Juan 20:12 - Biblia Pume

¹² Ado yo̧a̧ri̧ oa, a̧dëriji̧ri̧ mu̧i̧tjoi̧ pio ji̧ri̧ daea̧nȩjȩrȩ bërebëreara̧ ina̧ oa cjiaji̧ri̧ oa. Jechu ja̧ icjara oa arë a̧ra̧rërea̧räpȩ charëreji̧ri̧dirȩ. Cja̧rȩmȩ üdë charëremȩde jibëa̧ tarë a̧rȩrërea̧räpȩmo̧. Ado cja̧rȩmo̧ üdë charëremȩde jibëa̧ tjübërë a̧rȩrërea̧räpȩmo̧.

Juan 20:12 Iomraidhean Croise

Coronica Ma̧ȩ 2 5:12

Ado Devi pio judiri ja̧ji̧ri̧ judiro̧ orë, tjamo̧ to̧ je go̧a̧ji̧ri̧rëreji̧ri̧dirȩ. Aja̧, Achapja quȩmȩ judi, Ema̧ quȩmȩ judi, Jedutu̧ quȩmȩ judi tjamo̧ go̧a̧ji̧ri̧rȩ cjo̧ro̧rëreji̧ri̧dirȩ pio ji̧ri̧di ja̧ji̧ri̧borë, jibëa̧ u̧ri̧borë. Ado chjibo bërebërea maeara̧ ina̧ oa cjiarëreji̧ri̧dirȩ, dino quȩmȩ chjibora̧. Ado gu̧na̧rea̧ mechjari pio judiri dorë cjitëmȩräpȩmo̧ cjiarëreji̧ri̧dirȩ Ütë tjamo̧ pio ju̧i̧iäpȩmo̧ chjacjiamȩri jo̧rȩtaji̧ri̧rȩ go̧a̧pea̧ oa. Pio ju̧i̧iä judiro̧ orë chjiparari pjatë biderea̧ oa goarëreji̧ri̧dirȩ. Ado o judiro̧ care care guarea̧ oa goarëreji̧ri̧dirȩ. Ado goë tuti ja̧bepaji̧ri̧ judiro̧, 120rë, goarëreji̧ri̧dirȩ ea cjiari̧ pjurarea̧ pio ju̧i̧.

Da̧de 7:9

Ado cüdë jabë mo̧a̧ nö̧ta, jabechji̧ arë cji̧däa̧ oa cjiaji̧ri̧ oa darämi̧ cjiaremȩrequede charea̧ ji̧ra̧ tjamo̧ oa, chiri ütërë charea̧ ba chia tjamo̧mi̧ da oa. Ado ja̧dëa ji̧ darämi̧ cjiaremȩreconȩ Pearä judiräri ja̧mȩ Ütë pio ju̧i̧. Cja̧rȩmȩ charea̧rä chamȩ oa darämi̧ cjiaremȩreconȩ, charea̧ ba chia tjamo̧ro chamȩ oa. Aja̧, pumȩ ji̧ri̧ ütarë ta̧rë ëte bape chjaopea̧ oa chamȩ oa darämi̧ cjiaremȩreconȩ. Chjibo bërebëreai̧ tjamo̧ oa ina̧mȩ oa darämi̧ cjiaremȩreconȩ. Ado jibëa̧ cö̧ a̧dë chjäte bërebëreai̧ tjamo̧ oa darämi̧ cjiaremȩreconȩ peaja̧di, oveja cö̧mi̧ da oa, chjadëri̧ joa̧ oa cjiamȩ oveja cö̧mi̧ da oa. Ado Pearä judiräri ja̧mȩ Ütë pio ju̧i̧ ja̧ charea̧ oa daea̧ ji̧, jabechji̧ ma̧i̧ da cjo̧dë chiamȩ oa darämi̧ cjia̧reconȩ, a̧dë chjäte tatari̧ tümȩ oa. Ado jibëa̧ charea̧ ja̧ tabo daea̧reconȩ, ta chjadë maea oa. Jabechji̧ jo̧ȩra̧ baämȩ bagurarea̧ tami̧ da oa darämi̧ cjiareconȩ, cäricäria oa. Aja̧, cjo̧dë chiamȩ ta oa, ma̧i̧ dari̧ gäri baämȩ cjo̧dë chiamȩ ta oa darämi̧ cjiaremȩreconȩ.

Mateo 17:2

Ado ya̧mi̧ uëräpȩ go̧düdäräa̧ duri oa, Jechu judi tjaoëpai̧ da tjamo̧pe bagarëremȩde. Jabechji̧ a̧dë chjäte tatari̧ cjiamȩpea̧de jibëa̧ chamacho üdë, dorë tatami̧ dari̧. Ado jibëa̧ chjibo üdë ma̧i̧ dari̧ a̧dë chjäte bërëbërëai̧pe baga̧de, tatape bagami̧ dari̧.

Japarea̧ 1:10

Ado judiro̧ jabë a̧dëräpȩmo̧ dae cjiataji̧ri̧ oa, chjaodëri̧ cjiadäräa̧diro̧jȩrȩ jibëa̧ yuroro oari judiro̧ yo̧a̧ri̧rȩ, chjibo bërebërea oa ina̧ji̧ri̧rȩ.

Jechurë Na̧rȩrërea̧ Ma̧ȩ 3:4

Jabo mȩnȩro̧ orë, Charaderäpȩ cjo̧ro̧ji̧ri̧ judiro̧ orë, jabechji̧ dibëa̧ chjibo oa i gȩrȩ chiadëmi̧ dari̧ cjo̧ro̧ji̧ri̧pea̧nȩrȩ, chjibo oa joami̧ dari̧ japea̧ oaiä. Ado pio ju̧i̧iä nö̧taji̧ri̧rȩ pio coadi tai̧panȩrȩ, ca̧ jadü maearë. Tjamo̧ davä. Chjibo bërebëreai̧ra̧ ina̧ oa cjiaji̧ri̧rȩ ji̧mo̧ tai̧parea̧rȩ mȩnȩro̧ Ütë ja̧ ma̧ȩrä cjo̧ro̧a̧ pio ju̧i̧iä, mȩnȩro̧ mö̧na̧ jidë ta̧rëa̧ pio ju̧i̧iä.

Jechurë Na̧rȩrërea̧ Ma̧ȩ 7:14

Jabo cüdë dabadëmȩrȩ dëbë yo̧a̧reconȩ: —Cjäri̧ marequede, dabadërequede, jabo pio mȩnȩ daba jirorenȩ —dëbë yo̧a̧reconȩ. Ja̧dëa ji̧ yo̧a̧dique: —Danȩ, pio yodëro̧je a̧dë chjäte chjai̧dë pio ju̧i̧ chjätäa̧ji̧ri̧ pio judiro̧dirȩ —yo̧a̧dique—. Aja̧, ana̧ tjamo̧ri̧ tararëreji̧ri̧ pio judiro̧dirȩ jabo yaba̧ chjadëri̧ ma̧na̧rea̧ daea̧dirȩ chjadëri̧ go̧dürea̧mi̧ dari̧. Ado jibëa̧ chjibo üdë Oveja pëi̧ chjamȩmi̧ da pio ju̧i̧ ja̧ goera̧ pio ju̧ri̧ra̧ joa̧ oa cjiami̧ dari̧ cjiade, bërebërea tjamo̧pe järea̧mi̧ dari̧.