirȩ cho̧ ji̧ra̧dë oa. Ado Jechu judi ado ni̧bäa̧dejȩ jibëa̧ Ama̧i̧ ju̧i̧. "Chjadëri̧ yürüa̧renȩibe Ama̧i̧" yo̧mȩrȩ ni̧bäa̧dejȩ. Ja̧dëa ji̧ yo̧a̧dejȩrȩ jibëa̧ jadü ji̧ri̧ cho̧ oa peaja̧di chjarepë yürütä pumȩ pio ji̧ri̧iäpȩmo̧.

Pjiripo Ma̧ȩ 4:19

Ado jiro Ütë üdë, ca̧ Ütë pio judide. A̧dë chjäte ji̧ra̧ri̧ goamȩ Ütë pio judide. Ado pio judi yürüpadidibe mȩnȩro̧ jabëdiärea̧ decjiari̧. Aja̧, Jechu Quiricho pio judiri ja̧ji̧ri̧pea̧ji̧ri̧ oa chjadëri̧ yürüpadidibe.

Ebereo Ma̧ȩ 13:5

Ado danȩrȩ ca̧ pumȩ, chëre goara tjamo̧ji̧ri̧rȩ cjo̧ro̧dëchji̧vä. Jabechji̧ mȩnȩro̧ jabëtari̧mi̧ maea oa goarä judi, cjiadiämi̧ tarari̧ jo̧rȩtachji̧vä. Ado mȩnȩro̧ ji̧ra̧ri̧ goarä judi, peaja̧di cjiadiämi̧ tarari̧ jo̧rȩtatäreji̧ri̧nȩrȩ. Ado mȩnȩro̧ goa̧ pio ju̧i̧, jabechji̧ ba chia dachji̧jo̧ȩ, chjadëri̧ jidaji̧ri̧rȩ. Jabechji̧ ji̧dë ma cjiadiämi̧ tarari̧ jo̧rȩtaji̧ri̧rȩ cjo̧ro̧täreji̧ri̧rea̧rȩ ibëa̧ Ano̧mȩ pio judi ja̧di ta̧rëri̧ yo̧rërea̧ oaiä: “Cüdë pio dibë nö̧ta ji̧dë ma ëba cjiaparequededibe, pio dibë a̧dë baärea̧mi̧dëri̧.” Aja̧, ja̧di ta̧rëri̧ yo̧rëremȩde ibëa̧ Ano̧mȩ judi.

Juan Ma̧ȩ 1 2:13

Ado danȩrȩ, pea ütëpea̧mi̧ daji̧ri̧ pio ji̧ri̧bo go̧ȩpe chjadürequededibe mȩnȩro̧ jo̧rȩtadëpe bagachea oa. Jabechji̧ mȩnȩro̧ Ichiae pio ju̧i̧ boadärärea̧ tjamo̧ri̧ daea̧ tara go̧ȩpe chjadürequededibe, 'tjamo̧ri̧ boadärärea̧ dadëa̧ jiroquëda' quëna̧chea oa. Ado go̧ȩpe chjadürequededibe ütama̧i̧mi̧ dape jäji̧ri̧ pio ji̧ri̧ peaja̧di. Jabechji̧ mȩnȩro̧ Quiricho pio ju̧i̧ peadëri ja̧ tjamo̧ri̧ dabaji̧ri̧pea̧ tara, mȩnȩro̧ pearä judiräri ja̧mȩ pio ju̧i̧ peadë dabaji̧ri̧pea̧ tara, jabechji̧ go̧ȩpe chjadürequededibe, 'tjamo̧ri̧ dabadë jirocuni̧da' quëna̧chea oa.

Juan Ma̧ȩ 1 2:18

Danȩrȩ ca̧ u̧ri̧, pio yoa chiri üdë yuropapea̧ ji̧ querediäde yaba̧. Ado peadë ta̧rërëreji̧ri̧nȩrȩ cja̧rȩmȩ pumȩ pio ju̧i̧ chjiari, Quiricho pio ju̧i̧ tjamo̧ dëbëpe chjaopamȩ pio ju̧i̧ chjiari. Pio judi tjamo̧de cjiadiäa̧ japamitërä ma̧na̧pamȩ judi. Jabo danȩrȩ ca̧ oti̧, peadëri ja̧ ji̧ra̧pea̧dirȩ davä Quiricho pio ju̧i̧ goae tarari̧ dëbëpe chjaoji̧ri̧ judiro̧. Ado pio judiro̧ ji̧ra̧pea̧ oai, tjamo̧ri̧ dabarea̧rȩ. Tjamo̧ davä. Pio ju̧i̧iä tjamo̧ri̧ dabarea̧rȩ cjiadiäa̧ japamitë üdë ma̧na̧pea̧ ji̧.