Juan 2:13 - Biblia Pume

¹³ Ado uëmo̧ a̧dë chjätärea̧ do üdë queri̧na̧ra̧ oaiä, jabechji̧ järëremȩde Jechu judi Jerucharȩräpȩ.

Juan 2:13 Iomraidhean Croise

Mateo 21:12

Ado Jechu judi yu̧a̧mȩrȩ yu̧a̧rëremȩde Ütë tjamo̧ ja̧ bëräpȩ. Ado gatë tänȩji̧ri̧ pio ji̧ri̧ damȩrȩ chjaodëri̧ baä tänȩrëremȩdejȩrȩ. Ado gatëji̧ri̧ pio ji̧ri̧bo baä tänȩrëremȩdejȩrȩ. Ado chërera̧ ano̧ mireji̧ri̧ pio ji̧ri̧ ja̧ mechja chjö̧na̧i̧ oa baë arë cürërëremȩdejȩrȩ. Ado jotoco pua oa gatë tänȩji̧ri̧ pio ji̧ri̧ ja̧ charea̧ oa peaja̧di baë arë cürërëremȩdejȩrȩ.

Marcos 11:15

Judiro̧ Jerucharȩräpȩ go̧düdäräa̧ ji̧, Jechu judi yu̧a̧rëremȩde Ütë tjamo̧ ja̧ bëräpȩ. Ado yu̧a̧ ëte baä tänȩrëremȩdejȩrȩ gatë tänȩji̧ri̧ pio ji̧ri̧. Goe gu̧rori̧ cäë yürüpea̧ oa gatë tänȩji̧ri̧ pio ji̧ri̧, ba uëri boaji̧ri̧ pio ji̧ri̧ baä tänȩrëremȩdejȩrȩ. Ado gatëji̧ri̧ pio ji̧ri̧bo baä tänȩa̧dejȩrȩ. Ado chëre oa ano̧ mireji̧ri̧ pio ji̧ri̧ ja̧ mechja chjö̧na̧i̧ oa baë arë cürëa̧dejȩ. Ado jotoco pua oa gatë ta̧nȩji̧ri̧ pio ji̧ri̧ ja̧ charea̧ oa baë arë cürëa̧dejȩ peaja̧di. Aja̧, ja̧di dari̧ japarëremȩde Jechu judi Ütë tjamo̧ ja̧ bëräpȩji̧ri̧ oa.

Lucas 19:45

Ado Jechu judi Jerucharȩräpȩ yu̧a̧mȩrȩ järëremȩde Ütë tjamo̧ ja̧ bëräpȩ. Ado chjaodëri̧ taruparëremȩde gatë tänȩchäji̧ri̧ pio ji̧ri̧ baä tänȩpea̧ ji̧. Tjamo̧ davä. Goe gu̧rori̧ yürüpaji̧ri̧ pio ji̧ri̧iäpȩmo̧ gatë tänȩchäji̧ri̧ pio ji̧ri̧ baä tänȩrëremȩdejȩrȩ.

Lucas 2:41

Uipamȩ nö̧ta Jechu ja̧ ama̧i̧ pio judiro̧ jädiärëreji̧ri̧dirȩ Jerucharȩräpȩ uëmo̧ a̧dë chjätärea̧ do pio ju̧i̧ jo̧rȩtaji̧ri̧rȩ a̧dopapea̧ oa.

Juan 11:55

Ado uëmo̧ a̧dë chjätärea̧ do üdë ma̧na̧pea̧ ji̧ querediä tjamo̧rëremȩde, do chjätärea̧ do pio judi. Ado pio ju̧i̧iä pumȩ no̧i̧dërë, oëra̧ti̧ oa cjo̧ro̧ji̧ri̧ pio judiro̧ jabërä järëreji̧ri̧dirȩ Jerucharȩräpȩ chjai̧dë gȩrȩ chiadëji̧ri̧mi̧ dari̧ cjiadiäpea̧ oa Ütë tjamo̧ pio ju̧i̧iä.

Juan 13:1

Ado uëmo̧ a̧dë chjätärea̧ do üdë ma̧na̧pea̧ ji̧ querediä tjamo̧rëremȩde. Cja̧rȩmȩ do chjätä ëte tarupapea̧ jabërëremȩde do chjätärea̧ do üdë. Ado Jechu judi, jabechji̧ dabarëremȩde pio jȩa chjiari. ‘Aja̧, cüdë pio yoa chiri oa a̧dë baäpea̧ ji̧ querediäquëda, ca̧ Ama̧i̧ pio ju̧i̧iäpȩ baäpea̧ ji̧ querediäquëda yaba̧’ quëna̧ dabarëremȩde. Ado jibëa̧pea̧ji̧ri̧ pio ji̧ri̧ peadëri ja̧ ea tjamo̧rëremȩdejȩrȩ jibëa̧ jadü pio ji̧ri̧, dai chirirä cjo̧ro̧ji̧ri̧ pio ji̧ri̧. Jabechji̧ eadëpe bagarea̧ decjiari̧ earëremȩdejȩrȩ.

Juan 2:23

Jechu judi Jerucharȩräpȩ ju̧ri̧ cjiadiärëremȩde uëmo̧ a̧dë chjätärea̧ do üdë chjätäa̧rä yuro. Ado ju̧ri̧pȩ cjiadiäa̧ nö̧ta noi̧dërë quëna̧ji̧ri̧pea̧diro̧jo̧ȩ quëna̧dërërea̧ ji̧. Jabechji̧ jauëchja cjiari̧ japamȩ oa dae chjaoa̧ oaiä, jabechji̧ quëna̧mi̧ dari̧ japarëreji̧ri̧diro̧jo̧ȩ.

Juan 5:1

Ja̧dëa ji̧ Jechu judi tjamo̧ cjo̧ro̧mȩ joja pio ju̧i̧ chjaparea̧ duri oa, judio judiro̧ ado a̧dope chjaorëreji̧ri̧dirȩ Jerucharȩ bë ma̧ri̧räpȩ ju̧ri̧ jurapea̧ oa, do chjätärea̧ do tara. Ado pio ju̧i̧iä Jechu pio judiborë järëremȩde.

Juan 6:4

Ado judiorë a̧dopapea̧ do üdë ma̧na̧pea̧ ji̧ querediä tjamo̧rëremȩde uëmo̧ a̧dë chjätärea̧ do pio judi.