Juan 2:22 - Biblia Pume

²² Ado pio ju̧i̧iä japamitë chjätä ëte Jechu judi ja̧boa̧remȩrȩ bëdüa̧rä, jabechji̧ jibëa̧ jadü judiro̧ jo̧rȩtarëreji̧ri̧dirȩ Jechurë yo̧a̧ pio ju̧i̧. ‘Aja̧, bëdüa̧dida, ado judio pio ji̧ri̧iäpȩmo̧ no̧mȩ yo̧rërea̧ ji̧, jibëa̧ icjara pio ju̧i̧ chjiari yo̧rëremȩdida, ado dëdë, tjarari̧ do chjätä ëte cji̧dëno̧mi̧ dari̧ bëdüa̧dida, tjamo̧ri̧ yo̧a̧diji̧ri̧da’ quëna̧ jo̧rȩtarëreji̧ri̧dirȩ. Aja̧, pio ju̧i̧iä quëna̧rëreji̧ri̧dirȩ Ütë tjamo̧ ja̧ ma̧ȩ oa, Jechurë yo̧a̧ pio ju̧i̧.

Juan 2:22 Iomraidhean Croise

Go̧a̧rea̧ 16:10

Aja̧ Jeova, pio mȩnȩ na̧ra̧ oa cjiamȩ oa ano̧dëparenȩque. Jabechji̧ mȩnȩ mitëa̧ pio judirequede. Ado mȩnȩ yo̧a̧mi̧ japamȩrequede. Pio ju̧i̧iä jabechji̧, ca̧ icjara oa tapuchjape bagarea̧ yürüdëparenȩque.

Lucas 24:26

Danȩrȩ, Ütërë ea jana̧ chjadüa̧ oa ni̧bärëreji̧ri̧ pio judiro̧ jabërä ma̧ȩ yürürërea̧ ji̧, Ütërë mitëa̧ Chjätä Tänȩmȩ pio ju̧i̧ chjiari jabërä ma̧ȩ yürürërea̧ ji̧, ¿peaja̧di ma̧ȩ yürüdëa̧dirȩ judi chjai̧dë oa chjätäpea̧ pio ju̧i̧ chjiari? Ado judi chjai̧dë oa chjätä ëte a̧dë chjäte tatari̧ cjiamȩräpȩ ado chjereno̧ baäpea̧ pio ju̧i̧ chjiaribo ¿jabërä go̧ȩpadëa̧dirȩ? Dëdë, jabërä go̧ȩpea̧ oa cjia marëremȩde mȩnȩro̧ ütëborë chjaodëri̧ dabaparea̧mi̧ dari̧ —ni̧bä chjaoa̧dejȩrȩ.

Lucas 24:44

Ja̧dëa ji̧ Jechu judi yo̧a̧dejȩrȩ: —Danȩrȩ, cüdë pio dibë pearä yo̧rërea̧ pio ju̧i̧ ado chjereno̧ ni̧bä chjaotämi̧ cjiarequededibe —yo̧a̧dejȩrȩ—. Danȩrȩ, pio coa chjiari jabërä go̧ȩparërea̧ ma̧ȩ pio judi chjö̧na̧i̧rȩ tjamo̧i̧padäräa̧ oa cjiapea̧ chia maeade, a̧dë cjiadiärea̧ decjiari̧. Tjamo̧ davä. Moicherea̧rȩ go̧ȩparërea̧ ma̧ȩ pio judiri yurori Ütërë ea jana̧ chjadüa̧ oa ni̧bäji̧ri̧ pio judiro̧ go̧ȩpea̧rä yuro cjiamȩ ma̧ȩ pio judi, jabechji̧ tjamo̧i̧padäräa̧ oa cjiapea̧ chia maeade. Ado Go̧a̧rea̧ ma̧ȩ pio judi peaja̧di tjamo̧i̧padäräa̧ oa cjiapea̧ chiade —yo̧rëremȩdejȩrȩ.

Juan 12:16

Aja̧, ja̧di ta̧rëri̧ go̧ȩpea̧ oa cjiarëremȩde ma̧ȩ üdë jabërä, Jechu judi buro pëi̧ chjarä boë chabëmi̧. Jabo Jechu ja̧ jadü judiro̧ pio jiro ma̧ȩ pio ju̧i̧ chjiari tjamo̧ri̧ dabadërëreji̧ri̧dirȩ pearä judi. Jabo dëdë, japamitë chjätä ëte, Jechu judi a̧dëräpȩ ado chjereno̧ baäa̧rä, dëdë, na̧e chiapea̧dirȩ pio jiro ma̧ȩ pio ju̧i̧ chjiari, Jechu judi buro pëi̧ chjarä boë chamȩrȩ go̧düdäräa̧ pio ju̧i̧ chjiari, pumȩ judiro̧ Jechu ju̧i̧iäpȩmo̧ ja̧di dari̧ japea̧ pio ju̧i̧ chjiari.

Juan 14:26

Jabo cüdë dibë a̧dë baäpa tara, ca̧ Ama̧i̧ judi ado cja̧rȩmo̧ oa chjadüpadidibe ano̧ mire a̧dopea̧ oa. Aja̧, Tjo tjamo̧ pio ju̧i̧ chjadüpadejȩ, tjamo̧ a̧domȩ pio ju̧i̧. Ado jabechji̧ dami̧ti̧ oa a̧ra̧ano̧padidibe. Ado cüdë dibë ni̧bä chjaoa̧ chjö̧na̧i̧ oa chjadëri̧ jo̧rȩta tänȩpadidibe peaja̧di —yo̧a̧dejȩrȩ Jechu judi.

Juan 16:4

Aja̧, jabërä pio yoa ma̧ȩ oa yo̧requededibe mȩnȩro̧ dabadëchea oa mȩnȩro̧ chjai̧dëri̧ chjätäpea̧ pio ju̧i̧ chjiari. Ado ja̧dëa ji̧ japamitë chjätä ëte mȩnȩro̧ conȩda̧ oa cjo̧ro̧ro, ‘Aja̧, tjamo̧ri̧ yo̧a̧diibëda, judi yo̧a̧mi̧ chjai̧dë oa chjätäa̧ro̧da yaba̧’ quëna̧ jo̧rȩtapanȩrȩ —yo̧mȩrȩ a̧de ni̧bä chjaorëremȩdejȩrȩ jibëa̧ jadü ji̧ri̧ Jechu judi, judiro̧ chjai̧dë oa chjätäpea̧ pio ju̧i̧ chjiari. Ado Jechu judi ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩdejȩrȩ jibëa̧ jadü ji̧ri̧: —Danȩrȩ, cüdë pio dibë nö̧ta pearä ëba cjo̧ro̧rërea̧ ji̧, dibë a̧dë baäpea̧ pio ju̧i̧ chjiari ni̧bä chjaodëa̧requededibe.

Juan 2:11

Ado Jechu judi jauëchja cjiari̧ japadërëremȩrȩ ja̧di dari̧ japamȩpea̧de Cana quȩmȩ bë ma̧ri̧räpȩ ju̧ri̧, Garirea quȩmȩ chiriräpȩ ju̧ri̧. Ado ja̧di dari̧ japamȩrȩ na̧rȩrëremȩde pio jȩa chjiari. ‘Aja̧, Ütë tjamo̧ ja̧ Jojadida’ daba quëna̧rea̧mi̧ dari̧ na̧rȩrëremȩde. Ado pio ju̧i̧iä jibëa̧ jadü judiro̧ quëna̧ji̧ri̧pea̧diro̧jo̧ȩ.

Juan 2:17

Ado Jechu ja̧ jadü judiro̧ ja̧di dari̧ japamȩ oa daea̧ oaiä, jo̧rȩtarëreji̧ri̧dirȩ Davirea̧ pio judi jabërä go̧ȩparërea̧ ma̧ȩ pio ju̧i̧. Ja̧di ta̧rëri̧ go̧ȩpea̧ oa cjiamȩ ma̧ȩ oa jo̧rȩtarëreji̧ri̧diro̧jo̧ȩ: “Aja̧, järi tjamo̧requede na̧ bë oa chjadëri̧ jidapea̧ oa, ado pio ju̧i̧iä ja̧bo tänȩpadiro̧coe” yo̧mȩ ma̧ȩ pio ju̧i̧ jo̧rȩtarëreji̧ri̧diro̧jo̧ȩ Jechu ja̧ jadü judiro̧. Jabechji̧ Jechu pio ju̧i̧ ja̧di dari̧ japamȩ oa irä daea̧ oaiä, pio jiro ma̧ȩ oa jo̧rȩtarëreji̧ri̧diro̧jo̧ȩ.

Juan 2:2

Ado Jechu judi peaja̧di cjiarëremȩde, jibëa̧ jadüborë. Jabechji̧ pio jibë jätä yabëa̧ oaiä peaja̧di järëreji̧ri̧dirȩ.

Japarea̧ 11:16

Ado pio ju̧i̧ daea̧ oaiä, chjaodëri̧ jo̧rȩtamȩpea̧requede ibëa̧ Ano̧mȩ judi yo̧rërea̧ ma̧ȩ oa Tjo tjamo̧ pio ju̧i̧ chjiari. “Aja̧, Juan judi uira̧ go̧e cjaeä chudarëremȩde jabo mȩnȩro̧ Tjo tjamo̧ra̧ pio ju̧ri̧ra̧ go̧e cjaeä chuda̧ oa cjiapanȩrȩ” yo̧rëremȩdibe.