Juan 19:2 - Biblia Pume

² Ado guadia judiro̧ jëdano̧rëreji̧ri̧diro̧jo̧ȩ ütë ja̧ yuarea̧mi̧ da oa, o̧ maeara̧. Ado Jechu pio ju̧i̧ acji yua̧diro̧jo̧ȩ. Ado ina̧ tänȩa̧diro̧jo̧ȩ ina̧rea̧ coëcoëara̧, ütërë ina̧rea̧mi̧dara̧.

Juan 19:2 Iomraidhean Croise

Go̧a̧rea̧ 22:6

Go̧dü Tänȩmȩ judi yo̧bëmi̧ go̧ȩparëremȩde Davi judi jabërä. Ja̧di ta̧rëri̧ go̧ȩparëremȩde: A̧dë chjäte gitoi̧ dari̧ tararequede cüdë. Pumȩmi̧ dadëpea̧requede. Ji̧dë ma ya̧e chjaodiro̧coe. Idëri̧ cjia tänȩdiro̧coe. Ma̧ cjüëtüri̧ jo̧rȩtaji̧ri̧rȩ badë dae chjaodiro̧coe pö̧rö̧mi̧ da oa, badëmi̧ da oa.

Ichaia 53:3

Tjamo̧ davä. Pumȩ judiro̧ pio ju̧i̧ ba chia datärea̧ ji̧, a̧dë dae chjaoa̧diro̧jo̧ȩ. Pio ju̧i̧ nö̧ta ëba cjiatämi̧ cjiaji̧ri̧rȩ dadëa̧diro̧jo̧ȩ. Chjai̧dëri̧ japamȩmi̧ da oa daea̧diro̧jo̧ȩ. Pio ju̧i̧iä jabechji̧, badë daea̧diro̧jo̧ȩ. Badë tjamo̧ oa, teracaba oa daea̧diro̧jo̧ȩ. Ado pio ju̧i̧iä gito ana̧ri̧ jo̧rȩtariä cjo̧ro̧rëremȩde. Odi̧ tarari̧ jo̧rȩtamȩrȩ, gitori̧ jo̧rȩtamȩrȩ cjo̧ro̧rëremȩde pumȩ judiro̧ pio jȩa ji̧dë ma conȩda̧ oaiä. Ado pio ju̧i̧ chjuari̧ jiada̧ oaiä, jabechji̧ cjäri̧ri̧ cjiaji̧ri̧rȩ dadëa̧diro̧jo̧ȩ.

Lucas 23:11

Ado ja̧dëa ji̧ Erode A̧tipa judi, jibëa̧ guadiaborë chjaocjiami̧ dari̧ japaji̧ri̧pea̧diro̧jo̧ȩ, airi̧ cjia airi̧ cjia ya̧ji̧ri̧rȩ. Pio ju̧i̧ badë daji̧ri̧rȩ, ba chia dacji̧ quëna̧ japaji̧ri̧rȩ chjibo chjacjiamȩ tjamo̧ra̧ ina̧ tänȩrëreji̧ri̧diro̧jo̧ȩ. Ado ja̧dëa ji̧ ütëcji̧ quëna̧ japea̧diro̧jo̧ȩ. Ado ja̧di dari̧ japea̧ duri oa ado chjereno̧ chjadürëremȩdejȩ Pirato pio ju̧i̧iäpȩmo̧.

Juan 19:5

Ado Pirato judi ja̧di ta̧rëri̧ yo̧a̧ duri oa, jo̧ tjori pio judiri go̧düa̧de Jechu judi. Ütë ja̧ yuarea̧mi̧ da oa yuamȩrȩ, o̧ra̧ japea̧ oa cjiamȩ yuarea̧ oa yuamȩrȩ go̧düa̧de, ina̧rea̧ coëcoëa oa ina̧mȩrȩ. Ado Pirato judi yo̧a̧dejȩrȩ pumȩ ji̧ri̧: —Danȩrȩ, pio jiro üi̧ üdë pio yide.