Juan 21:3 - Biblia Pume

³ Ado Chimo̧ Pedro judi yo̧a̧dejȩrȩ o ji̧ri̧iäpȩmo̧: —Cho̧ mu̧i̧pea̧ oa jäparequede. Ado dëbë yo̧a̧diro̧jo̧ȩ: —Pio mȩadi jäparea̧rȩ. Ado pio ju̧i̧iä charara̧ bua ëte järëreji̧ri̧dirȩ. Gȩnȩ yoa mu̧i̧tarëreji̧ri̧dirȩ, jabo cjäri̧ madirȩ, cja̧rȩmȩ cho̧ mu̧i̧dëa̧dirȩ.

Juan 21:3 Iomraidhean Croise

Lucas 5:5

Jabo Chimo̧ judi dëbë yo̧a̧dejȩ: —Danȩ Ano̧mȩ, gȩnȩ yoa ana̧ri̧ mu̧i̧ chjaoreji̧ri̧rea̧rȩ, jabo cjäri̧ marea̧rȩ, cho̧ mu̧i̧dë mareji̧ri̧rea̧rȩ. Jabo mȩnȩ coa yo̧ tara, jabechji̧ ado chjereno̧ jäparequede cho̧ mu̧i̧rea̧ bäre oa ado aeno̧pea̧ oa —dëbë yo̧a̧dejȩ.

Juan 21:4

Ado do üdë pea cjitëa̧rä, Jechu judi ui yuroro cjiarëremȩde. Jabo pio ju̧i̧ daea̧ ji̧, 'Aja̧, Jechu pio judidida’ quëna̧ dadëa̧diro̧jo̧ȩ.

Japarea̧ 18:3

Ado judiro̧ Pablorë ja̧bepea̧mi̧ ja̧beparëreji̧ri̧ tara, ira̧ japea̧ oa cjiamȩ jo̧ pio ju̧i̧ ja̧bepaji̧ri̧rȩ cjo̧ro̧a̧ tara, jabechji̧ pio ji̧ri̧ nö̧ta cjiadiärëremȩde, ji̧ri̧ nö̧ta ëba ja̧bepapea̧ oa, ji̧ri̧ nö̧ta chëre oa boapea̧ oa.

Japarea̧ 20:34

Jabechji̧ ca̧ ichira̧ pio ju̧ri̧ra̧ ja̧bepea̧ oaiä, chëre oa boarea̧ darëremȩrequede. Aja̧, dami̧ti̧ oa gatëpea̧ oa, ca̧ jadü pio judiro̧borë jurapea̧ oa, a̧ro̧rȩ eami̧ oa cjäri̧ ja̧bochea oa gatërëremȩreconȩ cüdë boa̧ chërera̧ pio ju̧ri̧ra̧. Ado pio ju̧i̧ chjiari tjamo̧ri̧ dabanȩrȩ ca̧ oti̧.

Cori̧tio Ma̧ȩ 1 3:7

Jabechji̧ tjamo̧ ja̧bepamȩ judi Ütë tjamo̧ pio judide. Jabechji̧ ponȩmȩmi̧ dari̧ a̧ra̧ano̧mȩ judi buiu tänȩrea̧ chiadëde. Ado uira̧ cjarämȩmi̧ dari̧ a̧ra̧ano̧mȩ judi peaja̧di cjitë tänȩrea̧ chiadëde. Jabo Ütë tjamo̧ pio judimo̧rȩ buiu tänȩrea̧ chiade. Pio judimo̧rȩ cjitë tänȩrea̧ chiade. Jabechji̧ ba chia tjamo̧mȩ pio judide, a̧ro̧rȩdë.

Cori̧tio Ma̧ȩ 1 9:6

Ado danȩrȩ, pio a̧ro̧rȩborë cjo̧dërea̧ chiarea̧rȩ ca̧ oti̧. Tjamo̧ davä. A̧ro̧rȩ a̧ra̧ano̧a̧ pumȩ pio ji̧ri̧iä cjo̧dërea̧ chiarea̧rȩ. Jabo cjo̧dërea̧ chiaji̧ri̧borë, cjo̧dëdë marea̧rȩ jabo ibëa̧ ichira̧ pio ju̧ri̧ra̧ ja̧beparea̧rȩ ji̧dëri̧, ibëa̧ jurarea̧ pio ju̧i̧ gatëpea̧ oa. Tjamo̧ davä ca̧ oti̧. Cüdë, ado Bernabe pio judiborë a̧ra̧ano̧a̧ ba oa jurarea̧ oa cjo̧dërea̧ chiaji̧ri̧borë cjo̧dëdë marea̧rȩ.

Techaronichȩche Ma̧ȩ 2:9

Ado danȩrȩ ca̧ oti̧, ¿jo̧rȩtadënȩrȩ? A̧ro̧rȩ dibëa̧ chjarerä ana̧ri̧ ja̧beparërea̧ ji̧ ¿jo̧rȩtadënȩrȩ? Doromo̧dë oa jabo gȩrȩräbo ja̧bepe cjiarëreji̧ri̧rea̧rȩ ibëa̧ chëre oa boapea̧ oa. Jabechji̧ pio dibëiä cjo̧dëtärea̧ ji̧, cjäri̧ marea̧rȩ, ibëa̧ oa ja̧beparëreji̧ri̧rea̧rȩ ibëa̧ jurarea̧ oa gatëpea̧ oa. Tjamo̧ davä. A̧ro̧rȩ Ütë ja̧ ma̧ȩ chjadëi̧ oa a̧ra̧ano̧rërea̧ ji̧, ja̧di da maeari̧ ja̧bepe cjiarëreji̧ri̧rea̧rȩ pio dibëiä cjo̧dëchea oa.