Juan 19:1 - Biblia Pume

¹ Ado ja̧dëa̧ ji̧ Pirato judi yo̧a̧ oaiä, jibëa̧ guadia judiro̧ co ji̧ra̧ri̧ biderëreji̧ri̧diro̧jo̧ȩ Jechu ju̧i̧, i pënȩ go̧a̧ti̧ chiamȩ biderea̧ra̧.

Juan 19:1 Iomraidhean Croise

Ichaia 50:6

Pio ju̧i̧iämȩrȩ ca̧ icjara oa yürüa̧requedejȩrȩ. Aja̧, ca̧ putu ju go̧a̧ pio ju̧i̧ yürüa̧requedejȩrȩ judiro̧ goae tarari̧ bide cjaeäpea̧ oa. Tjamo̧ davä. Nȩmȩparea̧ decjiari̧ yürüa̧requedejȩrȩ. Ado coa ma̧i̧ dari̧ ya̧ea̧ ji̧, jabechji̧ tja̧rȩparȩdëa̧requedejȩrȩ. Ado coa idëri̧ cjia tänȩa̧ ji̧, jabechji̧ idëri̧ cjia tänȩrea̧ yürüa̧requedejȩrȩ. Ado ca̧ yu̧ra̧ cö̧ pio ju̧i̧ gitoi̧ dari̧ mu̧i̧ cö̧i̧a̧ ji̧, peaja̧di tuti japadëa̧requede. Ado danȩrȩ, ca̧ dacho oa a̧ra̧ a̧ra̧ pju̧i̧no̧a̧ji̧ri̧ oa, peaja̧di eami̧ oa japadëa̧requedejȩrȩ, jabo jabechji̧ pio coaiäpȩmo̧ chjai̧dëri̧ japarea̧ yürüa̧requedejȩrȩ. Aja̧, ca̧ icjara codë oa ma̧i̧ dari̧ conȩdapea̧ oa yürüa̧requedejȩrȩ, Ano̧mȩ Ütë pio ju̧i̧ ja̧ ma̧ȩ oa chjuari̧ quëna̧mȩrȩ.

Ichaia 53:5

Jabo cjäri̧ made, chjai̧dëri̧ japea̧ ma ja̧didë. Pio judi chjai̧dëri̧ japea̧ oaiä japadëa̧dejȩ Ütë tjamo̧ judi, jabo pio a̧ro̧rȩ chjai̧dëri̧ japea̧ pio ju̧i̧iä conȩda̧ oa cjiarëremȩde. Jabechji̧ ibëa̧ ba oaiä bape chjaoa̧ oa cjiarëremȩde. Ibëa̧ chjai̧dë gȩrȩ pio ju̧i̧iä bide cjaeäa̧ oa cjiarëremȩde. Danȩrȩ, judi conȩda̧ oa cjia̧ pio oaiä, chjaparȩa̧ oa cjiami̧ dari̧ cjiadiärëreji̧ri̧rea̧rȩ. Judi gito ana̧ri̧ tara̧ pio oaiä, chjätärea̧ darëreji̧ri̧rea̧rȩ.

Mateo 20:19

Jabechji̧ yürüpadiro̧coe judiodë pio ji̧ri̧iäpȩmo̧ judiro̧ pio coaiäpȩmo̧ airi̧ cjia airi̧ cjia chjaocjiapea̧ oa. Tjamo̧ davä. Judiodë pio judiro̧ coa babui̧ra̧ bide cjaeäpea̧ oa, judiro̧ pio coa toro cji̧dä ëte ja̧bo tänȩpea̧ oa, yürüpadiro̧coe pio ji̧ri̧iäpȩmo̧. Jabo danȩrȩ, tjarari̧ do chjätä ëte, ado chjereno̧ bëdüparequede ⁠—⁠yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi, jënȩ ja̧bopea̧ pio ju̧i̧ chjiari.

Mateo 23:34

Jabo danȩrȩ, dibë chjadëri̧ a̧dopaji̧ri̧ pio ji̧ri̧ chjadüparequededibe ji̧ra̧ tjamo̧ oa, pio dibë chjadëri̧ a̧dopea̧ oa. Aja̧, Ütërë ea jana̧ chjadüa̧ oa ni̧bäji̧ri̧ pio ji̧ri̧, ado urëdi tjamo̧ oa jo̧rȩtaji̧ri̧ pio ji̧ri̧, ado Ütë tjamo̧ ja̧ ma̧ȩ oa a̧ra̧ano̧ji̧ri̧ pio ji̧ri̧ chjadëri̧ chjadüparequededibe. Jabo cjäri̧ marenȩro̧jȩrȩ ⁠—⁠yo̧a̧dejȩrȩ⁠—⁠. O ji̧ri̧ toro cji̧dä ëte, ja̧bo tänȩparenȩro̧jȩrȩ. Ado o ji̧ri̧ judiorë a̧doparea̧ bëräpȩ ju̧ri̧ ji̧ra̧ co bide cjaeä chjaoparenȩro̧jȩrȩ. Ado o ji̧ri̧, jabechji̧ oëra̧ti̧ oa cjiamȩ bë ma̧ri̧ oa cho̧rë jä chjaoparenȩro̧jȩrȩ pio ji̧ri̧ conȩdapea̧ oa.

Lucas 18:33

Ado peaja̧di biderea̧ ca̧i̧ra̧ pio ju̧ri̧ra̧ bide cjaeäpadiro̧coe. Ado ja̧dëa ji̧ ja̧bo tänȩpadiro̧coe. Tjamo̧ davä. Ja̧bo tänȩpadiro̧coe jabo ja̧dëa ji̧ tjarari̧ do chjätä ëte, ado chjereno̧ bëdüparequede —yo̧a̧dejȩrȩ.

Lucas 23:16

Ado pio ju̧i̧iä jabechji̧, ja̧bo tänȩdëpareconȩ jabomo̧ bide cjaeä ëte, baä tänȩpareconȩ jabechji̧ —yo̧mȩrȩ yo̧rëremȩdejȩrȩ. Jabo ütëbodärärë cja̧rȩmȩ ya chiaji̧ri̧mi̧ dari̧ to̧bari̧ dëbë yo̧ji̧ri̧pea̧diro̧jo̧ȩ mai tarari̧ gürë ea cjiari̧: —Jabo cjäri̧ made, baä tänȩdëpea̧de jabo toro cji̧de ja̧bo tänȩpea̧de —ëna̧diäa̧dirȩ—. Aja̧, Baraba pio ju̧i̧mo̧i̧ baä tänȩibe —yo̧a̧diro̧jo̧ȩ. Jabechji̧ dabarëreji̧ri̧dirȩ Pirato judi japariärërea̧ pio ju̧i̧ chjiari. Jabechji̧ uipamȩ nö̧ta uëmo̧ a̧dë chjätärea̧ do pio ju̧i̧ jo̧rȩtarea̧ japamitërä, Pirato pio judi cja̧rȩmȩ pumȩ oa go̧dü tänȩriärëremȩdejȩ, chaärea̧ jo̧räpȩ cjo̧ro̧rëremȩ pio ju̧i̧. Ado pio ju̧i̧iä yo̧a̧diro̧jo̧ȩ.

Lucas 23:23

Jabo pumȩ buba judiro̧, cjäri̧ madiro̧jo̧ȩ, ta̧rë ja̧bodëa̧diro̧jo̧ȩ jabo ji̧dë u̧i̧ järi tjamo̧ji̧ri̧rȩ mai tarari̧ gürë eape bagari̧ ëna̧dië yo̧ji̧ri̧pea̧diro̧jo̧ȩ, judiro̧ Pirato pio ju̧i̧ boadäräa̧mi̧ dari̧ japea̧rä yuro.

Cori̧tio Ma̧ȩ 2 11:24

Ado ju̧i̧ uëri tjamo̧ yo̧ji̧ri̧ judio pio judiro̧ yo̧a̧ oaiä, cja̧ȩta̧ra̧ ichimo̧ co mitërëreji̧ri̧diro̧coe pio coa goae tarari̧ bide cjaeäpea̧ oa. Ado danȩrȩ ca̧ oti̧, judiro̧ coa mitëa̧mi̧ nö̧ta, jabomo̧ yo̧a̧ri̧mo̧i̧ co bidedëa̧diro̧coe, jabo 39 co bide cjaeärëreji̧ri̧diro̧coe. Tjamo̧ davä, judiro̧ coa mitëa̧mi̧ nö̧ta, 39 co acji cjatäa̧dique ca̧ go̧a̧ oa biderea̧ ca̧i̧ üdë.

Ebereo Ma̧ȩ 11:36

Ado quëna̧ji̧ri̧ o ji̧ri̧ ma̧i̧ dari̧ ya̧rëreji̧ri̧diro̧jȩrȩ jibë eadëji̧ri̧ judiro̧. Co ji̧ra̧ri̧ bide cjaeärëreji̧ri̧diro̧jȩrȩ, a̧dë chjäte gitori̧. O ji̧ri̧ peaja̧di chaä tänȩa̧diro̧jȩrȩ, chatu chiamȩ chjipararira̧ yura̧ oa cjiaji̧ri̧rȩ.

Pedro Ma̧ȩ 1 2:24

Jabechji̧ judi toro ja̧boa̧rä, a̧ro̧rȩ chjai̧dëri̧ japea̧ pio ju̧i̧ tuti aramȩrȩ ja̧borëremȩde, a̧ro̧rȩ chjai̧dërë yo̧a̧ chja̧oerä cjo̧ro̧chea oa. Tjamo̧ davä ca̧ oti̧. Pio ibë chjiari ja̧borëremȩde a̧ro̧rȩ coëma cjiari̧ cjo̧ro̧pea̧ oa, a̧ro̧rȩ chjai̧dëri̧ cjo̧ro̧rërea̧ pio ju̧i̧ a̧dë ja̧boa̧mi̧ dari̧ cjo̧ro̧pea̧ oa. Jabechji̧ a̧ro̧rȩ ma̧i̧ da co chiami̧ dari̧ cjo̧ro̧rërea̧ ji̧, a̧ro̧rȩ ja̧bopea̧ querediä tjamo̧ji̧ri̧mi̧ dari̧ cjo̧ro̧rërea̧ ji̧, jabechji̧ ma̧i̧ da co chiamȩrȩ cji̧däa̧ oa cjiarëremȩde toro, pio a̧ro̧rȩ chjadëri̧ chjaparȩa̧ oa cjiami̧ dari̧ cjiapea̧ oa, pio a̧ro̧rȩ co chjami̧ dari̧ ano̧ mire cjiapea̧ oa.