Juan 20:16 - Biblia Pume

¹⁶ Ja̧dëa ji̧ Jechu judi yo̧a̧dejȩ: —Maria. Ado judi jibëa̧ quȩ oa yo̧a̧ oaiä, chjaodëri̧ poë cürë jo̧rȩtayi̧pea̧nȩ, ‘Jechu pio judidida’ quëna̧ jo̧rȩtayi̧rȩ. Ado chjaodëri̧ mȩmȩrȩpë cjiadiäa̧yi̧rȩ yo̧a̧nȩjȩ Jechu ju̧i̧: —Daboni. Ado ja̧di tarëri̧ yo̧a̧ üdë, jabechji̧ "a̧ra̧ano̧mȩ" yo̧rea̧de Ebereo ma̧ȩra̧. Ado chjaodëri̧ ida̧nȩjȩ.

Juan 20:16 Iomraidhean Croise

Taruparea̧ Ma̧ȩ 22:1

Ji̧dë duri oa Ütë tjamo̧ judi ütararëremȩdejȩ Abaraa̧ ju̧i̧. 'Aja̧, ¿napai̧rä yuro chjuari̧ quëna̧padicoada' quëna̧ jo̧rȩtamȩrȩ ëna̧diärëremȩdejȩ. —Abaraa̧ —yo̧mȩrȩ ëna̧diäa̧dejȩ. Ado Abaraa̧ judi dëbë yo̧mȩrȩ yo̧a̧dejȩ: —Aja̧, pio yirequede.

Taruparea̧ Ma̧ȩ 45:12

Ado Joche judi jibëa̧ ama̧i̧ pio ju̧i̧ ma̧ȩ yürüa̧ duri oa, ado chjereno̧ ni̧bä chjaorëremȩdejȩrȩ jibëa̧ oti̧ ji̧ri̧. Ja̧di ta̧rëri̧ yo̧mȩrȩ ni̧bä chjaorëremȩdejȩrȩ: —Danȩrȩ ca̧ oti̧, ma̧ȩ yürüa̧mȩ oa irä ta̧rëa̧renȩro̧coe. Irä daea̧renȩro̧coe. Bejami̧ pio judiborë ta̧rëri̧ ma̧ȩ yürüa̧requededibe. 'Joche judi, ja̧di ta̧rëri̧ yo̧a̧dida' quëna̧ daba marenȩro̧coe.

Go̧dürea̧ Ma̧ȩ 3:4

Ado Jeova judi Moiche pio ju̧i̧ daea̧ oaiä, to queri̧räpȩ jana̧mȩ oa daea̧ oaiä, jabechji̧ ëna̧diäa̧dejȩ toräpȩ cjiamȩrȩ. Aja̧, ja̧di ta̧rëri̧ yo̧mȩrȩ ëna̧diäa̧dejȩ: —Moiche, Moiche —yo̧mȩrȩ ëna̧diäa̧dejȩ. Ado Moiche judi: —Aja̧, pio yirequede —yo̧mȩrȩ dëbë yo̧a̧dejȩ.

Go̧dürea̧ Ma̧ȩ 33:17

Ado Jeova judi dëbë yo̧a̧dejȩ: —Mȩnȩ coa yo̧a̧mi̧ japaparequede. Danȩ, pio mȩa chjiari chjö̧na̧i̧ oa dabamȩrequede. Ado chjö̧na̧i̧ oa dabamȩrȩ ma̧ chiadëri̧ cjiamȩrȩ darequedemȩ. Ja̧di tara mȩnȩ yo̧a̧mi̧ japaparequede. Jabechji̧ ëba baäparequededibe —dëbë yo̧a̧dejȩ.

Mateo 14:27

Jabo Jechu judi chjaodëri̧ yo̧a̧dejȩrȩ jachiri: ⁠—⁠Bücjüri̧ cjiadëchji̧vä ⁠—⁠yo̧a̧dejȩrȩ⁠—⁠. Pio cüdërequede. Jabechji̧ uapadëchji̧vä ⁠—⁠yo̧a̧dejȩrȩ.

Marcos 10:51

Ja̧dëa ji̧ Jechu judi iëno̧ë ta̧rëa̧dejȩ: —Danȩ, ¿tjana̧ oa japatä earenȩque mȩnȩ? Ado da cotomȩ judi dëbë yo̧a̧dejȩ: —Danȩ a̧ra̧ano̧mȩ, ado chjereno̧ damirerea̧ yürücoe.

Lucas 10:41

Jabo Jechu judi dëbë yo̧a̧dejȩ: —Damȩ Marta, ca̧ jadü. Chjadëri̧ ta̧rëcoa —yo̧a̧dejȩ—. Jabechji̧ dami̧ti̧ oa jo̧rȩte chjaoyi̧rȩ bücjüri̧ cjia tjamo̧mȩ.

Juan 1:38

Ado Jechu judi pio jȩa cho̧rë jäji̧ri̧ pio ji̧ri̧ damȩrȩ iëno̧ë ta̧rëa̧dejȩrȩ. —¿Tjana̧ oa na̧tanȩrȩ? —iëno̧ë ta̧rëa̧dejȩrȩ. Ado dëbë yo̧ji̧ri̧rȩ iëno̧ë ta̧rëa̧diro̧jo̧ȩ. —A̧ra̧ano̧mȩ, ¿tjana̧räpȩ cjo̧ro̧renȩ?

Juan 1:49

Pio ju̧i̧ ta̧rëa̧ oaiä Natanera judi ana̧ri̧ jo̧rȩtamȩpea̧de dacho bëremi̧ cjiari̧. Ado yo̧a̧dejȩ Jechu ju̧i̧: —A̧ra̧ano̧mȩ, Ütë tjamo̧ ja̧ Joja tjamo̧renȩ. Dai chirirä cjo̧ro̧mȩ Ütërenȩ. Icharai pio judiri ja̧ji̧ri̧ ja̧ Ütërenȩ. Jabechji̧ ibëa̧ tjamo̧ yo̧mȩrenȩ.

Juan 10:3

Ado jo̧ë ya jidamȩ judi, jabechji̧ chjadëri̧ are ië yürüdejȩ oveja jidamȩ ja̧ oa. Ado oveja jidamȩ judi ëna̧diädejȩrȩ oveja ji̧ri̧. Jibëa̧ quȩ oa yo̧mȩrȩ ëna̧diädejȩrȩ. Ado ëna̧diämȩ oa daba ta̧rëdiro̧jo̧ȩ. Ado yabo jämȩrȩ ëba go̧düdejȩrȩ totarea̧ri pio judiri dairäpȩmo̧.

Juan 11:28

Ado Marta jini̧ ja̧di ta̧rëri̧ yo̧ ëte, cuchupë baäeno̧a̧nȩ. Ado jibëa̧ bëräpȩ go̧düdäräa̧rä, goadi yo̧yi̧rȩ yo̧a̧nȩjȩ jibëa̧ oyi̧ ji̧, Maria pio ji̧: —Damȩ, A̧ra̧ano̧mȩ judi jana̧di. Jachi tjamo̧dëräpȩdi —yo̧a̧nȩjȩ—. Ado pio mȩa chjiari iëno̧ë ta̧rëa̧dicoa —yo̧a̧nȩjȩ.

Juan 13:13

Danȩrȩ, “A̧ra̧ano̧mȩ” yo̧renȩro̧coe. “Ano̧mȩ” yo̧renȩro̧coe peaja̧di. Ado jabechji̧de, pio judi tjamo̧requede cüdë.

Juan 20:28

Ado Toma judi irä daea̧ oaiä, yo̧a̧dejȩ: —Ca̧ Ano̧mȩrenȩ. Ca̧ Ütërenȩ.

Juan 3:2

Ado cja̧rȩmo̧ doremȩrä gȩnȩpea̧rä, goëdepea̧dejȩ Jechu ju̧i̧. Ado yo̧a̧dejȩ: —Danȩ A̧ra̧ano̧mȩ, na̧ jauëchjarea̧ pio ju̧i̧ daea̧rea̧rȩ. Pio ju̧i̧iä dabarea̧rȩ pio mȩa chjiari. ‘Aja̧, Ütë tjamo̧ pio judi chjadüa̧ oa ma̧na̧diibëda, ibë a̧ra̧ano̧pea̧ oa chjadüa̧ oa ma̧na̧diji̧da’ quëna̧ dabarea̧ro̧mȩ. Ütë tjamo̧ judi pio mȩadidërä judi, jauëchja cjiari̧ japarea̧ dadëa̧täremȩrenȩ —yo̧a̧dejȩ.

Juan 5:2

Ado Jerucharȩräpȩ ju̧ri̧ arȩrëremȩde tja boi̧chji̧ üdë, pumȩrȩ jëdano̧rërea̧ tja üdë. Aja̧, oveja quȩmȩ jo̧ë ya queri̧räpȩ a̧rȩrëremȩde. Ado pio jiro tja oa ebereo ma̧ȩra̧ yo̧a̧ ji̧, Bechata yo̧rea̧de. Ado tja yuroro cji̧däa̧ oa cjiarëremȩde cja̧rȩichimo̧ jo̧, cja̧ȩta̧ra̧rimo̧ a̧rüa̧ oa cjiamȩrȩ.

Juan 6:25

Ado ja̧dëa ji̧ japamitë chjätä ëte, pumȩ judiro̧ Jechu pio ju̧i̧ na̧ea̧ duri oa dadäräa̧rä, iëno̧ë ta̧rëa̧diro̧jo̧ȩ: —A̧ra̧ano̧mȩ —yo̧a̧diro̧jo̧ȩ—. ¿Naparä go̧düna̧ra̧nȩ pio yi?

Japarea̧ 10:3

Ado cja̧rȩmo̧ doremȩrä, do üdë chjiaräpȩmo̧diäa̧rä, Ütë tjamo̧ judi tänȩa̧ oa darämi̧ cjiarëremȩdejȩ Corenerio judi. Aja̧, pio jȩaiäpȩ jana̧mȩ oa darämi̧ cjiarëremȩdejȩ Ütërë chjadüa̧ mu̧i̧tjoi̧ pio ju̧i̧. Ado ja̧di ta̧rëri̧ yo̧mȩ oa ta̧rërämi̧ cjia̧dejȩ: —Danȩ Corenerio.

Japarea̧ 9:4

Pio ju̧i̧iä daburäpȩmo̧ cjatëno̧a̧de. Ado jȩa ni̧bämȩ pio ju̧i̧ ta̧rëa̧dejȩ: —Chauro, Chauro ¿tjana̧ ju̧i̧iä conȩdarenȩque? —iëno̧ë ta̧rëa̧dejȩ.