Juan 21:1 - Biblia Pume

¹ Ado ji̧dë duri oa Tiberia quȩmȩ tja yuroro cjiaji̧ri̧ oa, Jechu judi ado chjereno̧ da tänȩrëremȩdejȩrȩ jibëa̧ jadü ji̧ri̧ pio jȩaiäpȩmo̧. Jabechji̧ pio jȩaiäpȩmo̧ darea̧mi̧ dari̧ go̧düdärärëremȩde pio ji̧ri̧iäpȩ. 'Ado Jechu judi ¿yö̧ta dari̧ japea̧diji̧ri̧da’ quëna̧chea oa, jabechji̧ chjadëri̧ ütarë yo̧parequededibe. Ta̧rëchji̧vä.

Juan 21:1 Iomraidhean Croise

Mateo 26:32

Jabo danȩrȩ, cüdë ado chjereno̧ bëdüa̧rä, dibëa̧ yaboi̧ jäparequede Garirearäpȩ ⁠—⁠yo̧a̧dejȩrȩ⁠—⁠. Tjamo̧ davä. Ado pio ju̧ri̧pȩ dëbëdiäparenȩro̧coe ⁠—⁠yo̧a̧dejȩrȩ.

Mateo 28:16

Ado Jechu ja̧ jadü judiro̧, 11rë, ivi pio ji̧ri̧iä ta̧rëa̧ oaiä, jabechji̧ järëreji̧ri̧dirȩ Garirea chiriräpȩ ju̧ri̧, Jechurë yo̧rërea̧ ya̧mi̧räpȩ ju̧ri̧.

Mateo 28:7

Ado chjadëri̧ ütarë da ëte, jabechji̧ jäcjiëno̧chji̧ji̧ri̧ Jechu ja̧ jadü pio ji̧ri̧ chjadëri̧ ta̧rë tänȩpea̧ oa. Yo̧e jächji̧ji̧ri̧ Jechurë ja̧boa̧remȩrȩ bëdüa̧ pio ju̧i̧ chjiari. Ado danȩro̧, dibëa̧ yaboi̧ jädi Jechu judi Garirea chiriräpȩ. Ado pio ju̧ri̧pȩ dëbëdiäpanȩro̧ju̧i̧. Aja̧, pio ju̧ri̧pȩ dapanȩro̧ju̧i̧. Jabechji̧ mȩnȩro̧ dabadëchea oa yo̧a̧quidibë ⁠—⁠yo̧mȩrȩ yo̧a̧dejȩrȩ ivi pio ji̧ri̧ a̧dërimȩ mu̧i̧tjoi̧ pio judi.

Marcos 16:12

Ji̧dë duri oa Jechu judi jibëa̧ jadü yo̧a̧ri̧ oa da tänȩrëremȩdejȩrȩ chiriräpȩmo̧ tai̧ji̧ri̧ oa. Tjaoëpai̧ dari̧ cjiamȩrȩ da tänȩa̧dejȩrȩ pio jȩaiäpȩmo̧.

Marcos 16:14

Ji̧dë duri oa Jechu judi jibëa̧ jadü pio ji̧ri̧ da tänȩrëremȩdejȩrȩ 11 oa. Mechjaräpȩ chaji̧ri̧ oa da tänȩa̧dejȩrȩ. Ado to̧bari̧ chi̧dëea̧mȩrȩ yo̧a̧dejȩrȩ. Jabechji̧ judiro̧ quëna̧dëa̧ tara, judiro̧ pio jȩaiäpȩmo̧ irä daea̧ji̧ri̧ pio ji̧ri̧ ta̧rë ja̧bodëa̧ tara, to̧bari̧ chi̧dëearëremȩdejȩrȩ, judiro̧ chjuari̧ jiada̧ tara.

Marcos 16:7

Jabo pio yaba̧i̧ jäeno̧chji̧je Jechu ja̧ jadü pio ji̧ri̧iäpȩmo̧ ma̧ȩ yürüpea̧ oa, Pedro pio ju̧i̧bo. Aja̧, Jechu judi, jabechji̧ dibëa̧ yabo jäa̧di Garirearäpȩ. Pio ju̧ri̧pȩmȩ oa dadäräeji̧ri̧mȩnȩro̧ju̧i̧ judi pio dibë yo̧rërea̧mi̧. Ma̧ȩ yüre jächji̧ji̧ri̧. —yo̧mȩrȩ yo̧rëremȩdejȩrȩ ivi jini̧ a̧dërimȩ mu̧i̧tjoi̧ pio judi.

Juan 21:14

Ado Jechu judi ja̧di dari̧ japamȩrȩ ado chjereno̧ darea̧ yürürëremȩdejȩrȩ jibëa̧ jadü ji̧ri̧. Aja̧, judi ja̧boa̧remȩrȩ bëdüa̧ duri oa yo̧a̧ri̧ como̧ da tänȩrërea̧ ji̧, jabechji̧ ado chjereno̧ pio jȩaiäpȩmo̧ darea̧ yürürëremȩdejȩrȩ.

Juan 6:1

Ja̧dëa ji̧ judio tjamo̧ yo̧ji̧ri̧ pio ji̧ri̧iäpȩmo̧ ni̧bä chjao ëte, Jechu judi Garirea tja oëräpȩ chjätärëremȩde. Ado Garirea tja oa, peaja̧di Tiberia tja yo̧rëreji̧ri̧diro̧jo̧ȩ. Aja̧, yo̧a̧ri̧ quȩ chiarëremȩde.

Juan 6:23

Ado Tiberia quȩmȩ bë ma̧ri̧ri pio judiriji̧ri̧ judiro̧ go̧düdärärëreji̧ri̧dirȩ jibëa̧ charara̧ pumȩ judiro̧ cjiadiäa̧räpȩ ju̧ri̧. Aja̧, Jechurë pumȩ ji̧ri̧ chja̧pe oa ëba jura̧räpȩ ju̧ri̧, Jechurë Ütë tjamo̧ pio ju̧i̧iäpȩmo̧ chjacjiamȩri̧ ni̧bäa̧räpȩ ju̧ri̧ go̧düdäräa̧dirȩ.

Japarea̧ 1:3

Aja̧ Jechu judi toro gitoi̧ dari̧ ja̧boa̧remȩrȩ ado chjereno̧ bëdüa̧de. Ado bëdüa̧mȩ oa jënȩ chjadüa̧ pio judiro̧ co ji̧ra̧ri̧ dae chjaorëreji̧ri̧diro̧jo̧ȩ. Jabechji̧ pio jȩaiäpȩmo̧ irä darea̧mi̧ dari̧ na̧rȩ chjaorëremȩdejȩrȩ do ji̧ra̧ nö̧ta, 40 do nö̧ta. 'Aja̧, tjamo̧ri̧ bëdüa̧dida, toro ja̧boa̧remȩ pio judi tjamo̧ri̧ bëdüa̧dida' quëna̧rea̧mi̧ dari̧ na̧rȩ chjaorëremȩdejȩrȩ babui̧ra̧. Ado pio ju̧i̧iä irä daea̧diro̧jo̧ȩ. Irä ta̧rëa̧diro̧jo̧ȩ. Aja̧, Ütërë yo̧a̧ chja̧oerä cjo̧ro̧pea̧ pio ju̧i̧ chjiari ni̧bä chjaoa̧mȩ oa irä ta̧rëa̧diro̧jo̧ȩ.