Juan 18:5 - Biblia Pume

⁵ Ado judiro̧: —Chjia oa na̧tadë, jabechji̧ Jechu pio ju̧i̧ na̧tarea̧ro̧jo̧ȩ, Nacharë bë ma̧ri̧rimȩ pio ju̧i̧ —yo̧a̧diro̧jo̧ȩ. Ado ja̧dëa ji̧ Jechu judi yo̧a̧dejȩrȩ: —Pio judirequede —yo̧a̧dejȩrȩ. Ado Juda judi, u̧i̧pë gatë tänȩmȩ pio judi ëba cjiarëremȩdejȩrȩ.

Juan 18:5 Iomraidhean Croise

Mateo 2:23

Ado pio ju̧i̧iä Nachare quȩmȩ bë ma̧ri̧räpȩ baärëreji̧ri̧dirȩ cjo̧ro̧pea̧ oa. Aja̧, Joche judi, Maria jini̧, ado Jechu judi ja̧dira̧ baärëreji̧ri̧dirȩ. Ado pio ju̧i̧iä tjamo̧i̧ cjiari̧ cjiadiärëremȩde ma̧ȩ üdë, Ütërë ea jana̧ chjadüa̧ oa ni̧bämȩ pio judi jabërä ni̧bärërea̧ ma̧ȩ üdë. Jabechji̧ ja̧di ta̧rëri̧ yo̧rëremȩde: "'Aja̧, Nachareri pio judirimȩde’ yo̧eji̧ri̧dirȩ pumȩ judiro̧ pio ju̧i̧ chjiari.” Aja̧, ja̧di ta̧rëri̧ go̧ȩpea̧ oa cjiarëremȩde ma̧ȩ üdë jabërä Jechu pio ju̧i̧ chjiari, judi Nachareri pio judirimȩ pio ju̧i̧ chjiari. Ado pio ju̧i̧iä pio ju̧ri̧pȩ baärëremȩde Joche judi jibëa̧ pumȩ pio ji̧ri̧ nö̧ta.

Mateo 21:11

Ado Jechu pio ju̧i̧ nö̧ta tai̧ji̧ri̧ pumȩ pio judiro̧ no̧i̧dërë dëbë yo̧rëreji̧ri̧diro̧jȩrȩ: ⁠—⁠Danȩrȩ, Ütërë ea jana̧ chjadüa̧ oa ni̧bämȩ pio judide ⁠—⁠dëbë yo̧a̧diro̧jȩrȩ⁠—⁠. Jechu pio judide. Nachare quȩmȩ bë ma̧ri̧rimȩde, Garirea̧ quȩmȩ chiririmȩ pio judide ⁠—⁠dëbë yo̧a̧diro̧jȩrȩ.

Juan 1:46

Ado pio ju̧i̧ ta̧rëa̧ oaiä Natanera judi dëbë yo̧a̧dejȩ: —Jabo cjäri̧ made, ibë a̧dopamȩ pumȩ judi Nachare quȩmȩ bë ma̧ri̧ri pio judiri go̧dürea̧mi̧dëde. Jabechj, pio jiro bë ma̧ri̧ üdë ba chiadëde. Jabo Pjeripe judi dëbë yo̧a̧dejȩ: —Jaeibe. Goëdetäro̧jo̧ȩ.

Juan 18:4

Ado Jechu judi, jabechji̧ chjö̧na̧i̧ oa dabarëremȩde jabërä. ‘Ja̧di dari̧ japapadiro̧coada’ quëna̧ daba marëremȩde. Ado pio ju̧ri̧pȩ acji go̧düdäräa̧ji̧ri̧ oa dëbë cjiadärämȩrȩ, iëno̧ë ta̧rëa̧dejȩrȩ: —¿Chjia oa na̧tanȩrȩ? —yo̧a̧dejȩrȩ.

Juan 18:6

Ado Jechu judi pio ji̧ri̧iäpȩmo̧ dëbë yo̧a̧ ji̧, “Pio judirequede” yo̧a̧ ji̧, jabechji̧ duriräpȩmo̧ cjatäa̧ maeadirȩ daburo ütëborë.

Juan 19:19

Ado Pirato judi ma̧ȩ oa go̧ȩparëremȩde Jechu pio ju̧i̧ chjiari. Ado Jechu ja̧ tjübë uërä ju̧ri̧ cji̧däa̧ oa cjia tänȩa̧dejȩ toro. “Jechu judi Nacharerimȩ judi, judio ja̧ Ütëde” yo̧mȩ ma̧ȩ oa go̧ȩparëremȩde.