Juan 2:2 - Biblia Pume

² Ado Jechu judi peaja̧di cjiarëremȩde, jibëa̧ jadüborë. Jabechji̧ pio jibë jätä yabëa̧ oaiä peaja̧di järëreji̧ri̧dirȩ.

Juan 2:2 Iomraidhean Croise

Mateo 12:19

Ado eami̧ pumȩ pio ji̧ri̧ dëbë ni̧bätadëpadejȩrȩ. Ado järea̧ no̧räpȩ ju̧ri̧ ma̧ȩ goaedëra̧ to̧bari̧ ëna̧die ëna̧die yo̧dëpade jabechji̧.

Mateo 25:40

Ado judiro̧ coa ja̧di ta̧rëri̧ iëno̧ iëno̧ cjiarä, jabechji̧ ja̧di ta̧rëri̧ dëbë yo̧parequedejȩrȩ, chiri Ütë cjo̧ro̧mȩ pio judi: "Naparädë, danȩrȩ, tjamo̧i̧ cjiari̧ yo̧requededibe. Jabechji̧ mȩnȩro̧ ca̧ oti̧ pio ji̧ri̧iäpȩmo̧ ja̧di dari̧ japea̧ oaiä, mȩnȩro̧ eami̧ti̧ ba chiadëmȩmi̧ dari̧ cjo̧ro̧mȩ pio ju̧i̧ cjäri̧ri̧ cjiaji̧ri̧rȩ japea̧ oaiä, jabechji̧ pio coaiäpȩmo̧ japami̧ dari̧ japarëreji̧ri̧renȩro̧coe. Pio ji̧ri̧iäpȩmo̧ ja̧di dari̧ japea̧ oaiä, jabechji̧ pio coaiäpȩmo̧ cjäri̧ri̧ cjia dami̧ dari̧ japea̧renȩro̧coe" dëbë yo̧parequedejȩrȩ.

Mateo 25:45

Ado ja̧dëa ji̧ ja̧di ta̧rëri̧ dëbë yo̧parequedejȩrȩ: "Jabechji̧ mȩnȩro̧ pio coadi ja̧ji̧ri̧ pio ji̧ri̧ chjadëri̧ a̧dodëa̧ oaiä, peaja̧di a̧dodëa̧renȩro̧coe. Aja̧, mȩnȩro̧ eami̧ti̧ pumȩ oa, ba chiadëmȩmi̧ dari̧ cjo̧ro̧mȩ pio ju̧i̧ a̧dotärea̧ ji̧ a̧dodëa̧ oaiä, mȩnȩro̧ eami̧ti̧ quëna̧mȩ pio ju̧i̧, ba chiadëmȩmi̧ dari̧ quëna̧mȩ pio ju̧i̧ a̧dodëa̧ oaiä, jabechji̧ a̧dodëa̧renȩro̧coe" yo̧mȩrȩ dëbë yo̧parequedejȩrȩ ⁠—⁠yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi yo̧a̧ri̧ bubape bagari̧ tutipea̧ pio ju̧i̧ chjiari.

Juan 2:12

Ja̧dëa ji̧ ja̧di dari̧ japa ëte Jechu judi järëremȩde Capanau̧ quȩmȩ bë ma̧ri̧räpȩ. Jibëa̧ ai̧ pio ji̧ nö̧ta, jibëa̧ oti̧ pio ji̧ri̧ nö̧ta järëremȩde, jibëa̧ jadü pio ji̧ri̧ nö̧ta. Ado ju̧ri̧pȩ cjiadiärëreji̧ri̧dirȩ do ji̧ra̧dëri̧.

Juan 2:17

Ado Jechu ja̧ jadü judiro̧ ja̧di dari̧ japamȩ oa daea̧ oaiä, jo̧rȩtarëreji̧ri̧dirȩ Davirea̧ pio judi jabërä go̧ȩparërea̧ ma̧ȩ pio ju̧i̧. Ja̧di ta̧rëri̧ go̧ȩpea̧ oa cjiamȩ ma̧ȩ oa jo̧rȩtarëreji̧ri̧diro̧jo̧ȩ: “Aja̧, järi tjamo̧requede na̧ bë oa chjadëri̧ jidapea̧ oa, ado pio ju̧i̧iä ja̧bo tänȩpadiro̧coe” yo̧mȩ ma̧ȩ pio ju̧i̧ jo̧rȩtarëreji̧ri̧diro̧jo̧ȩ Jechu ja̧ jadü judiro̧. Jabechji̧ Jechu pio ju̧i̧ ja̧di dari̧ japamȩ oa irä daea̧ oaiä, pio jiro ma̧ȩ oa jo̧rȩtarëreji̧ri̧diro̧jo̧ȩ.

Juan 2:22

Ado pio ju̧i̧iä japamitë chjätä ëte Jechu judi ja̧boa̧remȩrȩ bëdüa̧rä, jabechji̧ jibëa̧ jadü judiro̧ jo̧rȩtarëreji̧ri̧dirȩ Jechurë yo̧a̧ pio ju̧i̧. ‘Aja̧, bëdüa̧dida, ado judio pio ji̧ri̧iäpȩmo̧ no̧mȩ yo̧rërea̧ ji̧, jibëa̧ icjara pio ju̧i̧ chjiari yo̧rëremȩdida, ado dëdë, tjarari̧ do chjätä ëte cji̧dëno̧mi̧ dari̧ bëdüa̧dida, tjamo̧ri̧ yo̧a̧diji̧ri̧da’ quëna̧ jo̧rȩtarëreji̧ri̧dirȩ. Aja̧, pio ju̧i̧iä quëna̧rëreji̧ri̧dirȩ Ütë tjamo̧ ja̧ ma̧ȩ oa, Jechurë yo̧a̧ pio ju̧i̧.

Juan 2:3

Jabo judiro̧ juraji̧ri̧rȩ a̧dopea̧ ji̧, chjaodëri̧ goarijärëremȩde bino quȩmȩ ërü üdë. Ado pio ju̧i̧iä Jechu arayi̧ pio jini̧ yo̧a̧nȩjȩ joja oa: —Danȩ, bino decjiapea̧de.

Juan 3:22

Ado Jechu judi Nicodemo pio ju̧i̧ nö̧ta ni̧bä chjaoa̧ duri oa, järëremȩde Judea quȩmȩ chiriräpȩ jibëa̧ jadü pio ji̧ri̧ nö̧ta. Ado ju̧ri̧pȩ japamitë cjiadiämȩrȩ go̧e cjaeä chudarëremȩdejȩrȩ pumȩ ji̧ri̧.

Juan 4:2

Jabo Jechu judi tjamo̧ri̧ go̧ȩ cjaeä chudadëa̧dejȩrȩ, jabo jibëa̧ jadü pio judiro̧mo̧rȩ chudarëreji̧ri̧diro̧jȩrȩ.

Juan 4:33

Pio ju̧i̧ ta̧rëa̧ oaiä, Jechu ja̧ jadü judiro̧ jibëa̧ dëbëti̧ra̧ chia yo̧a̧dirȩ: —¿Tjana̧ jurarea̧ goade? Jabechji̧ a̧ro̧rȩ decjiarä, ado cja̧rȩmo̧rȩ yürüa̧ oa goa jirode —yo̧a̧dirȩ.

Juan 6:12

Ado ütëborë juradäräa̧rä, Jechu judi yo̧a̧dejȩrȩ jibëa̧ jadü ji̧ri̧: —Jaechji̧vä, a̧dopachji̧vä cjiadiäa̧mȩ jurarea̧ pio ju̧i̧ badëri̧ cjiadiächea oa.

Juan 6:16

Ado dodëpea̧rä Jechu ja̧ jadü judiro̧ bira̧dirȩ tjaräpȩ.

Juan 6:60

Jabo Jechu judi ja̧di ta̧rëri̧ yo̧mȩrȩ a̧ra̧ano̧rërea̧ ji̧ goae tjamo̧dërëremȩdejȩrȩ pio jȩa cho̧rë jädiäji̧ri̧ pio ji̧ri̧iä. Ado pio ju̧i̧iä ja̧di ta̧rëri̧ yo̧rëreji̧ri̧dirȩ: —Jabo cjäri̧ made, pio jiro a̧ra̧ano̧rea̧ üdë jamȩpai̧ ta̧rëde —yo̧a̧dirȩ—. Ta̧rërea̧mi̧dëde.

Juan 6:66

Ado Jechu judi pio jȩa chjiari yo̧a̧ oaiä, jibëa̧ go̧a̧ oa juratä yo̧a̧ oaiä, jibëa̧ goe oa jaratä a̧ra̧ano̧a̧ oaiä, jabechji̧ no̧i̧dërë a̧dë baärëreji̧ri̧diro̧jo̧ȩ. Aja̧, pio ju̧i̧ cho̧rë jädiärërea̧ ji̧ a̧dë baärëreji̧ri̧diro̧jo̧ȩ. Pio ju̧i̧ nö̧ta ëba tai̧rërea̧ ji̧, putu jura̧ a̧dë chami̧ dari̧ a̧dë baäa̧diro̧jo̧ȩ.

Juan 6:67

Ado pio ju̧i̧iä Jechu judi iëno̧ë ta̧rëa̧dejȩrȩ jibëa̧ jadü ji̧ri̧, 12 oa: —Ado pio mȩnȩro̧borë a̧dë baätämi̧ cjiarenȩro̧coe? —iëno̧ë ta̧rëa̧dejȩrȩ.

Juan 6:70

Ado ja̧dëa ji̧ Jechu judi yo̧a̧dejȩrȩ: —Danȩrȩ, 12 oa mitëa̧requededibe. Jabo mȩnȩro̧ cja̧rȩmȩrȩ Ichiaerë ira̧diä cjaeäa̧ oa cjiade —yo̧a̧dejȩrȩ.

Juan 6:71

Jabechji̧ Juda quȩmȩ pio ju̧i̧ chjiari jabërä ni̧bärëremȩde Jechu judi, Chimo̧ Icariote quȩmȩ pio ju̧i̧ ja̧ joja pio ju̧i̧ chjiari. Jabo dëdë, pio judiborë mitëa̧ oa cjiarëremȩde 11 pio ji̧ri̧ nö̧ta. Jabo pio ji̧ri̧ nö̧ta mitëa̧ oa cjiamȩborë Jechu pio ju̧i̧ u̧i̧pë gatë tänȩtämi̧ cjiarëremȩde.

Juan 6:8

Ja̧dëa ji̧ Jechu ja̧ jadü üdë cja̧rȩmȩrȩ, A̧däre pio judi, Chimo̧ Pedro pio ju̧i̧ ja̧ omȩ pio judi yo̧a̧dejȩ Jechu ju̧i̧:

Juan 7:3

Ado pio ju̧i̧iä Jechu ja̧ oti̧ judiro̧, pio ju̧i̧di ja̧ji̧ri̧ pio judiro̧ yo̧a̧diro̧jo̧ȩ Judiorë a̧doparea̧räpȩ jätä. Jabomo̧ yo̧ji̧ri̧rȩ yo̧a̧diro̧jo̧ȩ, jibëa̧ omȩ pio ju̧i̧ ba chia dadëji̧ri̧rȩ. —Jaevä Jechu, pio yudiri go̧dütäremȩrenȩ Judea chiriräpȩ jäpea̧ oa —yo̧a̧diro̧jo̧ȩ—. Danȩ, na̧ jadü judiro̧ pio mȩa chjadëri̧ dapea̧ oa, jauëchja cjiari̧ na̧rȩmȩ oa irä dapea̧ oa, jabechji̧ ja̧dira̧ jätäremȩrenȩ —yo̧a̧diro̧jo̧ȩ—.

Japarea̧ 11:26

Ado pio ju̧i̧ daräräa̧rä, ëba baärëremȩdejȩ A̧tioquiaräpȩ pio jȩa nö̧ta ja̧bepapea̧ oa. Ado cja̧rȩmȩ ui codë oa a̧dope chjaorëreji̧ri̧dirȩ quëna̧ji̧ri̧ pio ji̧ri̧ nö̧ta pio ji̧ri̧ chjadëri̧ a̧ra̧ano̧pea̧ oa. No̧i̧dë tjamo̧ oa a̧ra̧ano̧rëreji̧ri̧diro̧jȩrȩ. Ado quëna̧dëji̧ri̧ judiro̧ quëna̧ji̧ri̧ pio ji̧ri̧ chjiari yo̧dërërea̧ ji̧, “Quiricho ja̧ pumȩ” yo̧mȩ ma̧ȩ yo̧dërërea̧ ji̧, jabechji̧ ja̧di ta̧rëri̧ yo̧ji̧ri̧pea̧dirȩ pio ji̧ri̧ chjiari. Aja̧, ja̧di ta̧rëri̧ yo̧ji̧ri̧pea̧dirȩ quëna̧ji̧ri̧ pio ji̧ri̧ chjiari A̧tioquiaräpȩ ju̧ri̧ ja̧di ta̧rëri̧ yo̧dërërea̧ ji̧.

Japarea̧ 11:29

Ado quëna̧ji̧ri̧ judiro̧ pio ju̧i̧ ta̧rëa̧ oaiä, ’Aja̧, a̧dotäreji̧ri̧a̧ro̧ji̧ri̧da, a̧ro̧rȩ ütëbodärärë tara̧mi̧ yürü chjadütäreji̧ri̧a̧ro̧ji̧ri̧da, Judearäpȩ quëna̧ji̧ri̧ pio ji̧ri̧ a̧dopea̧ oa yürü chjadütäreji̧ri̧a̧ro̧ji̧ri̧da’ quëna̧ jo̧rȩtarëreji̧ri̧dirȩ.

Cori̧tio Ma̧ȩ 1 10:31

Jabo danȩrȩ ca̧ oti̧, ibëa̧ chji̧rämo̧ jo̧rȩtaji̧ri̧mi̧ dari̧ cjo̧ro̧dëtäreji̧ri̧rea̧rȩ, jabo Ütë tjamo̧ pio ju̧i̧iäpȩmo̧ ma jo̧rȩtaji̧ri̧rȩ cjo̧ro̧täreji̧ri̧rea̧ro̧jo̧ȩ. Tjamo̧ davä. Ado pio ju̧i̧iä yo̧requededibe ca̧ oti̧. Jabechji̧ a̧ro̧rȩ eami̧ oa japarä, jabechji̧ Ütë tjamo̧ pio ju̧i̧iäpȩmo̧ chjacjiamȩri̧ japa matäreji̧ri̧rea̧ro̧jo̧ȩ o judiro̧ ‘a̧dë chjäte ba chia tjamo̧dida’ quëna̧ jo̧rȩtarea̧mi̧ dari̧. Tjamo̧ davä. A̧ro̧rȩ eami̧ oa japarä, a̧ro̧rȩ eami̧ jurarea̧ oa jurarä, a̧ro̧rȩ eami̧ jararea̧ oa jararä, a̧ro̧rȩ eami̧ jo̧rȩtarea̧ oa jo̧rȩtarä, jabechji̧ Ütë tjamo̧ pio ju̧i̧iäpȩmo̧ chjacjiamȩri̧ japa matäreji̧ri̧rea̧ro̧jo̧ȩ, Ütë tjamo̧ pio ju̧i̧ tjamo̧ri̧ ba chiaparȩrea̧mi̧ dari̧.

Cori̧tio Ma̧ȩ 1 7:39

Ado iei̧ jini̧, jibëa̧ üi̧ oa ëbayi̧ pio jini̧, jabechji̧ yura̧ oa cjiami̧ dari̧ cjianȩ jibëa̧ üi̧ üdë cjo̧ro̧a̧ nö̧ta. Jabo jibëa̧ üi̧ judi a̧dë ja̧borä judi, jabechji̧ jare chjadüa̧ cjiami̧ dari̧ cjianȩ ado cja̧rȩmo̧ üi̧ oa ano̧ mire ëbarea̧mi̧ dari̧. Tjamo̧ davä. Jibëa̧ üi̧ judi ja̧borä judi, jabechji̧ ado cja̧rȩmo̧ oa ano̧ mire ëbarea̧mi̧ dari̧ jare chjadüa̧ oa cjiami̧ dari̧ cjianȩ, Ano̧mȩ ja̧ ma̧ȩrä cjo̧ro̧mȩ pio ju̧i̧mo̧ ano̧ mire ëbarea̧mi̧ dari̧.

Corochȩche Ma̧ȩ 3:17

Ado mȩnȩro̧ Ano̧mȩ Jechu pio ju̧i̧iäpȩmo̧ quëna̧ji̧ri̧pea̧ oaiä, jabechji̧ Jechu pio judirimȩ cjo̧ro̧rea̧ peaja̧ra̧ na̧rȩriä cjo̧ro̧täreji̧ri̧nȩrȩ pumȩ pio ji̧ri̧iäpȩmo̧. Ado pio ju̧i̧iä mȩnȩro̧ eami̧ oa yo̧ro, mȩnȩro̧ eami̧ oa japarä, jabechji̧ Jechu pio judirimȩ cjo̧ro̧rea̧ maeara̧ na̧rȩriä cjo̧ro̧täreji̧ri̧renȩro̧jȩrȩ. Aja̧ ca̧ oti̧, ja̧di dari̧ cjo̧ro̧chji̧vä, ‘Ama̧i̧ Ütë judi Jechu pio ju̧i̧iä chjadëri̧ japea̧diibëda’ quëna̧ jo̧rȩtaji̧ri̧rȩ.

Ebereo Ma̧ȩ 13:4

Ado danȩrȩ, üi̧ üdë jibëa̧ iei̧ ji̧ ëbarä, ba chia tjamo̧de. Chjadë tjamo̧de. Ado üi̧ judi jibëa̧ iei̧ ji̧ ëba mo̧a̧rä, peaja̧di ba chia tjamo̧de. Chjadë tjamo̧de. China̧chjadëde. Jabo cjäri̧ madejȩ, jibëa̧ jadü maea oa jo̧rȩtadëmȩ pio ju̧i̧, jabo china̧chja pio ji̧ri̧ baë ëba mo̧a̧mȩ pio ju̧i̧, jabechji̧ Ütë tjamo̧ pio judi bape chjaopadejȩ. Ado peaja̧dimi̧ dari̧ japajadejȩ jibëa̧ üi̧ maea oa jo̧rȩtadëyi̧ pio ji̧, jabo china̧chja pio ji̧ri̧ baë ëba mo̧a̧yi̧ pio ji̧. Tjamo̧ davä ca̧ oti̧, bape chjaopadejȩrȩ jibëa̧ jadüdë oa baë ëba mo̧a̧ji̧ri̧ pio ji̧ri̧.

Jechurë Na̧rȩrërea̧ Ma̧ȩ 3:20

Danȩrȩ, dibëa̧ bë dairäpȩ cjiami̧ dari̧ cjiarequede yu̧a̧rea̧ joë ya yuroräpȩ. Ado taö taö eari̧ gu̧na̧ gu̧na̧ cjiami̧ dari̧ japarequede, yu̧a̧tämi̧ cjiamȩrȩ joë ya oa. Ado eami̧ pumȩ üdë coa ta̧rërä judi, ado joë ya oa areiami̧ dari̧ japarä judi, jabechji̧ yu̧a̧mi̧ dari̧ japaparequede pio ju̧i̧ nö̧ta ëba jura chami̧ dari̧ japapea̧ oa.