Juan 21:16 - Biblia Pume

¹⁶ Ja̧dëa ji̧ Jechu judi ado iëno̧ë ta̧rëa̧dejȩ: —Danȩ Chimo̧, Juan pio ju̧i̧ ja̧ joja oa iëno̧ë ta̧rërequedemȩ. ¿Coa tjamo̧ri̧ earenȩque? —Aja̧ Ano̧mȩ —dëbë yo̧a̧dejȩ—. Cüdë mȩa ea tjamo̧ pio ju̧i̧ dabarenȩ. Ado ja̧dëa ji̧ Jechu judi yo̧a̧dejȩ: —Ja̧dirä judi ca̧ ovejami̧ da pio ji̧ri̧ chjadëri̧ jidajȩrȩ —yo̧a̧dejȩ.

Juan 21:16 Iomraidhean Croise

Mateo 2:6

"Berȩ quȩmȩ bë ma̧ri̧ üdë Judea quȩmȩ chiriräpȩde. Jabo pio jiro bë ma̧ri̧ üdë boi̧chji̧räbo, jabechji̧ a̧dë chjäte ba chiade bë ma̧ri̧ pio ji̧ri̧iä. Jabechji̧ pio jiro bë ma̧ri̧rä ara̧ oa cjiapade tjamo̧ yo̧pamȩ judi, a̧dë chjäte ba chiamȩ judi. Ado pio judi chjadëri̧ jidapadejȩrȩ ca̧ pumȩ ji̧ri̧, Icharai pio judiri ja̧ji̧ri̧ pumȩ pio ji̧ri̧." Aja̧ ütë, ja̧di ta̧rëri̧ go̧ȩpea̧ oa cjiade ma̧ȩ üdë Ütë pio ju̧i̧ chjiari, Berȩräpȩ ara̧ oa cjiapamȩ Ütë pio ju̧i̧ chjiari ⁠—⁠yo̧a̧diro̧jo̧ȩ.

Mateo 25:32

Ado pio judirä, ca̧ dëbëräpȩ ju̧ri̧ a̧dopea̧ oa cjiapadirȩ chiriräpȩti̧ oa cjo̧ro̧ji̧ri̧ pio judiro̧. Ado cja̧rȩmo̧ ma̧ȩ oa, ado cja̧rȩmo̧ ma̧ȩ oa ni̧bäji̧ri̧ pio judiro̧ ütëbodärärë ca̧ dëbëräpȩ a̧dopea̧ oa cjiapadirȩ. Ado oveja jidamȩ pio judi japami̧ dari̧ yo̧a̧ri̧ bubape bagami̧ dari̧ tutiparequedejȩrȩ. Jabechji̧ jibëa̧ bubarä tutia̧ oa cjia tänȩparequedejȩrȩ ovejami̧ da pio ji̧ri̧. Ado cja̧rȩmo̧ bubarä tutia̧ oa cjia tänȩparequedejȩrȩ chivomi̧ da pio ji̧ri̧.

Mateo 26:72

Jabo Pedro judi Jechu pio ju̧i̧ chjiari ado ma̧ȩ chjádë yürümȩrȩ ja̧di ta̧rëri̧ dëbë yo̧a̧dejȩ, quȩ ba chiara̧ a̧de yo̧mȩrȩ: ⁠—⁠Cjäri̧ macuni̧ ⁠—⁠yo̧a̧dejȩ⁠—⁠. Pio jiro üi̧ pio ju̧i̧ tjamo̧ri̧ dabadëcuni̧.

Lucas 19:10

Jabechji̧ Pumȩrȩ Ara̧ Tjamo̧ pio judi na̧era̧pea̧dejȩrȩ dabadëpea̧ oa cjiami̧ dari̧ cjiaji̧ri̧ pio ji̧ri̧, pio ji̧ri̧ chjadëri̧ chjätärea̧ yürüpea̧ oa —yo̧mȩrȩ yo̧rëremȩdejȩ Jechu judi Chaqueo pio ju̧i̧iäpȩmo̧.

Juan 18:17

Jabo yu̧a̧mȩ oa joë yarä jidayi̧ iei̧ pio jini̧ iëno̧ë ta̧rëa̧nȩjȩ Pedro ju̧i̧: —¿Pio mȩnȩborë pio yabo goa ma̧na̧ pio ju̧i̧ ja̧ jadüdënȩ? —iëno̧ë ta̧rëa̧nȩjȩ. Jabo Pedro judi dëbë yo̧a̧dejȩ: —Cjäri̧ maquë. Pio ju̧i̧ ja̧ jadüdëquë —yo̧a̧dejȩ.

Juan 18:25

Ado Pedro judi, jabechji̧ cjo̧dë yuroro tara cjiarëremȩde cäacääpe bagapea̧ oa. Ado pio ju̧i̧iä jȩa yuroro cjiaji̧ri̧ pio judiro̧ yo̧a̧diro̧jo̧ȩ: —¿Pio mȩnȩborë pio yabo goa ma̧na̧ pio ju̧i̧ ja̧ jadüdënȩ? —iëno̧ë ta̧rëa̧diro̧jo̧ȩ. Jabo Pedro judi ma̧ȩ chjádë yürümȩrȩ yo̧a̧dejȩrȩ: —Cjäri̧ marequede. Pio ju̧i̧ ja̧ jadüdërequede —yo̧a̧dejȩrȩ.

Juan 21:17

Ja̧dëa ji̧ Jechu judi Pedro pio ju̧i̧ yo̧a̧ri̧ co iëno̧ë ta̧rëremȩrȩ ado yo̧ë ta̧rëa̧dejȩ: —Chimo̧, Juan pio ju̧i̧ ja̧ joja oa iëno̧ë ta̧rërequedemȩ. ¿Pio coa tjamo̧ri̧ earenȩque? Ado Pedro judi pio jȩa iëno̧ë ta̧rëmȩ oa ado ta̧rëa̧ oaiä, gitori̧ jo̧rȩtamȩpea̧de tjarari̧ co iëno̧ë ta̧rëa̧ oaiä. Ado dëbë yo̧a̧dejȩ Jechu ju̧i̧: —Danȩ Ano̧mȩ, chjö̧na̧i̧ oa dabamȩrenȩ. Cüdë mȩa ea tjamo̧ pio ju̧i̧ dabarenȩ —yo̧a̧dejȩ. Ja̧dëa ji̧ Jechu judi ado yo̧a̧dejȩ: —Ja̧dirä judi, chjadëri̧ jidajȩrȩ ca̧ oveja̧mi̧ da pio ji̧ri̧ —yo̧a̧dejȩ—.

Japarea̧ 20:28

Ado pio ju̧i̧iä yo̧requededibe yaba̧ ca̧ oti̧. Jabechji̧ mȩnȩro̧ pio coaiä dabapea̧ pio ju̧i̧ jo̧rȩtaji̧ri̧rȩ cjo̧ro̧chji̧vä. Na̧e chiachji̧vä. Chjadëri̧ jidachji̧vä dibëa̧ chji̧ oa mȩnȩro̧ u̧i̧pea̧ oa cjiadiächea oa, oëra̧diächea oa. Peaja̧di chjadëri̧ jidatäreji̧ri̧nȩrȩ ovejami̧ da pio ji̧ri̧, oveja oa jidamȩrȩ japarëmi̧ cjiari̧. Jabechji̧ Tjo tjamo̧ pio judi mitëa̧ oa tjamo̧ jidaji̧ri̧pea̧nȩrȩ. Ja̧di tara chjadëri̧ jidatäreji̧ri̧nȩrȩ Ütë tjamo̧ ja̧ a̧doparea̧ pio ju̧i̧, Joja ja̧ goera̧ gatërërea̧ pio ju̧i̧, jibëa̧pe baga̧ pio ju̧i̧ —yo̧a̧dejȩrȩ—.

Ebereo Ma̧ȩ 13:20

Ado yaba̧ ibë ma̧ chjupi̧ cjiari̧ jo̧rȩtarea̧ yürümȩ Ütë pio judi dami̧ti̧ chjadë oa yürütädidibe, mȩnȩro̧ nö̧tadäräri̧ japadäräpea̧ oa, jënȩ dibë chjiari ütarë jo̧rȩtarërea̧ pio ju̧i̧ japadäräpea̧ oa. Jabechji̧ ji̧dë ma jëdano̧tädidibe, mȩnȩro̧ Jechu Quiricho pio judiri ma̧na̧mȩ ju chiarea̧ra̧ tjaoëpai̧ dari̧ cjo̧ro̧pea̧ oa, mȩnȩro̧ Ütë tjamo̧ pio ju̧i̧iä goae tjamo̧ pio ju̧i̧mo̧i̧ japariä cjo̧ro̧pea̧ oa. Jabechji̧ Ütë tjamo̧ judi ja̧boa̧remȩ pio ju̧i̧ bëdü tänȩrëremȩdejȩ ibëa̧ Ano̧mȩ Jechu pio ju̧i̧, oveja tjamo̧ jidamȩ pio ju̧i̧. Jabechji̧ pio ju̧i̧ ja̧ goe oaiä ba chia maeari̧ cjiadiärëremȩde ma̧ȩ peaja̧ üdë, goarijädëpamȩ ma̧ȩ peaja̧ üdë. Ado pio ju̧i̧iä ji̧dë ma chjacjiamȩri̧ jo̧rȩtapea̧de Jechu judi. Yuroparea̧ decjiari̧ chjacjiamȩri̧ jo̧rȩtariä cjo̧ro̧pea̧de bucho ana̧. Ja̧ditäde.

Pedro Ma̧ȩ 1 2:25

Danȩrȩ ca̧ oti̧, dabadëpea̧ oa cjiaji̧ri̧ ovejami̧ dari̧ cjo̧ro̧rëreji̧ri̧nȩrȩ, oëra̧ti̧ oa chjätäti̧ cjiaji̧ri̧mi̧ darë. Jabo ja̧di dari̧ cjo̧ro̧rërea̧ ji̧, ja̧di dari̧ cjo̧ro̧dëji̧ri̧pea̧nȩrȩ yaba̧. Jabechji̧ oveja tjamo̧ jidamȩ pio ju̧i̧iäpȩ chjadëri̧ a̧dopea̧ oa cjiami̧ dari̧ cjianȩrȩ. Tjamo̧ davä. Dibëa̧ tjo pio ju̧i̧ chjadëri̧ jidamȩ pio ju̧i̧iäpȩ a̧dopea̧ oa cjiami̧ dari̧ cjiaji̧ri̧pea̧nȩrȩ, dibë chjiari tuti japamȩ pio ju̧i̧iäpȩ. Aja̧ ca̧ oti̧, a̧dë chjäte chjai̧dë oa ano̧ mire chjätärëremȩde Quiricho judi, pio a̧ro̧rȩ ano̧ mirȩ a̧dë chjäte chjadë oa chjätäpea̧ oa. Ja̧di tara a̧ro̧rȩ pio yoa chirirä cjo̧ro̧a̧ nö̧ta chjai̧dë oa chjätärä judi, a̧ro̧rȩ Jechu pio ju̧i̧ quëna̧ji̧ri̧pea̧ pio ju̧i̧iä conȩda̧ oa cjiarä judi, jabechji̧ ana̧ri̧ jo̧rȩtadëtäreji̧ri̧rea̧rȩ, jabo chjuari̧ quëna̧täreji̧ri̧rea̧ro̧jo̧ȩ Ütë tjamo̧ pio ju̧i̧, Jechu pio ju̧i̧ cho̧rëdiäji̧ri̧rȩ.

Pedro Ma̧ȩ 1 5:2

Danȩrȩ, Ütë tjamo̧ ja̧ ovejami̧ da pio ji̧ri̧ chjadëri̧ jidachji̧jȩrȩ. Pio jiro ja̧beparea̧ oa yürürëremȩdiibe Ütë tjamo̧ judi. Pio ju̧i̧iä jidatämi̧ cjiaji̧ri̧rȩ jidatäreji̧ri̧rea̧ro̧jȩrȩ, ‘ja̧di dari̧ ja̧bepadëri̧ cjiaquëda’ quëna̧rea̧ decjiari̧. Ado danȩrȩ, chëre pio ju̧i̧iä boa̧ oa cjiami̧ dari̧ ja̧bepadëchji̧vä, jabo jabechji̧ Ütë tjamo̧ ja̧ oa tjamo̧ri̧ ja̧bepatämi̧ cjiaji̧ri̧rȩ a̧dochji̧jȩrȩ.

Jechurë Na̧rȩrërea̧ Ma̧ȩ 7:17

Jabechji̧ Oveja pëi̧ chjamȩmi̧ da pio judi chjadëri̧ jidadejȩrȩ. Tjamo̧ davä. Ütërë chamȩ yuroräpȩ cjiamȩ pio judi chjadëri̧ jidadejȩrȩ. Jabechji̧ chjadëri̧ jidamȩrȩ ëba jäpadejȩrȩ bucho ana̧ cjo̧ro̧rea̧ yürümȩ uiräpȩ, ui goaeri̧ cjitëmȩräpȩ. Ado judiro̧ ejaro cjiaji̧ri̧rȩ cjo̧ro̧rërea̧ ji̧, gito ana̧ri̧ jo̧rȩtarërea̧ ji̧, jabechji̧ tjaoëpai̧ dari̧ cjo̧ro̧rea̧ dapadirȩ Ütë tjamo̧ pio judi tuti japea̧ oaiä.