Juan 20:5 - Biblia Pume

⁵ Jabo yu̧a̧dëa̧de, jabo dairäpȩ uëdai̧ garë dae cjiamȩrȩ daea̧dejȩ puria̧rea̧ chjibo coto oa, Jechu pio ju̧i̧ puria̧rea̧ chjibo coto oa.

Juan 20:5 Iomraidhean Croise

Juan 11:44

Ado Dacharo judi chjaodëri̧ go̧düa̧de. Ja̧boa̧mȩ oa purirea̧ chjibo cotora̧ pio ju̧ri̧ra̧ puria̧ oa cjiamȩrȩ go̧düa̧de. Jibëa̧ ichi üdë, jibëa̧ ta üdë puria̧ oa cjiamȩrȩ go̧düa̧de. Ado jibëa̧ dacho üdë peaja̧di puria̧ oa cjiaremȩde chjibo cotora̧. —Jareno̧chji̧jo̧ȩ judi chjadëri̧ baärea̧mi̧ dari̧ —yo̧a̧dejȩrȩ Jechu judi. Ado jareno̧a̧diro̧jo̧ȩ. Ado jareno̧a̧ oa cjiarä, baäa̧de Dacharo judi.

Juan 19:40

Ado judiro̧ yo̧a̧ri̧borë Jechu ja̧ icjara oa bira tänȩ ëte, puria̧diro̧jo̧ȩ chjibo cotora̧ pio ju̧ri̧ra̧. Jabechji̧ judiorë a̧ra̧ano̧rërea̧mi̧ goaeri̧ pjȩa̧mȩ joarea̧ra̧ pio ju̧ri̧ra̧ yu̧i̧ tänȩa̧diro̧jo̧ȩ chjibo coto oa. Ado ja̧di dari̧ japa ëte, puria̧diro̧jo̧ȩ jibëa̧ icjara nö̧tai̧ oa. Icjara üdë ta̧dë cjararä chjadëri̧ arë a̧ra̧ oa cjiabëmi̧ ja̧di dari̧ jëdano̧rëreji̧ri̧diro̧jo̧ȩ.

Juan 20:11

Jabo Maria Madarena ji̧ni̧ jadü pio ji̧ri̧ nö̧ta baädëa̧nȩ, jabo ta̧dë cjara dairäpȩ cjiadiäa̧nȩ ejaro cjiayi̧rȩ. Ado jabë ejaro cjia̧ nö̧ta, uëdai̧ cjiayi̧rȩ garë daea̧nȩ ta̧dë cjara tjoräpȩmo̧.

Juan 20:4

Goae tarari̧ baguraji̧ri̧rȩ jäeno̧a̧dirȩ. Jabo ado cja̧rȩmo̧ jadü üdë ji̧dë u̧i̧ goae tarari̧ baguramȩrȩ Pedro ja̧ yaboi̧ go̧düdärärëremȩde.

Juan 20:6

Jabo Pedro judi duri oa go̧düdäräremȩrȩ chjaodëri̧ yu̧a̧dejȩ ta̧dë cjararäpȩ. Ado pio judiborë daea̧dejȩ puria̧rea̧ chjibo coto oa a̧rȩmȩ oa.