Juan 2:5 - Biblia Pume

⁵ Jabo jibëa̧ ai̧ jini̧ cjiadiädëyi̧rȩ yo̧a̧nȩjȩrȩ jurarea̧ra̧ a̧doji̧ri̧ pio ji̧ri̧iäpȩmo̧: —Jechu pio judi yo̧emȩ jirodidibe. Ado judi yo̧a̧mi̧ jabechji̧ japachji̧vä —yo̧a̧nȩjȩrȩ.

Juan 2:5 Iomraidhean Croise

Taruparea̧ Ma̧ȩ 41:55

Ado japamitë chjätä ëte Ejitoräpȩ cjo̧ro̧ji̧ri̧ judiro̧ ta̧mȩcho̧ pio ju̧i̧ ana̧ri̧ taraji̧ri̧pea̧rä, jabechji̧ pjarao̧ pio ju̧i̧iäpȩmo̧ järëreji̧ri̧dirȩ tirigo cho oa cjo̧dëpea̧ oa. Ado pjarao̧ judi yo̧rëremȩdejȩrȩ: —Danȩrȩ, goëdechji̧jo̧ȩ Joche pio ju̧i̧. Pio ju̧i̧iä cjo̧dëpea̧de. Pio judi dibë yo̧a̧mi̧ japachji̧vä —yo̧a̧dejȩrȩ.

Taruparea̧ Ma̧ȩ 6:22

Ado Ütë tjamo̧ judi yo̧a̧mi̧ taruparëremȩde Noe judi chara ana̧ oa japapea̧ ji̧. Jabechji̧ Ütë tjamo̧ judi ütarë yo̧a̧mi̧ japarëremȩdejȩ jiadarea̧ decjiari̧. Ado japamitë ana̧ tjamo̧ chjätä ëte, japadärärëremȩdejȩ.

Mateo 12:46

Ado Jechu judi pjaricheo pio ji̧ri̧iäpȩmo̧ jabë ni̧bä chjaoa̧rä, chjaodëri̧ go̧düna̧ra̧rëreyi̧nȩ pio jȩa arayi̧ pio jini̧, jȩadi ja̧ji̧ri̧ pio judiro̧borë. Jabechji̧ pio ju̧i̧ nö̧ta ni̧bä chjaotämi̧ cjiaji̧ri̧rȩ go̧düna̧ra̧rëreji̧ri̧dirȩ.

Juan 15:14

Danȩrȩ, ca̧ pumȩnȩrȩ mȩnȩro̧. Cüdë dibë yo̧a̧ pio ju̧i̧ ta̧rëdiärä judi, jabechji̧ ca̧ pumȩnȩrȩ.

Japarea̧ 9:6

Jabo cjitëvä yaba̧. Damacoräpȩ jävä. Ado idëpȩ go̧düdäräpamȩ oa ma̧ȩ yürüpadimȩ pumȩ judi. Jabechji̧ mȩnȩ dabapea̧ oa, 'Aja̧, ja̧di dari̧ japatäremȩquëda' quëna̧ dabapea̧ oa, ma̧ȩ yürüpadimȩ. Jävä —yo̧mȩrȩ yo̧rëremȩdejȩ Jechu judi Chauro pio ju̧i̧iäpȩmo̧.

Ebereo Ma̧ȩ 11:8

Ado Abaraa̧rea̧ pio judiborë quëna̧mȩrȩ cjo̧ro̧rëremȩde. Danȩrȩ, Ütë tjamo̧ judi pio ju̧i̧ ëna̧diäa̧rä, ado cja̧rȩmo̧ chiriräpȩ cjo̧ro̧pea̧ oa baätä ëna̧diäa̧rä, jabechji̧ Ütë tjamo̧ pio ju̧i̧ quëna̧mȩrȩ chjaodëri̧ ta̧rëdiärëremȩdejȩ Ütërë yürüpea̧ chiri pio ju̧i̧ mitëpea̧ oa. Jabechji̧ Ütë tjamo̧ pio ju̧i̧ quëna̧mȩrȩ baärëremȩde, ‘pio jiro chiri üdë pio ju̧ri̧pȩdida’ quëna̧ dabadëmȩrȩ.

Ebereo Ma̧ȩ 5:9

Ado jibëa̧ Ama̧i̧ pio ju̧i̧ nö̧tadäräri̧ ta̧rëdiäa̧ oaiä, jabechji̧ nö̧tamȩpea̧de goarijädëmȩ chjätärea̧ pio ju̧i̧ yürüpea̧ oa pio jȩa ta̧rëdiäji̧ri̧ ütëbodärä oa.